Morgunblaðið - 07.05.2004, Page 2
FRÉTTIR
2 FÖSTUDAGUR 7. MAÍ 2004 MORGUNBLAÐIÐ
BUSH BIÐST AFSÖKUNAR
George W. Bush Bandaríkjaforseti
varði í gær varnarmálaráðherra sinn,
Donald Rumsfeld, og sagði að afsögn
hans kæmi ekki til greina. Rumsfeld
hefur verið gagnrýndur harkalega
vegna illrar meðferðar bandarískra
hermanna á föngum í Írak. Bush
baðst í fyrsta skipti í gær afsökunar á
þessari meðferð á föngunum en málið
er talið hafa skaðað mjög ímynd
Bandaríkjanna í Mið-Austurlöndum.
Spáir hagvexti
Fjárfestingar vegna stóriðju og
áframhaldandi vöxtur einkaneyslu
eru tvær helstu ástæður þess hag-
vaxtar sem fjármálaráðuneytið býst
við að verði á næstu árum, en ráðu-
neytið spáir því í nýrri þjóðhagsspá
sinni að hagvöxtur verði 4,5% á þessu
ári og 5% á því næsta.
63% fram úr áætlun
Áfallnar lífeyrisskuldbindingar
borgarsjóðs Reykjavíkur árið 2003
fóru 63% fram úr fjárhagsáætlun.
Hækkuðu þær um 935 milljónir
króna umfram það sem spáð var.
Semja um saltfisksölu
SIF SPAIN, dótturfélag SÍF hf. á
Spáni, og alþjóðlega verslanakeðjan
Carrefour, undirrituðu í gær samn-
inga um sölu á saltfiski til verslana
Carrefour á Spáni. Jafnframt var
undirritaður samningur um sölu salt-
fisks til verslana Carreforu í Sviss.
Dauðadómur í Líbýu
Dómstóll í Líbýu dæmdi í gær
fimm búlgarska hjúkrunarfræðinga
og palestínskan lækni til dauða fyrir
að hafa smitað meira en 400 sjúklinga
á barnaspítala viljandi af HIV-
veirunni en hún veldur alnæmi. Úr-
skurðurinn er umdeildur en fólkið
hafði allt lýst sig saklaust af ákæru-
atriðunum.
Y f i r l i t
Í dag
Sigmund 8 Viðhorf 38
Viðskipti 11/12 Minningar 38/43
Erlent 14/16 Umræðan 44/47
Heima 18 Brids 59
Höfuðborgin 24 Kirkjustarf 51
Akureyri 25 Bréf 56
Suðurnes 25 Dagbók 58/59
Austurland 26 Sport 56/59
Landið 27 Leikhús 60
Daglegt líf 28/29 Fólk 60/65
Listir 30/32 Bíó 62/65
Forystugrein 34 Ljósvakamiðlar 66
Þjónusta 37 Veður 67
* * *
Kynningar – Morgunblaðinu í dag
fylgir auglýsingablað frá Ferðamála-
samtökum Íslands.
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Ólafur Stephensen, aðstoðarritstjóri, olafur@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Listir Orri Páll Ormarsson, ritstjórnarfulltrúi, orri@mbl.is
Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkjustarf Ellý H. Gunnarsdóttir, elly@mbl.is Íþróttir sport-
@mbl.is Sigmundur Ó. Steinarsson, fréttastjóri, sos@mbl.is Fólk í fréttum Skarphéðinn Guðmundsson, skarpi@mbl.is Útvarp|Sjónvarp Andrea Guðmundsdóttir, andrea@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Á SUNNUDAGINN
Þjóðhöfðingi með einum eða
öðrum hætti – seinni hluti
Ungir Færeyingar á Íslandi
Þrír náskyldir dægurlaga-
höfundar
Ómissandi fyrir sumarið
Volvo YCC er vængjaður
draumabíll
Vampírur, varúlfar og
blóðsugubanar
Sunnudagur 09.05.04
FÆREYSKIR FRÆNDUR
EIVÖR PÁLSDÓTTIR OG JULIAN JOHNSSON
HAFA FEST NÖFN SÍN Í HUGA LANDSMANNA
Hvernig forseti? Ólafur Ragnar Grímsson í átta ár á Bessastöðum. Seinni hluti.
STJÓRN Árvakurs hf., útgáfu-
félags Morgunblaðsins, sam-
þykkti eftirfarandi ályktun á
fundi sínum í gær, sem send hef-
ur verið allsherjarnefnd Alþingis:
Allsherjarnefnd Alþingis
Hr. alþm. Bjarni Benediktsson
form. Alþingi við Austuvöll.
Vegna frumvarps til laga um
breytingu á útvarpslögum nr. 53/
2000 og samkeppnislögum nr. 8/
1993 ásamt fylgiskjali, greinar-
gerð nefndar menntamálaráð-
herra um eignarhald á fjölmiðlum
á Íslandi, vill stjórn Árvakurs hf.,
útgáfufélags Morgunblaðsins,
taka fram eftirfarandi.
Stjórnin getur fallist á grein-
ingu nefndarinnar um stöðuna á
íslenskum fjölmiðlamarkaði og þá
niðurstöðu hennar að hún hafi
einkenni samþjöppunar. Stjórn
Árvakurs hf. er sammála því að
hamlað verði gegn óæskilegum
áhrifum samþjöppunar.
