Morgunblaðið - 07.05.2004, Blaðsíða 59
ÍÞRÓTTIR
MORGUNBLAÐIÐ FÖSTUDAGUR 7. MAÍ 2004 59
„ÉG er í sæluvímu,“ sagði Guðríður
Guðjónsdóttir, þjálfari kvennaliðs
Vals, eftir sigurinn á ÍBV í gær-
kvöldi. „Það var ótrúlegt að ná sér
á strik og jafna, það sýnir hve mik-
ill baráttuandi býr í leikmönnum.
Fyrst og fremst var lagt upp með
að byrja alltaf strax á miðju þegar
Eyjastúlkur lágu jafnvel ennþá inni
í teig hjá okkur. Við erum snöggar
fram enda held ég að við höfum
skorað 12 til 15 mörk þannig. Við
eigum erfitt í sókninni gegn flatri
stórri vörn því við erum svo lág-
vaxnar svo að við verðum að nýta
okkar mesta styrk, sem er snerpa,“
bætti Guðríður við og það var ekki
að sjá að naumt tap hefði slegið
neitt á baráttuvilja Valskvenna.
„Málið er að við vorum fúlar eftir
tapið í Eyjum, þó að allir segðu að
við hefðum staðið okkur vel og
mættum vera stoltar. Við ætluðum
okkur að vinna. Við unnum þær í
byrjun vetrar og vitum að það er
hægt, sáum líka FH vinna þær í
Krikanum svo að ÍBV er ekki ósigr-
andi þó þær eigi að vera bestar.“
Valur byrjaði veturinn sæmilega
en dalaði eftir áramót enda missti
liðið þá leikmenn eins og Hafdís
Hinriksdóttir, Brynja Steinsen, síð-
an Örnu Grímsdóttur í nokkra mán-
uði og loks Drífu Skúladóttur á
lokasprettinum. „Við áttum þá í
ströggli enda heyrðum við úr öllum
áttum að við værum sprungnar.
Hins vegar tekur tíma að stilla liðið
saman á ný og í lok móts var komin
mikil stígandi í leik okkar.“
„Við vorum fúlar eftir
tapið í Vestmannaeyjum“
Gestirnir úr Eyjum byrjuðu bet-ur en þegar vörn Vals náði loks
saman og Hafrún Kristjánsdóttir
varnarjaxl í Val hafði
mjög góðar gætur á
skyttunni Önnu Yak-
ovu snerist taflið við
og með 5 mörkum í
röð náði Valur 6:4 forystu. Þar mun-
aði miklu að Berglind varði tvö
hraðaupphlaup ÍBV. Eftir þennan
kafla var spennufall hjá Val og
þrautreyndar Eyjastúlkur láta ekki
bjóða sér slíkt tvisvar og jafna. Enn
náði Valur sér á strik og hafði góðar
gætur á skyttum ÍBV en þá lék Birg-
it Engl lausum hala og hélt ÍBV inni í
leiknum.
Síðari hálfleikur hófst á svipuðum
nótum og sá fyrri nema hvað nú slök-
uðu Eyjastúlkur ekki á klónni svo að
eftir fimm mínútur voru þær komnar
með 19:15 forystu. Þrátt fyrir að
Valsstúlkur fyndu ekki fjölina sína,
meðal annars fóru 9 af 11 sóknum í
súginn og sóknarleikurinn væri ekki
upp á marga fiska, tókst þeim að
hanga í gestunum. Það skilaði sér
um miðjan hálfleik, þá misstu Eyja-
stúlkur móðinn um stund þegar 11 af
12 sóknum fóru forgörðum og með 6
mörkum Vals á móti einu hjá ÍBV
höfðum hlutverkin snúist við og í
hlut Eyjastúlkna kom að vinna upp
forskot. Þeim tókst að halda í horf-
inu en ekki meir og þegar Berglind
kom tvisvar í veg fyrir að þeim tæk-
ist að jafna með því að verja vítaköst
var björninn unninn.
„Við sýndum frábæran liðsanda að
vinna upp fjögurra marka mun gegn
geysisterku Eyjaliði og það var ekki
þannig að þær væru lélegar heldur
vorum við góðar,“ sagði Berglind eft-
ir leikinn. „Vörnin var frábær, áhorf-
endur frábærir og þetta var eigin-
lega bara allt frábært.“ Ásamt
Berglindi voru Sigurlaug Rúnars-
dóttir, Árný Björg Ísberg, Kolbrún
Franklín og Elfa Björk Hreggviðs-
dóttir góðar auk þess að Hafrún var
öflug í vörninni.
„Pass,“ sagði Aðalsteinn Eyjólfs-
son, þjálfari ÍBV, eftir leikinn en
krufði síðan frammistöðu liðsins.
„Við byrjuðum hvorn hálfleik mjög
vel og náðum nokkurra marka for-
ystu þegar boltinn gekk ágætlega
hjá okkur en svo brutum við okkur
ítrekað út úr sóknarleik okkar og
lukum sóknum eftir nokkrar sekúnd-
ur, jafnvel einum leikmanni færri.
Við hlupum ekki í vörn af skynsemi
og fengum hraðaupphlaup í bakið en
líka mörk í bakið þegar Valur byrjaði
sóknir sínar strax þegar okkar menn
skiluðu sér ekki í vörnina. Að öðru
leyti skilaði sóknarleikur Vals ekki
miklu því vörn okkar hélt vel. Þegar
allir þessir þættir komu saman fór
illa og þetta er agaleysi sem lið af
okkar styrkleika á ekki að leyfa sér,“
bætti Aðalsteinn við og ætlar sér að
leysa hnútinn.
„Nú virðist einhver losarabragur
hjá okkur og við þurfum að vinna í
því. Við verðum að vinna þessa leiki
og ná okkar markmiðum. Við erum
að vísu enn á braut þótt við hefðum
viljað sigur til að gera út um mótið á
heimavelli á laugardaginn en svona
fór þetta.“
Birgit Engl sýndi sparihliðarnar í
gærkvöldi og Sylvia Strass var einn-
ig góð eins og Alla Gokorian. Julia
Gantimorova varði stundum ágæt-
lega og Anna Yakova átti ágæta
spretti eftir hlé.
Morgunblaðið/Árni Torfason
Sigurlaug Rúnarsdóttir, fyrirliði Vals, reynir að brjótast framhjá þeim Birgit Engl og Öllu Gokorian
í vörn ÍBV. Sigurlaug og stöllur hennar unnu góðan sigur og staðan í einvígi liðanna er 1:1.
Berglind skellti í
lás og Valur vann
BERGLIND Hansdóttir fór á kostum í marki Vals á Hlíðarenda í gær-
kvöldi og kórónaði frammistöðu sína þegar hún varði tvö vítaköst á
lokasprettinum því félagar hennar fylgdu því eftir og tryggðu sér
28:27 sigur. Valur var vel að sigrinum kominn, vann tvisvar upp gott
forskot Eyjastúlkna. Þar með hafa liðin unnið sitthvorn leikinn en
vinna þarf þrjá af fimm til að landa Íslandsmeistaratitlinum. Eyja-
stúlkur eru bæði deildar- og bikarmeistarar en hafa ekki náð að
hemja sprækar Hlíðarendameyjar. Þriðji leikurinn fer fram í Vest-
mannaeyjum á morgun.
Stefán
Stefánsson
skrifar