Morgunblaðið - 02.12.2003, Page 15

ÚR VERINU
MORGUNBLAÐIÐ ÞRIÐJUDAGUR 2. DESEMBER 2003 15
SÍLDVEIÐAR hafa gengið vel það sem af
er vertíðinni en alls hafa íslensku skipin nú
veitt rúmt 81 þúsund tonn. Eru þá tæp 50
þúsund tonn eftir af heildarkvótanum en
mörg síldarskipanna eru þegar búin eða
langt komin með kvóta sína. Síldin hefur
hins vegar þótt fremur smá og ítrekað hefur
verið gripið til svæðalokana vegna of hás
hlutfalls smásíldar í afla.
Samkvæmt samantekt Samtaka fisk-
vinnslustöðva er búið að vinna um 30 þús-
und tonn af afla vertíðarinnar til manneldis
en um rúm 45 þúsund tonn hafa farið til
bræðslu. Þá hafa rúm 7 þúsund tonn verið
fryst úti á sjó.
Það er nótaskipið Víkingur AK sem borið
hefur að landi mestan síldarafla á vertíðinni
eða um 9.500 tonn. Skipið landaði um 350
tonnum af síld á Fáskrúðsfirði í gær og
fékkst aflinn í einu kasti við Hvalbakinn
svokallaða. Þar voru fleiri nótaskip á veiðum
og fengu þau öll góðan afla. Trollskipin hafa
verið að veiðum í Kolluál, vestur af Snæ-
fellsnesi, síðustu daga en voru í gær á leið
austur fyrir land vegna leiðindaveðurs á
miðunum vestur af landinu. Þá fékk Ásgrím-
ur Halldórsson SF um 350 tonn í trollið í
Héraðsflóa í fyrradag, þannig að hún veiðist
víða síldin þessa dagana.
Júlíus Ingólfsson, skipverji á Víkingi AK,
varð fyrir svörum þegar Morgunblaðið sló á
þráðinn um borð í gær. Hann sagði síldina
frekar blandaða en henni væru þó allri land-
að til vinnslu. „Þetta er blönduð síld en þó
má sjá miklar breddur inn á milli. Síldin
hefur verið frekar smá alla vertíðina en þó
höfum við fengið farma sem eru að uppi-
stöðu til demantssíld. Við erum löngu búnir
með kvótann okkar en erum nú að veiða af
kvóta Loðnuvinnslunnar. Ég á hins vegar
von á að við förum að snúa okkur að
loðnunni fljótlega,“ sagði Júlíus.
Ekki beinlínis uppgripavertíð
Skinney-Þinganes á Hornafirði hefur tek-
ið á móti tæpum 17 þúsund tonnum af síld á
vertíðinni og segir Hermann Stefánsson
framleiðslustjóri að nú sé farið að hilla undir
vertíðarlok, enda útlit fyrir að skip félagsins
klári kvóta sína í desember. „Við tókum að-
eins á móti 600 tonnum í september en það
hefur verið glimrandi veiði allt frá því 10.
október og okkur bárust 7 þúsund tonn í
október og 9 þúsund tonn í nóvember. Gall-
inn er hins vegar sá að síldin hefur verið
frekar smá og því hefur talsvert af aflanum
farið til bræðslu. Eins fer meira af þeirri
síld sem unnin er til manneldis í ódýrari af-
urðaflokka, auk þess sem gengi dollarans
hefur verið okkur frekar óhagstætt. Þetta
verður því seint talin uppgripavertíð en við
erum auðvitað ánægðir þegar veiðist síld,
það er fyrir öllu,“ segir Hermann.
Rannsóknaskipið Bjarni Sæmundsson RE
er þessa dagana í síldarleiðangri en Páll
Reynisson leiðangursstjóri segist ekki hafa
fundið stóru síldina frekar en síldveiðiskip-
in. „Það er víða að sjá veiðanlega síld en við
höfum því miður ekki fundið þessa stóru.
Undanfarin ár hefur lítið veiðst af þessari
svokölluðu demantssíld en yngri árgangar
verið þeim mun meira áberandi. Eins urðum
við varir við talsvert af smásíld á innfjörðum
norðanlands og vonandi skilar hún sér sem
stórsíld í veiðina eftir einhver ár,“ segir
Páll.
Morgunblaðið/Sigurður Mar
Þrátt fyrir fremur smáa síld hefur stór hluti síldaraflans farið til manneldisvinnslu.
Hillir undir lok
síldarvertíðar
HIÐ landsþekkta aflaskip Börkur
NK hefur aflað yfir eina milljón
tonna frá því skipið kom til landsins
árið 1973. Börkur hefur reyndar
gert talsvert betur því nákvæmlega
er aflinn orðinn 1.012.736 tonn á
þessum ríflega 30 árum.
Börkur kom með 1.150 tonn af
kolmunna til löndunar í Neskaup-
stað um helgina og þar með hefur
fiskimjölsverksmiðja Síldarvinnsl-
unar í Neskaupstað tekið á móti 200
þúsund tonnum af hráefni á árinu
sem er íslenskt met. Börkur NK á
yfir 60 þúsund tonn af þessu hrá-
efni.
Afli Barkar NK hefur verið afar
mismunandi milli ára á þessum
þremur áratugum, allt frá 1.370
tonnum árið 1982 upp í 82.317 tonn
á síðasta ári. Það stefnir síðan í met-
afla á þessu ári en skipið hefur aflað
yfir 80 þúsund tonna og er afla-
hæsta íslenskra kolmunnaskipa það
sem af er árinu.
Börkur NK hefur stundað veiðar
á öllum tegundum svonefndra upp-
sjávarfiska svo sem síld, loðnu, kol-
munna, makríl og hrossamakríl.
Það hefur stundað veiðar við Ísland,
út um allt Norður-Atlantshaf, í Bar-
entshafi, Norðursjó og suður með
Afríkuströndum allt til Máritaníu.
Þá var skipið notað til að flytja ís-
aðan fisk á Englandsmarkað allt frá
loðnuleysisárunum 1982–83 fram til
1990. Skipið var endurbyggt í Pól-
landi 1998 og skipt um vélbúnað í
því í Englandi ári síðar. Mikil breyt-
ing var á aflabrögðum skipsins eftir
vélaskiptin 1999 og hefur Börkur
frá þeim tíma veitt yfir 70.000 tonn
á ári. Skipstjóri á Berki NK er
Sturla Þórðarson, fyrsti stýrimaður
er Hálfdán Hálfdánarson og Óskar
Sverrisson er yfirvélstjóri.
Morgunblaðið/Ágúst
Börkur NK kemur til heimahafnar eftir andlitslyftinguna árið 1998.
Afli Barkar NK
yfir milljón tonn
Morgunblaðið/Sigurgeir Jónasson
Börkur NK á miðunum um miðjan 8. áratuginn.