Morgunblaðið - 09.03.2004, Blaðsíða 47

FRÉTTIR
MORGUNBLAÐIÐ ÞRIÐJUDAGUR 9. MARS 2004 47
SKÁKSAMBAND Íslands
heldur með veglegum hætti upp á
40 ára afmæli Reykjavíkurskák-
mótanna nú í ár. Á sunnudaginn
var tefld fyrsta umferðin í 21.
mótinu sem haldið er í þessari
mótaröð. Árni Þór Sigurðsson,
forseti borgarstjórnar, setti mótið
og lék fyrsta leiknum í skák Alex-
ey Dreev (2.682) og danska skák-
mannsins Thorbjorn Bromann
(2.371). Það dró strax til tíðinda í
fyrstu umferð. Yfirleitt er mjög
mikill stigamunur á keppendum í
fyrstu umferð og því sjaldgæft að
hinir stigalægri nái að veita and-
stæðingum sínum verðuga
keppni. Sigurður Páll Steindórs-
son (2.218) lét þó stigamuninn
ekki trufla sig og sigraði þýska
stórmeistara Roland Schmaltz
(2.527). Það er ekki slæm byrjun
á móti hjá Sigurði Páli að sigra
andstæðing sem er 300 stigum
fyrir ofan hann. Alþjóðlegi meist-
arinn Jón Garðar Viðarsson
(2.333) byrjaði einnig vel og gerði
jafntefli við pólska stórmeistar-
ann Michal Krasenkow (2.609).
Einna mesta athygli í fyrstu um-
ferð vakti viðureign Sigurbjörns
Björnssonar og ofurstórmeistar-
ans Vladimir Epishin (2.633). Sig-
urbjörn hafði hvítt og náði prýði-
legri stöðu. Eftir 39 leiki var
staða Sigurbjörns orðin það væn-
leg að margir voru farnir að spá
honum öruggum sigri. Sigurbjörn
missti hins vegar þráðinn en virt-
ist þó áfram eiga jafnteflisleið.
Epishin tókst þó að lokum að inn-
byrða vinninginn í 65 leikjum eft-
ir harðvítuga vörn Sigurjóns.
Mótið í ár er afar vel skipað.
Meðal þátttakenda eru 28 stór-
meistarar. Auk þess tefla 5
kvennastórmeistarar á mótinu að
þessu sinni, sem er ánægjulegt
því oft hefur hlutur kvenna í al-
þjóðlegum skákmótum verið allt
of lítill. Sex skákmenn eru með
2.600 stig eða meira. Stigahæstu
keppendurnir eru rússneski stór-
meistarinn Alexey Dreev (2.682),
ísraelski stórmeistarinn Emil
Sutovsky (2.666), þýski stórmeist-
arinn Levon Aronian (2.648),
rússneski stórmeistarinn Vladim-
ir Epishin (2.633) og pólski stór-
meistarinn Michael Krasenkow
(2.609).
Af kvennastórmeisturunum er
bandaríska skákkonan Irina
Krush (2.465) líklega þekktust, en
hún var mjög í sviðsljósinu í skák-
inni Kasparov-heimurinn á sínum
tíma og má segja að hún hafi þar
farið fyrir heimsliðinu.
Undrabarnið norska, hinn 13
ára Magnus Carlsen (2.484) sigr-
aði Halldór Brynjar Halldórsson
(2.159) í fyrstu umferð. Magnus
er af mörgum talinn efnilegasti
skákmaður sem fram hefur komið
á Norðurlöndum. Hann vantar
einn áfanga upp á að verða yngsti
stórmeistari heims. Skyldi þarna
vera á ferðinni væntanlegur
heimsmeistari? Annar keppandi
sem kalla má undrabarn er kín-
verski stórmeistarinn Xiangzhi
Bu (2.600). Það verður fróðlegt að
fylgjast með hvernig þessum
ungu skákmönnum vegnar á
mótinu.
Einnig verður spennandi að
fylgjast með hvernig okkar yngri
skákmönnum á eftir að ganga á
mótinu, en þeir hafa margir verið
að ná athyglisverðum árangri að
undanförnu.
