Morgunblaðið - 21.02.2004, Blaðsíða 4
FRÉTTIR
4 LAUGARDAGUR 21. FEBRÚAR 2004 MORGUNBLAÐIÐ
Plúsfer›ir • Hlí›asmára 15 • Sími 535 2100
Krít
48.230kr.
Sama sólin - sama fríi›
-en á ver›i fyrir flig!
á mann miðað við að 2 fullorðnir og 2 börn, 2ja-11ára, ferðist saman.
59.020 kr. á mann ef 2 ferðast saman.
Innifalið er flug, gisting í 7 nætur á Skala, 10.000 kr. bókunarafsláttur
og ferðir til og frá flugvelli erlendis.
FRANK M. Halldórsson, sóknar-
prestur í Neskirkju, lætur af störf-
um undir lok mánaðarins en hann
hefur þjónað sem sóknarprestur í
rúm 40 ár, lengst allra presta í
Reykjavíkurprófastsdæmunum. Í
tilefni tímamótanna verður kveðju-
messa hans í Neskirkju á sunnudag
kl. 14.
Frank kom til starfa í Neskirkju
1. janúar 1964 og var settur í emb-
ætti 12. janúar sama ár. „Þá var
þetta auðvitað víðfeðmara prestakall
því þá tilheyrði Seltjarnarnes Nes-
prestakalli. Síðan breyttist það 1974
þegar Seltjarnarnes varð ný sókn og
loks var það gert að sérstöku presta-
kalli árið 1986,“ segir Frank um
upphafsárin, en fram að þeim tíma
var Seltjarnarnesi þjónað af prest-
um Neskirkju.
Frank er alinn upp í Vesturbæn-
um, bjó fyrst á Ljósvallagötu, síðan
á Tómasarhaga og frá 1967 hefur
hann búið á Reynimel. Og rætur
hans í Vesturbænum liggja víðar.
Hann kenndi í Hagaskóla frá 1959
og eftir að hann var settur í embætti
hélt hann áfram að kenna ferming-
arbörnum kristinfræði í skólanum
allt fram til ársins 1987. Hann segir
sóknarstarfið hafa eflst mjög og
aukist á þeim tíma sem liðinn er frá
því hann hóf störf. „Þegar ég kom
hingað voru bara guðsþjónustur og
barnasamkomur á sunnudags-
morgnum. Ég byrjaði strax með
unglingastarf og það var mjög þrótt-
mikið og ég fékk sjálfboðaliða til að
sinna því með mér.“
Á biblíuslóðum í
sex daga stríðinu
Strax fyrsta árið sem sóknar-
prestur hóf Frank að bjóða upp á
náttsöng á aðfangadagskvöldi því
margir kirkjugestir urðu frá að
hverfa við aftansöng kl. 18. Hefur
náttsöngur verið í kirkjunni allar
götur síðan. Fyrir tíu árum voru
teknar upp sérstakar barnaguðs-
þjónustur á aðfangadag sem einnig
hafa mælst vel fyrir. Frá 1979 hefur
starf með eldri borgurum sömuleiðis
farið fram í kirkjunni á laugar-
dögum. „Þegar við hófum það var
ekkert starf með eldri borgurum í
Vesturbænum og fólk hafði lítið við
að vera og vildi gjarnan komast út
og hitta annað fólk. Í framhaldi af
því höfum við farið í ýmsar ferðir og
kynnst ýmsum stofnunum og fyrir-
tækjum og einnig farið í nokkurra
daga sumarferðir á hverju ári,“ segir
hann.
Óhætt er að segja að Frank hafi
verið atorkusamur í starfi og rutt
brautina á ýmsum sviðum, ekki ein-
ungis í starfi með börnum og ung-
lingum og eldri borgurum heldur
náði áhugi hans út fyrir landstein-
ana. Í framhaldi af biblíulestri um
Postulasöguna skipulagði hann hóp-
ferð til biblíulandanna vorið 1966 og
aftur 1967 en þá lenti hópurinn í sex
daga stríðinu sem þá geisaði milli
Ísraelsmanna og araba. Flugvél
hópsins lenti á flugvellinum í Amm-
an í Jórdaníu, en átök voru í ná-
grenni við hann.
Árið 1978 fór stærsti hópurinn ut-
an undir hans leiðsögn en þá réðust
Ísraelsmenn inn í Líbanon. Ferðin
gekk þó klakklaust fyrir sig. Árið
eftir var Pétur Sigurgeirsson biskup
með í för og hafði þá meðferðis töflu
með Faðir vorinu á íslensku sem sett
var upp á besta stað í Faðir vor-
kirkjunni í hlíðum Olíufjallsins í
Jerúsalem þar sem hún er enn.
„Jóna Hansen kennari og ég stofn-
uðum síðan ferðaskrifstofu í tengsl-
um við þessar ferðir og rákum hana í
nokkur ár til að fólk gæti kynnst
þessum slóðum sem við vorum að
lesa um í biblíulestrum ár eftir ár.
