Morgunblaðið - 01.04.2004, Blaðsíða 72
ÍÞRÓTTIR
72 FIMMTUDAGUR 1. APRÍL 2004 MORGUNBLAÐIÐ
BRYNJAR Björn Gunnarsson, sem lék sinn 40.
landsleik í leiknum gegn Albönum í gær, sagði
í samtali við Morgunblaðið í gær að að öllu
óbreyttu færi hann til Danmerkur í sumar og
gengi til liðs við AaB í Álaborg. Brynjar gerði
á dögunum samning við Stoke og leikur með
liðinu út leiktíðina en hann náði ekki að festa
sig í sessi hjá Nottingham Forest og bað um að
verða leystur frá samningi.
„Ég er ekki búinn að ganga frá neinum
samningi við AaB en það stefnir samt allt í að
ég fari þangað. Ég er feginn að vera farinn að
spila á ný og vonandi tekst mér að spila vel
fyrir Stoke þann tíma sem ég verð þar. Við
eigum því miður ekki möguleika á að komast í
aukakeppnina um sæti í úrvalsdeildinni eftir
tvö töp í röð en það er engin hætta á að við
föllum.“
Brynjar að öllu
óbreyttu til AaB
LOGI Gunnarsson landsliðsmaður í
körfuknattleik er á batavegi eftir
vel heppnaða aðgerð á öxl sem
framkvæmd var hér á landi í síð-
ustu viku. Logi er atvinnumaður
hjá þýska liðinu Giessen 46’ers sem
leikur í efstu deild þar í landi en
hann fór tvívegis úr axlarlið með
stuttu millibili í vetur og hefur að-
eins tekið þátt í 10 leikjum liðsins
vegna meiðsla.
„Ágúst Kárason læknir fram-
kvæmdi aðgerðina og hann segir að
ástandið á öxlinni hafi ekki verið
eins slæmt og hann hafði óttast.
Það þurfti ekki að stytta liðbönd eins og til stóð
en slík aðgerð hefði getað haft mikil áhrif á
hreyfigetu axlarliðsins. Sem betur fer var aðeins
laust brjósk í axlarliðnum og ég
horfi björtum augum á sumarið sem
ég ætla að nota til þess að mæta enn
sterkari til leiks hjá 46’ers á næstu
leiktíð,“ sagði Logi í gær en hann
mun dvelja hér á landi fram í byrjun
júní. Logi er samningsbundinn
46’ers út næstu leiktíð og segir
hann að liðið muni leika í efstu deild
áfram þar sem MBC-liðið sé á barmi
gjaldþrots og verði dæmt til þess að
leika í 2. deild á næstu leiktíð.
„Ég hef aldrei misst úr leiki áður
á mínum ferli og þessi meiðsli hafa
verið erfið fyrir sálartetrið en
íþróttamenn geta alltaf búist við slíku og ég mun
verða reynslunni ríkari fyrir vikið,“ sagði Logi
Gunnarsson.
Logi Gunnarsson er á batavegi
eftir vel heppnaða aðgerð á öxl
Logi Gunnarsson
FRANSKI landsliðsmaðurinn
Sylvain Wiltord vonast til að vera
með Arsenal gegn Manchester
United er liðin mætast í undanúr-
slitum bikarkeppninnar á Villa
Park á laugardaginn. Wiltord lék
með varaliði Arsenal gegn Luton á
þriðjudaginn og skoraði mark. Leik-
urinn var fyrsti leikur Wiltord síðan
hann meiddist á ökkla 16. desember.
ÞAÐ var annar leikmaður Arsen-
al sem vakti athygli í leiknum – hinn
15 ára Anthony Stokes, sem skoraði
sitt fyrsta mark með varaliðinu –
sendi knöttinn efst upp í markhorn-
ið, beint úr aukaspyrnu. Stokes hef-
ur heldur betur verið á skotskónum
síðustu daga. Hann skoraði tvö
mörk með 19 ára liði Arsenal í leik
gegn Charlton sl. föstudag, 4:1, og
eitt mark með 17 ára liði Arsenal
gegn Coventry á laugardaginn, 3:1.
Menn ættu að leggja nafn Stokes á
minnið.
SEPP Blatter, forseti Alþjóða
knattspyrnusambandsins, segir það
ekki koma til greina að samþykkt
verði að tvær þjóðir Afríku sæki um
að halda heimsmeistaramótið í
knattspyrnu árið 2010 í sameiningu
en Líbýa og Túnis hafa velt þeirri
hugmynd fyrir sér. Undantekning
hafi verið gerð þegar Japan og Suð-
ur-Kórea héldu keppnina í samein-
ingu fyrir tveimur árum en slík und-
antekning verður ekki gerð aftur í
bráð.
