Morgunblaðið - 21.09.2003, Blaðsíða 29
FRÉTTIR
MORGUNBLAÐIÐ SUNNUDAGUR 21. SEPTEMBER 2003 29
SÍMON vandlætari er tí-undi í röðinni á nafna-lista Lúkasarguðspjallsog í Postulasögunni(enda sami höfundur þar
að verki á báðum stöðum), en ell-
efti í hinum samstofna guðspjöll-
unum tveimur. Hans er síðan ekki
frekar getið í Nýja testamentinu.
En sökum þessa viðurnefnis
þykjast menn geta ráðið dálítið í
postulann og áhugasvið hans, og
þá er raunar gengið út frá því að
Símon hafi verið meðlimur í her-
skáum gyðinglegum trúflokki, sem
barðist gegn Rómverjum í Palest-
ínu frá árinu 6. e. Kr. og þar til
Jerúsalem féll árið 70, og nefndist
sílótar eða vandlætarar. Hafa því
verið gerðir skórnir, að jafnvel allir
í fjórðu einingu postulahópsins hafi
verið á þessum nótum – auk Sím-
onar þeir Jakob Alfeusson, Júdas
Taddeus og Júdas Ískaríot. Um-
ræddir sílótar væntu Messíasar,
sem lengi hafði verið spáð í fornum
ritum að myndi koma og frelsa
þjóðina. Í augum þeirra var bara
einn Guð og konungur, og honum
einum báru fórnir; með það að leið-
arljósi neituðu umræddir flokks-
menn t.d. að greiða Rómverjum
skatt. Eins og nefnt var í síðasta
þætti kann að vera að Messías-
arvonin hafi orðið til þess að fjór-
menningarnir hafi gengið til liðs
við Jesú á sínum tíma og orðið
postular hans, en ekki áttað sig á
því fyrr en eftir á hvers eðlis þessi
konungur var og Júdas Ískaríot,
sem e.t.v. hefur átt að verða trú-
boðsfélagi Símonar upphaflega, þá
kvatt hópinn.
Hér er rétt að skjóta því inn í, að
viðurnefni Símonar – í gríska text-
anum kananaios (þ.e.a.s. í elstu
handritum; í yngri textum stendur
kananites) – er umritun á hinu ara-
meiska kun’anaia, sem merkir
„áhugamaður“, „ákafamaður“,
„kappsmaður“, „ofstækismaður“,
„öfgamaður“ eða eitthvað þvíum-
líkt; sagnorðið er kana, „að vera af-
brýðisamur“ eða „vandlátur“.
Fyrstu tvö guðspjöllin umrita sem-
itísku orðmyndina, en Lúkas þýðir
hana og úr verður selotes. Vegna
hinnar mjög svo breiðu merkingar,
eins og að framan má lesa, hafa
sumir dregið í efa að postulanum
hafi áskotnast þetta auknefni af
tengslum við sílótana, heldur
miklu fremur af áhuga sínum og
krafti við útbreiðslu fagnaðar-
erindisins.
Heimild frá 2. öld telur að Símon
hafi verið fiskimaður og tekið kalli
Jesú á sama tíma og Andrés, Pét-
ur, Sebedeussynir, Júdas Taddeus
og Júdas Ískaríot.
Á 4. öld var farið að tengja hann
við Kana í Galíleu, vegna áhrifa frá
Híerónýmusi kirkjuföður (347-
419), en nú eru flestir á því að
ástæðan hafi verið sú, að um rang-
þýðingu á kananites hafi verið að
ræða. Þetta leiddi hins vegar af sér
þá trú, sem enn er við lýði í grísku
kirkjunni, sem og þeirri koptísku
og eþíópísku, að Símon vandlætari
og Natanael (en hann var frá
Kana) hefðu verið einn og sami
einstaklingurinn, og e.t.v. brúð-
guminn sjálfur í veislunni miklu
þar í borg (gríska kirkjan). Þá vilja
sumir gera hann að bróður Jakobs
Alfeussonar, Júdasar Taddeusar
og Matteusar, og enn aðrir að bisk-
upi Jerúsalemborgar, eftir að Jak-
ob, bróðir Drottins, leið þar písl-
arvættisdauða.
Í riti frá 5. öld er Símon talinn
hafa verið annað hvort af ættkvísl
Sabúlon eða Naftalí.
