Morgunblaðið - 30.10.2003, Blaðsíða 17

HÖFUÐBORGARSVÆÐIÐ
MORGUNBLAÐIÐ FIMMTUDAGUR 30. OKTÓBER 2003 17
Frönsk undirföt
Opið virka daga frá kl. 11-18,
laugardaga frá kl. 11-15.
undirfataverslun
Síðumúla 3
fyrir fjölskylduna
KRINGLAN
SMÁRALIND
HALLÓ
KRAK
KAR
- ÉG H
EITI
BOMM
SI
DAGANA 30. OKTÓBER
TIL 5. NÓVEMBER
ERU KRAKKADAGAR Í
STEINARI WAAGE
BOMMSI ER MÆTTUR AFTUR MEÐ SKÍRTEININ
SÍN OG NÚ VEITIR HANN ÖLLUM KRÖKKUM
10% AFSLÁTT AF NÝJUM SKÓM.
(Hann heldur líka áfram að gefa Barnaspítala Hringsins
100 krónur af hverju seldu barnaskópari)
Komið með gömlu skírteinin ykkar og við bætum í
þau afsláttarstimplum sem eru komnir í þau nýju!
-10% -10% -10%
Kjarvalsstöðum | Fjórða sýningin í
röð myndlistarsýninga Listar án
landamæra, sem haldnar eru í norð-
ursal Kjarvalsstaða, verður opnuð
kl. 17 í dag, fimmtudag. Um er að
ræða sýningu á samvinnuverkum
Karls Guðmundssonar og Rósu
Kristínar Júlíusdóttur og markar
hún upphaf listahátíðar Listar án
landamæra sem stendur í eina viku.
Karl Guðmundsson (Kalli) stund-
aði nám á barna- og unglinga-
námskeiðum í Myndlistaskólanum á
Akureyri í fimm ár og í nokkur ár
hefur hann komið á vinnustofu Rósu
Kristínar Júlíusdóttur til náms og
leiks. Rósa Kristín útskrifaðist úr
málunardeild Listaakademíunnar í
Bologna á Ítalíu árið 1972. Hún
kenndi við Myndlistaskólann á Ak-
ureyri frá árinu 1980 til ársins 2000.
Síðastliðið vor lauk Rósa Kristín
meistaraprófsnámi frá Háskólanum
á Akureyri en rannsóknarverkefni
hennar fjallar um mat ungmenna á
gildi listar í lífi sínu út frá tilgátu
um mótun sjálfkenndar eða frá-
sagnarsjálfs. Hún er lektor í mynd-
listarkennslu við Háskólann á Ak-
ureyri og stundakennari við
Listaháskóla Íslands. Rósa Kristín
hefur haldið einkasýningar og tekið
þátt í fjölda samsýninga bæði hér
heima og erlendis.
Karl og Rósa Kristín hafa haldið
tvær sýningar í Samlaginu listhús á
Akureyri, árið 2000 og 2002 en hin
síðari var einnig sett upp á Sauð-
árkróki. Samvinna þeirra fer fram á
tvo vegu; í fyrsta lagi „lánar“ Rósa
Kristín Kalla stuðning við hönd
hans þegar hann málar eða teiknar
og þá á hann alfarið einn hugmynd-
irnar að þeim verkum. Hins vegar
vinna þau sameiginleg verk, textíl-
verk þar sem Kalli málar á bómull,
striga eða silki en Rósa Kristín tek-
ur síðan við og setur undir efnið vatt
eða stopp og bak, vattstingur síðan
verkið eða saumar út í það. Eitt slíkt
verk er á sýningunni á Kjarvals-
stöðum en á henni eru fyrst og
fremst máluð verk eftir Kalla, en
hann kýs yfirleitt að mála á
„óprepareraðan“ striga. Einnig
verður verk þar sem teflt er saman
máluðum myndum Kalla og saum-
uðum myndum Rósu Kristínar.
Sýningin stendur til 9. nóvember.
Aðrir viðburðir á hátíðinni
Föstudagur
Myndlistarsýningar í Borg-
arbókasafni – Aðalsafni, Kringlu-
safni, Foldasafni og Gerðubergi.
Myndlistar- og handverkssýn-
ingar í Bankastræti 5. Sýningin er
opin kl. 14–18 til 3. nóv.