OLIVER Kahn, markvörður
þýska landsliðsins og Bayern
München, segist ekkert hafa í
hyggju að draga sig í hlé eftir HM
2006 í Þýskalandi. Kahn segist ekk-
ert sjá því til fyrirstöðu hann geti
verið á fullri ferð fram yfir HM
2010, en þá verður hann fertugur.
„Úr því Dino Zoff gat leikið fertug-
ur í marki Ítala á HM 1982 af
hverju ætti ég ekki að geta leikið
fertugur með Þjóðverjum á HM
2010?“ spyr Kahn, hinn litríki mark-
vörður, sem hefur alltaf haft skoð-
anir á málum.
AITOR Begiristain, fram-
kvæmdastjóri Barcelona viður-
kenndi í gær að félagið hefði áhuga
á að krækja í franska framherjann
David Trezeguet frá Juventus í
sumar þegar samningur hans renn-
ur út, en orðrómur hefur lengi verið
uppi um að Frakkinn væri undir
smásjá Katalóníuliðsins.
JORGE Valdano, einn fram-
kvæmdastjóra spænska knatt-
spyrnuliðsins Real Madrid sagði í
gær að engin stoð væri fyrir þeim
sögum að Carlos Queiroz, þjálfari
Real, væri valtur í sessi og mætti
þakka fyrir að fá að halda starfinu
út leiktíðina. Valdano segir að Qu-
eiroz hafi gert tveggja ára samning
síðasta sumar og ekki standi til að
segja honum upp. Fregnir þess efn-
is séu algjörlega úr lausu lofti
gripnar.
FÓLK
JÓHANNES Karl Guðjónsson ger-
ir fastlega ráð fyrir því að vera
áfram hjá Wolves á næsta keppn-
istímabili en Skagamaðurinn hefur
leikið með Úlfunum í vetur sem
lánsmaður frá Real Betis á Spáni.
„Ég hef fengið þau skilaboð að
Úlfarnir vilji halda mér og ég á
því ekki von á öðru en að ég verði
um kyrrt. Ekki nema það gerist
eitthvað meira í Hollandi,“ sagði
Jóhannes Karl við Morgunblaðið.
Jóhannes Karl var ekki alls fyrir
löngu orðaður við Feyenoord í
Hollandi en hann segir þau mál í
biðstöðu.
„Ég hef auðvitað ekki verið
mjög sáttur við hversu lítið ég hef
fengið að spila en það er ljóst í
mínum huga að við föllum úr úr-
valsdeildinni og þar með verða
talsverðar breytingar á hópnum
sem ættu að auka mína möguleika.
Ég er mjög ánægður með veruna á
Englandi og þó svo að Wolves sé á
leið úr úrvalsdeildinni er þetta
stórt félag og mér skilst að þegar
hafi selst um átján þúsund árs-
miðar fyrir næsta tímabil,“ sagði
Jóhannes Karl.
Jóhannes áfram hjá Úlfunum?
Hvernig svo sem þetta fer þá heldég að við eigum í vændum
skemmtilegt einvígi tveggja góðra
liða. Fyrirvarinn hjá
Keflvíkingum er
frekar stuttur á með-
an Snæfell hefur
fengið fínan tíma eft-
ir 3-0 sigur á Njarðvík. Keflvíkingar
voru nú reyndar ekkert að væla yfir
þessu. Maður veit svo sem ekki
hvernig þetta kemur til með að verka
á þá, og raunar Snæfellinga líka. En
ég hefði gjarnan viljað hafa þrjá
daga á milli fimmtu viðureignar í
undanúrslitum og fyrstu í úrslitum.
Það veitir ekkert af þeim tíma, bæði
til að ná sér niður eftir undanúrslita-
rimmuna og búa sig síðan undir
næsta lið.“
Reynir spáði því að Njarðvíkingar
myndu leggja Snæfell í undanúrslit-
unum en raunin varð 3-0 sigur Snæ-
fells. „Já, það kom mér á óvart og
Snæfell heldur áfram að koma öllum
á óvart, nema kannski sjálfu sér. Ég
átti svo sem von á góðu gengi þeirra,
en þar sem Njarðvík haði unnið Snæ-
fell í bikarnum og hefur meiri
reynslu og hefð á bak við sig hélt ég
að þeir hefðu það þegar á hólminn, en
ekki í Hólminn, væri komið. En Snæ-
fell er með sterkt lið og það er virki-
lega gaman að fá ný lið inn í úrslitin.“
– Hefur heimavöllurinn mikið að
segja í svona keppni?
„Já, hann hefur það, sama hvað
hver segir. Það eru engin ný sannindi
enda veit ég ekki um neitt lið sem
vinnur fleiri leiki á útivelli en heima-
velli. Og ekki síst hefur þetta áhrif á
þessum heimavöllum, í Keflavík og í
Hólminum. Þetta eru ekki bæjar-
félög hlið við hlið og menn eru ekkert
vanir því að spila fyrir troðfullu húsi í
Hólminum.
