Morgunblaðið - 23.03.2004, Page 27

UMRÆÐAN
MORGUNBLAÐIÐ ÞRIÐJUDAGUR 23. MARS 2004 27
Á UNDANFÖRNUM dögum hef-
ur hver borgarfulltrúi R-listans á fæt-
ur öðrum komið fram í
fjölmiðlum til að ræða
væntanlega brúarsmíði
yfir Kleppsvík í
tengslum við lagningu
Sundabrautar. Er út af
fyrir sig ánægjulegt að
R-listinn skuli loks sýna
því áhuga að ljúka
skipulagsþætti málsins
enda ekki hægt að hefj-
ast handa fyrr en því er
lokið. Hefur skipulagn-
ing þessa máls hrak-
hraufast um borg-
arkerfið árum saman án
sýnilegrar framvindu.
Líklegast er að brúarlagning verði
ofan á við fyrsta áfanga Sundabraut-
ar, þ.e. yfir Kleppsvík og stendur valið
nú milli þriggja leiða, hábrúar á ytri
leið, lágbrúar á innri leið og stokks á
hafsbotni.
Allar leiðir hafa sína kosti og galla
og ljóst er að miklu munar á milli
þeirra í kostnaði. Er talið að hábrú á
ytri leið muni ekki kosta undir 13
milljörðum króna en kostnaður við
lágbrú á innri leið muni nema tæpum
átta milljörðum króna.
Kostnaður við stokk
yrði um 14 milljarðar
króna.
Borgarfulltrúar R-
listans virðast nú loks
hafa gert upp hug sinn
og lýsa ákveðnum
stuðningi við hábrú á
ytri leið. Stefán Jón
Hafstein borgarfulltrúi
er einn þeirra sem sér
hábrú í rómantísku ljósi
og er fylgjandi henni
með þeim hégómlegu
rökum að þar sé komið
glæsilegt borgarhlið Reykjavíkur.
Ríkið mun kosta framkvæmdina en
samkvæmt reglum Vegagerðarinnar
mun það aðeins greiða fyrir hag-
kvæmustu leiðina, þ.e. lágbrúna. Kjósi
Reykjavíkurborg hins vegar að velja
dýrari kost, þarf hún að greiða mis-
muninn. Verði hábrú fyrir valinu
þurfa Reykvíkingar því að greiða um
fimm milljarða króna aukalega.
Borgarfulltrúar R-listans gera
reyndar þá kröfu á hendur ríkisvald-
inu að það greiði allan kostnaðinn við
dýrari lausnina. Áður en sú kröfugerð
hófst hefðu borgarfulltrúarnir mátt
leiða hugann að því að Reykvíkingar
greiða ekki aðeins skatta til borg-
arinnar heldur líka til ríkisins. Þrátt
fyrir að ríkið fylgi ábyrgri fjár-
málastefnu á meðan Reykjavíkurborg
safnar skuldum, er ekki þar með sagt
að hlutverk borgarfulltrúa sé að
stuðla að því að útgjöld ríkisins verði
sem mest. Borgarfulltrúar eiga að
sjálfsögðu að hvetja til þess að al-
mannafé verði ætíð sem best nýtt.
Skattfé kemur ætíð úr launa-
umslögum almennings og skiptir í
sjálfu sér ekki meginmáli hvort því er
síðan eytt á vettvangi ríkis eða sveit-
arfélaga.
Umferðaröryggisþáttur
Sundabrautar
Eitt mikilvægt atriði hefur þó alveg
gleymst í dásemdartali borgarfulltrúa
R-listans um hábrú yfir Kleppsvík og
það er sá þáttur málsins sem snýr að
umferðaröryggi. Ég skora á borg-
arfulltrúa að meta þennan þátt gaum-
gæfilega áður en þeir gera upp hug
sinn.
Ef ytri leiðin verður fyrir valinu
verður brúin að vera svo há að stór
flutningaskip komist undir hana á leið
sinni í og úr Sundahöfn. Efsti kafli
brúardekksins mun því standa um 60
metra yfir sjávarmáli en til sam-
anburðar má geta þess að turn Hall-
grímskirkju er 72 metrar á hæð. Mikl-
ir sviptivindar eru tíðir yfir Kleppsvík
og er ljóst að afar vindasamt yrði úti á
slíkri brú. Er það mat sérfræðinga að
loka þurfi slíkri brú fyrir allri umferð
vegna veðurs nokkra daga á ári.
Töluverður bratti verður óhjá-
kvæmilegur við báða enda hábrúar
áður en komið er upp á hæsta kaflann.
Þessi halli myndi skapa vandamál,
ekki síst vegna þess hve hér er um-
hleypingasamt. Þær aðstæður koma
oft upp hérlendis að það snöggfrýs
eftir langvarandi rigningu og verða
vegir þá glerhálir á svipstundu. Vel
má hugsa sér einhverjar lausnir á
þessu vandamáli, t.d. upphitun á
brúnni eða mikinn saltaustur en slíkar
lausnir eru dýrar og óheppilegar. Best
er að losna við að þurfa að leysa slík
vandamál á fjölfarinni hraðbraut í 60
metra hæð í nyrstu höfuðborg heims-
ins. Það er því ekki heil brú í hábrú á
þessum stað.
Auðvitað munu einhver vandamál
fylgja lágbrúarlausninni en þau verða
sennilega mun minni og viðráðanlegri
þar sem hún mun liggja mun lægra
eða í um 10 metra hæð yfir sjávarmáli.
Gangandi og hjólandi
vegfarendur
Við þverun Kleppsvíkur er einnig
mikilvægt að hagsmunir hjólreiða-
manna og gangandi vegfarenda séu
hafðir í huga. Rétt er að minna á að í
umferðaröryggisáætlun Reykjavíkur
2002–2007 er sú stefna mörkuð að tek-
ið skuli ríkt tillit til þessara vegfar-
enda við hönnun nýrra umferð-
armannvirkja. Lágbrú er mun betri
kostur fyrir þessa vegfarendur en
hábrú. Hábrú yrði lokuð vegna veðurs
nokkra daga á ári en þeir dagar verða
vafalaust miklu fleiri þar sem vart
verður stætt eða hjólandi á henni sök-
um storms og sviptivinda. Stokklausn
væri þó sennilega lakasti kosturinn
fyrir gangandi og hjólandi vegfar-
endur enda er ólíklegt að slíkri umferð
yrði hleypt í gegnum slíkan stokk.
Sundabraut – Umferðar-
öryggi eða hégómi?
Kjartan Magnússon skrifar
um umferðaröryggi ’Umferðaröryggi á aðvera í öndvegi þegar
ákvörðun verður tekin
um þverun Klepps-
víkur.‘
Kjartan Magnússon
Höfundur er borgarfulltrúi.