Morgunblaðið - 13.03.2004, Side 63

ÍÞRÓTTIR
MORGUNBLAÐIÐ LAUGARDAGUR 13. MARS 2004 63
SIGFÚS Sigurðsson verður með
Magdeburg í dag þegar liðið sækir
Flensburg heim í fyrri undan-
úrslitaleik liðanna í Meistaradeild
Evrópu í handknattleik. Sigfús var
hvíldur í síðustu tveimur deildar-
leikjum Magdeburg en meiðsl í hné
hafa verið að angra hann og lék
hann draghaltur gegn Flensburg í
byrjun þessa mánaðar.
„Ég er nú ekki alveg orðinn góð-
ur en það kemur ekki til greina
annað en að spila. Ég harka af mér
og sjúkraþjálfararnir tjasla mér
saman og vonandi heldur hnéð. Ég
hef ekkert æft í meira en tíu daga
og hef aðeins farið í sund, hjólað og
lyft. Það getur vel verið að ég spili
bara varnarleikinn en það verður
bara að koma í ljós,“ sagði Sigfús
við Morgunblaðið en hann var á leið
í rútu með félögum sínum áleiðis til
Flensburg.
Magdeburg vann báða deildar-
leikina á móti Flensburg á leiktíð-
inni, hinn fyrri á útivelli með 11
marka mun og 2. mars síðastliðinn
vann Magdeburg leik liðanna,
32:26. „Það var lítið að marka fyrri
leikinn. Flensborg hitti á afleitan
dag og ég reikna með svakalega
erfiðum leik. Ef okkur tekst að
smella vörninni saman þá er ég
sannfærður um að við sigrum og
það vinnur ekkert lið okkur ef
vörnin er í lagi.“
Þess má geta að Stefán Arnalds-
son og Gunnar Viðarsson dæma
leikinn í Flensburg í dag sem hefst
klukkan 14 að íslenskum tíma.
Sigfús ætlar að harka
af sér gegn Flensburg
VEIGAR Páll Gunnarsson er
orðinn leikmaður norska úr-
valsdeildarliðsins Stabæk en
hann skrifaði í gærundir
þriggja ára samning við Sta-
bæk að lokinni læknisskoðun
hjá félaginu. Forráðamenn
Stabæk vænta mikils af Veig-
ari og sagði Gaute Larsson,
þjálfari Stabæk, við norska
blaðið Budstikka að Veigar
myndi að falla vel inn í leikstíl
liðsins og hann ætti eftir að
gera mótherjum sínum lífið
leitt.
„Veigar hefur yfir miklum
hraða að ráða. Hann hefur
góða tækni, er snöggur í
hreyfingum og þá skapast af-
ar gott spil í kringum hann,“
segir Larsen.
Allt klárt
hjá Veigari
FÓLK
 RÚNAR Kristinsson skoraði eitt
marka Lokeren þegar liðið vann
Heusden-Zolder, 3:2, á útivelli í belg-
ísku 1. deildinni í knattspyrnu í gær-
kvöld.
 EINAR Karl Hjartarson varð í 11.
sæti í hástökki á bandaríska háskóla-
meistaramótinu í frjálsíþróttum í
gærkvöldi, en mótið fór fram í Fay-
etteville í Arkansas. Einar stökk 2,13
metra.
 HELENA Ólafsdóttir, þjálfari A-
landsliðs kvenna í knattspyrnu hefur
gert eina breytingu á landsliðshópn-
um sem mætir Skotum í vináttulands-
leik í Egilshöll í dag. Laufey Ólafs-
dóttir úr Val getur ekki leikið vegna
veikinda, og í hennar stað var Sólveig
Þórarinsdóttir úr KR valin. Sólveig
er nýliði í íslenska landsliðinu en hún
hefur leikið með U-17 og U-19 lands-
liðum Íslands.
 ARSENE Wenger, knattspyrnu-
stjóri Arsenal, var í gær útnefndur
knattspyrnustjóri mánaðarins í ensku
úrvalsdeildinni í knattspyrnu. Arsen-
al vann alla fimm leiki sína í deildinni í
mánuðinum og er enn taplaust á leik-
tíðinni í deildinni þegar 29 leikir eru
að baki undir stjórn Wengers.
 DENNIS Bergkamp og Edu, læri-
sveinar Wengers hjá Arsenal voru
valdir leikmenn mánaðarins í úrvals-
deildinni. Þetta er í fyrsta sinn síðan á
leiktíðinni 1995/96 sem viðurkenning-
unni er skipt milli tveggja manna en
þá urðu Stan Collymore and Robbie
Fowler, þáverandi leikmenn Liver-
pool fyrir valinu.
