Morgunblaðið - 14.03.2004, Side 9

FRÉTTIR
MORGUNBLAÐIÐ SUNNUDAGUR 14. MARS 2004 9
Skógarhlíð 18, sími 595 1000
• www.heimsferdir.is
Heimsferðir bjóða nú einstakt tækifæri í vor til að dveljast við frá-
bærar aðstæður á suðurströnd Spánar í 3–4 vikur á ótrúlegum kjör-
um. Beint flug til Benidorm og
Costa del Sol þar sem þú nýtur
þjónustu fararstjóra Heimsferða
allan tímann og getur valið um
spennandi kynnisferðir á meðan á
dvölinni stendur. Við bjóðum þér
okkar bestu íbúðarhótel með frá-
bærri aðstöðu fyrir farþega.
Munið Mastercard
ferðaávísunina
Vorferðir Heimsferða til
Costa del Sol
og Benidorm
frá kr. 19.990
Costa del Sol
18. apríl – 31 nótt
Verð frá kr. 29.890
Flugsæti með sköttum, netverð.
Verð frá kr. 62.995
M.v. hjón með 2 börn, 2–11 ára, Timor
Sol, 31 nótt. Netverð.
Ferðir til og frá flugvelli kr. 1.000.
Verð kr. 79.690
M.v. 2 í stúdíó, Timor Sol, 18. apríl,
flug, gisting, skattar, netverð.
Ferðir til og frá flugvelli kr. 1.000.
Benidorm
25. apríl – 24 nætur
Verð frá kr. 19.990
Flugsæti með sköttum, netverð.
Verð frá kr. 43.995
M.v. hjón með 2 börn, 2–11 ára,
Vacanza, 25. apríl, 24 nætur. Netverð.
Ferðir til og frá flugvelli kr. 1.800.
Verð kr. 59.990
M.v. 2 í íbúð, Vacanza, 24 nætur. Flug,
gisting, skattar. Netverð.
Ferðir til og frá flugvelli kr. 1.800.
Tryggðu þér síðustu sætin
Hróksins í Rimaskóla, þar sem hann
náði 5 vinningum af 9 mögulegum.
Eiríkur er 10 ára gamall nemandi í
Salaskóla og tefldi hann á föstudag
við rúmlega hundrað börn úr Lága-
fells- og Varmárskóla í Íþrótta-
miðstöðinni Varmá í Mosfellsbæ.
Eiríkur tapaði einungis einni
skák, en nokkrar skákir voru lýstar
jafntefli þegar andstæðingarnir
voru kallaðir inn í aðrar kennslu-
stundir. Aðspurður sagðist Eiríkur
hafa lært mannganginn 6 ára gam-
all og tefli hann nú 4-5 skákir dag-
lega við nokkra skólafélaga, en
mest þó á netinu á skákvefnum ICC,
þar sem hann sé kominn með 1654
skákstig. Hann hvílir sig helst frá
skákinni með fótboltaiðkun, en
langar að leggja skákina fyrir sig
og stefnir að því að verða stórmeist-
ari í framtíðinni.
Í ÞESSARI viku hefur verið haldin
skákþemavika í grunnskólum Mos-
fellsbæjar. Leikfimitímunum var
breytt í skáktíma og hafa nokkrir
af liðsmönnum Hróksins komið og
teflt fjöltefli við krakkana, þar á
meðal Nick deFirmian stórmeistari,
Ingvar Ásbjörnsson 13 ára og hinn
stórefnilegi Eiríkur Örn Brynj-
arsson.
Eiríkur vakti athygli á stórmóti
Morgunblaðið/Ómar
Eiríkur Örn Brynjarsson, 10 ára, tefldi fjöltefli við yfir 100 grunnskólabörn á þemaviku grunnskólanna í Mos-
fellsbæ og Hróksins. Á þemavikunni var leikfimitímum breytt í skáktíma. Eiríkur tapaði einungis einni skák.
Tapaði einni skák af hundrað
Eiríkur Örn Brynjarsson er efnilegur skákmaður
HANNA Birna Kristjánsdóttir, borg-
arfulltrúi Sjálfstæðisflokks, segist
undrast orð Steinunnar Valdísar Ósk-
arsdóttur, formanns skipulags- og
byggingarnefndar
borgarinnar, að
það þurfi að flýta
framkvæmdum
vegna Sunda-
brautar, þar sem
málið strandi fyrst
og fremst á borg-
aryfirvöldum.
„Við teljum að
boltinn sé hjá
borginni núna og
sé búinn að vera það afar lengi. Það
hefur staðið á ákvörðun borgarinnar
og það hefur tafið málið. Ég held að
menn hefðu getað verið búnir að taka
ákvörðun um það fyrir löngu hvaða
leið þeir vilji fara, lýsa því yfir við
stjórnvöld og fylgja málinu eftir,“
segir hún.
