Morgunblaðið - 02.06.2004, Side 4

FRÉTTIR
4 MIÐVIKUDAGUR 2. JÚNÍ 2004 MORGUNBLAÐIÐ
ARNLJÓTUR Björns-
son, hæstaréttardóm-
ari og prófessor, lést á
Landspítalanum 30.
maí sl., 69 ára að aldri.
Arnljótur fæddist 31.
júlí 1934 í Reykjavík.
Foreldrar hans voru
Björn Snæbjörnsson,
stórkaupmaður í
Reykjavík, og Þórdís
Ófeigsdóttir húsfreyja.
Arnljótur varð stúd-
ent frá Menntaskólan-
um í Reykjavík árið
1954 og lauk embættis-
prófi í lögfræði við Há-
skóla Íslands árið 1959. Hann
stundaði framhaldsnám í sjórétti og
vátryggingarétti við Nordisk
Institutt for Sjørett við Óslóarhá-
skóla veturinn 1967–68 og lagði
stund á rannsóknir í skaðabóta- og
vátryggingarétti við lagadeild Ox-
ford University í Englandi árið
1974, við University of California í
Berkeley 1978, University of Ariz-
ona í Tucson 1984 og Victoria
University of Wellington, Nýja-Sjá-
landi 1993.
Arnljótur var lögfræðingur hjá
Sjóvátryggingarfélagi Íslands hf. á
árunum 1959–71. Hann var settur
prófessor við lagadeild Háskóla Ís-
lands árið 1971 og skipaður prófess-
or við sömu deild árið 1977. Þá var
hann forseti lagadeildar á árunum
1976–78 og 1990–92. Þá var hann
stundakennari við lagadeild frá
árinu 2001 þar til á nýliðnum vetri.
Arnljótur var skip-
aður hæstaréttardóm-
ari 1995, en lét af því
starfi fyrir aldurs sak-
ir á árinu 2000. Eftir
það starfaði hann sem
varadómari við Hæsta-
rétt þar til á síðasta
ári.
Arnljótur gegndi
margs konar félags- og
trúnaðarstörfum.
Hann var í stjórn Lög-
fræðingafélags Íslands
í mörg ár, þar af for-
maður félagsins á ár-
unum 1982–86. Hann
var formaður skólanefndar Trygg-
ingaskóla Sambands íslenskra
tryggingafélaga 1970–86. Einnig var
hann fulltrúi Íslands í stjórn Nord-
isk Institutt for Sjørett við Ósló-
arháskóla á síðasta áratug, þar af
formaður í nokkur ár. Hann var í
stjórn Happdrættis Háskóla Íslands
1983–93 og í stjórn Lagastofnunar
Háskóla Íslands á árunum 1987–95.
Arnljótur átti auk þess sæti í ýms-
um öðrum nefndum.
Hann skrifaði fjölmargar bækur
og ritgerðir um skaðabóta- og vá-
tryggingarétt sem og fleira er varð-
ar lögfræði og dómsmál. Þá samdi
hann ýmsar lögfræðilegar álitsgerð-
ir, nokkur lagafrumvörp og sat í
gerðardómum.
Eftirlifandi eiginkona Arnljóts er
Lovísa Sigurðardóttir framhalds-
skólakennari og eiga þau fjögur
börn.
Andlát
ARNLJÓTUR
BJÖRNSSON
SVEITIR landsins hafa löngum haft mikið aðdráttarafl
hjá yngstu kynslóðinni, einkum á sumrin þegar af-
kvæmi dýra líta dagsins ljós. Eyþór Ingi Guðmundsson
og Anna Sigríður Guðmundsdóttir voru að gefa heim-
alningum Hrússa og Aladdín mjólk úr pela á bænum
Þorkelshóli í Vestur-Húnavatnssýslu.
Morgunblaðið/Eggert
Heimalningar fá mjólk
STJÓRNARFORMAÐUR Nes-
skipa, sem gerir út flutningaskipið
Hernes, sagði í Morgunblaðinu í gær
að sér þætti fróðlegt að enn þann
dag í dag virtist Landhelgisgæslan
ekki geta verðlagt sína þjónustu fyr-
irfram líkt og önnur fyrirtæki.
