Morgunblaðið - 21.02.2004, Blaðsíða 29
LISTIR
MORGUNBLAÐIÐ LAUGARDAGUR 21. FEBRÚAR 2004 29
Laugardagur
Listasafn Reykjavíkur – Hafnarhús kl.
11–12 Eiríkur Þorláksson gengur með gest-
um milli nokkurra útilistaverka Kvosarinnar
og nágrennis hennar.
Listasafn Reykjavíkur – Kjarvalsstaðir kl.
11–17 Með kveðju frá Barcelona. Menning-
arhátíð.
Myndhöggvarafélag í Reykjavík, Nýlendu-
götu 15 kl. 12–16 Opið hús.
Fjölskyldu– og húsdýragarðurinn kl. 13–
15 Þríleikur: Dýrin í Hálsaskógi, leikið af
nemendum í 9. og 10. bekk Háteigsskóla.
Landnáma í flutningi Stoppleikhópsins. Stíg-
vélaði kötturinn í flutningi Sjónleikhússins.
Elliðaárstöðin, Elliðaárdal kl. 13–18 Nem-
endur Garðyrkjuskóla ríkisins spreyta sig á
blómaskreytingum.
Hallgrímskirkja kl. 13–17 Listir Hallgríms-
kirkju. Opin æfing hjá Mótettukórnum. Leifur
Breiðfjörð verður með leiðsögn um listaverk
kirkjunnar. Hörður Áskelsson kynnir Klais-
orgelið. Listvinafélagið kynnir starfsemi sína.
Kirkjuturninn opinn og sömuleiðis sýning
Braga Ásgeirssonar.
Menningarmiðstöðin Gerðubergi kl. 13–
17 Opnar vinnustofur og fjölbreytt dagskrá,
m.a. myndlist, tónlistarflutningur og danssýn-
ingar undir stjórn Sigvalda Þorgilssonar.
Listasafn Sigurjóns Ólafssonar kl. 14–17
Þekkir þú höggmyndir Sigurjóns? Fjölskyldu-
leikur.
Iðnó kl. 14 Leikbrúðuland frumsýnir tvo leik-
þætti sem eru unnir upp úr sögum H.C. And-
ersen: Pápi veit hvað hann syngur og Flibb-
inn. Brúðustjórnendur eru þær Helga
Steffensen og Helga E. Jónsdóttir. Leikstjóri
er Örn Árnason.
Ráðhús Reykjavíkur kl. 13.30–16.30
Fána- og ljósaganga frá Alþjóðahúsi að Ráð-
húsi. Þórólfur Árnason borgarstjóri setur þjó-
ðahátíðina að viðstöddum heiðursgestum
hátíðarinnar, Ólafi Ragnari Grímssyni forseta
Íslands og frú Dorrit Moussaieff.
Hitt húsið kl. 14–22.30 Líttu inn í Hitt húsið.
Fjölbreytt dagskrá.
Menningarmiðstöðin Gerðuberg kl. 14–
17 Safnaramarkaður.
Grafíksalurinn, Hafnarhúsi kl. 14–18
Kynning á Grafíkvinum og listamanni ársins,
Valgerði Hauksdóttur.
Reykjavíkurflugvöllur kl. 14.30–16 (biðsal-
ur) Leikhópurinn Thalmus sýnir leikritið In
Transit. Leikið er á ensku.
Söngskólinn í Reykjavík, Snorrabraut 24
kl. 15 Auður Guðjohnsen flytur ljóðaflokkinn
Les Nuits d’Été eftir Berlioz. Undirleikari á pí-
anó: Ólafur Vignir Albertsson. Kl. 17 flytur
Helga Magnúsdóttir ljóðaflokkinn Haugtusssa
eftir E. Grieg. Undirleikari á píanó: Iwona Ösp
Jagla.
Listasafn Reykjavíkur – Kjarvalsstaðir kl.
15 Fjölskylduleikur með leiðsögn um sýningu
á verkum Jóhannesar S. Kjarvals.
