Morgunblaðið - 23.03.2004, Qupperneq 10

FRÉTTIR
10 ÞRIÐJUDAGUR 23. MARS 2004 MORGUNBLAÐIÐ
SIV Friðleifsdóttir umhverfisráð-
herra hefur lagt fram á Alþingi
frumvarp til laga um veðurþjón-
ustu. Tilgangur frumvarpsins er
skv. fylgiskjali að „skilgreina bet-
ur en gert er í gildandi lögum
hlutverk ríkisins í rekstri veður-
þjónustu og draga skýrari línur
milli grunnþjónustu, sem Veður-
stofu Íslands er skylt að sinna og
greiða skal úr ríkissjóði, og sér-
þjónustu sem veitt er samkvæmt ósk kaupanda og
standa skal undir með tekjum af seldri þjónustu á
markaðslegum forsendum.“
Í tíundu grein frumvarpsins er til dæmis lagt til
að Veðurstofa Íslands veiti veðurfræðilega þjón-
ustu, s.s. að annast veðurspár, framkvæmd og
túlkun veðurmælinga, ráðgjöf um veðurfræðileg
og veðurfarsleg málefni gegn greiðslu „enda sé
það gert á forsendum jafnræðis gagnvart einka-
reknum veðurþjónustufyrirtækjum og öðrum rík-
isveðurstofum á Evrópska efnahagssvæðinu,“
eins og segir í tíundu greininni.
„Starfsemi sérþjónustu Veður-
stofu Íslands skal rekin sem sjálf-
stæð eining og vera fjárhagslega
aðskilin frá annarri starfsemi
stofnunarinnar,“ segir ennfrem-
ur.
Brugðist við
stjórnsýsluúttekt
Í niðurstöðu stjórnsýsluúttekt-
ar Ríkisendurskoðunar á Veðurstofu Íslands í
júní á sl. ári segir m.a. að mikilvægt sé að um-
hverfisráðuneytið endurskilgreini sem fyrst laga-
ramma Veðurstofunnar sem og hlutverk stofn-
unarinnar. Að því búnu þurfi að taka skýra
afstöðu til þess að hve miklu leyti veðurþjónusta
verði skilgreind sem samkeppnisþjónusta og
verðlög í samræmi við það. Í athugasemdum
frumvarpsins segir að með frumvarpinu sé m.a.
verið að bregðast við þessum niðurstöðum Rík-
isendurskoðunar.
Frumvarp umhverfisráðherra um veðurþjónustu
Hlutverk ríkisins
verði skilgreint betur
Morgunblaðið/Kristinn
Meðal hlutverka Veðurstofunnar samkvæmt frumvarpinu er að veita ráðgjöf um veðurfarsmál.
Straumhvörf | „Að mörgu leyti
eru að eiga sér stað straumhvörf –
ekki bara í skipulagsmálum heldur
líka í skipulagsmálum hafna,“ sagði
Steinunn Valdís Óskarsdóttir, R-
lista, á fundi borgarstjórnar á
fimmtudaginn. Tilefnið var nýgert
samkomulag um sameiningu hafna
milli Reykjavíkur og Akraness.
Samstarf | Áður hafði Árni Þór
Sigurðsson, forseti borgarstjórnar,
gefið tóninn í umræðunum. Mestur
tími fór í að ræða þetta nýja sam-
komulag, breytta landnýtingu í
Geldinganesi og gerð Sundabrautar.
Árni sagði eðlilegt að velta fyrir sér
frekara samstarfi þessara sveitarfé-
laga og nefndi hann slökkvilið og al-
menningssamgöngur sem dæmi.
Fjörgyn | Sundabraut hefur marg-
oft verið rædd áður í borgarstjórn.
