Morgunblaðið - 13.03.2004, Síða 33

flaskan hátt í fimm þúsund krónur í
Heiðrúnu. Til eru fjölmargir aðrir
góðir framleiðendur. Til að mynda
finnast mér rauðvínin frá Peter Lem-
ann í Ástralíu afbragðs góð auk þess
sem chilesk og suður-afrísk vín
svíkja sjaldan. Ég er hinsvegar
hvorki hallur undir frönsk né spönsk
vín, en þónokkur ítölsk koma til
greina. Þegar kemur að hvítvínsvali
verða ítölsk vín oftar en ekki fyrir
valinu,“ segir Einar.
Silungur í álvasa
Einn smásilungur á mann. Tekið er
innan úr silungnum hryggmegin, en
kviðurinn á silungnum skal vera
óskorinn. Skerið frá hnakka að
sporði báðum megin við bakuggana
og skerið eða farið varlega með þum-
alfingrum niður með þunn-
ildabeinum. Þegar tekið er innan úr
með þessum hætti er hægt að fjar-
lægja þunnildabeinin auðveldlega.
Klippið síðan hrygginn í sundur með
skærum, þétt við hnakkann og fram-
an við sporðinn. Því næst skal skera á
kútmagann og görn við gotrauf og
taka þannig allt innan úr fiskinum.
Snúið silungnum síðan á rönguna og
þvoið með köldu vatni. Nú er fisk-
urinn tilbúinn til fyllingar.
Fylling í einn silung:
¼–½ rauðlaukur
¼–½ salatlaukur
¼–½ rauð paprika
¼ gul paprika
5 þunnt skornar púrrulauksneiðar
2 meðalstórir sveppir
½ tómatur
1 tsk. tómatþykkni
1 tsk. mango chutney
½ tsk. marinn hvítlaukur
Knorr eða Oskar fiskikraftur
salt
svartur pipar
sítrónupipar
1 msk. smjör
gráðostur eða rifinn mozzarellaostur
Laukinn, paprikuna, tómatinn og
sveppina skal skera frekar smátt og
setja í skál. Stráið kryddinu yfir og
blandið vel saman. Klípið smjörið og
fiskikraftinn saman við. Smyrjið sil-
unginn að innan með mango chutney
og tómatþykkni og hvítlauknum.
Fyllið nú silunginn vel með krydd-
blandaða grænmetinu. Takið fram ál-
pappír og rífið tvö stykki, það stór að
hægt sé að brjóta þau saman ofan við
fiskinn, og leggið þau hvort ofan á
annað. Smyrjið álpappírinn með
smjöri og stráið grófum svörtum pip-
ar og sítrónupipar í smjörið. Leggið
fiskinn á kviðinn á miðjan álpappír-
inn, brjótið álpappírinn fyrst saman
ofan við silunginn og síðan til end-
anna þannig að silungurinn sé eins og
í poka. Nú er hann tilbúinn á útigrillið
eða í skúffuna í ofninum. Ofninn skal
vera um 180°C, og þegar fiskurinn er
búinn að vera í 10–15 mínútur í ofn-
inum skal taka skúffuna með álpok-
unum út og klippa ofan af þeim rétt
ofan við silunginn og klípa gráðostinn
eða rífa annan ost yfir grænmetið.
Sett aftur inn í ofninn eða grillinu lok-
að þar til osturinn hefur bráðnað yfir
fyllinguna. Þessa aðferð er einnig
gott að nota til þess að ofnbaka annan
fisk með fyllingu, t.d. fiskflak skorið í
strimla og fyllingin lögð ofan á striml-
ana.
DAGLEGT LÍF
MORGUNBLAÐIÐ LAUGARDAGUR 13. MARS 2004 33
Að þessu sinni röltum við umsýninguna Matur 2004sem var nýlega haldin íKópavogi.
Þeir sem búa einir hafa oft kvart-
að yfir því hve fjölskyldupakkningar
virðast allsráðandi í allri matvöru
hér á landi þrátt fyrir þá staðreynd
að tæp 27% allra Íslendinga búa ein-
ir. Fyrirtækið Fjallalamb á Kópa-
skeri ákvað sl. sumar að bregðast við
slíkri eftirspurn og setti á markað
Einbúann, línu af lambasteikum í
200–350 g pakkningum, sem ætlaðar
eru þeim sem eru 1–2 í heimili.
Viðtökurnar hafa líka verið góðar
að sögn Garðars Eggertssonar,
framkvæmdastjóra Fjallalambs.
