Morgunblaðið - 09.03.2004, Qupperneq 20
HÖFUÐBORGARSVÆÐIÐ
20 ÞRIÐJUDAGUR 9. MARS 2004 MORGUNBLAÐIÐ
Reykjavík | Hvatningarverðlaun
Fræðsluráðs Reykjavíkur voru
veitt við hátíðlega athöfn á Kjar-
valsstöðum á laugardaginn. Alls
hlutu átta verkefni í grunnskólum
borgarinnar viðurkenningu fyrir
nýbreytni- og þróunarstarf.
Formaður fræðsluráðs, Stefán
Jón Hafstein, afhenti hvatning-
arverðlaunin, en markmið þeirra er
að veita grunnskólum í Reykjavík
jákvæða hvatningu í starfi, vekja
athygli á því gróskumikla starfi
sem fram fer í grunnskólum
Reykjavíkur og stuðla að auknu ný-
breytni- og þróunarstarfi í grunn-
skólum Reykjavíkur.
Metnaðarfull og
framsækin verkefni
Stefán Jón segist hafa verið afar
stoltur af þeim hópi sem tók við
viðurkenningum á laugardaginn, en
verkefnin hafi öll verið afar metn-
aðarfull og framsækin. „Þau lýsa
mjög vel gerjuninni sem á sér stað í
skólastarfinu í dag,“ segir Stefán.
„Þetta var einkar ánægjulegur við-
burður í ljósi þess hvað þetta eru
frábær verkefni. Mín hvatningarorð
til þeirra voru að láta sem flesta
vita hvað er að gerast í skólunum.“
Mörg verkefnin eru sprottin upp
úr kennslunni. Kennarar þróa þau í
kennslustofum eða víðar í skólunum
oft í samstarfi nemendur, foreldra,
skólastjórnendur og jafnvel úti í
sínu grenndarsamfélagi. Stefán
segir þetta í raun vísbendingu um
aukna opnun og sjálfstæði skóla.
„Að þeir séu að búa sér til nýsköp-
unarverkefni ber því vitni. Fólk er í
verulegri sókn úti í skólunum.“
Alls barst sjötíu og ein tilnefning
til hvatningarverðlauna frá fjölda
aðila og segir Stefán það til marks
um góðar undirtektir. „Þetta eru að
meðaltali tvö verkefni sem tilnefnd
eru á hvern skóla, sem er meira en
að segja það.“
Verkefnin sem hlutu viðurkenn-
ingu voru eftirfarandi:
Háteigsskóli – Valsvæði og ein-
staklingsmiðað nám á miðstigi.
Valsvæði á miðstigi í Háteigs-
skóla er verkefni sem hefur verið í
þróun í mörg undanfarin ár. Kenn-
arar árgangsins vinna saman, bekk-
irnir blandast og nemendur vinna
saman í ólíkum hópum á val-
svæðum sem eru um níu talsins.
Nemendur velja viðfangsefni eftir
kerfi sem tryggir að allir fá ein-
hvern tíma að velja fyrstir. Við-
fangsefnin eru fjölbreytt, í stærð-
fræði er t.d. unnið á skólalóð við
mælingar og hornaskoðun, í móð-
urmáli með málshætti, í eðlisfræði
með rafmagn og hvalaverkefni í
náttúrufræði, spil um Ísland í
landafræði, smásjárskoðun og
enskuverkefni. Nemendur standa
skil á vinnu sinni skriflega með
skýrslu eða eftir eðli viðfangsefnis
hverju sinni eftir vinnu á val-
svæðum.
Fossvogsskóli – ÓMÓ-vefurinn.
Upplýsingatækni í þágu tónmennta.
Á vefsíðunni er að finna fjöl-
breytt námsefni sem Ólafía Mar-
grét Ólafsdóttir, tónmenntakennari
í Fossvogsskóla, hefur ýmist samið
eða safnað, þar er að finna um eitt
þúsund sönglagatexta með und-
irspili, krakkasíðu með leikjum og
söngleikjum en auk lýsinga á leikj-
um og texta fylgja hljóðskrár sem
gera notendum kleift að hlusta á
lögin við leikina. Á vefsíðunni er
einnig að finna lýsingu á tón-
menntakennslu í Fossvogsskóla, en
Ólafía hefur samið lög og texta til
að nota við ýmis tækifæri í skól-
anum.
Hólabrekkuskóli – Skipulagðar
foreldraheimsóknir í 1.–7. bekk.
Átakshópur um foreldrasamstarf
í Hólabrekkuskóla hefur forgöngu
um að efla foreldrasamstarf í skól-
anum og koma á og festa í sessi ný-
breytni í foreldrasamstarfi. Eitt af
verkefnum hópsins voru skipulagð-
ar foreldraheimsóknir í 1.–7. bekk.
Foreldrar eru hvattir til að koma í
heimsókn í skólann og fylgjast með
kennslu. Skipulagið er með þeim
hætti að í hverjum árgangi er val-
inn ákveðinn þáttur skólastarfsins.
Foreldrar sjá því nýja hlið á skóla-
starfinu á hverju ári.
Laugarnesskóli – Perluvina-
félagið. Þjálfun í jákvæðum sam-
skiptum.