Trúboðsferðir hans er erfitt að
rekja með vissu, en af honum
spyrst m.a. í Júdeu, Egyptalandi,
Líbýu, Kýrenaiku, á Spáni, í Bret-
landi og ekki hvað síst í Persíu, þar
sem Júdas Taddeus er með hon-
um. Ein heimild segir þá félaga
hafa verið drepna þar (í borginni
Suanis eða á Araratfjalli, nálægt
Ardaze), en aðrar ýmist að Símon
hafi verið krossfestur í Jerúsalem,
í Caistor í Lincolnskíri á Englandi
(og grafinn þar 10. maí árið 61 eða
svo), á Íberíuskaganum, eða í
Abkhazia við Svartahaf (grafinn í
borginni Nikopsia við Sukhum).
Og fleiri dánarstaðir hafa verið
nefndir og margvíslegur dauðdagi
(skorinn á háls, drepinn með lensu
eða örvum, sagaður í tvennt). Jarð-
neskar leifar hans eru að megninu
til sagðar vera í Péturskirkjunni í
Róm og í Toulouse í Frakklandi.
Helstu einkennistákn Símonar
eru annars vegar fiskur á bók, eða
hún ein og sér eða bókrolla, (al-
gengast fyrir 13. öld), og hins veg-
ar sög (fer að tíðkast á 15. öld), eins
og á myndinni sem pistlinum
fylgir, eftir Georges de La Tour
(1593-1652). Einnig koma fyrir
sverð og lensa, en þó mun sjaldnar.
Í bókinni nöfn Íslendinga er
þetta ritað um mannsnafnið Sím-
on:
Nafnið hefur verið notað hér frá því á 12. öld.
Það kemur fyrir í Landnámu, Sturlungu og í
fornbréfum, einnig í nafnatali séra Odds á
Reynivöllum frá 1646. Samkvæmt manntali
1703 voru 63 karlar skráðir með þessu nafni
en 50 árið 1801. Árið 1910 voru nafnberar 65
en í þjóðskrá 1989 voru 182 karlar skráðir
svo, þar af 31 karl að síðara nafni af tveimur.
Það er þekkt á Norðurlöndum frá því á mið-
öldum og tíðkast í ensku- og þýskumælandi
löndum.
Nafnið er sótt til Biblíunnar og er upphaflega
komið úr hebresku Schimeon „bænheyrsla“.
Hinn 31. desember 2001 báru
179 Íslendingar nafnið sem fyrsta
eiginnafn og 37 sem annað.
Austurkirkjan er með Sím-
onsmessu 10. maí (Grikkir og
Koptar) og 1. júlí (annars staðar),
en vesturkirkjan heldur sameig-
inlegan messudag þeirra Júdasar
Taddeusar og Símonar vandlæt-
ara, 28. október ár hvert. Á ís-
lensku nefnist hann tveggja-
postulamessa.
sigurdur.aegisson@kirkjan.is
Af hverju er við-
urnefni hans dregið?
Af öfgafullum þjóð-
ernissinnum 1. aldar,
hryðjuverkamönn-
um þess tíma, eða af
ákafa hans við boðun
fagnaðarerindisins?
Sigurður Ægisson
er með þetta til skoð-
unar í dag og fleira
sem postulanum við
kemur.
Lærisveinarnir 12
Símon vandlætari
Mjög fallegt og vel skipulagt 203
fm parhús ásamt innbyggðum bíl-
skúr. Húsið er á tveimur hæðum
og er staðsett í lokaðri götu. Allar
innréttingar eru vandaðar, baðher-
bergin eru nýlega standsett á fal-
legan hátt. Mikið skápapláss. Parket og flísar á gólfum. Góð suðurver-
önd og garður. Gott hús á rólegum og góðum stað.
Guðmundur og Sólrún taka á móti þér og þínum
í dag á milli kl. 14 og 17.
SJÓN ER SÖGU RÍKARI
FJÁRFESTING
FASTEIGNASALA ehf.
Sími 562 4250 • Borgartúni 31 • www.fjarfest.is
Hilmar Óskarsson, Guðjón Sigurjónsson, Rósa Guðmundsdóttir.
Lögfr.: Pétur Þ. Sigurðsson hrl.
