Morgunblaðið - 21.02.2004, Blaðsíða 72
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 21. FEBRÚAR 2004 VERÐ Í LAUSASÖLU 190 KR. MEÐ VSK.
ÞORSTEINN Símonarson, skip-
stjóri á Þorsteini EA, segir að ver-
ið sé „að gera úlfalda úr mýflugu“
þegar því sé haldið fram í norskri
heimildarmynd að skipulagt brott-
kast á síld hafi farið fram um borð í
skipinu í júlí í fyrra, við veiðar úr
norsk-íslenska síldarstofninum.
Þorsteinn segir mannleg mistök
hafa átt sér stað sem hafi orðið
þess valdandi að 30 kíló af síld hafi
farið í sjóinn. Það sé „út í hött“ að
kasta fiski í sjóinn og skipverjar á
Þorsteini EA hafi ekki stundað
slíkt.
Norska strandgæslan hafi komið
um borð þegar verið var að hífa
fyrsta holl í túrnum. Mistökin hafi
átt sér stað þegar verið var að und-
irbúa fiskvinnsluna um borð. Þegar
vinnslukerfið hafi verið gangsett
hafi komið í ljós að frágangurinn
hafi ekki verið fullnægjandi og 30
kíló af síld farið útbyrðis af færi-
bandinu. Norðmennirnir hafi náð
því atviki á myndband og það
greinilega ratað í þáttinn. Eftir að-
finnslur norsku strandgæslunnar
hafi vinnslukerfið verið lagað og
þegar þeir hafi komið um borð fjór-
um dögum síðar hafi engar athuga-
semdir verið gerðar.
„Það er hægt að klippa svona
myndir til og gera myndbrot þann-
ig að eitthvert ógurlegt mál verði
úr því, en það er bara ekki í þessu
tilviki,“ segir Þorsteinn Símonar-
son.
Skipstjóri Þorsteins EA um meint brottkast á fiski
„Verið að gera úlfalda úr mýflugu“
Athugasemd/26
UNDIRRITAÐUR hefur verið
samningur um sölu KB banka á
öllum eignarhlutum sínum í Stein-
hólum ehf., sem er móðurfélag
Skeljungs hf. Kaupandi er eign-
arhaldsfélag í eigu Pálma Har-
aldssonar í Feng og Jóhannesar
Kristinssonar, flugstjóra í Lúxem-
borg.
Kaupin eru gerð með fyrirvara
um niðurstöður áreiðanleikakönn-
unar, sem fyrirhugað er að liggi
fyrir innan fjórtán daga. Í tilkynn-
ingu frá KB banka segir að kaup-
verðið sé trúnaðarmál.
Pálmi Haraldsson segist mjög
ánægður með kaupin, sem séu
langtímafjárfesting þeirra Jó-
hannesar. Hann segir að Skelj-
ungur sé gott fyrirtæki og stefnt
sé að því að það verði rekið áfram í
óbreyttri mynd. Stórvægilegar
breytingar séu ekki fyrirsjáanleg-
ar.
Pálmi segist eiga von á að verða
stjórnarformaður Skeljungs þó
ekkert hafi verið ákveðið í þeim
efnum.
Örvar Kærnested, forstöðu-
maður fyrirtækjaráðgjafar KB
banka, segir bankann mjög
ánægðan með söluna á Steinhól-
um. Samningar um söluna hafi
gengið hratt og vel fyrir sig. Bank-
inn hafi eignast félagið að fullu í
lok janúar síðastliðins og það hafi
verið yfirlýst markmið bankans að
selja félagið, enda samræmist það
ekki starfsemi bankans að félagið
sé til lengri tíma í eigu hans.
Kaupþing Búnaðarbanki, Burð-
arás og Sjóvá-Almennar trygging-
ar stofnuðu Steinhóla í ágúst á síð-
asta ári, sem keypti Skeljung að
fullu og skráði félagið af markaði í
kjölfarið. Kaupþing Búnaðarbanki
átti þá helmingshlut í Steinhólum
en Burðarás og Sjóvá-Almennar
fjórðungshlut hvort félag. Í lok
janúar síðastliðins keypti KB
banki hlut Burðaráss og Sjóvár-
Almennra trygginga í Steinhólum
og eignaðist félagið og Skeljung
þar með að fullu.
Gengið frá kaup-
um á Skeljungi
Nýir eigendur eru Pálmi Haraldsson
í Feng og Jóhannes Kristinsson
ÁKVEÐIÐ hefur verið að hætta frá og
með næsta hausti kennslu í táknmáls-
túlkun sem kennd hefur verið við heim-
spekideild Háskóla
Íslands. Einnig verð-
ur kennurum við
deildina ekki greitt
fyrir yfirvinnu og
stundakennarar
ráðnir í staðinn. Þetta
er meðal þeirra að-
haldsaðgerða sem
gripið verður til inn-
an deildarinnar til að
koma í veg fyrir
rekstrarhalla.