Björn Bjarnason, D-lista, rifjaði upp
að Ingibjörg Sólrún Gísladóttir,
fyrrverandi borgarstjóri, hefði sagt
á fundi í félagsmiðstöðinni Fjörgyn í
mars árið 2000 að framkvæmdir
myndu hefjast haustið 2001. „En það
er ekki búið að ganga frá því enn.“
Milljarðaleið | Hart var tekist á
um hvaða leið ætti að fara með
Sundabrautina og sögðu sjálfstæð-
ismenn að leið R-listans kostaði tæp-
um 5 milljörðum meira en hag-
kvæmasta leiðin. Sá kostnaður
myndi lenda á borgarbúum en Árni
Þór sagði að ríkið ætti að borga mis-
muninn.
Málpípur | Bentu sjálfstæðismenn
á að starfsmenn Vegagerðarinnar
hefðu lýst því yfir að ríkið mundi
ekki fjármagna dýrari kostinn. Árna
Þór var misboðið og sagði sjálfstæð-
ismenn gera sig seka um það að tala
máli ríkisstjórnarinnar. Sagði hann
að um 70% af bensíngjaldi og þunga-
skatti féllu til á höfuðborgarsvæð-
inu. Um 25% skiluðu sér aftur í
framkvæmdir á þessu svæði.
Dónaskapur | „Það er dónaskapur
við Reykvíkinga og ekki samboðið
borgarfulltrúum Sjálfstæðisflokks-
ins,“ sagði Árni vegna ummæla sjálf-
stæðismanna. „[Árni] hlýtur að gera
sér grein fyrir því að á endanum
greiða Reykvíkingar reikninginn,“
sagði Hanna Birna Kristjánsdóttir,
D-lista, og gaf sér að umræddar leið-
ir væru jafn góðar, en önnur dýrari.
Milljarðarök | Steinunn Valdís
lagði áherslu á að leið R-listans
tryggði betri tengingu Sundabraut-
ar við Sæbraut og miðborgina. Björn
sagði þetta nýja röksemdafærslu
vinstrimanna sem kostaði 4 millj-
arða. „Fólk fer í miðborgina ef það á
erindi þangað,“ sagði hann. „Fólk
fer í miðborgina ef það kemst þang-
að,“ svaraði Steinunn.
Blaðurleiðin | „Hvaða leið sem val-
in verður þá er lykilatriði að einhver
leið verði valin. Að það sé ekki farin
leið blaðurs og umræðna endalaust,“
sagði Gísli Marteinn Baldursson, D-
lista.
Refilstigar | Gísli sagði það frum-
lega röksemd að fólk ákveði á leið-
inni í bílunum sínum hvert það ætli.
„Ég veit ekki hvort það er þannig
hjá borgarfulltrúum R-listans að
þeir fari út í bílinn, keyri af stað í
fullkominni óvissu hvar þeir ætli að
stoppa.“ Fólk viti best sjálft hvert
leið þess liggi.
Miðborgarvandi | „Mér finnst leitt
að heyra það að borgarfulltrúi Björn
Bjarnason skuli ekki deila áhyggjum
okkar af miðborginni,“ sagði Stein-
unn Valdís. „Það var mál til komið að
borgarfulltrúinn færi að hafa
áhyggjur af stöðu miðborgarinnar.
Hún hefur hingað til verið í miklu já-
kvæðniskasti út í miðborgina og sagt
að ekki neitt væri að,“ sagði Gísli
Marteinn.


 Líknarfélög greiði
ekki erfðafjárskatt
ÞRÍR þingmenn hafa lagt fram á Alþingi tillögu
um að ekki skuli greiða erfðafjárskatt af arfi sem
fellur til kirkna, opinberra sjóða, líknar- og menn-
ingarstofnana eða félaga. „Sama gildir um hand-
rit, bókasöfn, listaverk og minjagripi séu hlutir
þessir ánafnaðir eða gefnir opinberum söfnum
landsins eða alþjóðlegum stofnunum,“ segir í til-
lögunni, sem er breytingartillaga við frumvarp til
laga um erfðafjárskatt. Flutningsmenn tillög-
unnar eru Össur Skarphéðinsson, Samfylkingu,
Jóhanna Sigurðardóttir, Samfylkingu og Ög-
mundur Jónasson, Vinstrihreyfingunni – grænu
framboði.