Stjórnin telur hinsvegar fram-
komið lagafrumvarp ganga of
langt og fela í sér óþarflega rösk-
un á starfsumhverfi fjölmiðlafyr-
irtækja í ljósvakamiðlun.
Stjórnin mótmælir jafnframt
harðlega því að gert skuli ráð fyr-
ir í frumvarpinu að útgefendum
dagblaða verði óheimilt að fara
með útvarpsleyfi. Stjórnin telur
að þær takmarkanir sem í þessu
felast fyrir starfsemi dagblað-
anna séu óviðunandi. Þar sem
framkomið lagafrumvarp virðist á
hinn bóginn ekki snerta útgef-
endur dagblaða beint með öðrum
hætti telur stjórnin ekki ástæðu
til að tjá sig um efni frumvarps-
ins umfram það sem að framan
greinir.
Hvað meðferð þessa mikilvæga
máls í heild sinni varðar, átelur
stjórn Árvakurs hf. hversu
skammur tími virðist ætlaður til
umræðu um það, sem leiðir til al-
varlegrar óvissu um farsælar
lyktir þess og hugsanleg áhrif til
lengri tíma litið.
Reykjavík, 6. maí 2004.
Fh. stjórnar Árvakurs hf.
Haraldur Sveinsson, form.
Stefán P. Eggertsson,
varaform.
Samþykkt stjórnar Árvakurs
hf. um fjölmiðlafrumvarpið
FORSVARSMENN Íslenska sjón-
varpsfélagsins, sem rekur Skjá
einn, hafa á undanförnum mán-
uðum leitað ítrekað eftir viðræðum
við Norðurljós um sameiningu.
Stjórnarformaður Norðurljósa,
Skarphéðinn Berg Steinarsson,
segir félagið ekki
hafa léð máls á
því enda yrði
sameining Skjás
eins og ljós-
vakamiðla Norð-
urljósa ekki til
þess að auka
fjölbreytni í ís-
lenskri fjöl-
miðlun.
Haft var eftir
Gunnari Jóhanni Birgissyni,
stjórnarformanni Íslenska sjón-
varpsfélagsins, í Morgunblaðinu í
gær að kaupendur myndu finnast
að ljósvakamiðlum Norðurljósa
kæmi til þess að fyrirtækinu yrði
skipt upp vegna ákvæða í fjöl-
miðlafrumvarpi. Hann rifjaði upp
hugmynd sem fram kom áður en
Baugur eignaðist hlut í Norður-
ljósum og gekk út á að sameina
rekstur Skjás eins og Norðurljósa.
„Það er varla í anda laganna að
stuðla þannig að fjölbreytni eða
aukinni samkeppni á fjölmiðla-
markaði,“ segir Skarphéðinn, sem
tók við formennsku í stjórn Norð-
urljósa í lok árs 2003. Hann segir
forsvarsmenn Skjás eins hafa leit-
að til sín a.m.k. þrisvar og viljað
ræða sameiningu.
Frumvarpið verður kannski
til þess að af sameiningu verði
„Forsvarsmenn Skjás eins hafa
umtalsverðan áhuga á því að sam-
einast Norðurljósum og kannski
verður þetta frumvarp til þess að
það gangi eftir,“ segir Skarphéð-
inn.
Hann segir að ef núverandi eig-
endur Norðurljósa verði ekki taldir
uppfylla skilyrði til að geta átt fjöl-
miðil sé ljóst að þeir verði að losa
sig út úr rekstrinum, en bendir á
að verði fjölmiðlafrumvarpið að
lögum geti Íslenska sjónvarps-
félagið einnig þurft að fara að líta í
kringum sig eftir nýjum hlut-
höfum.
Stjórnarformaður
Norðurljósa
Varla í anda
laganna að
sameina
Skjá 1 og
Norðurljós
Skarphéðinn Berg
Steinarsson
TVÖ af skipum Samherja, Seley SU
og Hríseyjan EA, sem lokið hafa
þjónustu sinni fyrir nokkru, létu úr
höfn á Akureyri í gær. Förinni er
heitið til Danmerkur en þangað hafa
skipin verið seld í brotajárn. Seley
dregur Hríseyjuna til Danmerkur
og eru 6 menn um borð í Seley en
Hríseyjan er mannlaus yfir hafið.
Dráttarbátar Akureyrarhafnar að-
stoðuðu skipin úr Fiskihöfninni en
þar hafa þau legið mjög lengi.
Að sögn Kristjáns Vilhelmssonar,
útgerðarstjóra Samherja, tekur
siglingin yfir hafið um vikutíma en
það ræðst þó mjög af veðri. Seley
var síðast á nótaveiðum loðnuvertíð-
ina 2001 en Hríseyjan hafði síðast
viðkomu í New York í Bandaríkj-
unum er skipið fylgdi víkingaskip-
inu Íslendingi yfir hafið sumarið
2000. Seley var smíðuð á Akranesi
árið 1980 og Hríseyjan í Japan árið
1973.
Tvö skip Samherja
seld í brotajárn
Morgunblaðið/Kristján
Tvö í brotajárn. Dráttarbátar Akureyrarhafnar aðstoðuðu við að koma
Seley og Hríseyjunni út úr Fiskihöfninni og út á fjörð.