En svo sá ég það að það var ekki
hægt að sinna hvort tveggja, annað-
hvort varð ég að hella mér út í þenn-
an rekstur eða halda áfram sem
prestur og Jóna gat ekki hugsað sér
að hætta kennslu,“ segir Frank sem
valdi prestsstarfið.
Hann segist, spurður um stöðu
kirkjunnar nú, að hann hafi aldrei
þurft að kvarta yfir kirkjusókn. „Ég
hef aldrei haft á tilfinningunni að
kirkjan væri tóm, alveg frá upphafi.
Söfnuðurinn tók mér strax mjög vel,
það var haft á orði að unglingarnir
hefðu kosið mig í embætti. Það voru
almennar kosningar 1. desember
1963 og þau unnu vel fyrir mig til
þess að koma mér hér að en ég var
þá að kenna í Hagaskóla. Mér er það
sérstaklega minnisstætt að þegar
búið var að kjósa mig og úrslit voru
kunn 5. desember fóru þau fylktu
liði heim til mín til þess að fagna með
mér,“ segir Frank.
Hann segir óráðið hvað taki við
hjá sér eftir að hann lætur af störf-
um en segist hafa mikið yndi af trjá-
rækt auk þess sem hann hyggst
„sinna sjálfum sér betur“ og iðka
sund sem hann hefur lítið gert af
undanfarin ár. Hann segist munu
sakna prestsstarfsins. „Það er búið
að vera mjög gleðilegt að fá að starfa
hérna. Hér er gott fólk og allir hafa
gert eins og þeir hafa mögulega get-
að til að efla sóknarstarfið á alla
lund. Ég hef starfað með fimm bisk-
upum og fimm próföstum og sex
prestar hafa verið hér með mér sem
hafa komið og farið,“ segir Frank M.
Halldórsson sóknarprestur að lok-
um.
Frank M. Halldórsson lætur af störfum eftir 40 ára starf
Presturinn sem ungling-
arnir kusu í embætti
Morgunblaðið/Þorkell
Frank var á ferðalagi í Ísrael þegar sex daga stríðið braust út árið 1967.
VAIDAS Jucevicius, litháski mað-
urinn sem fannst látinn í höfninni á
Neskaupstað 11. febrúar sl., var
tengdur skipulagðri glæpastarf-
semi í Litháen og átti að mæta fyr-
ir dóm, vegna ákæru um að eiga
þátt í um 40 bílaþjófnuðum, þann 9.
febrúar.
Vaidas var ókvæntur og barn-
laus, en átti kærustu í Litháen.
Mindaugas Peleckis, blaðamaður
Litháska dagblaðsins Respublica,
ræddi við móður Vaidas í gær, og
staðfesti hún að hann hafi staðið í
bílþjófnuðum, en segir að hann hafi
ætlað að taka út sinn dóm og byrja
svo nýtt líf. Hún segir ekki ótrúlegt
að hann hafi smyglað eiturlyfjum
til að fá fé til að koma undir sig fótunum.
Móðir Vaidas segir son sinn hafa horfið
skyndilega einn daginn, hann hafi ætlað að koma
til hennar í mat en ekki látið sjá sig.
Hann hafi síðar hringt í kærustu
sína frá útlöndum og sagt að hann
kæmi von bráðar aftur. Hún segist
nú hafa áhyggjur af því hvernig
hún eigi að koma líki sonar síns
heim til greftrunar, enda kosti það
væntanlega talsvert fé.
Á forsíðu dagblaða í Litháen
Litháskir fjölmiðlar hafa undan-
farna daga greint frá líkfundinum á
Neskaupstað. Í einu stærsta dag-
blaði landsins, Lietuvos Rytas, er
greint nokkuð ítarlega frá málinu á
forsíðu blaðsins í gær undir fyrir-
sögninni: Ísland í uppnámi vegna
dauða Litháa.
Segir þar m.a. að talið sé að hann hafi látist
eftir að poki með eiturlyfjum sem hann gleypti
rifnaði og er sagt að samverkamenn hans hafi
árangurlaust reynt að ná efninu úr líkama hans.
Segir að lögreglan hafi leitað vísbendinga á
mörgum ódýrari hótela og gistihúsa landsins þar
sem Litháar í atvinnuleit dvelji gjarnan.
Seldu bíla til Rússlands
Í fréttinni segir að lögregla í Litháen hafi bor-
ið kennsl á líkið eftir að rannsóknargögn voru
send þangað. Umræddur maður, Vaidas Jucevi-
cius, sé þekktur hjá lögreglu sem stórtækur bíla-
þjófur og hafi m.a. setið nokkra mánuði í fangelsi
í Þýskalandi. Þegar Jucevicius sneri aftur til
Litháen frá Þýskalandi hafi hann gengið til liðs
við glæpagengi í heimabæ sínum Telsiai sem vit-
að sé að steli glæsibifreiðum og hafi selt hluta
þeirra til Rússlands en krafist lausnargjalds fyr-
ir hluta þeirra. Haft er eftir lögreglu að glæpa-
gengið hafi stolið í kringum 30 glæsibifreiðum í
Telsai og nágrenni. Í febrúar í fyrra var Jucevi-
cius handtekinn þar í bæ ásamt nokkrum félaga
sinna en sleppt að nokkrum vikum liðnum.
