Morgunblaðið - 18.03.2004, Qupperneq 6
FRÉTTIR
6 FIMMTUDAGUR 18. MARS 2004 MORGUNBLAÐIÐ
Heimsferðir bjóða vorferð til þessarar heillandi borgar við Mið-
jarðarhafið. Borgin er vettvangur fyrir lífskúnstnera því hér er að
finna ótrúlegt úrval listasafna, veitingastaða, fagurra garða, iðandi
mannlífs jafnt að nóttu sem degi, frægustu veitingastaði og
skemmtistaði Spánar, tónlistarlíf í blóma og síðast en ekki síst,
frábært veðurfar. Við bjóðum þér vinsælustu gististaðina,
spennandi kynnisferðir í fríinu og
þjónustu reyndra fararstjóra
Heimsferða til að tryggja þér
ánægjulega dvöl í fríinu.
Skógarhlíð 18, sími 595 1000.
www.heimsferdir.is
Verð kr. 29.990
Flugsæti, skattar innifaldir.
Verð kr. 39.990
Flug og gisting í 4 nætur á hótel Condor
með morgunmat. M.v. tvo í herbergi pr.
mann. Verð m.v. netbókun.
Bókunargjald kr. 2.000.
Ferðir til og frá flugvelli kr. 1.800.
Munið Mastercard
ferðaávísunina
Barcelona
3. apríl
frá kr. 29.990
FULLT var út úr dyrum á málþingi
undir yfirskriftinni „Hvar er jafn-
réttið?“ sem haldið var á vegum for-
sætisráðuneytisins, Kvenréttinda-
félags Íslands og Háskóla Íslands í
Salnum í Kópavogi í gær. Markmið
málþingsins var að bregða ljósi á
stöðu kvenna við upphaf heima-
stjórnar og fjalla um hana í sam-
hengi við stöðu jafnréttismála í sam-
tímanum. Konur voru í miklum
meirihluta á málþinginu og bekk-
irnir í salnum voru svo þétt setnir að
þegar forsætisráðherra, Davíð
Oddsson, kom inn á málþingið stuttu
eftir að það hófst var ekkert sæti
laust nema á svölunum.
Árni Magnússon, félagsmálaráð-
herra, sagðist í sínu ávarpi myndu
innan skamms leggja fram á Alþingi
þingsályktunartillögu um áætlun í
jafnréttismálum til fjögurra ára. Í
áætluninni er lagt upp með afmörk-
uð verkefni, kveðið á um hvaða ráðu-
neyti eru ábyrg fyrir framkvæmd
þeirra og hvaða aðilar aðrir komi að.
Árni segir að í áætluninni muni
hann leggja til samþættingu jafn-
réttissjónarmiða, fræðslu um jafn-
réttismál, jafnrétti á vinnumarkaði,
jafnréttisáætlanir ráðuneyta og skil-
greiningu á hlutverki jafnréttisfull-
trúa ráðuneyta.
Samþætting er tæki,
jafnrétti markmiðið
Árni sagði í ræðu sinni að í fyrri
framkvæmdaáætlunum hafi verið
stefnt að því að samþætta jafnréttis-
og kynjasjónarmið inn í daglegt
starf allra ráðuneyta. „Enn er nauð-
synlegt að hafa þetta markmið að
leiðarljósi þar sem árangurinn hefur
ekki verið sem skyldi. Hér er þó rétt
að benda á að samþætting er ekki
markmið í sjálfri sér, heldur er það
jafnrétti kynjanna sem er mark-
miðið. Það næst með því meðal ann-
ars að gera samþættingu að við-
teknum vinnubrögðum í
stjórnsýslunni. Samþætting er að-
ferðin, eða verkfærið, sem getur
gert það kleift að markmiðinu um
jafnrétti verði náð,“ sagði félags-
málaráðherra í ræðu sinni.
Í ræðunni sagði Árni að til þess að
raunverulegur árangur náist við
framkvæmd verkefnanna sem tíund-
uð væru í framkvæmdaáætluninni
væri mikilvægt að gerð yrði úttekt á
árangri ríkisstjórnarinnar. „Skil-
greina verður á hvaða hátt þetta
verður gert, en æskilegt er að slík
úttekt verði gerð um mitt fram-
kvæmdatímabilið og aftur í lok þess
og mun ég beita mér fyrir því,“ sagði
Árni.
Stjórnvöld ryðji brautina
í jafnréttismálum
Hann sagði stjórnvöld eiga að
ryðja brautina en það væri engu að
síður mikilvægt að hinn almenni
vinnumarkaður tæki virkan þátt í
því að ná fram jafnrétti kynjanna.
„Það er von mín og ósk að okkur tak-
ist að tryggja dætrum okkar og son-
um jafnrétti á öllum sviðum mann-
lífsins,“ sagði félagsmálaráðherra.