Teflt er daglega í Ráðhúsinu og
hefjast umferðir kl. 17. Áhorfend-
ur eru velkomnir og aðgangur er
ókeypis. Tímamörkin eru 100 mín.
+ 30 sek. á leik á 40 leiki, 50 mín.
+ 30 sek. á leik næstu 20 leiki og
10 mín. + 30 sek. á leik til að
klára skákina.
Hrókurinn sigraði á
Íslandsmóti skákfélaga
Skákfélagið Hrókurinn sigraði
á Íslandsmóti skákfélaga sem
lauk á laugardag. Taflfélagið
Hellir varð í öðru og Taflfélag
Reykjavíkur hafnaði í þriðja sæti.
Athygli vakti að Taflfélag
Reykjavíkur hafnaði því að taka
við verðlaunum fyrir frammistöðu
sína:
Lokastaðan í 1. deild varð
þessi:
1. Hrókurinn-A 46½ v.
2. Hellir-A 39 v.
3. TR-A 38½ v.
4. TV 25½ v.
5. SA-A 21½ v. (7 stig)
6. Hellir-B 21½ v. (4 stig)
7. TR-B 20 v. (3 stig)
8. SA-B 11½ v.
Lokastaðan í 2. deild:
1. Hrókurinn-C 31 v.
2. Taflfélag Garðabæjar-A 25 v.
3. Taflfélag Bolungarvíkur 23 v.
4. Taflfélag Akraness-A 22½ v.
5. Skákfélag Selfoss-A 18½ v.
6. TR-C 16½ v. (5 stig)
7. Taflfélag Kópavogs 16½ v. (4 stig)
8. Skákfélag Reykjanesbæjar 15 v.
Lokastaðan í 3. deild:
1. Skákdeild Hauka 28 v.
2. Skákdeild KR 25 v.
3. Hellir-C 22 v. (8 stig)
4. Taflfélag Dalvíkur 22 v. (7 stig)
5. Skáksamband Austurlands 20 v.
6. Taflfélag Seltjarnarness 18½ v.
7. SA-C 16½ v.
8. TR-D 16 v.
Lokastaða efstu liða í 4. deild:
1. Hrókurinn-D 33 v.
2. Taflfélag Garðabæjar-B 31½ v.
3. Selfoss-B 25 v. (8 stig) (133,5 st.)
4. Taflfélag Hreyfils 25 v. (8 stig) (120,5
st.)
5. Ungmennafélag Laugdæla 25 v.
6. TV-B 23½ v. (10 stig)
7. TR-F 23½ v (8 stig)
8. Hellir-E 22½ v. (8 stig)
9. Haukar-B 22½ v. (7 stig)
10. TR-E 22½ v. (5 stig).
Glæsilegt Reykjavíkurskákmót
Daði Örn Jónsson
Morgunblaðið/Ómar
Forseti borgarstjórnar Reykjavíkur, Árni Þór Sigfússon, setur Reykja-
víkurskákmótið með því að leika fyrsta leiknum í skák rússneska stór-
meistarans Alexeys Dreevs og Danans Thorbjörns Bromanns.
dadi@vks.is
SKÁK
Ráðhús Reykjavíkur
XXI – REYKJAVÍKURSKÁKMÓTIÐ
7.–16. mars 2004
Aðalfundur Foreldrafélags barna
með ADHD, áður Foreldrafélag mis-
þroska barna, verður haldinn í kvöld,
þriðjudaginn 9. mars í Safn-
aðarheimili Háteigskirkju kl. 20.
Gengið er inn frá bílastæðinu.
ADHD stendur fyrir athyglisbrestur
með eða án ofvirkni og skyldar rask-
anir.
Hádegisfundur viðskipta– og hag-
fræðideildar verður í dag, þriðju-
daginn 9. mars kl. 12.15–13.15 í
Odda, stofu 101. Á fundinum verður
m.a. leitað svara við eftirfarandi
spurningum: Hvaða ábyrgð bera
fjármálafyrirtæki? Hver er þróunin
erlendis í þessum efnum? Hvenær
gæta stjórnarmenn sérhagsmuna og
hvenær hagsmuna almennra hlut-
hafa? Hvaða hlutverk hafa fjölmiðlar
gagnvart hlutafélögum og almenn-
ingi? Vantar siðareglur eða skýrari
lög?
