Morgunblaðið - 07.05.2004, Blaðsíða 4

FRÉTTIR
4 FÖSTUDAGUR 7. MAÍ 2004 MORGUNBLAÐIÐ
„DAGURINN heppnaðist mjög vel,“
segir Kristín Björg Viggósdóttir,
starfsmaður Klúbbsins Geysis, um
aðstandendadag klúbbsins sem
haldinn var um síðustu helgi. Hún
bætir því við að milli 120 og 130
gestir hafi komið í klúbbhúsið, Skip-
holti 29, á aðstandendadeginum;
kynnt sér starfsemina og notið
góðra veitinga.
Klúbburinn er fyrir fólk sem á
eða átt hefur við geðræn veikindi að
stríða. Hann starfar eftir hug-
myndafræði Fountain House og hef-
ur það að markmiði að aðstoða fé-
laga út í atvinnulífið, eða eins og
segir á vef klúbbsins: „Markmið
okkar er að brúa bilið milli stofnana
og samfélagsins.“
Kristín segir að tilgangur að-
standendadagsins hafi verið að
kynna starfsemina fyrir aðstand-
endum félaga. Gestir voru leiddir
um húsið og þeim kynnt sú starf-
semi sem þar fer fram. „Við fundum
hvað það er mikilvægt að vera í góð-
um tengslum við aðstandendur.“
Hún segir að þeir hafi líka verið
ánægðir með daginn og nú sé talað
um að hafa svona dag á hverju ári.
Morgunblaðið/Jim Smart
Starfsmenn, félagar og aðstandendur Klúbbsins Geysis stilltu sér upp fyrir ljósmyndara á aðstandendadeginum.
Góð tengsl við aðstandendur mikilvæg
Fjölmennt var á aðstandendadegi Klúbbsins Geysis
TENGLAR
.....................................................
www.kgeysir.is
LÖGREGLA telur að á milli 450 og
500 manns hafi þegar mest var stað-
ið í kuldanum á Austurvelli í gær til
að mótmæla fjölmiðlafrumvarpi rík-
isstjórnarinnar. Starfsmannafélög
Norðurljósa stóðu fyrir fundinum en
margt af þekktasta tónlistarfólki
landsins tróð upp á milli þess sem
barátturæður voru fluttar.
Til stóð að afhenda menntamála-
ráðherra, Þorgerði Katrínu Gunn-
arsdóttur, lista með undirskriftum
400 starfsmanna Norðurljósa þar
sem fjölmiðlafrumvarpi er mótmælt.
Ráðherrann sá sér ekki fært að taka
við listanum. Kristinn H. Gunnars-
son, þingmaður Framsóknarflokks-
ins, var eini stjórnarþingmaðurinn
sem lét sjá sig á mótmælafundinum.
Reynir Traustason, blaðamaður á
Fréttablaðinu, vandaði formönnum
stjórnarflokkanna ekki kveðjurnar í
ávarpi sínu á fundinum. Sagði hann
„tvíhöfðalýðræði“ Davíðs Oddssonar
og Halldórs Ásgrímssonar ríkja á Ís-
landi og kallaði þingmenn stjórnar-
flokkanna „húsbóndaholla henti-
stefnumenn“. Að lokum hvatti
Reynir almennning til að sýna sam-
stöðu og mótmæla frumvarpinu.
Morgunblaðið/Júlíus
Andstæðingar fjölmiðlafrumvarps létu hret og kulda ekki aftra sér frá því að mótmæla á Austurvelli í gær.
Starfsmenn Norðurljósa
mótmæltu á Austurvelli
STJÓRN Lögmannafélags Íslands
(LMFÍ) ætlar að una ákvörðun sam-
keppnisráðs um að félagið hafi brotið
samkeppnislög og viðhaft ólöglegt
samráð með því að láta semja kostn-
aðargrunn fyrir lögmannsstofur og
birta hann. Taldi samkeppnisráð að
félagið hefði með þessu hvatt til
hækkunar og samræmingar á gjald-
skrá lögmanna og var félaginu gert
að greiða 3,5 milljónir króna í stjórn-
valdssekt.
Í bréfi til félagsmanna segir Gunn-
ar Jónsson, formaður þess, að nið-
urstaða samkeppnisráðs hafi verið
„vitaskuld áfall fyrir LMFÍ“, það
verði að læra af „mistökunum“ og
hafa samráð við samkeppnisyfirvöld
ef ráðast eigi aftur í upplýsingaöflun
af þessu tagi.
Samkvæmt bréfi formannsins fól
stjórnin hópi valinna lögmanna að
fara vandlega yfir málið. Gunnar
segir niðurstöðu hópsins ekki hafa
verið afgerandi um hvort ákvörðun
samkeppnisráðs ætti að áfrýja eða
ekki. „Þó voru lögmennirnir sam-
mála um að ólíklegt væri að áfrýjun
leiddi alfarið til sýknu, enda þótt
ákvörðun samkeppnisráðs væri á
ýmsan hátt gagnrýnisverð og viður-
lög harkaleg miðað við tilefnið,“ seg-
ir formaðurinn en það var mat
stjórnar LMFÍ að ekki væri næg
ástæða til kæru til áfrýjunarnefndar
samkeppnismála.
Í áðurnefndri ákvörðun sam-
keppnisráðs var m.a. vísað til krafna
um þekkingu stjórnenda LMFÍ á
samkeppnislögum og þess að félagið
hefði áður brotið gegn lögunum, eða
árið 1997.
Lögmenn kæra ekki
MEIRIHLUTI svarenda í skoðana-
könnun, sem Gallup hefur gert fyrir
fjölmiðlafyrirtækið Norðurljós, eða
64,5% segjast vera andvíg fjölmiðla-
frumvarpi ríkisstjórnarinnar en
24,1% eru hlynnt frumvarpinu.
11,5% sögðust hvorki hlynntir né
andvígir frumvarpinu. Könnunin var
gerð dagana 28. apríl til 4. maí.
Í tilkynningu frá Norðurljósum
segir að tæplega 40% af þeim sem
sögðust styðjast ríkisstjórnina séu
frekar eða mjög andvígir frumvarp-
inu en 45,6% stuðningsmanna ríkis-
stjórnarinnar eru frekar eða mjög
hlynntir frumvarpinu.
Hringt var í var 937 manns en þar
af svöruðu 590 og er svarhlutfallið
því 63%.
Meirihluti
andvígur
fjölmiðla-
frumvarpi
♦♦♦
VERÐBRÉFAKAUP erlendis
námu tæpum 25 milljörðum króna á
fyrsta ársfjórðungi í ár og þreföld-
uðust frá sama tímabili í fyrra þegar
þau námu tæp-
um 8,3 milljörð-
um króna.
Erlend verð-
bréfakaup í
marsmánuði
einum í ár voru
tæpir 11 millj-
arðar króna og
hafa ekki áður
orðið jafnmikil í
einum mánuði
síðan kerfis-
bundið var farið
að fylgjast með þessum kaupum árið
1994
Erlend verðbréfakaup hafa næst-
mest orðið á fyrsta fjórðungi ársins
2000 þegar þau námu tæpum 16
milljörðum króna, en lækkuðu veru-
lega og voru einungis 4,6 milljarðar
króna á fyrsta ársfjórðungi árið eftir.
Þetta er gert að umtalsefni á vef
Landssamtaka lífeyrissjóða, en gera
má ráð fyrir að lífeyrissjóðirnir
standi á bakvið stóran hluta af þess-
um verðbréfakaupum. Fram kemur
að mikil aukning á erlendum verð-
bréfakaupum í ár eigi sér margar
skýringar, meðal annars lágt gengi
Bandaríkjadals og hagstætt verð á
bandarískum hlutabréfum.
Fram kemur að í lok febrúar í ár
námu eignir lífeyrissjóðanna í er-
lendum verðbréfum 170 milljörðum
króna.
Erlend verð-
bréf fyrir
11 milljarða