Móðir Vaidas Jucevicius segir að hann hafi átt að mæta fyrir rétt í febrúar
Átti þátt í ráni á tugum
glæsibifreiða í Litháen
Jucevicius Vaidas
MAÐUR sem rak ráðgjafar- og
skattaþjónustufyrirtæki hefur verið
dæmdur í 15 mánaða fangelsi, þar af
12 mánuði skilorðsbundna í tvö ár,
fyrir fjárdrátt. Einnig þarf hann að
endurgreiða samtals 470 þúsund
króna sem hann dró sér. Þá þarf
maðurinn að greiða þriðjung sakar-
kostnaðar.
Bókhaldsbrot og fjársvik
Fram kemur í dómi Héraðsdóms
Reykjavíkur að maðurinn hafi verið
dæmdur fyrir bókhaldsbrot og fjár-
svik árið 2002, og hafi sá dómur verið
tekinn upp og refsing ákvörðuð með
tilliti til þeirrar þyngingar refsingar
sem hefði orðið hefðu bæði málin
verið dæmd saman. Í dóminum 2002
var maðurinn dæmdur í 12 mánaða
fangelsi, skilorðsbundið í tvö ár, og
þótti við hæfi að bæta þremur óskil-
orðsbundnum mánuðum við þá refs-
ingu.
Dóminn kvað upp Valtýr Sigurðs-
son héraðsdómari.
15 mánaða fangelsi
Fangelsis-
dómur fyrir
fjárdrátt
LOÐNA veiddist í gær á Breiðdals-
grunni, suðaustur af Hvalbak og því
ljóst að loðna er gengin upp á land-
grunnið. Gera má ráð fyrir að loðnu-
skipin hefji veiðar í grunnót á næstu
dögum og að mikið af loðnu berist á
land næstu vikurnar.
Jón Axelsson, skipstjóri á Júpiter
ÞH, sagði í samtali við Morgunblaðið
í gær að svo virtist sem töluvert af
loðnu væru nú gengið upp á land-
grunnið. Jón segir að gera megi ráð
fyrir kraftveiði á næstu dögum ef
veður og vindar leyfi.
Heildarloðnukvótinn hefur verið
aukinn um 240 þúsund tonn eða úr
635 þúsund tonnum í 875 þúsund
tonn samkvæmt ákvörðun sjávarút-
vegsráðherra í fyrradag. Aukningin
kemur öll í hlut íslenskra skipa og
nemur heildarkvóti þeirra nú alls
737 þúsund tonnum. Til samanburð-
ar veiddu íslensk skip um 765 þús-
und tonn í fyrra. Samtals hefur um
240 þúsund tonnum verið landað á
sumar- og vetrarvertíðinni og því á
enn eftir að veiða um 500 þúsund
tonn. Jón segist sannfærður um að
hægt sé að veiða kvótann. „Við verð-
um að bretta upp ermarnar. Þó að
vissulega sé gott að fá meiri kvóta
finnst manni að aukningin hefði mátt
koma fyrr. Við hefðum getað verið
búnir að veiða meira af kvótanum,
höfum í raun verið að halda aftur af
okkur til að nýta kvótann sem best til
manneldisvinnslu. En ég hef ekki trú
á öðru en að kvótinn náist.“
Í Morgunkorni Íslandsbanka
kemur fram að útflutningsverðmæti
aukins kvóta sé talið nema um 3-3,5
milljörðum króna. Þó sé ekki öruggt
að skipin nái að veiða hann allan þar
sem svo langt er liðið á vertíðina.
Loðnan verði verðminni er líður á
vertíðina þar sem hún nýtist verr til
vinnslu og frystingar þegar líði að
hrygningu. Veðurfar og veiðanleiki
geti því haft afgerandi áhrif á loka-
niðurstöðu vertíðarinnar.
Loðnan gengin upp
á landgrunnið
HÉRAÐSDÓMUR Reykjavíkur
hefur dæmt karlmann á þrítugsaldri
í átta mánaða fangelsi fyrir fjölda
þjófnaða, tilraunir til þjófnaða,
hylmingu og fíkniefnabrot. Einnig
var annar maður, um tvítugt, dæmd-
ur í átta mánaða fangelsi skilorðs-
bundið fyrir aðild að sumum brot-
unum, sem framin voru árið 2002 og
fyrri hluta ársins 2003. Báðir hafa
mennirnir hlotið marga dóma áður.
Fram kom í dómnum að maðurinn
sem hlaut skilorðsbundna dóminn
játaði sök sína, auk þess sem tekið
var tillit til ungs aldurs og að hann
hafði ekki gerst brotlegur við lög eft-
ir að brotunum lauk. Hinn maðurinn
hefur ítrekað gerst sekur um auðg-
unarbrot, þar á meðal oft um innbrot
í íbúðarhús. Dómurinn tók tillit til
þess að maðurinn er ungur að árum
og játaði greiðlega hluta sakarinnar.
Valtýr Sigurðsson héraðsdómari
kvað upp dóminn.
Dæmdir fyrir þjófnað