Ingólfsnaust kl. 15 Hljómsveitin Mór hefur út-
setur og flytur íslensk þjóðlög. Kynning á
norðlensku skíðasvæðunum.
Listasafn Reykjavíkur, Hafnarhús, kl. 16
Heimstónlist fyrir börn. Timna Brauer og
hljómsveit kynna tónlist frá ýmsum menning-
arheimum. Henni til aðstoðar er Jórunn Sig-
urðardóttir leikona.
Listasafn Einars Jónssonar kl. 16 Flautu-
leikararnir Anna K. Einarsdóttir, Áshildur Har-
aldsdóttir, Berglind M. Tómasdóttir og Krist-
jana Helgadóttir leika verk eftir Telemann,
Bozza og Atla Heimi Sveinsson.
Café Cultura, Alþjóðahúsi, kl. 20.30 Op-
inn hljóðnemi (open mike) með Howie Kunz-
inger frá New York.
Ráðhús Reykjavíkur kl. 21–22 Íslenskir
fatahönnuðir sýna nýjustu afurðir sínar.
Listasafn Reykjavíkur – Hafnarhús kl.
21–23 Tónleikar sérstakra gesta Vetr-
arhátíðar, Voices for Peace.
Skaparinn, Laugavegi 28 kl. 22 Raftónlist,
Dada Pogrom og DJ Musician.
Iðnó kl. 23 Fjölmenningarlegt ball sem hefst á
sígaunatónum og lýkur með suður-
amerískum takti.
EINN dular-
fyllsti dagskrár-
liður vetrarhá-
tíðar kallast
Sonor – Jipto, og
ber undirtitilinn
Andlegur elt-
ingaleikur.
„Þetta er spil
sem er byggt á
einfaldri stærð-
fræði,“ segir Helga E. Jónsdóttir
sem leikstýrir uppákomunni sem
fram fer í SÍM-salnum, Hafnar-
stræti 16, frá kl. 14–17 í dag, með
sýnikennslu á klukkutíma fresti.
„Þetta er spil sem allir geta lært.
Það var vísindamaður – stærðfræð-
ingur frá Jakútíu – sem þróaði
þetta spil, og það hefur verið mjög
vinsælt á þeim slóðum, sem og í
Frakklandi. Það hafa verið haldnar
alþjóðlegar keppnir í þessu, þar
sem skólar hafa komið hvaðanæva,
æft sín lið og keppt. Þetta er gífur-
lega fallegt. Þar býr hvert hérað til
sína eigin taflmenn. Kjuregej Alex-
andra, sem er nú með myndlist-
arsýningu í SÍM-húsinu, ætlar að
leyfa njótendum vetrarhátíðar að
prófa þetta spil, og við sýnum það á
gólfi – þar sem hægt er að nota lif-
andi leikmenn, í búningum. Það er
svo líka hægt að spila þetta sitjandi
við borð, – bara eins og taflborð.“
Reiknings-
leikur
Kuregej Alexandra
LEIKBRÚÐULAND frumsýnir í
Iðnó í dag kl. 14, á vetrarhátíð, tvo
leikþætti sem eru unnir upp úr sög-
um eftir H.C. Andersen: Pápi veit
hvað hann syngur og Flibbinn.
Brúðustjórnendur eru Helga Stef-
fensen, Helga E. Jónsdóttir og Erna
Guðmarsdóttir, leikstjóri er Örn
Árnason og leiktjöldin
gerir Stígur Stein-
þórsson.
Þegar blaðamann bar
að garði á æfingu í vik-
unni var Flibbinn í hróka-
samræðum við ungmeyj-
arnar sem hann þráði svo
að heilla; – því hann var jú
sjentilmaður og talsvert
flottur, – átti bæði skó-
þræl og greiðu. Og tón-
listin er dásamleg.