Í frumvarpinu, eins og það lítur út eftir aðra
umræðu, er gert ráð fyrir því að allir erfingjar ut-
an maka verði skattlagðir með 5% skatthlutfalli,
þar með líknar- og menningarfélög.
Þingmenn minnast
Garðars Sigurðssonar
ÞINGMENN minntust Garðars
Sigurðssonar, fyrrverandi al-
þingismanns, í upphafi þing-
fundar á Alþingi í gær. Garðar
lést sl. föstudag, 19. mars, á
hjúkrunarheimilinu Skjóli. Hann
var þá sjötugur að aldri.
Halldór Blöndal, forseti Al-
þingis, sagði m.a. í minning-
arorðum sínum að Garðar hefði
verið sjálfstæður í málflutningi,
snjall ræðumaður, orðheppinn og vel ritfær. „Hann
var réttsýnn og hreinskilinn, var glaðsinna og góð-
ur félagi í þingmannahópi,“ sagði Halldór. Garðar
var í framboði fyrir Alþýðubandalagið í alþing-
iskosningunum 1971 og var þá kosinn þingmaður
Suðurlandskjördæmis.
Er Halldór hafði flutt minningarorð um Garðar
minntust þingmenn hans með því að rísa úr sætum.
Garðar
Sigurðsson
Virðisaukaskattur af lyfjum
Tekjur ríkissjóðs
780 milljónir
ÁÆTLAÐAR tekjur ríkissjóðs af virðisauka-
skatti af lyfjum árið 2002 eru um 780 milljónir að
því er fram kemur í skriflegu svari fjármálaráð-
herra, Geirs H. Haarde, við fyrirspurn Jóns Kr.
Óskarssonar, varaþingmanns Samfylkingarinnar.
Virðisaukaskattur af lyfjum er nú 24,5%. Svarinu
hefur verið dreift á Alþingi.
Í svarinu kemur einnig fram að ef virð-
isaukaskattur af lyfjum hefði verið 14% árið 2002
hefðu tekjur ríkissjóðs af skattinum verið um 440
milljónir og hefði virðisaukaskatturinn verið 7%
hefðu tekjur ríkissjóðs verið um 220 milljónir.
ÍSLENSK stjórnvöld hafa sett skorður við
frekara samstarfi við Kína á næstunni um komu
kínverskra viðskiptasendinefnda til Íslands, eft-
ir að í ljós kom að stór hluti sendinefndar frá
Kína, sem kom til Íslands árið 2002, hvarf eftir
Íslandsförina og hefur ekki skilað sér aftur til
Kína.
„Við höldum að okkur höndum með að greiða
götu stórra viðskiptasendinefnda af þessu tagi.
Aftur á móti er áfram unnið að því að leggja
grunn að ferðamálasamkomulagi, sem gæti orð-
ið tilbúið í apríl. Það er samkomulag af svip-
uðum toga og Þjóðverjar gengu frá fyrir all-
nokkru síðan og Evrópusambandið hefur nú
gert. Þetta er gert til þess að setja hlutina í
fastari skorður,“ segir Gunnar Snorri Gunn-
arsson, ráðuneytisstjóri í utanríkisráðuneytinu.
Í ferðamálasamkomulaginu er meðal annars
gert ráð fyrir að stjórnvöld tilnefni þær ferða-
skrifstofur sem fá heimild til að skipuleggja
ferðir frá Kína að sögn Ólafs Egilssonar sendi-
herra. Þeim Kínverjum sem ferðast til annarra
landa hefur fjölgað mikið undanfarið. Spáir Al-
þjóðaferðamálastofnunin því að í kringum árið
2020 verði fjöldi Kínverja sem fer úr landi á ári
hverju orðinn um eitt hundrað milljónir manna.
Gunnar Snorri tekur fram að margir Kínverj-
ar hafi fullgildar ástæður til þess að koma til Ís-
lands og utanríkisráðuneytið vilji greiða götu
þeirra. „En við viljum reyna að greina þarna á
milli þeirra sem eru í atvinnuleit og þeirra sem
koma hingað til að breikka sjóndeildarhring-
inn,“ segir hann.
