Morgunblaðið - 21.02.2004, Blaðsíða 2

AIR Atlanta hefur fest kaup á
40,5% hlut í breska flugfélaginu
Excel Airways fyrir 29,9 milljónir
sterlingspunda, eða fyrir 3,8 millj-
arða króna. Í tilkynningu frá Atl-
anta segir að stefnt sé að undirrit-
un kaupsamninga 15. mars
næstkomandi en KB banki fjár-
magnar kaupin.
Excel Airways er sagt eitt
stærsta leiguflugfélag Bretlands-
eyja og hefur það sérhæft sig í flugi
til vinsælla ferðamannastaða við
Miðjarðarhaf, A-Evrópu og í Kar-
íbahafinu. Félagið gerir út
Boeing-vélar frá Gatwick-flugvelli í
London og frá Manchester og Glas-
gow.
Atlanta kaupir hlutinn af Libra
Holidays Group Ltd. sem eftir
kaupin á um 39% í félaginu en
stjórnendur Excel Airways eiga um
18% hlut. Félagið á og rekur sjö
Boeing 737-800 vélar og leigir aðrar
sjö yfir háannatímann á sumrin. Á
síðasta ári var félagið í sjötta sæti
þeirra bresku flugfélaga sem fluttu
flesta farþega. Velta félagsins í
fyrra var 247,3 milljónir punda, eða
um 31,6 milljarðar kr. og jókst um
36% frá árinu áður.
Huga að enn meiri
stækkun erlendis
Magnús Þorsteinsson, aðaleig-
andi Atlanta, segir í fréttatilkynn-
ingu frá félaginu að markmiðið með
kaupunum sé að treysta frekar
stoðir Atlanta í Evrópu. Félagið
hugi á enn frekari stækkun á félag-
inu og ætli að auka starfsemina er-
lendis „til muna“. Excel Airways sé
traust og gott fyrirtæki sem Atl-
anta þekki vel eftir að hafa leigt því
flugvélar.
Starfsmenn Air Atlanta eru nú
rúmlega 750 og starfsstöðvarnar
yfir tólf í fleiri en tíu löndum. Velta
Air Atlanta var 17 milljarðar króna
á síðasta ári en áætlanir gera ráð
fyrir 23 milljarða veltu í ár. Félagið
rekur nú yfir 30 Boeing-vélar og á
þrjú dótturfélög á Bretlandseyjum,
auk Excel Airways, eða Air Atlanta
Europe, Avia Services og Shannon
MRO á Írlandi, en tvö þau síðast-
nefndu eru viðhaldsfyrirtæki.
Atlanta kaupir hlut í bresku
flugfélagi fyrir 3,8 milljarða
FRÉTTIR
2 LAUGARDAGUR 21. FEBRÚAR 2004 MORGUNBLAÐIÐ
Y f i r l i t
Í dag
Sigmund 8 Þjónusta 39
Viðskipti 16 Viðhorf 40
Erlent 17/20 Umræðan 40/42
Minn staður 22 Minningar 43/48
Höfuðborgin 24 Messur 54
Akureyri 25/26 Kirkjustarf 55
Landið 26/27 Bréf 56
Suðurnes 27 Dagbók 58/59
Árborg 28 Íþróttir 60/63
Listir 29/30 Leikhús 64
Úr vesturheimi 31 Fólk 64/69
Daglegt líf 32/33 Bíó 66/69
Ferðalög 34/35 Ljósvakamiðlar 70
Forystugrein 36 Veður 71
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Guðrún Hálfdánardóttir, fréttastjóri guna@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Listir menning@mbl.is Orri Páll Ormarsson, ritstjórnarfulltrúi,
orri@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkjustarf Ellý H. Gunnarsdóttir, elly@mbl.is Íþróttir
sport@mbl.is Sigmundur Ó. Steinarsson, fréttastjóri, sos@mbl.is Fólk í fréttum Skarphéðinn Guðmundsson, skarpi@mbl.is Útvarp|Sjónvarp Andrea Guðmundsdóttir, andrea@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
ÞRÍR HANDTEKNIR
Tveir Íslendingar og einn Lithái
voru handteknir um hádegi í gær
vegna rannsóknar á líkfundi í Nes-
kaupstað. Eru þetta sömu mennirnir
og gáfu sig fram við lögreglu á
mánudag. Maðurinn sem fannst lát-
inn var tengdur skipulagðri glæpa-
starfsemi í heimalandi sínu og átti að
mæta fyrir dóm vegna bílaþjófnaðar
9. febrúar sl.
Málið hefur vakið talsverða at-
hygli í Litháen og hafa fjölmiðlar
fjallað um það undanfarna daga.
Tvær stúlkur létust
Tvær stúlkur á unglingsaldri lét-
ust í hörðum árekstri tveggja jeppa,
sem komu úr gagnstæðri átt, í Norð-
urárdal í gærdag. Stúlkurnar voru
farþegar í öðrum bílnum sem móðir
annarrar ók. Fjórir voru í hinum
bílnum. Fimm voru fluttir slasaðir
með þyrlu á Landspítalann. Enginn
þeirra er talinn í lífshættu.
