Morgunblaðið - 30.10.2003, Page 56

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FIMMTUDAGUR 30. OKTÓBER 2003 VERÐ Í LAUSASÖLU 190 KR. MEÐ VSK.
Sími 588 1200
Brautryðjandi í
lægra lyfjaverði.
Gerðu verðsamanburð!
Í GRASAGARÐINUM í Laugardal í Reykjavík eru hinar
svonefndu tjarnargæsir tíðir gestir og ganga þar í um-
hverfi sem hefur nú tekið á sig kuldalega vetrarmynd,
ekki síst í kvöldhúminu. Að sögn Jóhanns Óla Hilmars-
sonar fuglafræðings hafa þessar gæsir aðlagast borgar-
lífinu og hafa langflestar vetrarsetu hér. Sumar munu
þó vera að tygja sig til brottferðar til suðlægari heim-
kynna. Jóhann Óli segir að stofninn telji um 500 fugla
sem aðallega verpi í Heiðmörk og á Álftanesi. Hvort þess-
ar tvær ætla sér að dvelja í borginni í vetur skal ósagt lát-
ið en það var að minnsta kosti ekkert fararsnið á þeim er
ljósmyndari var á ferð í Grasagarðinum.
Morgunblaðið/Kristinn
Gæsagangur í Grasagarði
FORSTJÓRI Fjármálaeftirlitsins, Páll Gunnar
Pálsson, segir mikilvægt að Fjármálaeftirlitið
beiti sér í því að styrkja umgjörð og aðhald um
verðbréfamarkaðinn, meðal annars með fyrir-
byggjandi aðgerðum. Þetta kom fram í erindi
Páls Gunnars á ársfundi Fjármálaeftirlitsins í
gær.
Að sögn Páls Gunnars miðast fyrirbyggjandi
aðgerðir að því að takmarka hættu á innherja-
svikum, markaðsmisnotkun og brotum á upp-
lýsingaskyldu. Á síðustu árum hefur Fjármála-
eftirlitið lagt hart að útgefendum skráðra
verðbréfa að skapa hjá sér umgjörð um starf
sitt á verðbréfamarkaði sem m.a. á að takmarka
verulega hættu á innherjasvikum ef rétt er á
málum haldið. „Treglega hefur gengið að koma
þessari umgjörð á hjá öllum útgefendum
skráðra verðbréfa og hefur Fjármálaeftirlitið
þurft að beita dagsektum í því skyni. Fjármála-
eftirlitið hefur í nokkrum tilvikum haft afskipti
af félögum sem ekki hafa náð að festa þessa fyr-
irbyggjandi umgjörð nægilega í sessi. Dæmi um
það eru viðskipti fruminnherja stuttu fyrir birt-
ingu uppgjöra,“ segir Páll Gunnar.
Þessar aðgerðir eru að mati Fjármálaeftir-
litsins að skila sér hægt og bítandi. Þær eiga að
skila sér m.a. í því að málum sem Fjármálaeft-
irlitið vísar til ríkislögreglustjóra ætti að fara
fækkandi. Hann sagði að brot myndu fremur
lúta að því að ferli við meðferð innherjaupplýs-
inga hefði ekki verið fylgt, svo sem því að gera
grein fyrir tímabundnum innherjum. Af 17 mál-
um í þessum málaflokki sem tekin voru til ít-
arlegrar athugunar frá miðju ári 2002 til miðs
árs 2003 hefur engu máli verið vísað til ríkislög-
reglustjóra. Tveimur málum er þó ólokið. Í sjö
tilvikum voru hins vegar gerðar athugasemdir
og úrbóta krafist. Í sumum þeirra tilvika hefði
Fjármálaeftirlitið að sögn Páls Gunnars að öll-
um líkindum beitt stjórnvaldssektum, hefðu þá
verið fyrir hendi heimildir sem komu nýjar inn í
lög um verðbréfaviðskipti hinn 1. júlí sl.
Forstjóri Fjármálaeftirlitsins telur að auka þurfi aðhald með verðbréfamarkaði
Nauðsynlegt að takmarka
hættu á innherjasvikum

