Morgunblaðið - 09.03.2004, Side 39

MINNINGAR
MORGUNBLAÐIÐ ÞRIÐJUDAGUR 9. MARS 2004 39
✝ Jens GuðbjörnMarkússon fædd-
ist í Súðavík við
Álftafjörð 14. júní
1924. Hann lést á
Fjórðungssjúkrahús-
inu á Ísafirði 3. mars
síðastliðinn. Foreldr-
ar Jens voru Hall-
dóra Jónsdóttir frá
Brekku í Langadal í
Nauteyrarhreppi, f.
29.9. 1893, d. 4.9.
1976, og Guðjón
Markús Kristjánsson
frá Súðavík, f. 14.9.
1889, d. 9.5. 1947.
Systkini Jens voru Laufey, f. 1915,
d. 1984, Kristján, f. 1916, d. 1926,
Guðríður, f. 1920, Kristjana, f.
1926, Árni, f. 1929, d. 1999, og
Svava, f. 1933.
Á jóladag árið 1952 giftist Jens
Elínu Óladóttur frá Ísafirði, f.
22.10. 1929, d. 1.2. 1996. Þeirra
dætur voru: 1) Hall-
dóra Guðrún, f.
1950, gift Jóhanni
Marínóssyni, f. 1947.
Þeirra börn eru:
Rakel, f. 1968, Aron,
f. 1973, Enok, f.
1975, Orri, f. 1979,
og Tanja, f. 1984. 2)
Guðmunda Jóhanna,
f. 1952, gift Halldóri
S. Halldórssyni, f.
1952. Þeirra börn
eru: Elísabet, f.
1975, og Sigurjón, f.
1985. 3) Guðrún Ás-
gerður, f. 1954, gift
Guðmundi Jónssyni, f. 1952.
Þeirra börn eru: Elmar, f. 1979,
Hrannar, f. 1981, og Jenný, f.
1986. Barnabarnabörn Jens og El-
ínar eru orðin sex.
Jens verður jarðsunginn frá
Ísafjarðarkirkju í dag og hefst at-
höfnin klukkan 14.
Elsku afi, ekki óraði mig fyrir því
að spjallið okkar í hádeginu á laug-
ardeginum fyrir andlát þitt yrði okk-
ar síðasta. Það er margs að minnast
af kynnum okkar í gegnum tíðina en
það sem ber hæst eru heimsóknirnar
á „10“ eða Hnífsdalsveg 10 á Ísafirði
þar sem þú bjóst ásamt ömmu Ellu,
eins og við krakkarnir kölluðu hana.
Ávallt var hús ykkar opið fyrir okkur
barnabörnunum til lengri eða
skemmri dvalar, þá oftast um sum-
artímann. Það voru forréttindi að fá
að alast upp um langar sumarnætur
hjá þér og ömmu, veiða sjóbleikju í
Vöðunum, rúnta niður á höfn eða
skreppa í heimsókn á Sjónarhól í
Súðavík þar sem þú varst fæddur og
uppalinn og hafðir sterkar tilfinning-
ar til.
Þú kynntir mig fyrir röskum 25 ár-
um, þá fimm ára smápúka, fyrir veiði-
gyðjunni þegar þú gafst mér forláta
veiðistöng og kenndir stráknum að
veiða. Má segja að það hafi verið ást
við fyrstu sýn. Síðan þá höfum við far-
ið ófáar ferðirnar saman, ásamt góð-
um veiðifélögum og heiðursmönnum
sem þú virtir mikils, í laxveiðiárnar í
innanverðu Ísafjarðardjúpinu: Laug-
ardalsá, Hvannadalsá og Langadalsá.