Frummælendur eru: Stefán Svav-
arsson, dósent í viðskipta- og hag-
fræðideild, Edda Rós Karlsdóttir,
forstöðumaður hjá Landsbanka Ís-
lands, og Ólafur Stephensen, aðstoð-
arritstjóri Morgunblaðsins. Fund-
arstjóri er Ágúst Einarsson,
deildarforseti viðskipta- og hag-
fræðideildar.
Karlmennska sem auðlind
Guðrún Margrét Guðmundsdóttir
MA heldur fyrirlestur á vegum
Mannfræðifélags Íslands í fyr-
irlestraröðinni Auðlindir
og stjórnun í kvöld, þriðjudagskvöld
kl. 20.00. Fyrirlesturinn ber yf-
irskriftina: Karlmennska sem auð-
lind og aðgangur að valdi. Í fyr-
irlestrinum verður m.a. fjallað um
karlmennsku sem aðgang að valdi út
frá kenningum franska félagsfræð-
ingsins og strúktúralistans Pierre
Bourdieu um karllæg yfirráð (masc-
uline domination). Út frá þeirri
kenningu verður stoðum rennt undir
þá fullyrðingu að aðgangur að karl-
lægu kyngervi sé auðlind. Fund-
urinn er haldinn í húsakynnum
ReykjavíkurAkademíunnar að
Hringbraut 121, 4. hæð. Að loknum
fyrirlestri er opnað fyrir fyrirspurnir
og umræður.
Listasafn Íslands kl. 12.10–12.40
Rakel Pétursdóttir, safnfræðingur,
leiðir gesti safnsins um sýninguna
Löng og margþætt saga.
Lögberg kl. 12.15 Sænski bók-
menntafræðingurinn Lisbeth Saab
flytur fyrirlestur á vegum Stofnunar
Vigdísar Finnbogadóttur um banda-
ríska leikskáldið Lorraine Hans-
berry. Í fyrirlestrinum, sem nefnist
„Lorraine Hansberry and her
World“, mun Saab fjalla um líf og rit-
störf Hansberry, en verk hennar eru
enn sem komið er næsta óþekkt á
Norðurlöndum. Veitt verður innsýn í
líf og störf Lorraine Hansberry
(1930–1965), en hún var bandarískt
leikskáld, menntakona og bar-
áttumaður fyrir félagslegum rétt-
indum. Fyrsta leikrit hennar, sem nú
telst til klassískra verka bandarískra
leikbókmennta, A Raisin in the Sun,
var frumsýnt á Broadway með Sid-
ney Poitier í aðalhlutverki árið 1959
og valið besta leikrit þess árs.
Jón forseti, Aðalstræti kl. 21 Á
ljóðakvöldi ljóð.is lesa rithöfundarnir
Daníel Páll Jónasson, Gísli Þór
Ólafsson, Helen Halldórsdóttir og
Valur Gunnarsson úr verkum sínum.
Einnig verða lesin valin ljóð eftir
Ísak Harðarson og Stefán Hörð
Grímsson.
Goethe-Zentrum, Laugavegi 18,
kl. 20 Klaus Böldl les valda kafla úr
bók sinni „Die fernen Inseln“ Fyrir
bókina hlaut hann Hermann Hesse-
bókmenntaverðlaunin í fyrra. Í bók
sinni leiðir Klaus Böldl lesandann
niður Suðurgötuna og inn í Foss-
vogsdal, til Víkur í Mýrdal og inn á
sandflæmin á Suðausturlandi.
Böldl er fæddur í Passau 1964 og
starfar sem norrænufræðingur og
þýðandi íslenskra miðalda-
bókmennta. Frumraun Böldls var
skáldsagan „Studie in Kristallbild-
ung“ en fyrir hana hlaut hann Tuk-
an-verðlaunin sem borgaryfirvöld í
München veita.
Í DAG
Málstofa um Ísland og Öryggisráð
Sameinuðu þjóðanna Í tengslum
við kennslu á námskeiðinu stjórn-
skipunarrétti og ágripi þjóðaréttar í
lagadeild Háskóla Íslands verður
haldin málstofa um Ísland og Örygg-
isráð Sameinuðu þjóðanna á morgun,
miðvikudaginn 10. mars nk. kl. 12.15–
13.15, í stofu L-101 í Lögbergi. Máls-
hefjendur verða Björn Ingi Hrafns-
son, aðstoðarmaður utanrík-
isráðherra, og Steingrímur J.