Ég veit ekki hvort ég á að þora að
nefna einhverjar tölur í þessu sam-
bandi, en eigum við ekki að segja að
Snæfell vinni 3-2. Ég hef trú á að
heimavöllurinn hafi mikið að segja
og liðin fagni sigrum á heimavelli sín-
um.
Það verður gaman að fylgjast með
þessari rimmu því bæði lið eru með
sterka menn inn í og fínar skyttur
fyrir utan. Það verður til dæmis
gaman að fylgjast með baráttu
Fannars og Hlyns undir körfunni, en
þar eru á ferðinni tveir miklir bar-
áttukarlar sem gefast aldrei upp.
Maður heldur alltaf að breiddin í
leikmannahópnum hafi eitthvað að
segja og þá stendur Keflavík óneit-
anlega betur. Fyrstu þrír leikirnir
eru nokkuð þéttir og síðan fá menn
nokkurra daga hlé til að endurskipu-
leggja sig. Miðað við leikmannahóp-
inn ætti Keflavík að vinna en eins og
Snæfell hefur leikið í vetur þá getur
maður ekki sagt annað en að þeir
verði meistarar, mér sýnist þeir ekk-
ert á leiðinni að tapa þessu. Svo má
ekki gleyma því að Keflvíkingar leika
oft best þegar mest á reynir. Þetta
verður rosalega skemmtileg rimma,“
sagði Reynir.
Snæfell og Keflavík mættust tvisv-
ar í deildinni í vetur, Keflavík hafði
betur á sínum heimavelli 31. október,
79:70, en Snæfall vann í Hólminum 1.
febrúar, 94:90.
Reynir Kristjánsson, þjálfari Hauka, spáir í úrslitarimmuna
um meistaratitilinn í körfuknattleik, sem hefst í Stykkishólmi
Heimavöllur-
inn hefur
mikið að segja
„ÞETTA fór ekki vel hjá okkur í undanúrslitunum – spádómar mínir
um sigurvegara voru ekki réttir,“ sagði Reynir Kristjánsson, þjálfari
Hauka, þegar hann var beðinn um að spá í spilin fyrir úrslitarimmu
Snæfells og Keflavíkur í úrvalsdeild karla í körfuknattleik, en fyrsti
leikurinn er í kvöld í Stykkishólmi.
Morgunblaðið/Golli
Derrick Allen, Keflavík, hef-
ur verið geysilega sterkur
undir körfunni.
Skúli Unnar
Sveinsson
skrifar
DAVID Duval, einn af þekktari
kylfingum heims, hefur ákveðið að
vera ekki með á Mastersmótinu í
golfi sem hefst í Bandaríkjunum á
Skírdag. Ákörðun hans kemur svo
sem ekki á óvart þar sem kappinn
hefur ekkert verið með á PGA
mótaröðinni síðan í október, en þá
komast hann ekki áfram eftir
tveggja daga leik. Hann mætti þó
til leiks á Dunlop-mótinu í Japan í
nóvember en varð að hætta leik á
fyrsta hring, vegna bakverkjar.
„Ég verð að gefa þessu lengri
tíma og vera alveg viss um að ég sé
orðinn góður áður en ég byrja að
keppa á nýjan leik. Það tekur tíma
að laga bakið eftir þriggja ára
slæma sveiflu,“ sagði kappinn.
Hann sagðist nokkuð viss um hve-
nær hann yrði til í slaginn, en neit-
aði að láta það uppi. Þetta verður í
fyrsta sinn sem hann verður ekki
með á Masters síðan hann komst
fyrst á mótið árið 1996.
Severino Ballesteros hefur líka
tilkynnt að hann dragi sig út úr
keppninni – vegna bakmeiðsla.
Duval ekki
á Masters
ÁKVEÐIÐ hefur verið að viðureign
Roma og Lazio í ítölsku 1. deildinni
í knattspyrnu, sem frestað var á
dögunum, fari fram 14. apríl. Fyrr-
greindur leikur var flautaður af
snemma í síðari hálfleik eftir að
upplýsingar höfðu borist um að
barn hefði látið lífið fyrir utan Ól-
ympíuleikvanginn í Róm í átökum
stuðningsmanna liðanna og lög-
reglu. Síðar kom í ljós að fregn-
irnar voru rangar.
Ítalska knattspyrnusambandið
ákvað að sekta Roma um 3.000 evr-
ur, jafnvirði 270.000 króna auk þess
sem liðið verður að leika einn
heimaleik í náinni framtíð á hlut-
lausum velli.
Þá er Lazio gert að greiða 51.500
evrur í sekt, jafnvirði rúmra 5 millj.
ísl. króna vegna óláta stuðnings-
manna.
Rómarliðin
mætast á ný