   





 
        
  
  
 
!

ÞRÍTUGUR maður hefur verið
dæmdur í átta mánaða fangelsi í
Héraðsdómi Reykjaness fyrir inn-
flutning á 119 grömmum af kókaíni
sem hann keypti í Amsterdam og
ætlaði til sölu í ágóðaskyni hér á
landi.
Brotið átti sér stað í október sl., en
maðurinn var einnig sakfelldur fyrir
að hafa haft í vörslum sínum 5,46
grömm af hassi, sem lögregla fann
við húsleit á heimili hans daginn eftir.
Af hinni átta mánaða refsingu var
fullnustu fimm mánaða af refsivist-
inni frestað og fellur sá hluti hennar
niður eftir þrjú ár haldi maðurinn al-
mennt skilorð.
Manninum var gert að sæta upp-
töku á fíkniefnunum, sem og pípu og
haus til hassreykinga, sem lögregla
lagði hald á við rannsókn málsins.
Honum var og gert að borga allan
sakarkostnað, þar með talda 40.000
króna þóknun skipaðs verjanda síns.
Dóminn kvað upp Jónas Jóhanns-
son héraðsdómari. Verjandi manns-
ins var Örn Clausen hrl.
Dæmdur
fyrir kókaín-
smygl
♦♦♦
TVEIR 29 ára karlmenn og 24 ára
kona hafa verið dæmd í 8–15 mán-
aða fangelsi í Héraðsdómi Reykja-
ness fyrir nytjastuldi, skjalabrot
og þjófnað, fíkniefnabrot, grip-
deildir, umferðarlagabrot, ólög-
mæta meðferð fundins fjár og fjár-
svik á þessu ári og því síðasta.
Karlmennirnir voru dæmdir í 12
og 15 mánaða fangelsi og til frá-
dráttar refsingunni dregst gæslu-
varðhald sem þeir hafa sætt frá 2.
apríl. Fullnustu átta mánaða refs-
ingar konunnar var hins vegar
frestað um þrjú ár og fellur hún
niður að þeim tíma liðnum haldi
hún skilorðið.
Sá mannanna er þyngri dóminn
hlaut var sviptur ökurétti í einn
mánuð frá ágústmánuði nk. að
telja. Alls var fólkið dæmt til að
greiða tæplega 370 þúsund krónur
í málsvarnarlaun og kostnað, auk
rúmlega 20 þúsund króna í skaða-
bætur.
Dóminn kvað upp Þorgeir Ingi
Njálsson héraðsdómari. Verjendur
ákærðu voru Kristján Stefánsson
hrl. og Hilmar Ingimundarson hrl.
Þrennt
dæmt fyrir
fjölda brota