Sigfússon, alþingismaður og nefnd-
armaður í utanríkismálanefnd Al-
þingis. Fundarstjóri er Björg Thor-
arensen, prófessor við lagadeild HÍ.
Á málstofunni verður rætt um hlut-
verk og störf Öryggisráðs Sameinuðu
þjóðanna og ástæður þess að Ísland
hefur boðið sig fram til setu í ráðinu.
Fjallað verður um undirbúning að
framboðinu og hver verði hugsanleg
áhrif þess fyrir stöðu Íslands á al-
þjóðlegum vettvangi að eiga sæti í
ráðinu. Að loknum erindum málshefj-
enda verða fyrirspurnir og umræður.
Fræðsluerindi Náttúrufræðistofn-
unar Íslands María Ingimarsdóttir,
líffræðingur á NÍ, flytur erindi sem
hún nefnir „Lífríki háhitasvæða“ á
morgun, miðvikudaginn 10. mars, kl.
12.15, í sal Möguleikhússins á
Hlemmi, Reykjavík. Hrafnaþing eru
öllum opin, nánari upplýsingar um
erindið er að finna á heimasíðu stofn-
unarinnar www.ni.is.
Námskeið um iktsýki – liðagigt
Hjá Gigtarfélagi Íslands er að hefjast
námskeið um iktsýki – liðagigt þar
sem áhersla er lögð á þætti sem
tengjast því að lifa með sjúkdóminn.
Um er að ræða þrjú kvöld, einu sinni í
viku og byrjar námskeiðið á morgun,
miðvikudaginn 10. mars kl. 19.30, í
húsnæði félagsins að Ármúla 5, ann-
arri hæð. Á námskeiðinu verður
fjallað um sjúkdóminn, einkenni
hans, meðferðarmöguleika og áhrif á
daglegt líf, mikilvægi þjálfunar, slök-
un o.fl. Leiðbeinendur á námskeiðinu
verða Arnór Víkingsson gigtarsér-
fræðingur, Hrefna Indriðadóttir
sjúkraþjálfari, Elsa Ingimarsdóttir
iðjuþjálfi og Svala Björgvinsdóttir fé-
lagsráðgjafi. Upplýsingar og skrán-
ing á námskeiðið er á skrifstofu fé-
lagsins.
Á MORGUN
Rangt föðurnafn
Rangt var farið með föðurnafn
Arnar Sigurðssonar í umsögn um
sýningu Halaleikhópsins á Fíla-
manninum sl. sunnudag.
Beðist er velvirðingar á mistökun-
um.
Ekki Everton
Mistök urðu við gerð greinar um
atlögu að togaranum Everton í
þorskastríðinu 1973, sem birtist í síð-
asta sunnudagsblaði Morgunblaðs-
ins. Á mynd, sem fylgdi greininni, er
freigátan HMS Jupiter og togarinn
Lord St. Vincent, ekki Everton eins
og greinarhöfundurinn Guðni Th.
Jóhannesson hafði talið. Hann biðst
velvirðingar á mistökunum.
LEIÐRÉTT
MORGUNBLAÐINU hefur borist
eftirfarandi yfirlýsing stjórnar
Taflfélags Reykjavíkur, sem Torfi
Leósson, formaður félagsins, las
upp á verðlaunaafhendingu á Ís-
landsmóti skákfélaga á laugardag:
„Taflfélag Reykjavíkur mun ekki
taka við verðlaunum í 1. deild á Ís-
landsmóti skákfélaga að þessu
sinni. Með þessu felst hvorki gagn-
rýni á Skáksamband Íslands, né
mótsnefnd Íslandsmóts skákfélaga,
sem hafa staðið sig með prýði sem
endranær.
