Morgunblaðið - 09.03.2004, Blaðsíða 25

DAGLEGT LÍF
MORGUNBLAÐIÐ ÞRIÐJUDAGUR 9. MARS 2004 25
Ísumar tolla konur ekki í hár-tískunni nema þær, semskartað geta ljósum lokkum,samkvæmt þeim línum, sem
Intercoiffure, alheimssamtök hár-
greiðslufólks, hefur nú sent frá sér.
Hársnyrtimeistarinn Guðbjörn Sæv-
ar, betur þekktur sem Dúddi, er for-
seti Intercoiffure á Íslandi og er hann
nú í óða önn að kynna kollegum sín-
um nýjustu tískustraumana frá París
og samlöndum. Samtökin senda frá
sér nýjar hárlínur tvisvar á ári, ann-
ars vegar haust- og vetrarlínurnar og
svo vor- og sumarlínurnar, sem nú
eru að líta dagsins ljós og sam-
anstanda af einni herralínu og fjórum
mismunandi dömulínum.
„Dömulínurnar fjórar eiga það
sameiginlegt að vera allar ljósar á lit-
inn, en tvær eru fremur stuttar og
hinar tvær fremur síðar.
Ljósir litir og fjölbreytni
Státi dömurnar ekki af nátt-
úrulegum ljósum háralit, má nota
marga ljósa liti til að lýsa hárið og svo
mætti gjarnan krydda það með hun-
angs- eða jarðarberjableikum litum,
sem báðir gefa fallega tóna, og eru þá
mjög í stíl við förðun sumarsins sem
er út í bleik- og ferskjulitaða tóna,“
segir Dúddi. „Nýju dömu-
klippingarnar, sem sækja áhrif sín
allt aftur til 1920, 1950 og 1970, eru
allar í miklum styttum og eiga það
sammerkt að bjóða upp á fjölbreyti-
leika. Allar síddir eru í gangi og svo
má mjög auðveldlega breyta sömu
klippingunni úr sléttu í krullað og svo
öfugt eftir efnum og ástæðum hverju
sinni, en slétta hárið er búið að vera
áberandi mjög lengi. Það er því gott
að fá tækifæri fyrir tilbreytingu stöku
sinnum.“
Síðhærðir strákar
Hvað herralínuna varðar, þá eru
strákarnir svolítið síðhærðir í ár, segir
Dúddi.
„Beinar línur á strákunum heyra nú
sögunni til, en þess í stað fá þeir nú að
vera frjálslegir með missítt hár. Þeir
eru með súkkulaðibrúnt hár með hun-
angsgylltum blæ. Hárið er á hreyfingu
og allt klippt í styttur í hnakka og á
hvirfli, en bæði toppurinn og hliðarnar
fá að halda síddinni. Þessi herralína
gerir strákana frjálslegri en áður þeg-
ar þeir voru með jafnsítt og þyngra
hár auk þess sem nýja klippingin verð-
ur þeim mjög viðráðanleg. Það er í
raun alveg sama hvernig hárið leggst,
það er alltaf smart, jafnvel eftir ís-
lenskt rok,“ segir Dúddi að lokum.

HÁRTÍSKAN|Blondínur í hunangslituðum
tónum verða áberandi með hækkandi sól
Ljósir lokkar
í öllum síddum
Ljósir lokkar: Hunangslitir tónar
verða vinsælir í vor og sumar.
Karlatískan: Missítt
hár í brúnum og hun-
angsgylltum tónum.
Sumarhárið: Allar
síddir eru í gangi, en
liturinn er ljós.
join@mbl.is
Allt á hreyfingu: Mikið
er um styttur ĺíkt og í
þessari líflegu greiðslu.
Fjölbreytni: Sumar greiðslur má
ýmist hafa liðaðar eða sléttar.
Nýja vor- og sumarhárlínan frá Intercoiff-
ure hefur nú litið dagsins ljós. Guðbjörn
Sævar sagði tískuna kalla eftir ljóshærðum
kvenmönnum og dökkhærðum karlmönnum.
Maður fer að finna fyrirhreyfingum um miðbikmeðgöngunnar. Þæreru vægast sagt ynd-
islegar þó að ég viti eiginlega ekki
hvernig ég á að lýsa þeim með orð-
um. Þegar ég fann fyrir fyrstu hreyf-
ingunum sat ég að horfa á sjónvarp
og var reyndar ekkert með hugann
við óléttuna. Allt í einu fann ég fyrir
einhverjum loftbólum í maganum,
einhvers konar fiðrildi. „Hvað var
þetta?“ hugsaði ég með sjálfri mér og
beið spennt eftir einhverju fram-
haldi. Ekkert gerðist, en nokkrum
dögum síðar spurði mamma mig:
„Ertu farin að finna fyrir einhverju?“
Mér fannst frekar fyndið hvernig
hún hálflækkaði róminn þegar hún
spurði, þetta var náttúrulega svo
merkileg og stór spurning.
Ég sagði henni frá fiðrildinu þarna
um kvöldið og hún staðfesti það af
festu að þetta hefði verið hreyfing.
„Svona byrjar þetta,“ sagði hún og
ég auðvitað ljómaði af spenningi og
gleði. Seinna meir urðu hreyfing-
arnar eins og stór partur af sjálfri
mér, stöðugar og markvissar. Hreyf-
ingarnar verða í rauninni það sem
móðirin getur metið sem staðfest-
ingin á að allt virðist í lagi. Það er í
rauninni ekkert skrýtið þó að sumum
konum finnist það missir þegar
bumban er farin, þetta er svo einstök
tilfinning.
Pabbarnir missa náttúrulega af
miklu. Þeir þurfa að upplifa með-
gönguna meira huglægt, sjá bara
hvernig við
stækkum
og blómstrum
dag frá degi. Ég
hafði lesið einhvers staðar að það
myndi efla tengslin við barnið að
tala við bumbuna. Hljóðnæmi og
heyrn er það sem þroskast fyrst hjá
fóstrinu og því er sagt að þau fari
snemma að þekkja hljóð móð-
urinnar. Oft sagði ég því við pabba
þinn að „tala við bumbuna,“ sem
hann var nú eitthvað smeykur við og
hefur væntanlega þótt eitthvað
asnalegt. Ég grínaðist því bara með
að væntanlega værir þú farin að
þekkja hljóðin frá honum öðruvísi,
t.d. hroturnar á næturnar!
Annars held ég að karlmenn taki
þátt í óléttunni á annan hátt en við
konurnar. Þegar ég var komin rétt
sex mánuði fór pabbi þinn t.d. að
huga að girðingum og hliðum til að
loka betur lóðinni. Ég benti honum á
að þar sem þú værir nú ekki einu
sinni fædd og yrðir rétt eins árs
haustið 2004, þá væri þetta vænt-
anlega í lagi ennþá. En til að fyr-
irbyggja alla hættu, stóð pabbi þinn
samt sveittur við að reka niður girð-
ingarstaura og skipuleggja betur
það lóðarsvæði sem hugsanlega gæti
valdið einhverri hættu fyrir lítið
barn. Það mátti greinilega ekki
seinna vera í hans huga. Sömuleiðis
fór hann að undirbúa herbergið þitt
töluvert á undan mér.

