Morgunblaðið - 14.03.2004, Page 60

AUÐLESIÐ EFNI
60 SUNNUDAGUR 14. MARS 2004 MORGUNBLAÐIÐ
EITT hundrað níutíu og átta
létu lífið þegar tíu sprengjur
sprungu í járnbrautarlestum
í Madríd, höfuðborg Spánar,
á fimmtudaginn. Meira en
1.400 særðust. Ekki er
vitað hverjir komu
sprengjunum fyrir.
Ríkisstjórnin á Spáni segir
að samtökin ETA, sem vilja
stofna sérstakt ríki Baska á
Norður-Spáni, hafi átt
sökina. En samtökin neita
því.
Einnig hefur vaknað
grunur um, að
hryðjuverkasamtökin
al-Qaeda hafi ef til vill
framið hryðjuverkin.
Al-Qaeda frömdu
hryðjuverkin í Bandaríkjunum
11. september 2001.
Dagblað sem gefið er út í
London, höfuðborg
Bretlands, sagði, að
al-Qaeda-samtökin hefðu
sent tilkynningu um, að þau
hefðu framið ódæðisverkin.
Jóhann Karl, konungur
Spánar, flutti ræðu eftir að
hryðjuverkin höfðu verið
framin. Konungurinn sagði:
„Við verðum að vera sterk
og sameinuð.“
Þingkosningar fara fram á
Spáni í dag. Vegna
ódæðisverkanna var
kosningabaráttunni hætt á
fimmtudaginn.
Hryðjuverk framin á Spáni
Reuters
Anna Heiða Gunnarsdóttir,
nemandi í 6-R, var ein þeirra
20 kvenna sem slógust.
„Þetta var rosalega gaman,“
sagði Anna. „Okkar hlutverk
var að ryðja þeim sem voru í
stiganum burtu og brjóta
múrinn fyrir strákana. Síðan
vorum við nokkurs konar
fótstig fyrir þá, sem þeir nýttu
sér til að hoppa yfir hópinn.“
Áralöng hefð er fyrir
gangaslag MR, sem fer
þannig fram að dimmitendi,
eða sjöttu bekkingar með
Inspector plateraum
(hringjara) í broddi fylkingar,
reyna að hringja inn til fimmtu
kennslustundar. Remanentar,
eða 3., 4. og 5. bekkingar,
reyna að varna þeim aðgengis
að bjöllunni. Takist þeim að
halda eldri bekkingum frá
bjöllunni í 15 mínútur fá þeir
frí í kennslustundinni.
SJÖTTU bekkingar MR lögðu
yngri bekkinga í hinum árlega
og rótgróna gangaslag
skólans sem fram fór í gær.
Stúlkur tóku í fyrsta skipti þátt
í gangaslagnum og börðust
þær vel þær fimm mínútur
sem það tók sjöttu bekkinga
að knýja fram sigur.
Stelpur taka
þátt í gangaslag
Morgunblaðið/Jim Smart
Netfang;auefni@mbl.is
FIMMTA myndin um
Leðurblökumanninn, eða
Batman, heitir Upphaf
Leðurblökumannsins. Byrjað
var að taka upp myndina á
Íslandi. Það var gert í
Svínafellsjökli sem er á
Suðausturlandi við rætur
Vatnajökuls.
Upptökur á Íslandi voru í
viku og unnu 250 manns við
þær. Tveir af aðalleikurunum
komu hingað, þeir Christian
Bale og Liam Neeson. Tökur
eru nú byrjaðar í London.
Myndin verður frumsýnd
sumarið 2005.
Ýmsar fyndnar uppákomur
hafa verið. Til dæmis komst
Christian Bale, sá sem leikur
Batman, ekki í búninginn!
Hann var víst of þröngur.
Christopher Nolan, leikstjóri
myndarinnar, var þrátt fyrir
allt samt mjög ánægður með
tökurnar á Íslandi.
Kom ... og fór
Leðurblökumaðurinn
FJÖLVEIÐISKIPIÐ Baldvin
Þorsteinsson EA strandaði í
Skarðsfjöru á Suðurlandi,
um þrjár sjómílur austur af
Skarðsfjöruvita, á
þriðjudagsmorgun. Skipið
fékk loðnunótina í skrúfuna
og rak stjórnlaust upp í
fjöruna.
„Okkur bregður hvorki við
sár né bana,“ sagði
Vilhjálmur Kristjánsson,
yfirvélstjóri á skipinu, strax
eftir strandið þegar hann
lýsti líðan áhafnarinnar í
aðdraganda björgunarinnar
um morguninn. Áhöfnin á
skipinu hefur verið á
strandstað og hefur farið
um borð í skipið til að
undirbúa björgun þess.
TF-LÍF, þyrla
Landhelgisgæslu Íslands,
bjargaði 16 manna áhöfn
Baldvins heilli á húfi með
því að hífa mennina, tvo og
tvo í einu, um borð í
þyrluna. Áhöfn þyrlunnar
hrósaði áhöfninni og sagði
að þjálfunin úr
Sjómannaskólanum hefði
skipt miklu máli.
Baldvin Þorsteinsson EA
er tæplega 3.000
brúttólesta skip, smíðað í
Noregi 1994. Um 1.800
tonn af loðnu eru í skipinu,
og hefur Siv Friðleifsdóttir
umhverfisráðherra gefið
leyfi fyrir því að loðnunni
verði dælt í sjóinn gerist
þess þörf við björgun
skipsins.
Samherji, sem gerir
skipið út, og
Tryggingamiðstöðin, sem
tryggir skipið, hafa fengið
aðstoð frá norsku
björgunarskipi sem kom á
strandstað í gær, og til
stóð að reyna að ná
skipinu á flot í gærkvöldi.
Baldvin Þorsteinsson strandaði í Skarðsfjöru
Morgunblaðið/Árni Sæberg
Heiðar Davíð Bragason stóð
sig vel í golfkeppni á Spáni.
HEIÐAR Davíð Bragason,
kylfingur úr Kili í
Mosfellsbæ, gerði sér lítið
fyrir og sigraði á Opna
spænska
áhugamannameistaramótinu
í golfi um sl. helgi á
Desert-Springs-vellinum. Þar
lagði Heiðar Davíð
heimamanninn, Sebastian
Garcia, eftir að þeir höfðu
leikið 34 holur.
Það er óhætt að segja að
sigur Heiðars Davíðs sé
einn stærsti sigur sem
íslenskur kylfingur hefur
Heiðar Davíð kom, sá og sigraði á Spáni
afrekað fram til þessa og
spurður um hvernig honum
litist á að fá nafn sitt letrað
á bikarinn við hlið Jose
Maria Olazabal, Darren
Clarke og Sergio Garcia
sagði Heiðar að það væri
draumi líkast. „Þetta er búið
að vera hálfgert
öskubuskuævintýri og þegar
ég leit á nöfnin á
verðlaunagripnum gerði ég
mér grein fyrir því að þetta
er sögulegur árangur,“ sagði
Heiðar en með sigrinum
tryggði hann sér þátttökurétt
á Opna spænska mótinu
sem er hluti af
Evrópumótaröðinni og hefst
það mót hinn 22. apríl.
Heiðar Davíð er með +1 í
forgjöf en sú forgjöf rétt
dugði til þess að hann fengi
að taka þátt og var hann
„síðasti maður“ inn á mótið
sem er geysilega sterkt.
Heiðar Davíð hefur dvalið á
Spáni frá því í byrjun febrúar
ásamt Magnúsi Lárussyni,
félaga hans úr GKj., en
Magnús komst ekki áfram
að loknum höggleiknum
sem tók tvo daga.