Verkefninu er ætlað að efla sam-
kennd nemenda og jákvæð viðhorf í
garð annarra. Í því felst samþætt-
ing lífsleikni við ákveðin svið í námi
í íslensku, s.s. orðaforða, ritun og
tjáningu. Perluvinafélag er stofnað
í byrjun 1. bekkjar og allir nem-
endur bekkjarins eru félagar í því.
Melaskóli – Tölvustudd hönnun
og framleiðsla.
Verkefnið er skref að því að
koma í framkvæmd markmiðum í
námsgreininni hönnun og smíðar.
Nemendur á miðstigi kynnast þar
notkun teikniforrita og tölvufræs-
ara/útskurðarvéla og er þar notuð
tækni sem nefnist töluleg stýring
með tölvu. Markmiðin eru að nem-
endur læri ákveðið hönnunarferli,
frá hugmynd til framleiðslu, læri að
nýta sér CAD-teikniforrit og að
stýra útskurðarvél auk þess að
kynnast tölvustuddri framleiðslu og
fjöldaframleiðsluhugtakinu
Réttarholtsskóli – Dagskrá.
Verkefnið hófst fyrir um 10 árum
og er fastur liður í starfi 10. bekk-
inga. Dagskrá fer fram í sameig-
inlegum tíma árgangsins og við-
fangsefnið er lífið og tilveran,
þjóðfélagið og þegnarnir, félagslíf
og félög í hverfinu eru kynnt, at-
vinnulífið, réttindi og skyldur laun-
þega, fjármál og sparnaður, um-
ferðin, ökuprófið og ábyrgin.
Einnig starf Rauða krossins, úti-
vist, björgunarstörf og fleira mætti
telja. Ýmist koma gestir í skólann
eða nemendur fara í heimsóknir.
Fræðslan gagnast unglingum vel á
þeim tímamótum sem þau standa
frammi fyrir við lok grunnskóla.
Borgaskóli – Í átt að ein-
staklingsmiðuðu námi í 4. bekk.
Markmið verkefnisins sem sett
voru í upphafi eru að gera nem-
endur ábyrga fyrir námi sínu, að
þeir læri að setja sér raunhæf
markmið og læri að meta eigin
vinnu og frammistöðu. Einnig var
markmið að koma til móts við
námsfærni hvers einstaklings og að
nemendur þrói með sér jákvætt
viðhorf til skólans
Ölduselsskóli – Fatlaðir nem-
endur í almennum bekk.
Fjölfatlaðir nemendur eru í
þremur árgöngum í Ölduselsskóla
sem er þeirra heimaskóli. Kennarar
og þroskaþjálfar vinna saman að
fræðslu þeirra og umönnun. Nem-
endurnir fylgja stundatöflu bekkj-
arins og taka þátt í verkefnum eftir
getu. Þá hafa kennslustofur verið
útbúnar með nauðsynlegum hjálp-
artækjum og nýtist sú aðstaða
einnig öðrum nemendum. Nem-
endur á miðstigi hafa skipst á að
vera með fötluðu nemendunum í
frímínútum og er það hluti af lífs-
leiknimarkmiðum stigsins að að-
stoða og umgangast fötluð börn og
þannig myndast einnig félagsleg
tengsl á öðrum forsendum en í
kennslustund.
Hvatningarverðlaun Fræðsluráðs Reykjavíkur veitt átta verkefnum í reykvískum grunnskólum
Stuðla
að auk-
inni ný-
breytni
Skólastjórar og umsjónarmenn verkefna í þeim átta skólum sem hlutu viðurkenningu, ásamt Gerði G. Óskarsdóttur fræðslustjóra, Stefáni Jóni Hafstein,
formanni fræðsluráðs, og Birnu Sigurjónsdóttur, deildarstjóra kennsludeildar Fræðslumiðstöðvar Reykjavíkur.
ReykjavíkurhöfnGranda
garðu
r
Mýrargata
Vesturgata
Undirbúningur að rammaskipulagi
Mýrargötu-slippasvæðis er nú
að hefjast. Af því tilefni er efnt til
kynningar- og samráðsfundar með
öllum sem áhuga hafa í BÚR húsinu
Grandagarði 8 í dag, miðvikudaginn
10. mars, kl. 17:00.
Fundurinn er fyrsti liður í umfangsmiklu
samráðsferli vegna skipulagsvinnunnar og
verður það kynnt ítarlega á fundinum, ásamt
fyrirliggjandi umræðutillögu um skipulag
svæðisins þar sem lögð er áhersla á að
samtvinna áframhaldandi hafnarstarfsemi
annars vegar og vistvænt og vandað
borgarumhverfi hins vegar.
Ráðgjafarhópur, sem í eru VA arkitektar ehf.,
Hönnun hf., Landmótun ehf. og Björn Ólafs
arkitekt, hefur umsjón með verkefninu fyrir
hönd Reykjavíkurborgar og verða talsmenn
hópsins til svara á fundinum, ásamt
fulltrúum skipulagsmála í borginni og
Reykjavíkurhafnar.
Áætluð fundarlok eru kl. 19:00.
Rammaskipulag Mýrargötu-slippasvæðis
Kynningar- og samráðsfundur
VA arkitektar ehf.
A
T
H
Y
G
L
I