Morgunblaðið - 14.03.2004, Side 42

MINNINGAR
42 SUNNUDAGUR 14. MARS 2004 MORGUNBLAÐIÐ
Elsku Franzisca.
Drjúgan spöl geng-
um við saman á vegi
vináttunnar og héldum
alltaf góðu sambandi á
hverju sem gekk í lífi
og störfum. Kveðjustundin er sár
og við munum sakna þín mikið. Þú
varst einstök og merk kona.
Við urðum vinir þegar Franzisca
vann hjá Blindrafélaginu og fól mér
smáverkefni þar. Ég vissi hverra
manna hún var, ég hafði séð falleg
málverk eftir Gunnar Gunnarsson
listmálara á heimili æskuvinkonu
minnar. Og frá því rétt örlaði á vor-
inu fyrir landspróf og langt fram á
sumarið, kúrði ég í veikindum með
Fjallkirkjuna, það kraftmikla
meistaraverk afa hennar. Mér
fannst það hjálpa mér að tóra. Það
voru ekki síst myndlýsingar föður
hennar í bókinni sem léttu mér
stundir, svo fullar af hlýjum húmor
og næmni að sagan varð fullkom-
lega lifandi. Það var því fengur
þegar ég kynntist Franziscu mörg-
um árum seinna að fá að sjá frum-
myndirnar og fleiri myndir hans,
einstakar perlur. Og perla var hún
sjálf.
Franzisca hafði þá nýlega með
stuttu millibili misst föður sinn, afa
og ömmu. Hún rifjaði upp líf sitt og
tjáði söknuðinn í lifandi frásögn og
ljóðum. Meðfram öðrum störfum
tók hún að sér að hlúa að þeim list-
ræna arfi sem lá eftir Gunnar
Gunnarsson rithöfund, en hafði
minna svigrúm til að sinna eigin
ritstörfum. Hún hafði magnaða frá-
sagnargáfu, ævintýralegt ímyndun-
arafl og góða hæfileika til að
teikna. Allt sem hún tók sér fyrir
hendur vann hún af heilum hug og
með mikilli umhyggju. En um-
hyggju veitti hún í ríkum mæli hvar
sem hún náði til, vinum sínum,
blómum og dýrum, en húsdýrin
hennar Franziscu áttu sérstakan
sess í lífi hennar. Þau voru alltaf
mörg í senn og lifðu vel og lengi,
höfðinglega haldin. Og minningarn-
ar þyrpast nú fram eins og gersem-
ar á gjafaborði, efni í margar sögur
um gleði og sorg, kryddaðar kank-
vísi og kímni, en allt fallegar sögur.
Fallegar eins og Franzisca var
og umhverfið sem hún skapaði.
Heil og sterk var hún, einnig í bar-
áttu við illvíga sjúkdóma sem hún
varð að þola, það var lífsbarátta
sem hún háði óbuguð allt til enda.
Við þökkum samfylgdina, heil-
FRANZISCA
GUNNARSDÓTTIR
✝ Franzisca Gunn-arsdóttir fæddist
á Skriðuklaustri í
Fljótsdal 9. júlí 1942.
Hún lést á Landspít-
alanum við Hring-
braut 3. mars síðast-
liðinn og fór útför
hennar fram frá Ás-
kirkju 12. mars.
indi, traust og vænt-
umþykju sem við feng-
um öll að njóta, við
Leifur, Steini, Bjössi
og Sigrún. Ástvinum
hennar sendum við
innilegustu samúðar-
kveðjur.
Friðrika
Geirsdóttir.
Eitt dýrmætt djásn
er horfið úr jarðlífi.
Hún Franzisca mín
hefur kvatt veraldar-
vafstrið og snúið á vit
hinna himnesku vorlanda. Eftir sit-
ur sár söknuður ættingja og þeirra
sem urðu þeirrar gæfu aðnjótandi
að eiga Franziscu fyrir vinkonu. En
það er einmitt í slíkum söknuði sem
hin skerandi mótsögn, fögnuðurinn,
felst, sá fögnuður sem felst í minn-
ingunni um stórbrotna, tígulega
konu – baráttukonu sem var í stöð-
ugri sókn allt sitt líf við að láta gott
af sér leiða. Með óþreytandi skarp-
skyggni og innsæi frjóvgaði hún
anda samferðamanna sinna. Í ná-
vist Franziscu var aldrei andleg
lognmolla því Franzisca bjó yfir
þeim töframætti að laða fram sam-
ræður sem voru ögrandi bæði á
sviði sálkönnunar og hugmynda-
fræði. Hin torræða tilvera og lög-
mál hennar mörkuðu margar þær
samræður sem komu huga og
hjarta á flug. Söknuðurinn er sár
en minningin er sæt um mína kæru
vinkonu Franziscu sem var mér
sem besta systir bæði í blíðu og
stríðu.
Ég bið góðan Guð að blessa og
hugga ættingja og vini sem nú eiga
um sárt að binda.
