Morgunblaðið - 21.02.2004, Blaðsíða 55

KIRKJUSTARF
MORGUNBLAÐIÐ LAUGARDAGUR 21. FEBRÚAR 2004 55
lagoon@bluelagoon.is • www.bluelagoon.is • 420 8800
á konudaginn
Dekur fyrir hana
Verð 4.600 kr.
Minnum á gjafakortin
– ávísun á einstaka upplifun.
Dekurpakkinn er fáanlegur í verslun
heilsulindar, verslun við Aðalstræti 2,
Reykjavík og í netverslun.
Verslun í Reykjavík er opin laugardaga
og sunnudaga frá kl. 10.00–14.00.
Dekurpakki sem inniheldur 20 mínútna nudd, sem
fram fer ofan í hlýju lóninu, og snyrtitösku með Blue
Lagoon sturtugeli, kornageli, rakakremi og kísilmaska.
Aðgangur í heilsulindina innifalinn.
Kveðjumessa
sr. Franks M.
Halldórssonar
SR. FRANK M. Halldórsson kveð-
ur Nessöfnuð sunnudaginn 22.
febrúar kl. 14. Sr. Frank hefur
þjónað Nessöfnuði í 40 ár, lengur
en nokkur annar sóknarprestur í
Reykjavíkurprófastsdæmum báð-
um. Hann var vígður 22. desember
1963 og tók við embætti sókn-
arprests 1. janúar 1964. Í mess-
unni á sunnudag mun sr. Frank
prédika og þjóna fyrir altari ásamt
sr. Erni Bárði Jónssyni. Inga J.
Backman syngur einsöng. Kór
Neskirkju syngur ásamt stúlkna-
kór kirkjunnar undir stjórn Stein-
gríms Þórhallssonar organista og
Litli kórinn – kór eldri borgara
undir stjórn Ingu J. Backman.
Kaffiveitingar verða í safn-
aðarheimilinu í boði sókn-
arnefndar að lokinni messu, flutt
verða ávörp og tónlist.
Þess er vænst að sem flestir gefi
sér tíma til að koma og eiga góða
stund í kirkjunni.
Barnakór í Hjalla-
kirkju á konudaginn
FJÖLSKYLDUGUÐSÞJÓNUSTA
verður á konudaginn, sunnudaginn
22. febrúar, kl. 11 í Hjallakirkju.
Barnakór úr Snælandsskóla kemur
í heimsókn í kirkjuna og syngur
undir stjórn Heiðrúnar Hákonar-
dóttur. Þá verða börn færð til
skírnar í guðsþjónustunni. Í tilefni
dagsins verður efni prédikunar
tengt konum og hlutverki þeirra
innan kirkjunnar. Allir eru hjart-
anlega velkomnir.
Um kvöldið verða svo tónleikar
kl. 20 þar sem Sigrún M. Þór-
steinsdóttir, organisti, og Þórunn
Elín Pétursdóttir, sópran, flytja
verk eftir þekkt tónskáld.
Ársafmæli
fermingarinnar í
Garðaprestakalli
ÁRSAFMÆLI fermingarinnar, í
Garðaprestakalli Kjalarnespró-
fastsdæmi, verður laugardaginn
21. febrúar í safnaðarheimili Ví-
dalínskirkju kl. 18.
Nú þegar um það bil ár er liðið
frá fermingunni hefur verið
ákveðið að venju, að hópurinn hitt-
ist, ásamt foreldrum og rifji upp
og endurnýi kynnin. Þetta fyrsta
ár eftir ferminguna er án efa búið
að vera ár mikilla breytinga og því
er skemmtilegt að hittast og ræða
málin.
Á dagskrá verður stutt helgi-
stund í kirkjunni þar sem kemur
að Þorsteinn Haukur Þorsteinsson
frá fíkniefnadeild Tollstjórans í
Reykjavík með fíkniefnaleit-
arhundinn Bassa. Síðan færum við
okkur yfir í safnaðarheimilið og
njótum veitinga í boði kirkjunnar.
Einnig verður happdrætti með
glæsilegum vinningum.
Það er von okkar prestanna að
„ársafmælið“ megi verða til að
styrkja þau vináttubönd sem bund-
ust í fermingarstarfinu svo að þau
endist út ævina.
Hittumst glöð og hress í kirkj-
unni okkar og eigum góða sam-
veru.
Hans Markús Hafsteinsson,
sóknarprestur
Friðrik J. Hjartar,
prestur.