Erla Hulda Halldórsdóttir sagn-
fræðingur og sérfræðingur hjá
Rannsóknarstofu í kvenna- og
kynjafræðum við Háskóla Íslands
flutti erindi um kvenréttindabaráttu
á tímabilinu 1904–1918 sem var tími
mikilla breytinga í þeim efnum.
Kvennalisti var boðinn fram í bæj-
arstjórnarkosningum í Reykjavík
árið 1908, konur fengu rétt til
menntunar án takmarkana árið 1911
og konur fengu takmarkaðan kosn-
ingarétt og kjörgengi til Alþingis ár-
ið 1915.
Í erindi sínu benti Lára V. Júl-
íusdóttir hæstaréttarlögmaður á að
fyrstu lög um launajafnrétti
kynjanna voru sett árið 1945. Fyrstu
jafnréttislögin hefðu svo orðið að
veruleika hérlendis árið 1976. „Jafn
lagalegur réttur er löngu kominn.
Það er ekkert í lögunum sem er að
stöðva framgang eða brautargengi
kvenna,“ sagði Lára. Þá benti hún á
aukna atvinnuþátttöku kvenna, en
um 83% íslenskra kvenna voru á
vinnumarkaði árið 2001 sem er með
því mesta sem gerist í heiminum.
Hún kvað það skjóta skökku við að
þrátt fyrir þessa auknu atvinnuþátt-
töku byggjum við ennþá við launa-
mun sem ekki yrði skýrður með öðru
en kynferði. Benti Lára á tölur í því
sambandi sem sýna að óútskýrður
launamunur kynjanna er um 7–13%.
Að lokum velti Lára því fyrir sér
hverjir yrðu bautasteinar 21. ald-
arinnar í jafnréttismálum. „Verður
kona forsætisráðherra? Verður kona
bankastjóri? Verður kona forstjóri
Eimskips?“ spurði Lára.
Í erindi Birnu Önnu Björnsdóttur,
rithöfundar og blaðamanns, kom
fram að hún telur mikilvægt að
horfst sé í augu við það að jafnrétt-
isbaráttunni lýkur aldrei. „Vonandi
kemur að því að hin viðvarandi jafn-
réttisbarátta verði meira eins og
áminning, leið til að halda í horfinu
og missa ekki niður það sem hefur
áunnist. Þangað til þurfum við að
þoka okkur lengra, um leið og við
leggjum okkur fram við að halda í
allt það sem okkur hefur hlotnast;
frá því á heimastjórnarárunum, frá
því á kvennafrídaginn, frá því að
fæðingarorlofslögin voru samþykkt.
Og við verðum líka að halda barátt-
unni áfram eftir að við fáum sömu
laun fyrir sömu störf, eftir að konur
verða helmingur þingheims og eftir
að „Brynhildarmæðgur“ kaupa
meirihluta í banka, tryggingafélagi
og flugfélagi,“ segir Birna Anna.
Hildur Jónsdóttir jafnrétt-
isráðgjafi hjá Reykjavíkurborg og
Hjörtur Magni Jóhannsson frí-
kirkjuprestur héldu einnig erindi á
málþinginu en að þeim loknum fóru
fram pallborðsumræður. Þingmenn-
irnir Ágúst Ólafur Ágústsson og
Bjarni Benediktsson, Hulda Dóra
Styrmisdóttir framkvæmdastjóri
hjá Íslandsbanka, Katrín Anna Guð-
mundsdóttir talskona Femínista-
félagsins og Þorbjörg Inga Jóns-
dóttir hrl., formaður
Kvenréttindafélagsins, tóku þátt í
umræðunum.
Jafnréttisbaráttunni lýkur aldrei
Morgunblaðið/Ásdís
Konur á öllum aldri, auk nokkurra karla, sóttu ráðstefnuna sem haldin var í tilefni heimastjórnarafmælis.
Rætt um jafnrétti í
nútíð og fortíð á
málþingi forsæt-
isráðuneytisins í til-
efni heimastjórn-
arafmælis.
MINNISVARÐI um Bríeti Bjarn-
héðinsdóttur verður reistur bak
við Alþingishúsið árið 2006. Þetta
kom fram í ræðu félagsmálaráð-
herra, Árna Magnússonar, á mál-
þingi um jafnrétti í gær. „Bríet
stóð í forystu íslenskrar kvenna-
baráttu í upp-
hafi 20. ald-
arinnar og lagði
hún grunn að
jafnréttisvakn-
ingu meðal
kvenna og ann-
arra jafnrétt-
issinna. Bríeti
hefur ekki verið
reistur minn-
isvarði eins og
títt er um merk-
ismenn. Úr þessu viljum við bæta.