„Já, við höfum svo
skemmtilegan leikstjóra,“
segir Helga E. Jónsdóttir
og útskýrir það nánar:
„Örn setur inn tónlist og
söngva og semur vísur
fyrir okkur, honum er
ekkert ómögulegt.“
Helga Steffensen tekur undir orð
nöfnu sinnar, og segir að svo séu
sögur H.C. Andersens líka svo frá-
bærar. „Það er svo skemmtilegt við
sögurnar hans að þær hafa allar ein-
hvern boðskap. Sjáðu til dæmis
Flibbann. Þarna er hann, sjálfhæl-
inn monthani, sem endar svo bara í
endurvinnslunni! En það er líka
skemmtilegt, – því þannig getur
hann orðið að pappírnum sem
krakkar teikna á, eða pappírnum í
sögubókunum. Við völdum H.C.
Andersen vegna þess að hann á 200
ára afmæli árið 2005. Á síðasta ári
sýndum við Fjöðrina sem varð að
fimm hænum, og á afmælisárinu vilj-
um við gjarnan sýna allar þessar
sögur, og halda virkilega upp á það.
H.C. Andersen var svo mikill brúðu-
leikhúsmaður.“
Undirbúningur sýningarinnar
hefur staðið í um sex mánuði, en þar
af segir Helga Steffensen að fari um
þrír mánuðir í að búa til brúðurnar.
„Það þarf að byrja á því að lesa sög-
urnar vel og semja leikritið upp úr
þeim. Þá þarf að stúdera vel hvað
maður vill með hverja brúðu fyrir
sig. Maður byrjar kannski á því að
búa til ákveðna týpu, en áður en
maður veit af er brúðan orðin ein-
hver allt önnur týpa, –
hún tekur völdin af
manni,“ segir Helga Stef-
fensen.
Þær blanda saman
ýmsum tegundum af
brúðum og eru líka með
grímur, og eru jafnvel
sjálfar sögupersónur, eins
og Helga E. Jónsdóttir
sem leikur pápa. „Við
gætum haft þetta miklu
auðveldara með því að
vera með færri tegundir
af brúðum, en það er
gaman að blanda þessu
saman,“ segir Helga Stef-
fensen.
Sýning Leikbrúðulands
ætti að höfða til krakka
allt niður í þriggja til fjög-
urra ára aldur að sögn Helganna, og
svo bara til fólks á öllum aldri. „Við
sjáum að fullorðnir hafa gaman af
þessu og eldra fólk þekkir allar sög-
urnar, og jafnvel betur en unga fólk-
ið. Allir lásu H.C. Andersen á sínum
tíma. Það er mjög mikill misskiln-
ingur að brúðuleikhús sé bara fyrir
börn. Við erum að reyna að leiðrétta
þennan misskilning, það gengur
hægt, en gengur samt,“ segir Helga
Steffensen.
Brúðurnar
taka stund-
um völdin
Frúin, kýrin og skúrkarnir tveir í leikritinu Pápi veit hvað
hann syngur, sem Leikbrúðuland frumsýnir kl. 14 í dag.
HÓLMFRÍÐUR Matthíasdótt-
ir (Úa) fjallar um menningarlíf í
Barcelóna kl. 13 í dag í Lista-
safni Reykjavíkur – Kjarvals-
stöðum. Fyrirlesturinn er liður í
Barcelónskri menningarhelgi
sem stendur yfir á Kjar-
valsstöðum.
Barcelona er af mörgum talin
ein fegursta borg í Evrópu, enda
iðandi af lífi og uppfull af menn-
ingu og listum, sögu og söfnum.
Hún hefur þá sérstöðu að vera
höfuðborg Katalóníu, auk þess
að vera önnur stærsta borg
Spánar. Stríðir menningar-
straumar renna því um borgina
og þá er hún mekka bókmennta
Suður-Ameríku og höfundar
eins og Gabríel García Marqués
verið uppgötvaðir í Barcelona.