Elsku Franzisca, Drottins Jesú
ljós þér lýsi á þínu nýja tilverusviði.
Þín vinkona
Gígja Gísladóttir.
Það er erfitt að skilja hvernig
einhver getur hætt að vera til. Góð,
falleg og hvetjandi manneskja sem
er órjúfanlegur hluti af einum besta
vini manns frá því maður kynnist
honum fyrst á unglingsárum.
Franzisca, mér fannst þú alltaf
koma fram við okkur strákana vini
Gunnars Björns eins og fullorðna
menn, eins og gamlar sálir. Af ör-
læti, þolinmæði og gleði. Af virð-
ingu, glæsileika og væntumþykju.
Hvort sem maður var krakki eða
ungur maður. Það var eitthvað kon-
unglegt við heimilið ykkar, gamla
húsið á Dyngjuvegi. Andinn í hús-
inu, húsgögn frá annarri öld, bóka-
safn, málverk, arinn. Það var erfitt
annað en að ganga þar tignarlega
um. Miklar tilfinningar, mikil saga
og mikið ljós í húsi skáldsins, hús-
inu ykkar. Og þó við værum bara
fimmtán ára strákar á næturskralli
í herberginu hjá vini okkar barst
þú fyrirhafnarlaust á borð fyrir
okkur veitingar eins og í Róm-
verskri keisarahöll. Ásamt besta
mat og drykk reiddir þú fram fróð-
leik um bókmenntir, listir, heim-
speki, trúarbrögð og mannkyns-
sögu. Frjálslyndar hugmyndir og
hefðbundnar. Hvatning til skapandi
hugsunar og gefandi lífs. Það er
gott uppeldi, góð upplýsing. Í dag
veit ég að það er mikil lukka að
verða fyrir slíkum áhrifum ungur.
Takk fyrir það.
Gunnar Björn vinur minn. Ég er
víst ekki sá eini sem mun sakna
mömmu þinnar. Í þeim hópi eru all-
ir sem höfðu kynni af henni og því
sem hún hafði að gefa. Ég sendi
þér styrk núna þegar lífið heldur
áfram. Við vitum báðir að ein af
þversögnum lífsins er að ótímabær
missir okkar nánustu getur bætt og
byggt upp þá sem eftir standa.
Gildi og hugsjónir mömmu þinnar
verða áfram þín og munu lifa áfram
í þér og þínum. Eins og þú sjálfur á
ég líka erfitt með að hugsa mér þig
í framtíðinni án Franziscu, móð-
urinnar sem fæddi þig, bjó þig til
og hefur alltaf verið hluti af þér.
Gunnar Björn vinur minn. Ég er
þakklátur fyrir að hafa kynnst ykk-
ur. Mamma þín verður alltaf til.
Raunverulegri en nokkru sinni í
huga þínum og hjarta.
Þú berð ljósið áfram.
Teitur Þorkelsson.
Ég var ein af þeim heppnu að
hafa kynnst Franziscu. Einn daginn
hringdi verkstjórinn í mig og sagði
að ég ætti að fara á nýtt heimili, til
hennar Franziscu á Laufrima 41. Á
móti mér tók hún og hundurinn
hennar hann Garpur. Við náðum
strax saman og spjölluðum enda-
laust um heima og geima, því hún
vissi svo margt og einnig um stoltið
sitt hann Gunnar Björn.
Franzisca hafði gaman af svona
minningargreinum og hafði safnað
að sér ýmsum greinum sem við
höfðum gaman af, svo ég ætla ekki
að hafa þetta lengra og mun alltaf
geyma þessar stuttu og góðu minn-
ingar mínar um Franziscu.
Ég vel þér kveðju, sem virði ég mest,
von, sem í hjarta geymi.
Annist þig drottins englar bezt
í öðrum og sælli heimi.
(Valdimar Jónsson frá Hemru.)
Elsku Gunnar Björn, Signý og
aðrir aðstandendur, ég votta ykkur
innilega samúð, kveðja,
Ingibjörg Frostadóttir,
Miðgarði.
Flestir vita hve mikils virði það
er að eiga góða nágranna. Ég flutti
inn í næsta raðhús við Franziscu
fyrir hálfu fimmta ári og fljótlega
kom í ljós, að ég hafði haft heppn-
ina með mér hvað nágranna varð-
aði.
Góður kunningsskapur tókst
fljótlega og hef ég átt margar
ánægjulegar rabbstundir með
Franziscu. Hún hafði frá ýmsu að
segja og gerði það skemmtilega,
sem sjá má í bókinni hennar, Vand-
ratað í veröldinni.
Nú, þegar komið er að kveðju-
stund, vil ég þakka þessar stundir
og okkar góðu viðkynningu. Að-
standendum votta ég innilega sam-
úð mína.
Hörður Óskarsson.