Aðspurð hvort nú sé ekki verið að
bíða eftir umhverfismati um fram-
kvæmdina, segir Hanna Birna það
vissulega rétt, en það hafi tekið borg-
ina óaralangan tíma að koma málinu í
þann farveg. Borgaryfirvöld verði að
taka þessa ákvörðun en ýmist sé sam-
gönguyfirvöldum eða Vegagerðinni
kennt um að málið sé ekki komið
lengra.
Nefnir hún sem dæmi að Ingibjörg
Sólrún Gísladóttir, fyrrverandi borg-
arstjóri, hafi sagt á íbúafundi í Graf-
arvogi í mars árið 2000 að fram-
kvæmdin færi í umhverfismat þá um
sumarið og að ákvörðun um hvaða
leið yrði valin yrði tekin um haustið.
„Á þessum tíma var borgarbúa farið
að lengja eftir ákvörðun borgaryfir-
valda og síðan eru liðin heil 4 ár.“
Hanna Birna, sem situr í skipulags-
og bygginganefnd borgarinnar, segir
að Alþingi sé búið að samþykkja að
veita fé til framkvæmdarinnar. „Sam-
kvæmt samgönguáætlun, sem Al-
þingi er búið að samþykkja, eru áætl-
aðar 500 milljónir til þessarar
framkvæmdar á árunum 2003–2006,
800 milljónir árin 2007–2010 og 2,5
milljarðar árin 2011–2014, þannig að
það hefur ekkert staðið á því. Þetta er
komið inn á samgönguáætlun, Vega-
gerðin er búin að lýsa yfir sínum vilja,
það sem er búið að bíða eftir allan
þennan tíma er ákvörðun borgaryf-
irvalda,“ segir Hanna Birna.
Vilja að innri leið verði skoðuð
Tveir möguleikar varðandi legu
brautarinnar hafa einkum verið til
umræðu, innri leið á landfyllingum og
ytri leið sem færi á hábrú frá Kletta-
görðum yfir í Grafarvog. Borgaryfir-
völd vilja heldur fara ytri leiðina, en
Hanna Birna segir sjálfstæðismenn
telja að borgaryfirvöld ættu að skoða
innri leiðina af meiri alvöru, en þá leið
vill Vegagerðin einnig fara. Sú leið er
að sögn borgarfulltrúans um 5 millj-
örðum króna ódýrari. Áætlanir gera
ráð fyrir að ytri leið kosti um 12,5
milljarða, en innri leiðin um 7,8.
Hábrúin þyrfti að vera 54 metra há
þar sem hún væri hæst og segir
Hanna Birna að því gæti þurft að loka
henni þegar mikill vindur geisar.
Borgaryfirvöld hafi heldur viljað fara
ytri leiðina, m.a. vegna þess að þau
segi að sú leið tryggi betri tengingu
við miðborg Reykjavíkur. Hanna
Birna segir ekki það mikinn mun vera
á leiðunum tveimur, innri leiðin komi
aðeins austar að landi í Reykjavík, en
það skipti ekki höfuðmáli varðandi
framgang miðborgarinnar.
„Í öllum þeim útreikningum sem
við höfum séð, bæði hagkvæmniat-
hugunum, arðsemisathugunum og at-
hugunum á öryggi, samgöngubótum
og umferðaröryggi eru leiðirnar sam-
bærilegar. Meira að segja er innri
leiðin að ákveðnu leyti talin betri.“
Hanna Birna Kristjáns-
dóttir segir Sundabraut
fyrst og fremst stranda
á borgaryfirvöldum
Boltinn
er hjá
borginni
Hanna Birna
Kristjánsdóttir
STJÓRN Verkalýðsfélagsins Vöku á
Siglufirði hefur samþykkt ályktun
þar sem skorað er á Sturlu Böðv-
arsson samgönguráðherra og sam-
göngunefnd Alþingis að beita sér
fyrir því að áætlunarflug verði ekki
lagt af til Sauðárkróks, líkt og Ís-
landsflug áformar.
Frá Sauðárkróki hafa verið rútu-
ferðir til Siglufjarðar í tengslum við
flugið. Í ályktun Vöku segir að með
áætlunarfluginu og rútuferðunum
hafi tekist að halda uppi almennings-
samgöngum við Siglufjörð.