Opið hús í dag í
Heiðnabergi 9 - Reykjavík
Jóhannes Ásgeirsson hdl., lögg. fasteignasali
F A S T E I G N A S A L A
SUÐURLANDSBRAUT 10, 2. HÆÐ F/OFAN BLÓMASTOFU FRIÐFINNS, 108 REYKJAVÍK
SÍMI 533 1616 FAX 533 1617
OPIN HÚS Í DAG FRÁ KL. 14.00-17.00
Þinghólsbraut 74 - Kópavogi
Suðurhólar 8 - 3. hæð til hægri
Veghús 27 - 5 herb. á tveimur hæðum
Vorum að fá í einkasölu fallegt og mikið
endurnýjað ca 203 fm einbýli ásamt nýleg-
um 40 fm bílskúr (jeppaskúr). 4-5 svefnher-
bergi, góðar stofur. Húsið er nýlega klætt
með Steni. Nýjar innréttingar í eldhúsi, end-
urnýjað baðherbergi og gólfefni. Skipti á
minni eign í vesturbæ Kópavogs möguleg.
V. 31,5 m. 3776
Vorum að fá í einkasölu fallega 106 fm 4ra
herbergja íbúð á 3. hæð. Rúmgott hol
(sjónvarpshol), stórt flísalagt baðherbergi
með baðkari og sérsteyptum sturtuklefa,
gott eldhús með ágætri eldri innréttingu og
nýjum tækjum og stór stofa. Suðursvalir.
Útsýni. Nýlegt parket á gólfum. V. 12,7 m.
3786
Mjög rúmgóð og falleg 5 herbergja íbúð á
tveimur hæðum sem skiptist í: Neðri hæð:
Forstofa, stofa, borðstofa, eldhús og gesta-
snyrting. Efri hæð: Stigi, gangur, þrjú svefn-
herbergi, baðherbergi og þvottahús
geymsla. Stórar suðursvalir. Gólfefni: Parket
og flísar. Falleg íbúð sem vert er að skoða.
V. 18,2 m. 3812
Ingólfur G. Gissurarson, logg. fast. - www.valholl.is - Opið virka daga frá kl. 9-17.30.
Þórarinn sölumaður Valhallar
gefur upplýsingar í dag í síma 899 1882.
Vorum að fá í sölu glæsilegar 2ja herb., 3ja herbergja og rúmgóðar 4ra herbergja íbúðir í nýju lyftuhúsi.
Íbúðirnar afhendast fullfrágengnar án gólfefna með sérsmíðuðum Íslenskum innréttingum frá Eldhúsi
og Bað og ná skápar uppí loft bæði fataskápar og í eldhúsi. Afhending verður í mars- apríl 2004.
• 2 lyftur í húsinu
• Allir skápar uppí loft.
• Góðar svalir
• Sérgarður m jarðhæðaríb.
• Flísal. Baðherb.
• Vandaður frág.
Traustur byggingaraðili Dverghamrar ehf.
Berjavellir 6 - Hafnarfirði
HJÁLMAR W. Hannesson, fasta-
fulltrúi Íslands hjá Sameinuðu þjóð-
unum, og Abdulaziz Bin Nasser Al-
Shamsi, fastafulltrúi Sameinuðu ar-
abísku furstadæmanna hjá
Sameinuðu þjóðunum, undirrituðu
samkomulag 17. september sl. um
stofnun stjórnmálasambands milli
Íslands og Sameinuðu arabísku
furstadæmanna.
Samkomu-
lag um
stjórnmála-
samband
LÖGREGLAN í Reykjavík lýsir eft-
ir vitnum að ákeyrslu á gráa Kia
Clarus-bifreið við Síðumúla 21, Sel-
múlamegin. Atvikið átti sér stað hinn
16. september á milli kl. 11 og 15.30
þar sem Kia-bifreiðin stóð kyrrstæð
og mannlaus á bifreiðastæði. Tjón-
valdur yfirgaf vettvanginn án þess
að tilkynna tjónið til hlutaðeiganda
eða lögreglu. Því er hann eða aðrir
sem geta gefið frekari upplýsingar
beðnir að snúa sér til umferðardeild-
ar lögreglunnar í Reykjavík.
Lýst eftir
vitnum
HJÁLMAR W. Hannesson sendi-
herra hefur afhent Kofi Annan, aðal-
framkvæmdastjóra Sameinuðu þjóð-
anna, trúnaðarbréf sem fastafulltrúi
Íslands hjá Sameinuðu þjóðunum.
Afhenti
trúnaðarbréf
HUGVEKJA