Það var oft glatt á hjalla eftir góða
veiði í veiðikofunum og veiðisögurnar
fuku óspart, sumar oftar en einu sinni
og urðu betri í hvert sinn. Þínar síð-
ustu veiðiferðir með okkur frændun-
um voru síðastliðið sumar í Langa-
dalsána. Þó að heilsan hafi ekki verið
sem best um vorið, þá batnaði hún ört
þegar nær dró fyrsta veiðitúrnum í
byrjun júlí. Þó að þú treystir þér ekki
til að veiða sjálfur þá naust þú þess að
standa á bakkanum, fylgjast með
veiðunum og síðast en ekki síst ánni
þinni sem þú hafðir heimsótt í áratugi
og þekktir hvern einasta stein. Hef ég
grun um að þú hafir vitað að húmaði
að kveldi í lífi þínu og að ekki væru
margar veiðiferðir eftir því þú naust
samvistanna með okkur frændunum
til hins ýtrasta.
Það verður skrítið og tómlegt að
koma á Ísafjörð í náinni framtíð og
vita ekki af þér þar, rúnta með þér
um nágrennið á bláu og hvítu Feroz-
unni sem flestir á Ísafirði kannast við.
Enn erfiðara verður að upplifa það að
hafa þig ekki með í veiðiferðunum,
segjandi misskreytnar sögur af þeim
stóra sem slapp eða gefa góð ráð. En
ég veit að þú verður með okkur
frændunum í anda á bakkanum
Elsku afi, takk fyrir alla hlýjuna og
gestrisnina í gegnum árin. Við mun-
um sjást síðar.
Þinn afastrákur
Aron.
Elsku afi, nú ertu farin á betri stað
þar sem þú ert búinn að hitta ömmu
Ellu. Ég á margar góðar bernsku-
minningar frá þér og ömmu á Hnífs-
dalsvegi 10 eða „Tíunni“ eins og hún
var kölluð, því þar mættu allir gest-
risni og hlýju í sinn garð. Það var allt-
af svo gaman að koma á Ísafjörð þeg-
ar maður var lítill, fara niður í
kjallara og sækja sér harðfisk sem þú
hertir sjálfur og borða hann með
miklu smjöri. Ég man líka eftir veiði-
ferðunum inn í Djúp þar sem veitt var
allan daginn, komið inn og fengið sér
skúffuköku og kleinur sem amma
hafði bakað af mikilli list. Á jólunum
biðum við systkinin með óþreyju eftir
að fá hörðu pakkana frá ykkur því að
þeir voru alltaf langflottastir því þið
voruð ávallt svo örlát við barnabörn-
in. Það var ávallt hlýtt og notalegt í
eldhúsinu á „Tíunni“ þar sem þú
drakkst ávallt molasopann þinn og
stundum fékk ég að dýfa mola í kaffið
þegar foreldrarnir sáu ekki til og
sötra hann með þér. Þú sagðir mér
tröllasögur af sjónum, þegar mamma
var lítil og óþekk og böllunum sem þú
og amma fóruð á þegar þið voruð ung.
Ávallt var mikið hlegið að sögunum
svo undir tók í eldhúsinu og þú hlóst
ávallt manna mest. Oft hlustuðum við
amma Ella á gömul harmonikulög í
litla eldhúsinu og dönsuðum gömlu
dansana saman, þar til þú spurðir
mig hvort þú mættir taka yfir. Síðan
svifuð þið amma yfir eldhúsgólfið.
Því miður kom ég ekki mikið vest-
ur að heimsækja þig hin síðustu ár en
þú komst svo oft til Reykjavíkur
þannig að endurfundirnir urðu reglu-
legir og þú kysstir mig ávallt í bak og
fyrir.
Elsku afi, ég á svo margar góðar
minningar um þig sem ég mun varð-
veita með mér um ókomna tíð.
Takk fyrir allt.
Tanja.
Elsku afi Jens. Þó að kynni okkar
hafi verið stutt , þá muntu ávallt eiga
stórt rúm í hjarta mínu. Ég minnist
hlýju þinnar þegar ég hitti þig fyrst í
brúðkaupi mínu og Arons í febrúar
2002 og ég fann að við áttum strax vel
saman þó að við kæmum sitt frá hvor-
um menningarheiminum. Ég leit
strax á þig sem afa minn og kallaði
þig alltaf afa Jens því mér fannst ég
ávallt vera sem eitt af barnabörnum
þínum. Ég naut þess að heimsækja
þig tvisvar vestur á Ísafjörð síðast-
liðið sumar þar sem ég og Aron rúnt-
uðum með þér á æskuslóðirnar í
Súðavík, um Ísafjörð og nærsveitir.