Keyptu Skeljung
KB banki seldi allan eignarhlut
sinn í Steinhólum ehf. sem er móð-
urfélag Skeljungs hf. Kaupandi er
eignarhaldsfélag í eigu Pálma Har-
aldssonar í Feng og Jóhannesar
Kristinssonar, flugstjóra í Lúx-
emborg.
Þingkosningar í Íran
Þingkosningar fóru fram í Íran í
gær og var kjörstöðum lokað um
kvöldmatarleytið að íslenskum tíma.
Ekki var hins vegar að vænta frétta
af talningu atkvæða fyrr en í dag.
Talið er að íhaldsöflin í landinu nái
yfirhöndinni á íranska þinginu, enda
meinaði klerkastjórnin í landinu um-
bótasinnum að bjóða fram í kosning-
unum.
Táknmálstúlkun ekki kennd
Táknmálstúlkun verður ekki
kennd við Háskóla Íslands næsta
haust vegna sparnaðaraðgerða.
Lektor í táknmálsfræði harmar
þetta og segir starfandi táknmáls-
túlka engan veginn anna þeim verk-
efnum sem heyrnarlausir þurfa á að
halda. Táknmálsfræði hefur verið
kennd í HÍ frá árinu 2001.
MIKIÐ flóð varð í Skjálfandafljóti eftir hlýindin
á fimmtudag og flæddi það yfir bakka sína og yf-
ir þjóðveginn við Ófeigsstaði. Leiðin til Akureyr-
ar var því ófær um tíma nema ef farin var Fljóts-
heiðarleiðin.
Björgunarsveitarmenn í Aðaldal voru kallaðir
út í fyrrinótt þegar fljótið fór yfir þjóðveginn og
var honum þá lokað. Þegar kólnaði í gær og fór
að frysta lækkaði í fljótinu, sem og öðrum vatns-
miklum ám víða um land sem höfðu flætt yfir
bakka sína, m.a. Hvítánum í Árnessýslu og Borg-
arfirði og Ölfusá.
Að sögn Kristins Einarssonar, vatnamælinga-
manns hjá Orkustofnun, náðu flest flóðin há-
marki sínu í fyrrinótt en um miðjan dag í gær
varð flóðtoppur í Ölfusá, um 1.400 rúmmetrar á
sekúndu, sem er ríflega þrefalt meðalrennsli á
þessum árstíma. Kristinn sagði að toppurinn í
Skjálfandafljóti hefði hins vegar verið tífaldur á
við meðalrennsli, eða mest um 700 rúmmetrar á
sekúndu. Mesta rennsli í Hvítá í Borgarfirði
mældist 270 rúmm/sek. í fyrrakvöld, sem er
fimmtánfalt meðalrennsli í febrúar. Að sögn
Kristins voru fjórir hópar vatnamælingamanna
að störfum í gær við flóðamælingar á Vestur- og
Suðurlandi. Voru þeir komnir til síns heima í
gærkvöldi þegar sjatnað hafði í öllum ám.
Morgunblaðið/Atli Vigfússon
Skjálfandafljótið fór víða um Aðaldalinn í gær eftir flóðið og skemmdi tún og girðingar. Hér eru bæjarhúsin við Húsabakka, sem stendur við Garðsnúp,
umflotin vatni. Síðdegis í gær fór að kólna í veðri og þá tók að sjatna í flóðinu. Flóð urðu víðar um land í gær, meðal annars á Suðurlandi.
Rennsli Skjálfandafljóts tífaldaðist
LÖGREGLUMENN frá Bol-
ungarvík, sem voru að kanna
ástandið í Óshlíðinni milli Bol-
ungarvíkur og Ísafjarðar í gær-
kvöldi, lokuðust inni á milli snjó-
flóða og urðu að bíða þar til að
veghefill kæmi að moka lög-
reglubílinn úr flóðinu. Nokkrar
spýjur höfðu fallið fyrr um
kvöldið án þess að óhöpp yrðu.
Ákveðið var að loka veginum um
Óshlíð í gærkvöldi og sjá til með
mokstur í dag.
Jóhann Tómasson, afleysinga-
lögreglumaður í Bolungarvík,
var á ferð í bílnum ásamt starfs-
félaga sínum. Hann segist hafa
orðið nokkuð skelkaður, en þó
ekki fyrr en eftir á. „Við ókum
að snjóflóði og þegar við ætl-
uðum síðan að bakka kom annað
rétt fyrir aftan bílinn og lokaði
okkur inni. Það var um einn og
hálfur metri á þykkt. Okkur brá
auðvitað, en ég hef ekki lent í
svona áður.
Skildu bílinn eftir
Við skildum bílinn eftir og óð-
um yfir flóðið og biðum þess að
hefillinn kæmi, en það tók um
hálftíma. Vel gekk að moka og
ná lögreglubílnum til baka,“ seg-
ir Jóhann.
Lögreglan lokaðist
á milli snjóflóða
„Okkur brá auðvitað,“ segir
lögreglumaður í Bolungarvík