Morgunblaðið - 02.06.2004, Síða 24

LISTIR
24 MIÐVIKUDAGUR 2. JÚNÍ 2004 MORGUNBLAÐIÐ
Um er að ræða mjög glæsilegt fullinnréttað ca 340-600 fm skrifstofu-
húsnæði á 2. hæð í þessu vel staðsetta húsi. Mikið af bílastæðum.
Til leigu í Mörkinni 4
í Reykjavík á 2. hæð
Upplýsingar gefur Gunnar í síma 693 7310,
tölvupóstur gunnar@bygg.is og sölumenn
Fjárfestingar fasteignasölu í síma 562 4250.
FJÁRFESTING
FASTEIGNASALA ehf.
Sími 562 4250 • Borgartúni 31 • www.fjarfest.is
Hilmar Óskarsson, Guðjón Sigurjónsson,
Rósa Guðmundsdóttir, Benedikt G. Grímsson.
Lögfr.: Pétur Þ. Sigurðsson hrl.
AÐALFUNDUR Sambands
íslenskra myndlistarmanna
haldinn 27. maí sl. átelur
harðlega lögbrot eigenda
gallería og uppboðshaldara
vegna misferlis þeirra á
skilum á fylgiréttargjöldum, í
sambandi við sölu á
myndverkum, sem þeir hafa
milligöngu um endursölu á.
Þetta kemur fram í álykt-
un fundarins.
Þar segir ennfremur:
„Aðalfundurinn beinir þeim
eindregnu tilmælum til dóms-
málayfirvalda og ríkislög-
reglustjóra að hraðað verði
rannsókn á meintu misferli
þessara listaverkasala á skil-
um á innheimtum fylgirétt-
argjöldum, en kærur þar að
lútandi eru til meðferðar hjá
embætti ríkislögreglustjóra.
Lögð er áhersla á að inn-
heimtur þessar eiga sér stoð
í skýrum lagaákvæðum og
brot á þeim hafa í för með
sér refsingar fyrir þá aðila
sem kunna að verða dæmdir
sekir.
Hér er um tilfinnanlegt
fjárhagstjón að ræða fyrir
einstaka myndlistarmenn og
erfingja þeirra svo og samtök
myndhöfunda. Fundurinn
skorar á ráðherra mennta-
mála og viðskiptamála að
þeir beiti sér fyrir að þessi
brotastafsemi verði stöðvuð
og vísast í því sambandi bæði
til höfundarlaga svo og laga
um verslunaratvinnu, sem
m.a. fjalla um starfsemi
þessara aðila og innheimtu
þeirra á fylgiréttargjöldum.“
SÍM ályktar um skil á
fylgiréttargjöldum
DR. Kristinn R. Þórisson
heldur fyrirlestur í Klink og
Bank, Brautarholti 1, kl. 20
á morgun, fimmtudag, og
fjallar um gagnvirka list og
gervigreind. Í fyrirlestrin-
um talar Kristinn um list-
sköpun og tölvutækni,
hvernig virkja megi hugvit
þúsunda forritara í þágu
listarinnar og talar um
hvernig honum finnist
gervigreind eiga erindi til listafólks í öllum
miðlum. Hann mun færa rök fyrir því að gagn-
virkni sé nýtt verkfæri sem geti haft mikilvæg
áhrif á öllum sviðum listsköpunar á komandi
áratugum.
Kristinn hefur starfað við hönnun gagn-
virkra kerfa meðal annars hjá LEGO, NASA
og fleiri fjögurra-stafa fyrirtækjum. Hann er
með doktorsgráðu í Media Arts & Sciences frá
M.I.T. Media Lab í Cambridge, Massachus-
etts. Hann hefur um árabil stundað rannsóknir
á gagnvirkum kerfum.
Fjallað um list
og gervigreind
Dr. Kristinn R.
Þórisson
Tónlistarhátíðin Við Djúpið hefurgöngu sína á morgun. Hátíðin ferfram í Ísafjarðarbæ og Bolung-arvík og stendur fram á mánudag.
Listamenn sem taka þátt í hátíðinni í ár eru
Halldór Haraldsson píanóleikari, sem er
heiðursgestur, Jóhanna Linnet söngkona,
Árni Heiðar Karlsson píanóleikari, Guðrún
Birgisdóttir flautuleikari og Pétur Jónasson
gítarleikari.
Haldnir verða tónleikar öll kvöld hátíð-
arinnar, en á daginn munu tónlistarmenn-
irnir halda masterclass-námskeið. Einnig
verða haldnir aðrir minni tónleikar, þar á
meðal nemendatónleikar, og staðið fyrir öðr-
um uppákomum, svo sem gönguferðum og
skoðunarferðum með bát. Hver dagur hátíð-
arinnar mun jafnframt hefjast með jógatíma,
sem Guðrún Birgisdóttir leiðir.
