Morgunblaðið - 16.09.2004, Side 53

MENNING
MORGUNBLAÐIÐ FIMMTUDAGUR 16. SEPTEMBER 2004 53
Einar er heima hjámömmu sinni ummömmuhelgi, þar semhann lendir í því óláni
að innbrotsþjófur kemur og stelur
öllu á meðan hann er í Playstation,
en hann tekur ekki eftir því vegna
þess að hann er svo upptekinn í
leiknum. Vegna þess að öllu, þar á
meðal tölvudótinu, var stolið af
heimilinu lendir geimfar í garð-
inum hjá honum stuttu seinna og
Einar er þar með lentur í hringiðu
sem hann ræður ekki alveg við.“
Þannig lýsir Gunnar Helgason
upphafinu að barnaleikritinu Hin-
um útvalda sem hann skrifaði sjálf-
ur og leikstýrir jafnframt, og verð-
ur frumsýnt í Loftkastalanum í
kvöld kl. 19. Inn í söguna blandast
síðan geimverur, þar á meðal Sulla
hinn illi sem vill ná yfirráðum á
jörðinni, bandarískir trúboðar,
Grettir sterki, stóra systir Einars
og kærastinn hennar og mamman,
sem er ekki öll þar sem hún er séð.
Skemmtun umfram boðskap
Gunnar segist hafa fengið hug-
myndina fyrir tveimur árum, þegar
hann fór að sjá leikritið Jón og
Hólmfríði í Borgarleikhúsinu.
„Ægilega skemmtileg sýning.
Drengnum mínum leiddist hins
vegar ógurlega, enda um neð-
anbeltishúmor að ræða, þangað til
að rosalega flott og vel gerð geim-
vera birtist í lokin. Þetta fannst
honum það svakalegasta sem hann
hafði séð í leikhúsi, enda þóttist
hann vaxinn upp úr hefðbundnum
barnasýningum,“ segir hann.
Í kjölfarið ákvað Gunnar að
skrifa leikrit fyrir börn, sem inni-
héldi eingöngu slíkt efni sem hann
taldi höfða til barna. Og það hefur
virkað. Á nokkrum forsýningum
sem hafa verið á verkinu hafa
áhorfendur verið hræddir, fundið
til og haldist bergnumdir í tvo
tíma, enda mikill hasar á sviðinu,
skylmingar, karate og sprengingar
svo dæmi séu tekin. „Ég ákvað að
hugsa sem minnst um boðskapinn,
og meira um skemmtanagildið,“
segir Gunnar, sem tekur þó ekki
fyrir að í verkinu leynist einhver
boðskapur, til dæmis sá gullni
sannleikur að sá sem trúir á sjálf-
an sig geti allt.
Styrkir mikilvægir
Einvalalið kemur að sýningunni,
sem hefur verið unnin hratt á síð-
ustu fjórum vikum, og segist
Gunnar afar þakklátur öllum þeim
sem hafa tekið þátt í gerð hennar.
Hlutverk Einars sjálfs er í höndum
Vals Freys Einarssonar leikara.
„Ef ég hefði sett ungan strák í
hlutverkið hefði allt æfingaferli
verið miklu flóknara. Fyrir utan
það að barn hefði átt erfitt með að
læra allt það sem Valur þarf að
gera í sýningunni, nema á mjög
löngum tíma,“ segir hann.
Leikritið fékk framleiðslustyrk
frá menntamálaráðuneytinu, og
einnig styrki frá fyrirtækjunum Ís-
landsbanka, Skífunni, BT, Húsa-
smiðjunni og Debenhams. „Það er
ótrúlega mikilvægt að fyrirtæki
skuli styrkja listsköpun í landinu.
Þessir styrkir hafa bjargað mér frá
því að lenda í enn meiri skuldum
en ég er þegar í,“ segir Gunnar.
Viðkvæmir haldi sig fjarri
Uppsetningin á Hinum útvalda
varð að lokum alveg eins og leik-
stjórinn og leikskáldið vildi að hún
yrði. „Síðan er sonur minn búinn
að sjá þetta þrisvar og er full-
komlega sáttur. Hann kom reyndar
með nokkra punkta, og líka önnur
börn sem hafa séð sýninguna, og
þeir voru allir vel þegnir. Meðal
annars heyrðum við utan úr sal:
„Af hverju tekur hann ekki Play-
station-fjarstýringuna? Hann getur
náð henni núna!“ Við þurfum sem
sagt að finna út úr því fyrir frum-
sýningu, því það þýðir ekkert að
bjóða börnum upp á neitt hálfkák,“
segir hann og bætir við að áhorf-
endur geti átt von á hraðri og
spennandi sýningu með hátt
skemmtanagildi þegar þeir leggja
leið sína á Hinn útvalda. „Hins
vegar mæli ég með því að við-
kvæmt fólk haldi sig fjarri. Við er-
um svolítið í því að bregða áhorf-
endum, þannig að ef einhver er
með hjartavandamál gæti farið
illa,“ segir Gunnar hlæjandi að lok-
um en bætir við: „En enn hefur
ekkert barn yfirgefið salinn vegna
hræðslu.“
Leiklist | Nýtt barnaleikrit frumsýnt í kvöld
Morgunblaðið/Golli
Geimfar í garðinum
Einar lendir í hasarævintýrum þegar hann er hjá mömmu sinni yfir helgina.
eftir Gunnar Helgason
Leikstjóri: Gunnar Helgason
Leikarar: Valur Freyr Ein-
arsson,
Jón Páll Eyjólfsson, Guð-
mundur Ingi Þorvaldsson,
Þórunn Lárusdóttir, Maríanna
Clara Lúthersdóttir.
Leikmynd: Þórarinn Blöndal
Leikgervi og búningar: Ilmur
Stefánsdóttir
Lýsing: Halldór Örn Ósk-
arsson
Tónlist: Jón Ólafsson
Grafík: Undraland
Sprengjur: Sigurður Kaiser
Hinn útvaldi
Skógarhlíð 18, sími 595 1000.
www.heimsferdir.is
Heimsferðir bjóða glæsilega helgarferð til Vínarborgar í 3 nætur
þann 19. nóvember í beinu
flugi frá Íslandi á hreint
ótrúlegum kjörum. Kynnstu
þessari höfuðborg lista og
menningar um leið og þú
nýtur toppþjónustu fararstjóra
Heimsferða sem kynna þér
borgina og lystisemdir hennar.
Frábær hótel í boði.
Munið Mastercard
ferðaávísunina
Aðeins 60 sæti í boði • Beint flug
Verð kr. 29.990
Flug og skattar.
Verð kr. 39.990
Flug, hótel, skattar, hótel Ananas,
4 stjörnur, 3 nætur.
Verð kr. 43.890
Flug, hótel, skattar, hótel Renaissance,
5 stjörnur, 3 nætur.
Glæsileg helgarferð til
Vínarborgar
19. nóvember
frá kr. 29.990
GAGNASAFN MORGUNBLAÐSINS
mbl.is