Hólmfríður stiklar á stóru í
sögu Katalóníu, m.a. um það
helsta sem er að gerast í menn-
ingarmálum í Barcelona í dag.
Hólmfríður hefur skrifað og gef-
ið út margar bækur á Spáni sem
fjalla eingöngu um Ísland. Hún
starfar hjá bókaforlaginu RBA,
en það er annað stærsta bókaút-
gáfufyrirtæki á Spáni og gefur
út mörg af þekktustu tímaritum
landsins, eins og t.d spænska
National Geographic.
Fyrirlestur um
menningarlíf
í Barcelona
Á VETRARHÁTÍÐ opnar Hall-
grímskirkja dyr sínar fyrir gestum
og gangandi, með dagskrá í dag frá
kl. 13–17.
Mótettukór Hallgrímskirkju verð-
ur með opna æfingu á Magnificat
eftir Bach og fleiri verkum kl. 13, en
kl. 14 verða listaverk kirkjunnar
skoðuð undir leiðsögn Leifs Breið-
fjörð myndlistarmanns, en hann er
jafnframt höfundur nokkurra þeirra
verka sem prýða kirkjuna, svo sem
stóra gluggans, skírnarfontsins, sem
vígður var í fyrra, og predikunar-
stólsins. „Það eru svo margir fallegir
hlutir í kirkjunni, og fólk þekkir
kannski ekki söguna að baki þeim,“
segir Inga Rós Ingólfsdóttir, fram-
kvæmdastjóri Listvinafélags Hall-
grímskirkju. „Það verður líka sagt
frá Listasafni Hallgrímskirkju sem
á nú töluvert magn af listaverkum,
sem eru ekki alltaf til sýnis.“
Klukkan þrjú verður sérstök
kynning á undraheimi stærsta hljóð-
færis Íslands, Klais-orgelsins í Hall-
grímskirkju, og það er organistinn
Hörður Áskelsson sem leiðir gesti í
allan sannleika um það. „Það getur
vel verið að fólk fái að kíkja upp í
orgelið, en það fer svolítið eftir
stærð hópsins. Það er mjög spenn-
andi að sjá þessa völundarsmíð.“
Inga Rós segir að fólk sé jafnan
mjög spennt fyrir því að fá að skoða
orgelið. „Við erum bara núna að taka
við okkur að kynna orgelið fyrir Ís-
lendingum. Það eru mörg skemmti-
ferðaskip, sem eru með það sem
fastan lið, að skoða orgelið, og ráð-
stefnugestir og fleiri hafa viljað
koma. Þegar við höfum boðið upp á
þetta einu sinni, hefur fólk viljað fá
að koma aftur með gesti sína að
skoða. Orgelið hefur líka verið kynnt
í tengslum við orgeltónleika, eins og
Hörður Áskelsson var með hér um
daginn, og kennarar tónlistarskól-
anna hafa beðið um að fá að sýna
nemendum sínum orgelið. Fólki
finnst þetta algjört ævintýri. Margir
halda að orgel sé bara notað við
sálmaundirleik í messum, en gera
sér ekki grein fyrir því að þetta er
heimur út af fyrir sig, – eins og heil
hljómsveit þess vegna.“
Frá klukkan tvö verður Mótettu-
kórinn með kaffisölu í kirkjunni, –
bæði í suðursal, og jafnvel uppi í
turni líka að sögn Ingu Rósar, og þar
getur fólk hresst sig við milli dag-
skrárliða.
Allan tímann frá kl. 13–17 verður
kynning á starfsemi Listvinafélags-
ins, þar sem Inga Rós segir frá, en
Listvinafélagið er hornsteinn lista-
starfsemi kirkjunnar.
Vetrarhátíð í Hallgrímskirkju
Hörður Áskelsson, organisti í Hallgrímskirkju, með Klais-orgelið í baksýn,
en hann leiðir gesti um undraheima þess í dag kl. 15.