DAGBÓK MÓÐUR
Meira á morgun.
Hreyfing gerir
vart við sig
Börn sem eiga feitaforeldra eruhelmingi líklegritil að glíma sjálf
við offituvandamál á full-
orðinsárum en aðrir. Þetta
er meðal niðurstaðna lang-
tímarannsóknar á vegum
Óslóarháskóla.
Í rannsókninni, sem
gengur undir nafninu
„Lærðu að þekkja líkama
þinn“, var fylgst með
þyngdarþróun 485 ung-
linga fram á fullorðinsár,
eða í 20 ár. Sömuleiðis var
reynt að finna hvað orsak-
aði þyngd þessara ein-
staklinga. Niðurstöðurnar sýndu
m.a. fram á mikilvægi þess að fyr-
irbyggja offitu á unga aldri enda
virðist það draga verulega úr hættu
á feitlagni á fullorðinsárum ef við-
komandi er grannur sem barn.
Í rannsókninni var gengið út frá
svokallaðri líkamsþyngdarvísitölu
(BMI) en þeir þættir sem virðast
hafa hvað mest áhrif á hana á full-
orðinsárum eru líkamsþyngd á ung-
lingsárum, líkamsþyngd foreldra,
hreyfing, reykingar og menntun.
Rannsóknin sýndi að hægt er að
skýra helming þyngdarþróunar frá
barnsaldri að fullorðinsárum út frá
þessum atriðum.
Aðeins 20 prósent léttustu
barnanna í rannsókninni voru of
þung sem fullorðin. Þetta er mun
lægra hlutfall en meðal þyngstu
barnanna þar sem 92,5 prósent
glímdu við offitu á fullorðinsárum.
Sömuleiðis sýndi rannsóknin að
þyngd foreldranna spilaði verulega
inn í því ef annar eða báðir foreldrar
barnanna voru of þungir var barnið í
tvöfalt meiri hættu á að verða sjálft
of þungt sem fullorðið. Telur stjórn-
andi rannsóknarinnar, Elisabet
Kvaavik, að þetta megi skýra með
því að foreldrarnir leggi grunninn að
neyslumynstri og hollustuháttum
okkar sem fylgja okkur í gegnum líf-
ið.
Niðurstöðurnar styrktu líka þær
kenningar sem ganga út á að reyk-
ingar auki brennsluna og að viðkom-
andi eigi á hættu að þyngjast hætti
hann að reykja. Þeir sem höfðu
reykt á unglingsárum og hætt síðar
meir áttu frekar á hættu að vera of
þungir en þeir sem höfðu aldrei eða
alltaf reykt og þeir sem byrjuðu að
reykja á meðan á rannsókninni stóð.
Kvaavik undirstrikar þó að þessar
niðurstöður megi ekki hvetja fólk til
að halda reykingum áfram hafi það á
annað borð byrjað. Þá leggur hún
áherslu á að jafnmargir of þungir
einstaklingar voru meðal þeirra sem
alltaf höfðu reykt og meðal þeirra
sem aldrei höfðu reykt.
Eins og búast mátti við átti dagleg
hreyfing sinn þátt í að útskýra
þyngdarmun þátttakenda rannsókn-
arinnar en hvers kyns íþróttaiðkun
eykur brennslu. Loks skipti mennt-
un þátttakendanna og foreldra
þeirra miklu máli og útskýrir Kvaa-
vik þetta atriði með því að menntun
auki líkurnar á að einstaklingarnir
taki skynsamlegar ákvarðanir þegar
kemur að hreyfingu og mataræði.

HEILSA
AP
Offituvandinn: Það getur verið erfitt að glíma
við aukakílóin þegar þau fylgja manni frá
barnæsku. Rannsóknir sýna að ef tekst að
stemma stigu við offitu hjá börnum minnka
líkurnar á offituvandamáli síðar meir.
ben@mbl.is
Fituvandinn
fylgir manni