Dagmar Sigurðardóttir, lögfræð-
ingur hjá Landhelgisgæslunni
(LHG), segir Gæsluna fara fram á
björgunarlaun eins og aðrar útgerðir
sem standi að björgun en reglur um
þau sé að finna í siglingalögunum.
Hún segir LHG telja að Hernes hafi
verið í yfirvofandi hættu og að þess
vegna eigi ákvæði siglingalaga um
björgunarlaun við.
Dagmar tekur fram að til þess að
geta reiknað út björgunarlaun sé
nauðsynlegt að hafa upplýsingar um
andvirði skips og farms og fleira.
„Landhelgisgæslan fékk upplýs-
ingar um vátryggingaverðmæti
skipsins og áætlað verðmæti farms-
ins sl. föstudag. Síðan hefur komið í
ljós að hluti farmsins er skemmdur
og í raun er ekki enn hægt að segja
hvert raunverulegt verðmæti skips-
ins er þar sem ekki er búið að gera
við það. Landhelgisgæslan hefur því
ekki enn allar nauðsynlegar upplýs-
ingar til að reikna út björgunarlaun-
in,“ segir Dagmar. Hún bendir á að
þegar skip sé ekki í yfirvofandi
hættu fari LHG eftir samkomulagi
milli tryggingafélaga, LÍÚ og LHG.
Björgunarlaun Landhelgisgæslunnar vegna Hernes
Raunverulegt verð-
mæti skipsins ekki ljóst
FORSETI Íslands, Ólafur Ragnar
Grímsson, bauð aðstandendum og
listamönnum Listahátíðar til mót-
töku á Bessastöðum í lok listahá-
tíðar. Að loknu ávarpi sínu spjall-
aði hann við Susönu Baca,
suður-ameríska söngkonu, en hún
sló jafnframt botninn í dagskrá
hátíðarinnar með seinni tónleikum
sínum í fyrrakvöld.
Listahátíð stóð frá 14. maí og
ótal listamenn, innlendir sem er-
lendir, tróðu upp í tengslum við
hátíðina.
Morgunblaðið/Árni Torfason
Listahátíð lokið
TVEIR hausar af lambhrútum fund-
ust í gröf við Kringluvatn í gær og svo
virðist sem það sé af mannavöldum.
Athygli vekur að ekki fundust hrygg-
ir, læri og bógar heldur einungis tvær
gærur, ein grá og önnur hvít.
Forsaga málsins er sú að merki
fundust um að refur hefði reynt að
grafa sig þarna niður í mónum í leit að
æti og vakti það grun manna um að
þarna væri eitthvað í jörðunni. Fóru
þeir Sæþór Gunnsteinsson, bóndi í
Presthvammi, og Jón Pétursson í Ár-
hvammi til þess að gá hvað þarna
gæti verið. Við uppgröft komu haus-
arnir af hrútunum í ljós og var búið að
fjarlægja eyrnamerki þau sem bænd-
ur nota þannig að ekki var hægt að
bera kennsl á það hvaðan hrútarnir
væru. Var það greinilegt að sögn Sæ-
þórs að þarna væru kunnáttumenn á
ferð enda hefur lengi verið orðrómur
um að fé hafi horfið með einkennileg-
um hætti, jafnvel úr girðingum á
haustin. Telja bændur víst að hrút-
lömbin hafi verið skotin í skjóli myrk-
urs sl. haust og kjötið tekið til mann-
eldis.
Sæþór segir að sig hafi vantað stór-
an einlembing sem hann þarna kann-
ast við og var á þessu svæði, en hvarf
síðan skyndilega og kom ærin, móðir
hans, lamblaus heim. Lögregla hefur
verið látin vita af málinu en bændur
telja mjög mikilvægt að svona mál
verið upplýst en erfitt getur verið að
færa sönnur á mannaferðir á svæðinu
sl. haust.