 ÞÁ fékk Thierry Henry, framherji
Arsenal, sérstaka viðurkenningur
fyrir að vera fyrsti leikmaðurinn sem
brýtur 20 marka múrinn á leiktíðinni.
Freddie Ljungberg, leikmaður Ars-
enal, var kjörinn besti leikmaður 6.
umferðar ensku bikarkeppninnar og
hlaut viðurkenningu af því tilefni.
 QUINTON Fortune, S-Afríkumað-
urinn í liði Manchester United, leikur
ekki meira með Englandsmeisturun-
um á þessari leiktíð. Fortune þurfti að
gangast undir hnéaðgerð í vikunni og
sagði Sir Alex Ferguson að hann yrði
frá út tímabilið. Þá upplýsti Ferguson
að fyrirliðinn Roy Keane yrði ekki
með í grannslagnum gegn Manchest-
er City á morgun vegna meiðsla og
ólíklegt er að Ronaldo verði með af
sömu ástæðum.
 EIÐUR Smári Guðjohnsen og
Adrian Mutu leika ekki með Chelsea
gegn Bolton í ensku úrvalsdeildinni í
dag, þar sem þeir taka út leikbann.
 PAUL Dickov, Frank Sinclair og
Keith Gillespie, leikmenn Leicester,
fengu að snúa aftur heim til Bret-
lands í gær, en þeir hafa setið í fang-
elsi á Spáni frá því á föstudag –
ákærðir fyrir hafa beitt þrjár konur
kynferðislegu ofbeldi. Þeim var
sleppt úr fangelsi gegn tryggingu, um
25 milljóna ísl. króna. Þeir mæta á æf-
ingu hjá Leicester á mánudaginn.
Heimamenn voru mun grimmari ífyrsta leikhluta og virtust ætla
að rúlla yfir gestina á fyrstu mínútum
leiksins. Eftir tæpar
átta mínútur var
staðan orðin 24:11 og
heimamenn í bar-
áttuhug. Gestirnir
voru ekki á því að láta fara eitthvað
illa með sig og bitu frá sér næstu mín-
úturnar. KR-liðið komst yfir, 25:27, í
byrjun annars leikhluta og heima-
menn virtust ekki alveg finna taktinn
aftur. Jafnræði var með liðunum til
loka fyrri hálfleiks og mikill hraði hjá
báðum liðum. Hálfleikstölurnar voru
49:46 fyrir heimamenn sem byrjuðu
seinni hálfleik nokkuð vel með Pál
Axel og Darrel Lewis í fínum gír.
Gestirnir héldu í við heimamenn en
sigu svo fram úr í lok fyrri hálfleiks
og héldu þeirri forustu til loka leiks
og bættu jafnvel örlítið í. Smávegis
spenna hljóp í leikinn undir lok hans
þegar heimamenn náðu að minnka
forustu gestanna í eitt stig eftir að
hafa verið 10 stigum undir um miðjan
fjórða leikhluta. Gestirnir náðu þó að
vinna leikinn og mikil sigurgleði
braust út í þeirra herbúðum á meðan
heimamenn gengu hnípnir til bún-
ingsklefa. Gestirnir sigruðu, 99:95.
Bestir í liði gestanna voru þeir
Skarphéðinn Ingason, Magni Haf-
steinsson og Elvin Mims. Hjá heima-
mönnum voru Darrel Lewis, Páll
Axel Vilbergsson og Anthony Jones
bestir.
„Það er bara 1–0 og það þarf að
vinna tvo leiki til að komast áfram.
Þetta var sá leikur sem flestir reikn-
uðu með að yrði mest spennandi og
skemmtilegastur og hann var það,“
sagði Ingi Þór Steinþórsson, þjálfari
KR, í leikslok. „Það má segja að nú
séum við komnir með heimaréttinn
en við þurfum að spila betur en þetta
á sunnudaginn til að slá Grindavík úr
keppni. Það er margt sem við getum
lagað fyrir næsta leik. Menn langaði
virkilega að sigra hér í kvöld og þá
sérstaklega miðað við hvernig vetur-
inn hefur þróast. Okkur líkar vel að
spila í Grindavík og fyrir mig skiptir
þetta miklu máli því ég á ættir að
rekja hingað,“ sagði Ingi Þór.
„Þetta leit vel út fyrstu 6–7 mín-
úturnar. Við ætluðum að keyra á þá
og pressa bakverðina hjá þeim. Mikil
keyrsla í byrjun en svo duttum við
niður,“ sagði Friðrik Ingi Rúnarsson,
þjálfari Grindavíkur. „Leikurinn var
mjög hraður en ég er ekki ánægður
með vörnina hjá okkur. Við vorum
alltaf á eftir þeim og svo hittu þeir
mjög vel úr þriggja stiga skotum. Við
prufuðum ýmis varnarafbrigði en það
dugði ekki í kvöld. Við mætum dýr-
vitlausir á sunnudaginn og lítum á
þennan leik sem áminningu því við
erum ekki á leið í frí,“ sagði Friðrik
Ingi.