Hans klaufi
í Bústaðakirkju
SUNNUDAGINN 22. febrúar fáum
við góða gesti í heimsókn í barna-
messuna í Bústaðakirkju. Hinn frá-
bæri Stoppleikhópur kemur og
sýnir okkur leikgerð sína á hinni
þekktu sögu H.C. Andersen: Hans
klaufi. Allir eru velkomnir.
Í Bústaðakirkju eru barnamess-
ur á hverjum sunnudegi kl. 11. Þar
eigum við notalegar stundir með
börnum og fjölskyldum þeirra, þar
sem er söngur, bænir, leikur,
spjall og sögur. Þeir sem sjá um
barnamessurnar eru: Sr. Pálmi,
Bára, Brynhildur, Edda, Helena,
Sara, Guðmundur og hljómsveitin.
Kristindómur og
stjórnmál
í Hallgrímskirkju
Á FRÆÐSLUMORGNI í Hall-
grímskirkju næstkomandi sunnu-
dag kl. 10 mun Stefán Karlsson,
guðfræðingur og kennari, flytja
erindi um kristindóm og stjórnmál.
Allt frá upphafi kristninnar hef-
ur verið uppi guðfræðilegur
ágreiningur um það hver sé hinn
eiginlegi vettvangur kristindóms-
ins. Sá ágreiningur varð einkum
áberandi með tilkomu siðbót-
arinnar. Hann snýst aðallega um
það hvort og með hvaða hætti
kristin trú tengist stjórnmálum og
opinberum málum. Hann hefur
einnig snúist um það með hvaða
hætti samband ríkis og kirkju eigi
að vera. Í þessu erindi mun Stefán
leitast við að gefa sutt yfirlit um
tengsl kristindóms og stjórnmála
og þau álitamál sem þeim tengjast.
Messa í umsjá séra Jóns Dalbú
Hróbjartssonar og barnastarf í
umsjá Magneu Sverrisdóttur
djákna hefst síðan kl. 11.
Syngjum
í kirkjunni
MIÐVIKUDAGINN 25. febrúar, kl.
18 hefst í Grensáskirkju nám-
skeiðið „Syngjum í kirkjunni“.
Á námskeiðinu verða sálmar frá
ýmsum tímum kynntir, kenndir og
síðan sungnir. Tilgangurinn með
námskeiðinu er að hvetja fólk til
söngþátttöku í kirkjunni og þá sér-
staklega það sem telur sig ekki
söngvant. Kennari á námskeiðinu
er Margrét Bóasdóttir söngkenn-
ari og söngkona. Henni til að-
stoðar verða organistar úr nokkr-
um sóknum höfuðborgarsvæðisins.
Kennt verður í 4 skipti, tvo tíma í
senn.
Skráning á námskeiðið fer fram
í síma 535 1500 eða á vef Leik-
mannaskólans, www.kirkjan.is/
leikmannskoli
Skátamessa
og léttmessa
í Grafarvogskirkju
SKÁTAMESSA verður í Graf-
arvogskirkju sunnudaginn 22.
febrúar kl. 11. Séra Vigfús Þór
Árnason þjónar fyrir altari. Ræðu-
maður er Margrét Tómasdóttir að-
stoðarskátahöfðingi. Skátakórinn
syngur. Stjórnandi: Erna Blöndal.
Organisti: Hörður Bragason.
Léttmessa verður á konudags-
kvöldi í Grafarvogskirkju sunnu-
daginn 22. febrúar kl. 20. Prestur
er séra Anna Sigríður Pálsdóttir.
Gospelsystur syngja. Stjórnandi:
Margrét Pálmadóttir. Undirleikari:
Ástríður Haraldsdóttir.
Góugleði
í Háteigskirkju
Á MORGUN, sunnudag, er góu-
gleði í safnaðarheimili Háteigs-
kirkju. Góugleðin, sem er hluti af
eldri borgara starfi kirkjunnar og
hugsuð fyrir konur, hefst klukkan
tvö. Þar mun Þorvaldur Hall-
dórsson sjá um tónlistina, dömur
úr eldri borgara starfi Háteigs-
kirkju koma fram í tískusýningu,
Kvenfélag Háteigssóknar býður
upp á kaffiveitingar og Unnur
Arngrímsdóttir sér um línudans.
Í dagskrárlok er þátttakendum
boðið til kirkju þar sem sr. Tómas
Sveinsson mun leiða Taizé-messu.
Allar konur velkomnar.
Morgunblaðið/Jim Smart
AUGLÝSINGADEILD
netfang: augl@mbl.is eða sími 569 1111