Laugardagur kl. 14
Fyrirlestur Karls Guðmunds-
sonar og Rósu Kristínar Júlíus-
dóttur á Kjarvalsstöðum.
Mánudagur kl. 13–15
Opið hús í Ásgarði, Bjarkarási og
hæfingastöðinni í Keflavík. Vinnu-
stofur opnar daglega til 5. nóv-
ember.
Þriðjudagur kl. 20
Leiklist í Nýja sal Borgarleik-
hússins. Perlan, Leikfélag Sólheima
og leikhópar frá Ásgarði, Borg-
arholtsskóla og Fjölbrautaskóla
Garðabæjar.
Miðvikudagur kl. 20
Tónleikar í Salnum í Kópavogi.
Meðal þeirra sem koma fram eru
Plútó og Egill Ólafsson, Blikandi
stjörnur, Rokkhundarnir, Hryn-
sveitin, M&M dúettinn og KK og
Bjöllukór Tónstofu Valgerðar.
Listahátíð í eina viku
Rósa K. Júlíusdóttir og Karl Guðmundsson vinna hér saman að listaverki.
List án landamæra
á Kjarvalsstöðum
Reykjavík | Sjálfstæðismenn í
íþrótta- og tómstundaráði Reykja-
víkur telja rétt að styrkja Bretta-
félag Reykjavíkur um 200 þúsund
krónur til að bæta öryggismál þar
sem félagið hefur aðstöðu. Segja
þeir félagið hið eina sinnar tegundar
á höfuðborgarsvæðinu og þjóni
íþróttaiðkendum á línuskautum,
hjólabrettum, BMX-hjólum og
fleiru. Einnig er vilji til að skoða
hvort unnt sé að styrkja félagið til að
taka á leigu stærra og hentugra hús-
næði sem því stendur til boða í sama
húsi við Seljaveg. Brettafélag
Reykjavíkur hefur einnig óskað eftir
stuðningi til að ráða starfsmann á
launum. Afgreiðslu málsins var
frestað á fundi ráðsins.
  
Betri brettaaðstöðu
Umferðarljós | Á morgun, föstu-
dag, klukkan 14.00 verður kveikt á
nýjum umferðarljósum á gatnamót-
um Langholtsvegar og Álfheima.
Þangað til verða ljósin látin blikka á
gulu ljósi.
Ökumenn eru beðnir um að sýna
aðgát og tillitssemi á meðan.
Hafnarfirði | Kynningarfundur á
deiliskipulagi fyrir Hleina að
Langeyrarmölum var haldinn í síð-
ustu viku. Á fundinum var kynnt
tillaga að breytingu á deiliskipu-
lagi svæðisins vegna Eyrartjarnar.
Að sögn fréttavefjar Hafnarfjarðar
lögðu samtökin Eyrartjörn í Hafn-
arfirði fram fyrir bæjaryfirvöld til-
lögu að 48 íbúða byggingu fyrir
fólk 60 ára og eldri. Húsin eiga að
rísa á lóð sem samtökin hafa feng-
ið vilyrði fyrir við Herjólfsgötu.
Íbúðirnar eru hannaðar út frá
þörfum eldri borgara og verður
margskonar öryggisbúnaður í
íbúðunum auk þess sem bílakjall-
ari verður í húsunum. Mikilvægt
er talið að hin nýja byggð falli að
því byggðamynstri sem er í gamla
vesturbænum. Í tillögunni er unnið
með brött þök og reynt er að
brjóta hvert hús upp í minni ein-
ingar með stórum lóðréttum gler-
flötum, útbyggingum og kvistum.
Húsin verða að sögn hin vönd-
uðustu, einangruð að utan og
klædd álplötum, ýmis sléttum eða
báruðum. Langeyrarmalirnar eru
taldar góðar til búsetu og í könnun
sem gerð var meðal eldri íbúa bæj-
arins kom í ljós mikill áhugi fyrir
búsetu á mölunum. Auk þess er
þar talið um spennandi kost að
ræða vegna nálægðar við sjó og
miðbæ og gott útsýni til allra átta.
Nýjar íbúðir fyrir
eldri borgara
Morgunblaðið/Jim Smart
Fyrirhugað byggingasvæði við Herjólfsgötu er nálægt miðbænum.