Ég gleðst yfir því að geta til-
kynnt hér að ríkisstjórnin sam-
þykkti í gær [þriðjudag] tillögu
mína og umhverfisráðherra um
að reisa Bríeti Bjarnhéðinsdóttur
minnsvarða. Kvennasögusafn Ís-
lands hefur bent á að vel væri við
hæfi að reisa minnisvarðann að
baki Alþingis þar sem áður stóð
Bárubúð, en þar flutti Bríet fyr-
irlestur sinn Um hagi og rjettindi
kvenna árið 1887,“ sagði Árni.
Fyrirlestur Bríetar sem Árni
minntist á var sá fyrsti sem ís-
lensk kona flutti opinberlega.
Ríkisstjórnin hyggst ganga frá
samkomulagi við Kvenna-
sögusafnið um að undirbúa gerð
minnisvarðans. Stefnt er að því
að hann verði afhjúpaður árið
2006 en þá verða liðin 150 ár frá
fæðingu Bríetar.
Bríet fæddist árið 1856 og ólst
upp að Böðvarshólum í Vatnsdal.
Hún var elst fimm barna
hjónanna Bjarnhéðins Sæmunds-
sonar og Kolfinnu Snæbjarn-
ardóttur. Hún settist að í Reykja-
vík árið 1887, giftist Valdimar
Ásmundssyni, ritstjóra Fjallkon-
unnar, og eignuðust þau tvö börn,
Laufeyju og Héðin. Bríet hóf út-
gáfu Kvennablaðsins árið 1895,
en árið 1907 gekkst hún fyrir
stofnun Kvenréttindafélags Ís-
lands og var formaður þess til
ársins 1926.
Bríeti reist-
ur minnis-
varði 2006
Bríet
Bjarnhéðinsdóttir
kvæði að söfnun gjafafjárins sem af-
hent var í gær.
Að sögn Ingibjargar Pálmadóttur,
framkvæmdastjóra Velferðarsjóðs
barna, gerir framlagið það að verk-
um að hægt verður að vanda sér-
staklega til kaupa á búnaði fyrir
heimilið. „Þetta er ómetanlegt fyrir
sjóðinn að fá slíka gjöf einmitt nú
þegar við erum að ljúka þessu verk-
efni,“ segir Ingibjörg.
Á Rjóðrinu verður rými fyrir tíu
börn í senn.
FORMAÐUR Landssambands ís-
lenskra útvegsmanna færði í gær
Velferðarsjóði barna á Íslandi að
gjöf 10 milljónir króna fyrir hönd ís-
lensks sjávarútvegs sem nýta á til
tækjakaupa og kaupa á útbúnaði fyr-
ir Rjóður, nýtt hjúkrunarheimili fyr-
ir langveik börn í Kópavogi.
Rjóðrið sem er til húsa á Kópa-
vogsbraut 7 verður formlega opnað á
laugardag en það er jafnframt fyrsta
hjúkrunarheimili sinnar tegundar á
landinu. Stjórn LÍÚ hafði frum-
Íslenskur sjávarútvegur færir Vel-
ferðarsjóði barna 10 milljónir að gjöf
„Ómetanlegt fyrir
Velferðarsjóðinn“
Morgunblaðið/Eggert
Björgólfur Jóhannsson, formaður LÍÚ, afhendir Ingibjörgu Pálmadóttur,
framkvæmdastjóra Velferðarsjóðs barna, 10 milljónir króna að gjöf.
SAMKEPPNISSTOFNUN
hefur beint þeim tilmælum til
Bensínorkunnar að ef þeir ætli
að halda áfram að auglýsa að
Orkan sé „alltaf ódýrust“, verði
Orkan ávallt að bjóða lægsta
verðið á markaðnum á öllum út-
sölustöðvum sínum.
Ef Bensínorkan fer ekki að
þessum tilmælum gæti komið
til frekari aðgerða samkeppn-
isyfirvalda gagnvart fyrirtæk-
inu. Í bréfi Samkeppnisstofn-
unar kemur fram að slagorðið
„Orkan – alltaf ódýrust“ sé
mjög afgerandi, og feli í sér
efsta stig lýsingarorðs, og verði
því að gera ríkar kröfur til for-
sendna þess. Ekki sé nægjan-
legt að bjóða upp á lægsta verð-
ið á ákveðnum útsölustað
heldur þurfi verðið á bensíni og
dísilolíu að vera ódýrast á öllum
sölustöðvum Orkunnar.
Samkeppnisstofnun sendi
þessi tilmæli í kjölfar erindis
Atlantsolíu, þar sem kvartað er
yfir orðalaginu í auglýsingum
Bensínorkunnar.
Samkeppnisstofnun
Verða að
vera ódýr-
astir alls
staðar