Morgunblaðið - 13.01.2005, Síða 15

gera áætlanir um brotthvarf Banda-
ríkjahers frá Írak.
Menn séu hins vegar meðvitaðir
um að eftir kosningarnar kunna að
komast til valda aðilar í Írak sem
gætu í kjölfarið beðið Bandaríkja-
menn að kalla her sinn heim.
Minnast menn þess í því sambandi
að bandarískir ráðamenn hafa látið
þau orð falla að ef lögmæt írösk
stjórnvöld færu fram á brotthvarf
Bandaríkjahers þá myndu yfirvöld í
Washington verða við þeirri beiðni.
Fjárlagagerð fer jafnframt fram
um þessar mundir vestra og margir
fulltrúar á Bandaríkjaþingi benda á
að aðgerðirnar í Írak kosta Bandarík-
in um 4,5 milljarða dollara í mánuði
hverjum, auk þess sem þær valdi því
að mannafli sé nýttur til hins ýtrasta,
raunar þannig að hrikti í stoðum
Bandaríkjahers.
Fréttaskýrandi The New York
Times segir Bush Bandaríkjaforseta
ekki enn farinn að ræða mál á þessum
nótum en alls staðar annars staðar í
stjórnkerfinu sé það hins vegar gert;
af embættismönnum og af áhrifa-
miklum þingmönnum. Var m.a. eftir
því tekið í síðustu viku þegar Donald
Rumsfeld varnarmálaráðherra ákvað
að senda uppgjafahershöfðingja,
Gary E. Luck, til að endurmeta stöðu
og stefnu bandaríska hersins í Írak.
Er sendiför Lucks tilkomin, að
sögn embættismanna, af því að menn
vilja vita hvað hafi farið úrskeiðis við
þjálfun íraska hersins en áætlanir
varnarmálaráðuneytisins gerðu allt
fram á síðasta haust ráð fyrir því að
Írakar yrðu um mitt þetta ár byrjaðir
að taka við hlutverki Bandaríkja-
manna við öryggisvörslu, sem þá
hefði gert bandarískum stjórnvöld-
um kleift að byrja að fækka í herliði
sínu í landinu.
Nú segja háttsettir yfirmenn í
Bandaríkjaher að öllum áætlunum
um fækkun hafi verið kastað fyrir
róða, ofbeldið sé of umfangsmikið og
íraski herinn engan veginn í stakk
búinn til að axla auknar byrðar á ör-
yggi í landinu. Allt muni í reynd ráð-
ast af því hvað gerist í Írak eftir kosn-
ingar.
„Við munum þurfa að ákveða [eftir
kosningar] að hve miklu leyti við vilj-
um vera þátttakendur í einhverju
sem kann að þróast í borgarastríð,“
sagði einmitt Henry Kissinger, sem
var utanríkisráðherra Bandaríkj-
anna á tímum Víetnam-stríðsins, á
CNN-sjónvarpsstöðinni á sunnudag.
Verður eitthvað
undan að láta?
Sú umræða, sem nú fer fram í
Washington, snýst að miklu leyti um
það hvort menn verði ekki að fara að
endurskilgreina markmið sín í Írak,
endurskilgreina hvenær verkefninu,
sem Bandaríkjamenn tóku sér sjálf-
viljugir á hendur í Írak (í óþökk
margra, sem kunnugt er), telst vera
lokið. Þetta þýðir ekki að menn vilji
hverfa á brott frá landinu í snarhasti
og skilja hlutina einfaldlega eftir í
höndum þeirra aðila, sem ráða ríkj-
um í Bagdad nú um stundir. En um
hitt er rætt í fullri alvöru, að Banda-
ríkin megi ekki gerast of þaulsætin,
að um leið og færi gefist til þá beri að
kalla herinn heim í áföngum.
„Öllum er ljóst að þetta þarf að
þróast yfir í íraskt verkefni [en ekki
bandarískt] og það verður að gerast á
þessu ári,“ hafði The New York Tim-
es eftir ónafngreindum háttsettum
embættismanni.
Þykir ljóst að þrýstingurinn muni
aðeins aukast, frá Írak sjálfu, al-
menningi í Bandaríkjunum og frá
öðrum ríkjum; spurningin sé hvort
hinar pólitísku aðstæður muni gera
mönnum kleift að bíða uns íraski her-
inn er orðinn nægilega vel í stakk bú-
inn til að taka við hlutverki Banda-
ríkjahers eða hvort þrýstingurinn
verði á einhverjum tímapunkti svo
mikill að eitthvað verði undan að láta.
david@mbl.is
MORGUNBLAÐIÐ FIMMTUDAGUR 13. JANÚAR 2005 15
ERLENT
STJÓRNVÖLD í Norður-Kóreu hafa blásið til her-
ferðar gegn síðu hári og hirðuleysislegu útliti. Þessi
fyrirbrigði eru talin til marks um „spilltan, kapítal-
ískan“ lífsmáta.
Ríkisfjölmiðlar í Norður-Kóreu færa almenningi
þennan boðskap. Karlmenn eru hvattir til þess að
krúnuraka sig og fylgir raunar fréttum miðla í ríki
Kim Jong-Il að æskileg lengd broddanna sé fimm
sentímetrar. Þetta er sagt krefjast þess að menn fari
minnst tvisvar í mánuði til hárskerans.
Sítt hár þykir ekki eingöngu neikvætt þar sem það
vísi til Vesturlanda. Því er haldið fram að það ógni
beinlínis gáfnafari manna. Rökin eru þau að „sítt hár
[krefjist] mikillar næringar“. Með því móti geti það
„rænt heilann orku“.
Ríkisútvarpið bætti síðan við að snyrtilegur klæðn-
aður væri afar mikilvægur. Hann væri fallinn til að
hrinda „tilraunum óvinanna til að halda að þjóðinni
spilltum, kapítalískum hugmyndum og lífsmáta“.
Dagblaðið Rodong Sinmun fylgdi þessu eftir með
grein þar sem því var haldið fram að útlit sem mót-
aðist af erlendum áhrifum gæti leitt til hnignunar
þjóðarinnar. „Fólk sem tekur upp erlenda háttu jafnt
í klæðnaði sem lífsmáta verður að heimskingjum og
þeirrar þjóðar bíður aðeins hrun,“ sagði í grein blaðs-
ins.
Á flótta undan sósíalískum lífsmáta
Sjónvarpið í Norður-Kóreu hefur og sýnt myndir af
síðhærðum karlmönnum við ýmsa iðju í höfuðborg-
inni, Pyongyang. Myndir þessar voru sumar teknar
með falinni myndavél. Fréttinni fylgdi að þeir sem
ekki fylgdu „sósíalískum lífsmáta“ hefðu ýmist forðað
sér á hlaupum eða afsakað sig með því að þeir hefðu
einfaldlega verið of önnum kafnir til að láta snyrta
hárið í samræmi við forskriftir stjórnvalda.
Segja að of sítt hár
ræni heilann orku
Ráðamenn í Norður-Kóreu blása til herferðar gegn
hirðuleysislegu útliti og spilltum, kapítalískum lífsmáta
Seúl. AFP.
Fjör í Norður-Kóreu, ríki Kim Jong-Il.