„Það eru 10–12 táknmálstúlkar starf-
andi og þeir anna engan veginn þeim verk-
efnum sem heyrnarlausir þurfa á að
halda,“ segir Rannveig Sverrisdóttir, lekt-
or í táknmálsfræði. Þegar heyrnarlaus
þingmaður hafi tekið sæti á Alþingi hafi
ekki verið hægt að anna þeirri túlkun og
margir hafi ekki fengið túlk vegna þess-
arar auknu þarfar. „Heyrnarlausir þurfa
túlk í svo mörgum aðstæðum. Nú er verið
að tala um að viðurkenna táknmálið sem
fyrsta mál heyrnarlausra. Ef það verður
gert þá eiga þeir meiri kröfu en áður til
túlkunar og þá mun þurfa að mennta
miklu fleiri túlka, því þeir anna þessu eng-
an veginn,“ segir hún.
Gætu rekið öfluga deild
ef ríkið leiðrétti launastiku
Heimspekideild hefur skilað inn fjár-
hagsáætlun fyrir þetta ár, sem í fyrsta
skipti í langan tíma verður hallalaus. „En
hún var okkur dýrkeypt,“ segir Anna Agn-
arsdóttir, deildarforseti heimspekideildar.
Auk niðurskurðar í táknmálstúlkun verð-
ur yfirvinna kennara greidd út í auknum
rannsóknartíma og munu stundakennarar
koma í stað kennara í rannsóknarleyfi,
sem ekki fá greidd jafn há laun.
„Við erum búin að skera niður nám-
skeið, samnýta námskeið og gera reyndar
allt sem okkur dettur í hug. Árangurinn er
að við skilum hallalausum rekstri fyrir ár-
ið, en ég vona að í framtíðinni verði hægt
að byggja upp öfluga heimspekideild á
ný,“ segir Anna. Alls er 410 milljónum
króna úthlutað í rekstur deildarinnar og
fara 96% útgjaldanna í launakostnað. Rík-
ið greiðir, að sögn Önnu, samkvæmt
launastiku þar sem gert er ráð fyrir að
meðallaun kennara séu 237 þúsund krónur
á mánuði, að undanskildum launatengdum
gjöldum. Samkvæmt tölum frá Háskól-
anum séu meðallaun kennara hins vegar
305 þúsund krónur. Meðaltalið í heim-
spekideild er nokkuð hærra, eða 315 þús-
und krónur, sem má skýra með háum með-
alaldri kennara. „Ég myndi segja að ef
launastikan yrði leiðrétt væri heim-
spekideild í mjög góðum málum. Við gæt-
um rekið hér mjög öfluga deild,“ segir
Anna.
Kennslu í
táknmáls-
túlkun hætt
við HÍ
Kennslu/6
KONAN sem lenti í bílslysi við
Blönduós á miðvikudagskvöldið
lést á gjörgæsludeild Landspít-
alans við Fossvog í gærdag.
Hún var á 45. aldursári.
Dóttir hennar liggur á gjör-
gæsludeild mikið slösuð að
sögn vaktlæknis í gærkvöldi.
Hún er þó ekki í öndunarvél og
líðan hennar stöðug.
Karlmaður var einnig í bíln-
um en hann slasaðist ekki mik-
ið. Fólkið var í jeppa sem var
ekið aftan á kyrrstæðan malar-
flutningabíl. Skyggni var
slæmt á slysstað.
Bílslysið
við Blönduós
Konan
lést í gær
ALÞJÓÐLEGT andrúmsloft ríkti á Klambratúni við
Kjarvalsstaði í gær þegar leikskólabörn úr Hlíð-
unum komu saman og veifuðu litskrúðugum og fjöl-
breyttum þjóðfánum.
Tilefnið var Vetrarhátíð Reykjavíkur sem nú
stendur yfir og hittust börnin undir þeim friðar-
boðskap að jarðarbúar ættu að vera „vinir eins og
við“. /24
Morgunblaðið/Jim Smart
Vinir á Vetrarhátíð
KONA á áttræðisaldri liggur þungt
haldin á gjörgæsludeild Landspítala
– háskólasjúkrahúss eftir að henni
var bjargað út úr reykfylltu einbýlis-
húsi við Víðihvamm í Kópavogi í gær-
morgun. Konunni er haldið sofandi í
öndunarvél og var ástand hennar
mjög alvarlegt, að sögn læknis á gjör-
gæsludeild í gærkvöldi. „Hún er í
mikilli lífshættu,“ sagði hann.
Reykkafarar
náðu konunni
Blaðberi Morgunblaðsins varð var
við reykinn í gærmorgun er hann var
að bera út blaðið í hverfinu og gerði
slökkviliði viðvart. Fyrsti slökkvibíll-
inn var sendur á vettvang um klukk-
an hálfsjö og fóru reykkafarar
slökkviliðsins inn í húsið til að ná í
konuna, sem var ein í húsinu. Náðu
þeir henni út og var hún flutt með
sjúkrabíl á bráðadeild Landspítalans
í Fossvogi. Slökkvistarfi var lokið
skömmu fyrir hálfátta. Eldurinn
kviknaði í eldhúsi en eldsupptök eru
ókunn. Þá eru miklar skemmdir á
húsinu.
Í lífshættu
eftir bruna