Þetta er í annað sinn sem hátíðin er hald-
in. „En við komum aldeilis ekki að tómum
kofunum þarna fyrir vestan, það er margt að
gerast bæði á Bolungarvík og á Ísafirði í
menningarmálum,“ segja þau Pétur Jón-
asson og Guðrún Birgisdóttir í samtali við
Morgunblaðið. „Hátíðin verður heldur um-
fangsmeiri í ár en í fyrra, þar sem við höfum
nú fimm tónlistarmenn sem halda námskeið
og tónleika. Þeirra á meðal er Halldór Har-
aldsson, sem við erum mjög stolt af að hafa
með okkur. Hann er reyndur kennari og hef-
ur unnið afar mikið að tónlistarmálum hér-
lendis.“
Á hátíðinni í fyrra voru námskeið og tón-
leikar einungis helguð klassískri tónlist, en
sú nýbreytni verður höfð á í ár, að djass fær
einnig sinn sess. „Árni Heiðar Karlsson, sem
er fyrrverandi nemandi Halldórs Haralds-
sonar, tekur einnig þátt í hátíðinni, en hann
er menntaður bæði í klassík og djassi. Jó-
hanna Linnet hefur einnig þennan tvöfalda
bakgrunn, hún er klassísk söngkona sem
hefur gegnum tíðina sungið dægurlög og
djass líka. Það eru kannski ekki margir ein-
staklingar á Íslandi sem hafa þetta bæði á
valdi sínu,“ segir Pétur.
Námskeiðið er ætlað tónlistarnemum,
jafnt lengra komnum sem styttra, bæði frá
Reykjavík og að vestan. „Þau eru einnig ætl-
uð tónlistarkennurum sem vilja auka við sig
og komast í smá hvíld. Því með því að halda
námskeiðið á Vestfjörðum spilar náttúran
líka sinn sess,“ segir Guðrún og bætir við að
tónleikarnir séu að sjálfsögðu öllum opnir.
Sex námskeið verða í boði, í klassískum
píanóleik, djasspíanóleik, flautuleik, söng,
klassískum gítar og rokkgítar fyrir byrj-
endur. „Námskeiðin verða í svokölluðu
masterclass formi, eins konar opnar
kennslustundir þar sem einn spilar og aðrir
á námskeiðinu hlusta á. Þetta er ansi þéttur
pakki á svona fáum dögum, en að mínum
dómi getur það bara verið jákvætt,“ segir
Guðrún.
Að sögn Péturs og Guðrúnar gekk hátíðin
afar vel í fyrra og var aðsókn góð, bæði á
námskeið og tónleika. „Enda sýndi það sig
þegar við fórum að skipuleggja þetta aftur,
að það var gott orðspor sem fór af hátíðinni.
Við höfum hlotið mikinn stuðning, ekki síst
úr atvinnulífinu,“ segir Pétur, en helstu
styrktaraðilar eru Menningarborgarsjóður
og Pokasjóður. „Við hefðum ekki farið út í
þetta aftur nema vegna þess að við fundum
hve vel þetta gekk. Þetta er eina hátíðin af
þessu tagi á Vestfjörðum og fólkið þar hefur
því tekið okkur afar vel. Við stefnum að því
að halda hana áfram á næstu árum.“
Allar nánari upplýsingar og skráning á
www.viddjupid.is.
Námskeið og tónleikar á tónlistarhátíðinni Við djúpið sem haldin verður dagana 3.–7. júní
Klassík og djass
fyrir vestan
Morgunblaðið/Ásdís
Tónlistarfólkið sem tekur þátt í tónlistarhátíðinni Við djúpið að þessu sinni: Jóhanna Linnet,
Árni Heiðar Karlsson, Halldór Haraldsson, Guðrún Birgisdóttir og Pétur Jónasson.
DULSVEIPUÐ mærðargusan
sem mætti hlustendum í kynningar-
lýsingu tónleikaskrár á söguefninu –
e.t.v. sumpart vegna prentsmiðju-
snörunar á ekki miklu gegnsærri lýs-
ingu á ensku – reyndist með öllu
óþörf. Stykkið virkaði alveg án slíkra
útskýringa. Þrátt fyrir að músíkin,
líkt og í mörgum nútímaballettum,
væri fengin héðan og þaðan, eða alls
frá fimm ólíkum tónskáldum, og að
litlu sem engu leyti sérsamin fyrir
verkið. Fyrir vikið lenti tónsköpunar-
hlið óperunnar, a.m.k. miðað við
venjulegar óperur við frumsamda
tónlist eins og sama höfundar, hlut-
fallslega í bakgrunni. Því þó að Janick
Moisan væri skrifuð fyrir hugverki
og leikstjórn, mátti leiða aðlíkum að
hópefli hennar, dramatúrgsins og
flytjenda hafi lagt drjúgt af mörkum
til heildarinnar, þó hvergi kæmi fram
hversu mikið. Og þaðan af síður hver
valdi tónlistina.