Leikurinn fór frekar hægt af staðog var mikið af mistökum á
upphafskaflanum. Haukar spiluðu
fína vörn og press-
uðu vel á William
Chavis til að hægja á
sóknarleik Njarðvík-
inga. Það heppnaðist
ágætlega til að byrja með því það
var mikið óðagot á heimamönnum á
upphafskaflanum. Njarðvíkingar
tóku þá leikhlé og fóru yfir sín mál. Í
framhaldinu komu þeir með góðan
kafla, spiluðu hörkuvörn og skoruðu
11 stig í röð og breyttu stöðunni úr
9:10 í 20:10 en staðan var þannig eft-
ir fyrsta leikhluta.
Í öðrum leikhluta var það sama
uppá teningnum, heimamenn voru
alltaf skrefinu á undan, en Haukar
voru frekar óheppnir því þeir fengu
nokkur frí skot sem þeir nýttu illa. Í
lok fyrri hálfleiks komu þeir þó með
góðan kafla og skoruðu sex síðustu
stigin og breyttu stöðunni úr 40:26 í
40:32 þannig var staðan í leikhléi.
Njarðvíkingar byrjuðu miklu betur
en Haukar í síðari hálfleik, skoruðu
14 stig gegn aðeins 2 á stuttum kafla
og voru skyndilega komnir með 20
stiga forskot eftir aðeins fjögurra
mínútna leik. Það sem eftir var voru
þeir ekkert á þeim buxunum að
slaka á. Þessi kafli sló Hauka allveg
útaf laginu og misstu þeir alla til-
finningu fyrir leiknum eftir þetta.
Allan seinni hálfleikinn var þetta
leikur kattarins að músinni og að-
eins spurning um hversu stór sigur
heimamanna yrði. Njarðvíkingar
spiluðu góða vörn og héldu Haukum
í 61 stigi en meðaltal þeirra í Int-
ersportdeildini er 80 stig og munar
um minna. Njarðvíkingar beittu líka
pressuvörn eftir skorað víti og náðu
þeir þannig að hægja mjög mikið á
Haukum fyrir vikið, og urðu þeir
m.a. fimm sinnum fyrir því í leiknum
að skotklukka þeirra rann út án þess
að þeir næðu skoti að körfu Njarð-
víkinga.
„Við spiluðum frábæra vörn, en þó
svo við vinnum með 39 stiga mun þá
er staðan bara eitt núll í viðureign-
inni, við megum ekki gleyma því,“
sagði Friðrik Stefánsson, fyrirliði
Njarðvíkur í leikslok. „Við verðum
að gleyma þessum leik og einbeita
okkur að verkefninu á sunnudag, þá
kemur ekkert annað kemur til
greina,“ sagði Friðrik og minnti á
aðra viðureign liðanna sem fram fer
á Ásvöllum í Hafnarfirði annað
kvöld. Vinni Njarðvíkingar þann leik
einnig tryggja þeir sér sæti í undan-
úrslitum Íslandsmótsins.
Skemmtun
í Grindavík
ÞAÐ eru kampakátir liðsmenn
KR sem eru komnir í 1–0 forystu
eftir sigur á heimamönnum í
Grindavík í stórskemmtilegum
og hröðum leik í gærkvöld en
um var að ræða fyrstu viðureign
liðanna í 8-liða úrslitum Ís-
landsmótsins í körfuknattleik í
karlaflokki. Gestirnir sigruðu,
99:95, eftir að hafa verið undir í
hálfleik, 49:46.
Garðar Páll
Vignisson
skrifar
Ljósmynd/Hilmar Bragi Bárðarson
Brandon Woudstra átti góðan leik fyrir Njarðvík gegn Haukum í gær og var m.a. stigahæstur.
Njarðvíkingar
sýndu enga
miskunn
NJARÐVÍKINGAR hófu úrslitakeppnina með látum og sigruðu
Hauka auðveldlega 100:61 í fyrsta leik liðanna í 8 liða úrslitum úr-
valsdeildarinnar. Skemmst er frá því að segja að eins og úrslitin
gefa til kynna þá var hreinlega um einstefnu að ræða af hálfu Njarð-
víkinga sem léku á heimavelli. Þeir fóru þó rólega af stað því þeir
voru einungis átta stigum yfir í hálfleik, 40:32.
Davíð Páll
Viðarsson
skrifar