MÁLÞING Tónskóla Sigursveins
um tónlistarmenntun á 21. öld verður
haldið í Kennaraháskóla Íslands í
dag kl. 13.30–17. Stjórnandi þingsins
er Einar Jóhannesson klarinettuleik-
ari. Á þinginu taka til máls fulltrúar
hins opinbera; fulltrúar tónlistar-
skóla og tónlistarnema og fleiri.
Málþing um
tónlistarmenntun
♦♦♦
♦♦♦
Pakkhúsið, Höfn, Hornafirði kl. 14
„Hver saga forn er saga ný“ nefnist
myndlistarsýning með byggingar-
sögulegu ívafi. Þar gefur að líta verk
eftir séra Einar G. Jónsson á Kálfa-
fellsstað. Einar lagði stund á mynd-
list á yngri árum en hefur ekki stund-
að slíkt undanfarna áratugi fyrr en
nú.
Sýningin er opin kl. 14–17 næstu
þrjár helgar og lýkur sunnudaginn 7.
mars.
Í DAG
Sjá einnig Staður og stund á mbl.is
TÓNLEIKAR til styrktar flygilsjóði
Hveragerðis og Ölfuss verða í
Hveragerðiskirkju kl. 17 á laugar-
dag. Fram kom Jón Hólm Stefáns-
son, tenór, Jörg Sondermann, píanó/
orgel, Gréta Salome Stefánsdóttir,
fiðla, og Hulda Jónsdóttir, fiðla. Þau
munu flytja fjölbreytta efnisskrá.
Aðgangseyrir er kr. 1.500. Fyrir
félagsmenn í Tónlistarfélaginu og
eldri borgara kr. 1200 og frítt fyrir
börn 12 ára og yngri.
Styrktartónleikar
í Hveragerði
SAFNARAMARKAÐUR verður í
Menningarmiðstöðinni Gerðubergi í
dag, laugardag, frá kl. 14–17 í
tengslum við sýningu sem þar er,
Stefnumót við safnara. Á markaðn-
um verður fjöldi safnara sem sýnir
og selur úr söfnum sínum eða skiptir
við aðra safnara. Jafnframt býðst
gestum og gangandi að skoða, skipta
og kaupa safngripi. Markaðurinn er
framlag Gerðubergs til Vetrarhátíð-
ar. Auk þessa verður ýmislegt fleira
um að vera í húsinu í tilefninu en Fé-
lagsstarf Gerðubergs býður upp á
dagskrá frá kl. 13–17 í dag.
Safnarar
skiptast á gripum
í Gerðubergi
Gallerí Fold, Rauðarárstíg
Málverkasýningu Elínar G. Jó-
hannsdóttur í Baksalnum lýkur á
morgun, sunnudag. Einnig lýkur
sýningu Sonju Georgsdóttr á papp-
írsverkum í Rauðu stofunni.
Opið daglega kl. 10–18, laugardaga
til kl. 17 og sunnudaga kl. 14–17.
Sýningu lýkur
♦♦♦
KOMIÐ er að öðru kvöldinu á fjög-
urra kvölda námskeiði Jónasar Ingi-
mundarsonar sem ber heitið Hvað
ertu tónlist? í Salnum á mánudags-
kvöld. Gestur Jónasar er Kristinn
Sigmundsson óperusöngvari. Fjallað
verður um Vetrarferðina eftir Franz
Schubert við ljóð Wilhelms Müllers.
Þeir Kristinn og Jónas flytja Vetr-
arferðina í heild á tónleikum í Saln-
um nk. föstudagskvöld.
Samvinna þeirra Kristins og Jón-
asar hefur staðið í meira en tvo ára-
tugi. Kristinn er nýkominn heim frá
Bandaríkjunum þar sem hann var að
syngja við óperuna í Houston í Texas
síðan um áramót.
Námskeiðið er samstarfsverkefni
Endurmenntunar Háskóla Íslands,
Salarins og Kópavogsbæjar.
Fjallað um
Vetrarferð
Schuberts
♦♦♦