Þú opnaðir heimili þitt á Hlíf fyrir
mér og ekkert var of gott fyrir mig
þar sem ég var ólétt af frumburði
okkar hjóna. Það gladdi mig mikið að
þú gast verið við skírn Hectors Snæs
í lok desember ásamt þinni nánustu
fjölskyldu og barnabörnum. Ég
minnist einnig veiðitúrsins í Langa-
dalsá í byrjun júlí þar sem þú naust
þess að vera með strákunum þínum,
Aroni og Elmari, við veiðar ásamt
góðum félögum en það var þitt líf og
yndi. Ekki var verra að ég gat skenkt
þér af forláta rommi frá Níkaragva
sem þér þótti svo ómótstæðilegt,
svona rétt fyrir svefninn eins og þú
orðaðir það svo vel, svo þú svæfir bet-
ur. Því miður get ég ekki gefið þér
meira níkaragvaskt romm rétt fyrir
svefninn, elsku afi Jens og er það
miður að kynni okkar hafi ekki orðið
lengri. Ég mun ávallt minnast þín
með mikilli hlýju um ókomin ár.
Þín
Marjourie Paola Hernandez.
Minningarnar birtast í huga mér
eins og svipmyndir augnablika þegar
ég frétti af láti föðurbróður míns. Það
er svo að hvert minnisbrot á sér stað
og stund og þau eru ekki af skornum
skammti sem tengjast honum Jenna.
Svo sterkur persónuleiki sem hann
var með sinn óviðjafnanlega áhuga
fyrir að spjalla, sérstök orðatiltæki og
hve alltaf var mikið að gera hjá hon-
um.
Jenni hefur alltaf verið hluti af til-
veru minni. Í bernsku sem bróðir
hans pabba sem bjó með konu sinni
Ellu og dætrunum þremur á Ísafirði
en með þeim ríkti mikill kærleikur og
vinátta. Á fullorðinsárunum mynduð-
ust sterk tengsl milli fjölskyldu minn-
ar og Ellu og Jenna. Ómetanleg vin-
átta þeirra og aðstoð er við ung að
árum fluttum til Ísafjarðar og bjugg-
um í nánara samfélagi við þau. Alltaf
var okkur tekið opnum örmum í
heimsóknum okkar, dætrum okkar til
mikillar gleði, þarna eignuðust þær
eiginlega þriðju ömmuna og afann,
því hin bjuggu í Reykjavík. Og á síð-
ustu árum eru sumarbrot, þegar
Jenni kemur akandi hægt og rólega á
jeppanum sínum á sínar æskuslóðir
og heimsækir okkur í sumarhúsið
okkar í Súðavík, þá orðinn ekkjumað-
ur. Ellu missti hann árið 1996 og var
það mikill söknuður.
Jenni var sjómaður á sínum yngri
árum og stundaði fiskeiðar en þurfti
að láta af þeirri atvinnu sökum heilsu-
brests. Veiðiskapur átti þó alltaf hug
hans og fór hann í veiðitúra á hverju
sumri ásamt félögum sínum. Það
duldist engum að þeim fylgdi mikil
tilhlökkun, hafist var handa við að
baka skúffuköku og jólaköku til að
bjóða upp á með kaffinu og eftir
heimkomu fylgdu léttkryddaðar sög-
ur af aflabrögðum.
Jenni var Vestfirðingur í húð á hár,
þar opnuðust augu hans í fyrsta sinn
og þar lukust þau aftur. Þar var að
hans mati alltaf gott veður og þar
skein sólin skærast.
Lífið er eins og kvikmynd, þar sem
aðalleikarinn ræður nokkru um fram-
vindu. Þegar myndinni er lokið kem-
ur væntanlega framhald sem enginn
veit fyrr en hann hefur lokið sinni
fyrri mynd. Jenni gerði góða mynd og
einhvern veginn ímynda ég mér hann
brosa mót Ellu sinni og öðrum ástvin-
um í landi ósýnileikans.