Um var að ræða rúmlega eitt hundrað manna
sendinefnd sem kom til Íslands og hélt kynn-
ingu hér á landi í desember 2002. Hugsanlegt er
talið að hópurinn hafi að stórum hluta horfið inn
á Schengen-svæðið.
Gunnar Snorri segir allar fregnir af för fólks-
ins héðan óljósar. „Það er ljóst að fólkið fór ekki
beinustu leið heim. Við höfum látið upplýsingar
um það ganga til Kínverjanna og spurt nánar
um þetta en það hefur verið frekar lítið um
svör,“ segir hann.
Byggt á samstarfi við mann
sem naut meðmæla
Sendiráð Dana í Peking, sem annast áritanir
fyrir Íslands hönd, veitti fulltrúum í kínversku
sendinefndinni vegabréfsáritanir fyrir ferðina
til Íslands. ,,Þeir gerðu það á grundvelli þess að
til ferðarinnar hefði verið stofnað í ákveðnu
samráði og samvinnu við íslensk stjórnvöld. Það
hefur væntanlega greitt götu þeirra í danska
sendiráðinu að forsagan væri þessi. Við byggj-
um aftur á móti á samstarfi við mann sem hafði
staðið sig ágætlega í öðrum verkefnum, virtist
vera vel kynntur og átti greinilega ágætan að-
gang að kínverskum stjórnvöldum og naut
bestu meðmæla af þeirra hálfu. Hann segir okk-
ur það nú að hann hafi verið í góðri trú allan
tímann en hans samstarfsaðilar í kínverska
stjórnkerfinu hafi á einhvern máta brugðist
honum.
Það er erfitt að leggja mat á þetta og það
eina sem við gátum gert til vonar og vara var að
slíta á frekara samstarf þar til við hefðum feng-
ið þetta á hreint,“ segir Gunnar Snorri.
Spurður hvort talið væri að kynningarfund-
urinn hér á landi hefði aðeins verið yfirskin
hópsins sem hafi ætlað sér að nota ferðina til að
komast inn á Schengens-væðið, segir Gunnar
Snorri að komið hafi í ljós að kynningin hafi
verið heldur umfangsminni en hafði verið látið í
veðri vaka.
Hann segir engar upplýsingar liggja fyrir um
hvort Kínverjarnir séu einhvers staðar á Schen-
gen-svæðinu. Kínversk stjórnvöld sem haft var
samband við hafi ekki virst hafa ýkja miklar
áhyggjur af þessu og talið að fólkið muni smám
saman skila sér.
Verðum að fara
að öllu með gát
„Í Kína er annars vegar talsvert stór hópur
fólks sem hefur bæði efni á og aðstæður til að
ferðast og við viljum alls ekki leggja stein í götu
þess. Hins vegar er kannski ennþá stærri hópur
sem hefur áhuga á að koma í atvinnuleit og við
verðum að fara að öllu með gát og sjá til þess að
allir sem hingað koma geri það á réttum for-
sendum. Það á ekki að koma í veg fyrir að við
eflum samskipti landanna, því það eru heilmiklir
möguleikar fram undan í auknum samskiptum
Kína og Íslands á öllum mögulegum sviðum.“
Gunnar Snorri tekur ekki undir að þetta mál
sé á einhvern hátt áfellisdómur yfir íslenskum
stjórnvöldum eða embættismönnum. „Þetta ger-
ist með reglulegu millibili alls staðar í álfunni.
Mér finnst að í allri umfjöllun hafi þetta verið
sett upp með dálítið glannalegum hætti en
vissulega tel ég að af þessu megi draga þá
ályktun, að jafnvel þó að hin bestu meðmæli
fylgi fólki, sem virðist traustsins vert, þá verði
að fara að öllu með gát.“
Hluti kínverskrar sendinefndar hefur ekki skilað sér heim eftir Íslandsför
Hömlur settar á samstarf við
Kína um komu sendinefnda