Það var með öðrum orðum ekki
auðhlaupið að meta kammeróperuna
sem tónverk í hefðbundnum skiln-
ingi. Frá gefnum forsendum hefði
fyrir fram mátt ætla 55 mín. langt
sjónarspilið (að vísu tallaust) veiga-
meira en músíkin – e.k. innsetning á
tónlistarbakgrunni. En þegar á hólm-
inn kom, reyndist tónlistin, þrátt fyrir
allt, jafnoki hins sjónræna. Og það
m.a.s. svo athyglisvæn – þrátt fyrir
pjötluteppislega tilurð sína – að um-
hugsunarvert var. Sérstaklega með
tilliti til þónokkurra álíka langra sér-
saminna nútímaverka í sömu grein
sem kallað hafa á geispann, löngu áð-
ur en sá fyrir endann á ósköpunum.
Það var kannski mesta afrek að-
standenda, og örugglega það sem
kom mest á óvart. Því þó að sjálf
framvinda söguþráðar væri ekki allt-
af jafnljós, og sjónræna atburðarásin
stæði að mestu í stað í síðasta fjórð-
ungi þegar „absólút“ tónlist konserts-
umhverfis tók völdin, var lygi líkast
hvað skilningarvit manns héldust
lengi á hundrað. Það var kannski ekki
sízt að þakka hljómmiklum söng
Mörtu Hrafnsdóttur, sem í fyrr-
nefndum kyrrstæða lokahluta hélt
manni föngnum með kraftmiklu ten-
útói sínu og seiðandi samísk-kenndri
sviðsnærveru. Þar opinberaðist
dimmgljáandi raddprýði er vísaði
beint á hlutverk Friggjar í Hring
Wagners – að vísu með fyrirvara um
textaframburð sem gerði fulllítið fyr-
ir samhljóð og skiljanleika.
Fram að því voru sjónleikræn
framlög þeirra Sigurðar Halldórs-
sonar og Daníels Þorsteinssonar oft
smellin og áhrifamikil í hlutverkum
„furðufuglanna“ Hugins og Munins,
með stundum bráðskemmtilegum
samhverfum tvíburatöktum í anda
Tweedledum og Tweedledee úr
ensku barnaþulunni sem vel hefði
mátt framlengja. Að ekki sé minnzt á
pottþétt spil þeirra í ólíklegustu stíl-
tegundum, allt frá íslenzkum tvísöng
vía effektahljóð yfir í ragtime- og
salsaskotinn þriðjastraumsdjass –
fyrir utan heillandi músíkalskt tón-
glasanudd. Svo gleymist ekki að
nefna hrynsnarpan samsöng Sigurð-
ar á einum stað við söngkonuna sem
áreiðanlega hefði verið þess virði að
nýta oftar.
Að meðtöldum hugvitssömum bún-
ingum, allegórískri íshafssviðsmynd
og hnitmiðaðri lýsingu var þessi sér-
kennilega hópefliskammerópera í
mínum huga eitt hinna allt of sjald-
gæfu fyrirbrigða í annars óþarflega
viðburðaeinblínandi tónlistarmenn-
ingu okkar tíma – upplifun er náði að
sitja eftir.
Hópeflisópera
norðurhjarans
TÓNLIST
Borgarleikhúsið
Kammeróperan Hugstolinn – Rapsódía
hrafnsins. Hugverk og leikstjórn: Janick
Moisan. Dramatúrg: Sophie Khan. Tónlist
eftir Tapio Tuomela, Kristian Blak, Jón
Leifs, Hjálmar H. Ragnarsson og Sigurð
Halldórsson. Marta Hrafnsdóttir alt, Sig-
urður Halldórsson selló og tónlistar-
stjórn, Daníel Þorsteinsson píanó. Leik-
mynd og búningar: Rannveig
Gissurardóttir. Lýsing: Benedikt Ax-
elsson. Framkvæmdastjórn: Kristín Mjöll
Jakobsdóttir. Föstudaginn 28. maí kl.
20.
LISTAHÁTÍÐ
Morgunblaðið/Sverrir
Kammeróperan Hugstolinn á Listahátíð: Upplifun er náði að sitja eftir.
Ríkarður Ö. Pálsson