„Margir félagsmenn í Vöku nýta
sér þessa þjónustu og er þá rétt að
nefna sérstaklega eldra fólk, sem er
mjög margt í félaginu. Falli þessi
þjónusta niður þá er Siglufjörður
nær samgöngulaus við umheiminn,
nema á einkabíl. Þetta myndi færa
okkur áratugi aftur í tímann og valda
bæjarbúum miklum óþægindum. Við
teljum það algjöra nauðsyn að okkur
verði tryggðar þessar flugsamgöng-
ur þar til að við höfum möguleika á
öðrum leiðum, með Héðinsfjarðar-
göngum og flugsamgöngum í gegn-
um Akureyri,“ segir í ályktun Verka-
lýðsfélagsins Vöku á Siglufirði.
Samkvæmt upplýsingum Morgun-
blaðsins munu sveitarstjórnarmenn
á Siglufirði og í Skagafirði eiga fund
með samgönguráðherra á næstu
dögum þar sem flugið til Sauðár-
króks verður til umræðu.
Áskorun til stjórnvalda
frá Vöku á Siglufirði
Flug til
Sauðár-
króks legg-
ist ekki af
RAFRÆN stjórnsýsla er leið til að
samþætta þjónustu opinberra aðila
á þann veg að almenningur geti
nálgast hana á einum stað í stað
þess að fara á milli mismunandi
stofnana. Þetta er öðrum þræði um-
fjöllunarefni ráðstefnunnar „Frá
málaflokkasýn til samþættingar
þjónustu“ sem ParX –
viðskiptaráðgjöf IBM,
forsætisráðuneytið og
Stofnun stjórnsýslu-
fræða og stjórnmála
boða til á Nordica Hót-
el næstkomandi
þriðjudag.
Menn hafa löngum
kvartað undan því að
þvælast á milli stofn-
ana í leit að upplýs-
ingum og þjónustu
enda segir Arnar Jóns-
son, ráðgjafi á stjórn-
sýslusviði ParX – við-
skiptaráðgjafar IBM,
viðfangsefni ráðstefn-
unnar hafa verið í deiglunni lengi.
„Þarna gefst tækifæri til að ræða
hvernig nota megi rafræna sam-
skiptamáta eins og Netið til að ein-
falda þjónustuferla, draga úr tví-
verknaði, auðvelda almenningi að
nálgast stjórnmálamenn og emb-
ættismenn, minnka biðraðir og auð-
velda samsetningu þjónustu þannig
að menn fái heildarafgreiðslu á ein-
um punkti.“
Hann segir yfirskrift ráðstefn-
unnar vísa til þess að stofnanir sam-
þætti þjónustu sína í stað þess að
horfa eingöngu á eigin málaflokka.
„Þetta er liður í því að opinberir að-
ilar hugsa nú í auknum mæli um
notandann. Áður hugsuðu þeir um
sig sem framleiðanda en nú spyrja
menn hvaða þarfir notendurnir hafi
og hvernig sé best að mæta þeim.“
Að mati Arnars eru Íslendingar
bæði komnir langt og skammt á veg
í þessari þróun. Íslenskt samfélag
sé mjög nettengt en hins vegar sé
framboð á rafrænni þjónustu af
skornum skammti. Sömuleiðis séu
Íslendingar með „tiltölulega flókna
stofnanaflóru,“ eins og
hann orðar það. „Við er-
um með 220 ríkisstofn-
anir á meðan Bretar eru
með 130. Svo eru sveit-
arfélögin þar fyrir utan.
Þannig að við erum með
ákveðna stærðar-
óhagkvæmni sem vinnur
kannski svolítið gegn
þessu markmiði.“
Hann segir þó mörg
sveitarfélög bjóða æ
meiri rafræna þjónustu í
gegnum heimasíður sín-
ar. Sömuleiðis séu ýms-
ar ríkisstofnanir lengra
á veg komnar en aðrar
og nefnir tolla- og skattayfirvöld og
Lánasjóð íslenskra námsmanna í
því sambandi. „Stóra hugmyndin er
að stofnanir eigi sér samstarf á ein-
hvers konar vefgátt þar sem hægt
er að veita þjónustu byggða á
gagnagrunnum þvert á skipulags-
einingar. Þannig má draga úr
stjórnunarkostnaði og auka mögu-
leika á framþróun.“
Meðal fyrirlesara á ráðstefnunni
eru Björn Bjarnason, dóms- og
kirkjumálaráðherra, og Alain Ver-
heyden, sérfræðingur IBM Sofware
Group í rafrænni stjónsýslu, auk
ýmissa aðila frá ríki og sveitarfélög-
um. Sem fyrr segir verður ráðstefn-
an haldin á Nordica Hótel á þriðju-
dag milli kl. 8.30 og 11.50 og er opin
öllum áhugasömum um málið.
Ráðstefna um hvernig nýta megi raf-
ræna stjórnsýslu í þágu almennings
Arnar Jónsson
Margþætt þjón-
usta á einum stað