Aukið/B6

Innherji/B16
Morgunblaðið/Jim Smart
Af ársfundi Fjármálaeftirlitsins í gær.
STEFNT er að því að ná upp upp-
skeru á um 400 hekturum af hör í
haust, en vinnu við að ná uppsker-
unni af ökrunum er að ljúka. Þórð-
ur Hilmarsson, framkvæmdastjóri
Feygingar, en það fyrirtæki sér um
að vinna hörinn, segir að hörinn sé
vel þroskaður og í góðu standi. Vel
hafi gengið að ná uppskerunni í
hús, en veður síðustu daga hafi þó
tafið vinnuna.
Með svokallaðri feygingu er unn-
ið lín úr hörnum. Línið er m.a. not-
að til að búa til mottur og teppi í
bíla og tilraunir hafa verið gerðar
með að nota það í plastiðnaði.
Þórður segir að horfur séu á að
uppskeran í ár verði 2.000–2.500
tonn. Hör hafi í sumar verið rækt-
aður á um 400 hekturum en um 100
hekturum í fyrrasumar. Þetta sé
þriðja sumarið sem hörrækt sé
stunduð á vegum Feygingar. Hann
segir að menn séu að læra á þessa
ræktun, en eitthvað sé þó um að
hún skili ekki tilætluðum árangri.
Hann segist eiga von á að 85–90%
af ökrunum skili þeim árangri sem
að var stefnt.
Verktakar vinna nú að uppskeru
með sérstökum vélum. Ekki er um
hefðbundinn uppskurð að ræða því
að hörplöntunni er kippt upp úr
moldinni með rótum.
„Við erum núna að undirbúa af-
kastaaukningu í verksmiðju okkar í
Þorlákshöfn og við gerum ráð fyrir
að fara af stað á fyrstu mánuðum
næsta árs í full afköst. Til þess
þurfum við að fjárfesta í viðbót-
arbúnaði,“ sagði Þórður.
Stærstu hluthafar í Feygingu
ehf. eru Orkuveita Reykjavíkur,
sveitarfélagið Ölfus, Íslensk ný-
sköpun ehf., Iðntæknistofnun Ís-
lands og Rannsóknastofnun land-
búnaðarins. Aðrir hluthafar eru
m.a. Hitaveita Suðurnesja, Hita-
veita Þorlákshafnar og Frum-
kvöðull, félag um áhættufjárfesting-
ar Burðaráss.
Horfur á að höruppskera
verði 2.000–2.500 tonn
Hörinn er vel
þroskaður og í
góðu standi
NÚ eru síðustu forvöð að koma
saman efnahagsreikningi 1. jan-
úar 2004 til samræmis við alþjóð-
legu reikningsskilastaðlana til
þess að fjárhæðir í reikningsskil-
um 2005 verði samanburðarhæfar
við árið 2004. Þetta segir Þórður
Friðjónsson, forstjóri Kauphallar
Íslands, en samkvæmt tilskipun
Evrópusambandsins verða teknir
upp alþjóðlegir reikningsskila-
staðlar á Evrópska efnahags-
svæðinu 1. janúar 2005.
Fyrirtækjum með samstæðu-
reikningsskil sem eru skráð í
kauphöllum á EES er skylt að
birta reikningsskil sín samkvæmt
stöðlunum frá þeim tíma og að
sögn Þórðar á það við um flest
fyrirtæki sem skráð eru í Kaup-
höll Íslands, en þau eru um fjöru-
tíu.
Össur hf. birti í síðastliðinni
viku fyrsta uppgjörið sem unnið
er í samræmi við alþjóðlegu
reikningsskilastaðlana og hefur
samstæðan nú þegar samræmt
reikningsskil allra dótturfyrir-
tækja sinna um allan heim. Hins
vegar munu nokkuð margar
skráðar fyrirtækjasamstæður
eiga talsvert langt í land og sum-
ar jafnvel ekki enn hafa hafið
undirbúning fyrir innleiðingu
staðlanna, samkvæmt upplýsing-
um sem Morgunblaðið aflaði sér.
Vinna við frumvarp
að hefjast
Vinna við að þýða staðlana yfir
á íslensku er nýhafin og í kjölfarið
munu endurskoðunarskrifstofur
væntanlega taka að sér að sam-
ræma þá á faglegum grunni.
Einnig hefur fjármálaráðuneytið
ákveðið að skipa vinnuhóp sem
ætlað er að fjalla um hvort al-
þjóðastaðlarnir skuli ná til ann-
arra fyrirtækja en skylt er og
hverju þurfi að breyta í núgild-
andi lögum um ársreikninga
vegna þessa máls.
Nýir reiknings-
skilastaðlar undir-
búnir vegna EES

Eigum að vera/B1, B8–9
ALLT stefnir í að útflutningur á ferskum
fiskflökum með flugi frá Íslandi verði meiri
á þessu ári en nokkru sinni fyrr.
Útflutningur á ferskum flökum með flugi
hefur vaxið jafnt og þétt á undanförnum ár-
um. Á síðasta ári var meira flutt út af fersk-
um flökum en nokkru sinni fyrr, alls 13.561
tonn, og ekkert bendir til að dragi úr út-
flutningnum á þessu ári. Á fyrstu átta mán-
uðum ársins voru flutt út 9.262 tonn af
ferskum flökum á erlenda markaði, að verð-
mæti ríflega 5.413 milljónir króna. Það er
um 6% aukning í magni talið frá sama tíma
síðasta árs en verðmætið hefur hins vegar
dregist lítilsháttar saman.
Hafa ber í huga að haustmánuðirnir eru
jafnan sá tími sem hvað mest er flutt út af
ferskum fiski. Að sögn Níelsar Rafns Guð-
mundssonar, framkvæmdastjóra Tross ehf.
í Sandgerði, hefur verið óvenju góð spurn
eftir ferskum flökum á síðustu tveimur
mánuðum og því stefnir í að útflutningur
ferskra flaka verði meiri á þessu ári en
nokkru sinni fyrr.
Meira út af
„flugfiski“

Styrkurinn/C2–C3