Elsku Jenni, fyrir hönd okkar Jón-
asar og dætra okkar þakka ég þér
samfylgdina og ómetanlegar sam-
verustundir. Við biðjum góðan Guð
að vera með þér og fylgja þér til ljóss-
ins eilífa.
Far þú í Guðs friði.
Kæru Dóru Gunn, Mundu, Ásý,
tengdasonum og barnabörnum og
öðrum ástvinum sendum við okkar
dýpstu samúðarkveðjur.
Halldóra G. Árnadóttir.
JENS GUÐBJÖRN
MARKÚSSON
Ástkær eiginkona mín, móðir okkar, tengda-
móðir og amma,
MAGGA ALDA ÁRNADÓTTIR
frá Núpakoti,
lést mánudaginn 1. mars.
Útförin fer fram frá Eyvindarhólakirkju mið-
vikudaginn 10. mars kl. 14.00.
Þorvaldur Sigurjónsson,
Hafdís Þorvaldsdóttir, Matthías Jón Björnsson,
Guðlaug Þorvaldsdóttir, Árni Gunnarsson
og barnabörn.
Inger Steinsson,
útfararstjóri,
s. 691 0919
Ólafur Ö. Pétursson,
útfararstjóri,
s. 896 6544
Bárugötu 4, 101 Reykjavík.
S. 551 7080
Vönduð og persónuleg þjónusta.
Ástkær eiginmaður minn, faðir okkar, tengda-
faðir og afi,
KÁRI ÓLFJÖRÐ NÝVARÐSSON
kennari,
Hlíðarvegi 59,
Ólafsfirði,
lést á heimili sínu laugardaginn 6. mars sl.
Útförin auglýst síðar.
Sigrún Ingólfsdóttir,
Kristín Ólfjörð Káradóttir, Ásgrímur Pálmason,
Sigmar Ólfjörð Kárason, Heiðrún Sjöfn,
Inga Hilda Ólfjörð Káradóttir, Daníel Víkingsson
og barnabörn.
Ástkær eiginmaður, faðir okkar, tengdafaðir,
afi og langafi,
KOLBEINN KRISTÓFERSSON
læknir,
Garðatorgi 7,
Garðabæ,
lést á St. Jósefsspítala í Hafnarfirði aðfaranótt
laugardagsins 6. mars.
Jarðarförin fer fram frá Vídalínskirkju í Garða-
bæ þriðjudaginn 16. mars kl. 13.30.
Álfheiður Óladóttir,
Þórunn Kolbeinsdóttir, Gísli Jónsson,
Þórdís Kolbeinsdóttir, Hafsteinn Sæmundsson,
Egill Kolbeinsson, Guðbjörg S. Hólmgeirsdóttir,
barnabörn og barnabarnabörn.
Ástkær móðir okkar, tengdamóðir og amma,
ELÍN SIGRÍÐUR SVEINSDÓTTIR,
Jörundarholti 1a,
áður til heimilis á
Garðabraut 4,
lést á Sjúkrahúsi Akraness laugardaginn
6. mars.
Útförin fer fram frá Akraneskirkju föstudaginn
12. mars kl. 14.00.
Sveinn Einarsson,
Guðmundur Einarsson,
Jónína Sigurbjörg Einarsdóttir, Ævar Gunnlaugsson,
Sævar Rúnar Einarsson, Sigríður Sigurvaldadóttir,
Baldvin Einarsson
og barnabörn.
Ástkær eiginkona mín, móðir okkar, tengda-
móðir, amma og langamma,
HALLA VALGERÐUR PÁLSDÓTTIR,
Sogavegi 133,
Reykjavík,
lést föstudaginn 5. mars.
Ari B. Franzson,
Sigríður Aradóttir,
Franz Arason, Anney B. Sveinsdóttir,
Magnea B. Aradóttir, Reynir Magnússon,
Páll B. Arason, Gunnlaug K. Gunnarsdóttir,
Þórunn Aradóttir, Ágúst Ágústsson,
Jón Arason, Sigríður M. Sigurgeirsdóttir,
barnabörn og barnabarnabörn.