Að eilífðarósi
umvafin elsku
frjáls ert farin
ferðina löngu
Í englaveröld
andinn lúinn,
í föðurfaðmi
friðsæll hvílir.
Takk fyrir tímann
og tryggðarþelið,
Í mörgum mætum
minningum er lifa.
(Jóna Rúna Kvaran.)
Nína Rúna og Jóna Rúna Kvaran.
HINSTA KVEÐJA
Ástkær móðir okkar, tengdamóðir, amma og
langammma,
VIGDÍS JÓNSDÓTTIR,
elli- og hjúkrunarheimilinu Sólvangi,
áður Austurgötu 7,
Hafnarfirði,
sem lést á Sólvangi aðfaranótt föstudagsins
5. mars, verður jarðsungin frá Hafnarfjarðar-
kirkju mánudaginn 15. mars kl. 15.00.
Jón Vignir Karlsson, Hjördís Edda Ingvarsdóttir,
Auðunn Karlsson, Þorbjörg Símonardóttir,
Níels Karlsson, Jóhanna Pétursdóttir,
Sigurður Karlsson, Jóhanna Sigríður Ingadóttir,
barnabörn og barnabarnabörn.
Elskuleg móðir mín, tengdamóðir, amma og
langamma,
DÓRÓTHEA FINNBOGADÓTTIR,
Lindargötu 57,
Reykjavík,
lést á Landspítalanum Fossvogi mánudaginn
23. febrúar sl.
Jarðarförin hefur farið fram í kyrrþey að ósk
hinnar látnu.
Innilegar þakkir sendum við læknum, hjúkrunar- og starfsfólki Land-
spítala og Landakots, sem önnuðust hana í veikindum hennar.
Kærar þakkir sendum við einnig vinum hennar og starfsfólki á Vitatorgi
fyrir aðstoð, hjálpsemi og vinarþel henni til handa.
Við þökkum þeim er auðsýndu samúð og vinarhug.
Guð blessi ykkur.
Áskell Jónsson, Droplaug Pétursdóttir,
Hlynur Áskelsson,
Björk Áskelsdóttir,
Ylfa Ösp Áskelsdóttir,
Ýmir Hrafn Hlynsson.
Ástkær faðir minn, tengdafaðir afi, bróðir og
mágur,
GÍSLI MAGNÚS GUÐMUNDSSON
útvarpsvirkjameistari,
Efstalandi 16,
Reykjavík,
verður jarðsunginn frá Fossvogskapellu mánu-
daginn 15. mars kl. 15.00.
Sædís Gísladóttir, Garðar Skarphéðinsson,
Gísli Magnús Garðarsson,
Ingvar Þór Garðarsson,
Árni Guðmundsson, Sigurrós Ólafsdóttir,
Unnur G. Guðmundsdóttir Proppé, Jóhannes Proppé.
Innilegar þakkir fyrir auðsýnda samúð og hlý-
hug við andlát og útför elskulegrar móður okk-
ar, tengdamóður og ömmu,
JÓNU SIGURÐARDÓTTUR,
Hrafnistu,
Reykjavík.
Sérstakar þakkir fær starfsfólk á F-gangi
Hrafnistu í Reykjavík fyrir góða umönnun.
Sigríður Ebenesersdóttir,
Hulda Ebenesersdóttir,
Valgerður Ebenesersdóttir, Grímur Grímsson,
Eygló Ebenesersdóttir, Eyjólfur Guðmundsson,
Magnús Ebenesersson, Brynja Jóhannsdóttir
og ömmubörnin.
Þökkum sýndan hlýhug við andlát og útför
eiginkonu minnar, móður okkar, tengda-
móður, ömmu og langömmu,
SIGRÚNAR PÁLSDÓTTUR
kennara,
Grandavegi 47.
Þórður Jónsson,
Páll Þórðarson, Þorbjörg Einarsdóttir,
Sigurlaug Þórðardóttir,
Birna Þórðardóttir,
Jón Þórðarson,
ömmubörn og langömmubörn.
Blómastofa Friðfinns,
Suðurlandsbraut 10,
sími 553 1099, fax 568 4499.
Opið til kl. 19 öll kvöld
Kransar • Krossar • Kistuskreytingar
MORGUNBLAÐIÐ birtir afmælis- og minningargreinar endurgjalds-
laust alla daga vikunnar. Greinunum má skila í tölvupósti (netfangið er
minning@mbl.is - svar er sent sjálfvirkt um leið og grein hefur borist)
eða á disklingi og þarf útprentun þá að fylgja. Nauðsynlegt er að til-
greina símanúmer höfundar og/eða sendanda (vinnusíma og heima-
síma). Tekið er á móti afmælis- og minningargreinum á 1. hæð í húsi
Morgunblaðsins, Kringlunni 1 í Reykjavík, og á skrifstofu Morgun-
blaðsins Kaupvangsstræti 1 á Akureyri. Ekki er tekið við handskrif-
uðum greinum.
Birting afmælis- og
minningargreina