Morgunblaðið - 09.03.2004, Blaðsíða 22

SUÐURNES
22 ÞRIÐJUDAGUR 9. MARS 2004 MORGUNBLAÐIÐ
Njarðvík | Miðbæjarsamtökin
Betri bær stóð fyrir sýningu á
vörum og þjónustu vegna ferm-
inga í húsi Heklu á Fitjum í fyrra-
dag. Fjöldi fyrirtækja tók þátt.
Haldnar voru tísku- og hár-
greiðslusýningar.
Stúlkunum þótti við hæfi að
setja á sig varalit áður en þær
stigu á svið. Unga daman brosir
breitt og vinkonurnar fylgjast með
af áhuga.
Ljósmynd/Hilmar Bragi Bárðarson
Varalit fyrir sýninguna
Grindavík | Björgunarsveitarmenn
telja líklegt að björgunarskipið sem
tók út af flutningaskipi og brotnaði
í fjörunni austan við Selatanga fyrir
helgi hafi staðið af sér brotsjóina og
flotið að landi, nokkurn veginn í
heilu lagi.
Björgunarskipið tók út af flutn-
ingaskipinu Skaftafelli á þriðju-
dagskvöld þegar brotsjór reið yfir
skipið þar sem það var á siglingu
suður af Krísuvíkurbergi. Skipið
fannst ekki við eftirgrennslan. Eftir
að skipulögð leit hófst að reka úr
skipinu síðastliðinn laugardag sást
brak úr því úr leitarflugvél og
björgunarsveitir fóru á vettvang við
Selatanga. Aðalvélarnar sögðu til
um hvar skipið hefði rekið á land og
dreifðist brakið 300 til 400 metra til
austurs frá þeim stað.
Á vef Björgunarsveitarinnar Þor-
björns í Grindavík kemur fram að
skipið hafi staðið af sér stórsjói
þegar það tók út af flutningaskipinu
en brimið brotið það í spón þegar
það rak upp í klettana örfáum
klukkustundum síðar. Símon Hall-
dórsson, félagi í Björgunarsveit
Hafnarfjarðar, eru sömu skoðunar.
Segir að vélarnar væru væntanlega
á hafsbotni ef skipið hefði brotnað á
sjónum.
Símon segir að ekki hafi fundist
neitt nýtilegt úr skipinu. Þá sé erf-
itt að hreinsa brakið í burtu vegna
aðstæðna. Þótt það sé í göngufæri
frá veginum út á Selatanga er
hraunið illt yfirferðar. Reynslan
sýni að brimið muni vinna það verk
með tímanum.
Skipið átti að fara til Raufarhafn-
ar og minna skip sem þar er fyrir
átti í staðinn að fara til Patreks-
fjarðar. Valgeir Elíasson, upplýs-
ingafulltrúi Slysavarnafélagsins
Landsbjargar, segir að þetta óhapp
seinki þessari áætlun eitthvað því
eldra skipið verði á Raufarhöfn
þangað til nýtt kemur. Óvíst er hve-
nær hægt verður að fá nýtt björg-
unarskip, þau liggja ekki á lausu.
Ekkert nýtilegt af braki björgunarskipsins við Selatanga
Hefur flotið heil-
legt að landi
Ljósmynd/Símon
Brak í fjöru: Þak stýrishúss björgunarskipsins rak á land. Við það stendur
Kolbeinn Guðmundsson úr Björgunarsveit Hafnarfjarðar.
Keflavíkurflugvöllur | Fyrirhugað
er að taka upp gjaldskyldu á öllum
bílastæðum við Flugstöð Leifs Ei-
ríkssonar á Keflavíkurflugvelli.
Skipulagi bílastæðanna við flug-
stöðina, svokallaðra skammtíma-
stæða, verður breytt við þær fram-
kvæmdir sem hafnar eru við
stækkun flugstöðvarbyggingarinn-
ar. Merkingar verða bættar og
byggðir skjólveggir á bílastæðun-
um.
Gjaldskylda er á langtímastæð-
unum, sem eru fjær flugstöðvar-
byggingunni. Höskuldur Ásgeirs-
son, forstjóri Flugstöðvar Leifs
Eiríkssonar, segir að erfitt sé að
hafa gjaldskyldu á sumum stæð-
anna en ekki öðrum. Oft sé mikið
álag á stæðunum sem næst eru
húsinu og gjaldskyldu sé ætlað að
bæta nýtingu þeirra. Tekur hann
fram að ekki sé búið að kaupa bún-
aðinn og því hafi ekki verið end-
anlega ákveðið að taka upp gjald-
skyldu. Þá vekur hann athygli á að
samhliða verði útbúnir betri staðir
fyrir fólk að koma farþegum og far-
angri af sér við flugstöðina og þeir
verði gjaldfrjálsir. Ef menn eigi er-
indi inn í flugstöðina sé þeim vísað
á skammtímastæðin og gert sé ráð
fyrir að gjaldskylda myndist eftir
fimmtán mínútur.
Sá búnaður sem fyrirhugað er að
kaupa er að erlendri fyrirmynd og
hefur ekki verið í notkun hér á
landi, að sögn Höskuldar. Fólk mun
geta greitt stöðugjaldið með
greiðslukortum eða peningum, jafnt
inni í flugstöðinni sem úti á stæð-
unum. Gjaldið hefur ekki verið
ákveðið en Höskuldur segir hug-
myndina að hafa það um 100 krón-
ur á klukkustund.
Fyrirhugað að taka upp
gjaldskyldu á öllum stæðum
SAMKOMUHÚSIÐ á Akureyri var
formlega opnað á laugardagskvöld
eftir umfangsmiklar endurbætur og
eins var reist við húsið 136 fermetra
viðbygging. Af þessu tilefni var
frumsýnt nýtt leikverk, Drauma-
landið eftir Ingibjörgu Hjartardótt-
ur. Heildarkostnaður við viðbygg-
ingu, endurbætur og framkvæmdir á
brekku að baki hússins nam um 130
milljónum króna. Samkomuhúsið
var vígt árið 1906 og hefur alla tíð
verið notað undir samkomur af
ýmsu tagi, þar voru í eina tíð haldnir
bæjarstjórnarfundir og þar var að-
staða bæjarskrifstofu, póst-
afgreiðsla var í húsinu, bókhlaða og
þar voru gjarnan haldnir dansleikir.
Leikfélag Akureyrar hefur haft að-
stöðu um húsinu í áratuga skeið, en
atvinnuleikhús hefur verið rekið í
bænum í 30 ár. Húsið hefur verið
friðað frá árinu 1978 og þykir í hópi
glæsilegustu timurhúsa landsins.
Morgunblaðið/Rúnar Þór
Það var þétt setinn bekkurinn á frumsýningu í nýuppgerðu Samkomuhúsi,
en fyrsta verkið var Draumalandið eftir Ingibjörgu Hjartardóttur.
Endurbætt
Samkomuhús
Samkomuhúsið á Akureyri var opnað eftir umfangsmiklar endurbætur en
meðal gesta voru Júlía Björnsdóttir, Elín Antonsdóttir, Anna Karólína
Stefánsdóttir, Höskuldur Höskuldsson og Valgerður H. Bjarnadóttir
Gaman í leikhúsinu: Inga Þöll Þórgnýsdóttir bæjarlögmaður, Sigmundur
Ernir Rúnarsson, formaður leikhúsráðs, og Jón Björnsson sparisjóðsstjóri
hlæja dátt að einhverju skemmtilegu sem ratað hefur af munni Árna Frið-
rikssonar hjá Raftákni sem er lengst til vinstri á myndinni.
AKUREYRI