Hins vegar er ekki lengur hægt
að horfa þegjandi upp á framferði
forráðamanna Skákfélagsins
Hróksins. Með óíþróttamannslegri
framkomu, með því að vísvitandi
brjóta lög Skáksambands Íslands,
með því aðhefja áróðursstríð í fjöl-
miðlum gegn Skáksambandi Ís-
lands og „hinni gömlu skákhreyf-
ingu“, en sú nafngift vísar
væntanlega til allra taflfélaga sem
stofnuð voru á undan Hróknum, og
með því að flækja einfalda áhuga-
mannakeppni í lagaflækjur sem,
hugsanlega, sér enn ekki fyrir end-
ann á, hafa forráðamenn Hróksins
séð til þess að keppni í 1. deild á Ís-
landsmóti Skákfélaga hefur tapað
öllu gildi sínu að þessu sinni.
Taflfélag Reykjavíkur, sem er
elsta og fjölmennasta taflfélag
landsins, hefur ekki áhuga á að
taka þátt í þessum leik.
Hróksmenn hafa unnið gríðarlegt
starf í þágu skákarinnar á undan-
förnum árum. Hins vegar verða for-
ráðamenn Hróksins að spyrja sig
hvort þeir hafi áhuga á að tilheyra
samfélagi taflfélaga. Ef svarið er já,
þá verða þeir að bera virðingu fyrir
leikreglum þessa samfélags og öðr-
um sem tilheyra því.“
Yfirlýsing
frá Taflfélagi
Reykjavíkur
♦♦♦
♦♦♦
AÐILDARFÉLÖG Starfsmanna-
félags Reykjavíkurborgar eiga að
beita sér fyrir því að lágmarkslaun á
samningstíma næstu samninga verði
ekki lægri en 150 þúsund kr. á mán-
uði skv. ályktun aðalfundar félagsins
sl. laugardag. Minnt er á samþykkt
aðalfundar félagsins um 150 þús. kr.
lágmarkslaun sl. haust og er því vís-
að á bug að atvinnuvegir og þjóð-
arbúið „þoli ekki að almennu launa-
fólki séu borguð mannsæmandi laun
meðan nægir peningar virðast vera
fyrir ofurlaunum margra stjórnenda
og ævintýralegum tekjum fjármála-
manna,“ eins og segir í ályktuninni.
Lágmarkslaun
verði ekki undir
150 þúsundum
HRAFN Jökulsson, formaður
Hróksins, segir að Hrókurinn hafi í
einu og öllu farið eftir leikreglum í
kjölfar þess að skákdómstóll Íslands
dæmdi félaginu í vil, aðspurður um
efni yfirlýsingar Taflfélags Reykja-
víkur þar sem forráðamenn Hróks-
ins eru meðal annars ásakaðir um
óíþróttamannslega framkomu.
„Ég get ekki óskað formanni TR
annars en að hann læri að tapa og
læri að vinna. Skákin er prýðilegur
skóli fyrir hvort tveggja,“ sagði
Hrafn.
„Þessi yfirlýsing var gefin án sam-
ráðs við þá skákmenn TR sem höfðu
unnið til þessara verðlauna. Sumir
þeirra hafa sagt mér að þeir hafi
hreint ekki afsalað sér tilkalli til
verðlaunapeningsins góða,“ sagði
Hrafn einnig.
Hann bætti því við að helstu
meistarar TR hefðu óskað Hróknum
til hamingju með sigurinn og margir
þeirra hefðu tekið þátt í gleði Hróks-
ins á laugardagskvöldinu.
Fagna góðri uppskeru
Hann sagði að það sem upp úr
stæði eftir þetta Íslandsmót væri
hversu skemmtilegt það hefði verið.
Hróksmenn fögnuðu góðri upp-
skeru. Þeir hefðu teflt fram sjö
keppnisliðum og alls hefðu það verið
í kringum sextíu skákmenn á öllum
aldri sem tefldu fyrir Hrókinn. Það
hefði verið sérstaklega ánægjulegt
að fjórar af keppnissveitum félagsins
hefðu eingöngu verið skipaðar börn-
um og þar af hefði verið eina stúlkna-
sveitin á Íslandsmótinu.
„Það verður birta yfir þessari
helgi í endurminningunni þegar við
náðum þessari þrennu á Íslands-
mótinu, sigri í 1., 2. og 4. deild,“ sagði
Hrafn að lokum.
Formaður Hróksins
Fórum í einu
og öllu að
leikreglum
♦♦♦