„Þemað bak við línuna var að bjóða
upp á góðan valkost fyrir þá sem eru
kannski bara einn til tveir í heimili
og vilja elda góðan mat án þess að
sitja svo uppi með mikla afganga og
undirtektirnar hafa verið afar góð-
ar,“ segir Garðar. „Ég held líka að
við höfum verið heppin með val á
kryddi, en hugsunin þar var að vera
með mild krydd og náttúruleg og lít-
ið salt svo að lambakjötsbragðið skili
sér í gegn. Menn eiga þá líka frekar
möguleika á að bæta við kryddi ef
þeir vilja skerpa á bragðinu.“
Hægt er að velja um fjórar mis-
munandi gerðir af Einbúasteikum:
lundir, fillet, ribeye og sirloin og hef-
ur kjötið m.a. verið til sölu í Fjarðar-
kaupum, verslunum Hagkaupa og
Melabúðinni svo dæmi séu tekin.
Á sýningunni voru hressir menn
frá fyrirtækinu Grími kokki í Vest-
mannaeyjum að kynna heilsurétti,
þrjár tegundir af grænmetisbuffum,
gulrótar- og linsubaunabuff, hvít-
lauks- og hvítbaunabuff og ítalskt
linsubaunabuff.
„Við förum af stað með þrjár teg-
undir og svo getur vel verið að fleiri
fylgi í kjölfarið því viðtökurnar hafa
verið það góðar,“ segir Sigmar
Georgsson sem rekur fyrirtækið
Grím kokk ásamt Grími Þór Gísla-
syni.
Þeir hafa um árabil framleitt fisk-
rétti eins og plokkfisk, fiskibollur og
buff og viðskiptavinir hafa af og til
innt þá eftir því hvort þeir vilji ekki
líka hefja framleiðslu grænmet-
isrétta.
„Við fórum að fikra okkur áfram og
þetta varð niðurstaðan. Buffin eru
seld í neytendapakkningum og þá eru
fjögur stykki í pakka. Buffin eru full-
elduð og þarf bara að hita þau upp. Þá
er einnig hægt að fá buffin pökkuð
lausfryst, fimmtíu saman í pakka.
Grænmetisréttirnir fást í Nóatúns-
búðunum, Hagkaupum, Fjarð-
arkaupi, 11-11 og hjá Samkaupum.
 MATUR | Á röltinu
Þrjár tegundir af
grænmetisbuffum
eru í boði hjá
Grími kokki.
Einbúalínan: Lambasteikur sem
ætlaðar eru fyrir einn eða tvo.
Veisla fyrir einn
og grænmetisbuff
VINSÆLDIR megrunarkúra
sem byggjast á því að kol-
vetna sé neytt í sem minnstu
magni hafa leitt til þess að
ýmsir matvælaframleiðendur
eru nú farnir að markaðs-
setja kolvetnasnauðar vörur.
Matvælafyrirtæki og veit-
ingastaðir hafa áttað sig á
því að fjölmargir vilja draga
úr hlutfalli kolvetna í dag-
legu fæði, þótt þeir séu ekki
tilbúnir að fara eftir ströng-
um megrunarkúrum eins og
þeim sem kenndir eru við
Atkins eða South Beach. Í
síðasta mánuði komu fulltrú-
ar 450 fyrirtækja, þar á með-
al matvælarisa á borð við
Kraft og Wal-Mart, saman í
Denver til að ræða mögu-
leikana á þessum markaði,
sem spáð er að muni velta
um 25 milljörðum dollara á
þessu ári.
Þá hafa veitingastaða-
eigendur í vaxandi mæli svar-
að eftirspurn eftir kolvetna-
snauðu fæði, þar á meðal
keðjur eins og T.G.I. Fri-
day’s, auk þess sem nýjar
veitingastaða- og versl-
anakeðjur sem sérhæfa sig á
þessu sviði eru að spretta
upp. Þá hóf nýtt tímarit helg-
að efninu, LowCarb Living,
göngu sína í janúar.
Bjóða
kolvetna-
snauða
fæðu
 BANDARÍKIN
opi›: laugardaga 10-16 og sunnudaga 13-16
FATBOY GRJÓNAPOKINN
S
t
æ
r
›
:1
4
0
x
1
8
0
c
m
FLOTTASTA FERMINGARGJÖFIN
VER‹ 19.900 KR.
Opnunartími:
Mán-föst 11-18.30
Laugard 10-18
Sunnud 13-17
Skútuvogur 2 :: 104 Reykjavik
Sími: 522-9000 :: Fax: 522-9001
“Ein með öllu”
Tölva, sími
og myndavél
Allur pakkinn á
aðeins 149.900
Það gerist ekki betra.
1 4 4 4
w w w. g u l a l i n a n . i s