Morgunblaðið/Atli Vigfússon
Jón Pétursson og Sæþór Gunnsteinsson með hausana af lambhrútunum.
Grunur um
sauðaþjófnað
KARLMAÐUR á fimmtugsaldri hef-
ur verið dæmdur í Héraðsdómi
Reykjavíkur fyrir að hafa í vörslu
sinni 63 kannabisplöntur og 3,57 g af
kannabisfræjum og jafnframt fyrir að
hafa um nokkurt skeið ræktað plönt-
urnar á heimili sínu. Lögregla stöðv-
aði manninn í maí 2002 við Vífilsstaða-
veg og fundust 45 kannabisplöntur í
bifreið hans. Í framhaldinu fann lög-
regla fleiri kannabisplöntur og -fræ á
heimili ákærða.
Við yfirheyrslur lýsti ákærði því
svo að hann hafi sett páfagaukafóður
á styttu. Hafi styttan verið úr grjóti
og páfagaukafóðrið sett á hana til að
búa til hár á styttuna. Styttuna hafi
ákærði búið sjálfur til og hafi verið
hluti af sköpunargleðinni að setja hár
á hana. Fljótlega upp úr því hafi blóm
byrjað að poppa upp af listaverkinu,
en þá hafi ákærði gert sér grein fyrir
að um kannabisplöntur væri að ræða.
Þá hafi hann ákveðið að kaupa mold
og potta til að gera tilraun með að
rækta kannabisplöntur. Hafi hann
notað flúrljós til að hjálpa til við rækt-
unina. Þegar lögregla hafi stöðvað
ákærða hafi hann verið á leið með þær
upp í Heiðmörk þar sem ákærði hafi
ætlað að henda þeim út í móa. Fyrir
dómi lýsti ákærði atvikum nokkuð
með sama hætti, nema hvað hann
kvaðst hafa verið á leið suður með sjó
til að farga plöntunum.
Maðurinn var dæmdur til að greiða
80.000 króna sekt í ríkissjóð innan
fjögurra vikna eða ella sæta fangelsi í
18 daga, auk þess að greiða málsvarn-
arlaun verjanda síns.
Dæmdur fyrir ræktun á kannabis
Hugðist rækta
hár á grjótstyttu
VIÐRÆÐUR munu standa yfir í
sumar milli menntamálaráðuneyt-
isins og Háskóla Íslands um
hvernig taka eigi á þeim vanda
sem skólinn stendur frammi fyrir
vegna mikillar fjölgunar nemenda
undanfarin ár. Ákvörðun um að
óska eftir slíkum viðræðum við
ráðuneytið var tekin á fundi Há-
skólaráðs hinn 25. mars sl. og ýtti
sú ákvörðun hugmyndum um að
biðja um heimild til upptöku skóla-
gjalda út af borðinu í bili. Á há-
skólafundi hinn 21. maí sl. stóð til
að taka ákvörðun um hvort skólinn
ætti að óska eftir slíkri heimild og
sams konar tillaga lá fyrir há-
skólafundi 22. mars en sá fundur
frestaði afgreiðslu tillögunnar. Há-
skólafundi er ætlað að vera stefnu-
markandi í málefnum Háskóla Ís-
lands.
Páll Skúlason rektor segir að
ekkert sé hægt að segja um við-
ræðurnar við ráðuneytið á þessu
stigi málsins enda skráningu í
skólann ekki lokið og því er enn
beðið eftir tölum um fjölda innrit-
aðra við skólann. Páll segir við-
ræðuaðila fyrst og fremst vera að
átta sig á verkefninu núna. Hann
segir að óskað hafi verið eftir við-
ræðunum til að leita lausna á þeim
vanda sem skólinn stendur frammi
fyrir vegna fjölgunar nemenda án
þess að grípa til fjöldatakmarkana
eða upptöku skólagjalda. Niður-
stöður úr viðræðunum eru vænt-
anlegar í haust, að sögn rektors.
Viðræður í
sumar um
lausnir á
vanda skólans