Morgunblaðið - 13.01.2005, Síða 16

Höfuðborgin | Akureyri | Suðurnes | Austurland | Landið
Minnstaður
Höfuðborgarsvæðið Brjánn Jónasson, brjann@mbl.is, sími 569-1100. Suðurnes Helgi
Bjarnason, helgi@mbl.is, sími 569-1310 og 669-1310. Akureyri Margrét Þóra Þórsdóttir,
maggath@mbl.is og Kristján Kristjánson, krkr@mbl.is, sími 461-1600. Vesturland Ásdís
Haraldsdóttir, asdish@mbl.is, sími 898-5258. Austurland Steinunn Ásmundsdóttir, aust-
urland@mbl.is, sími 669-1115. Árborgarsvæðið og Landið Helgi Bjarnason, helgi@mbl.is,
sími 569-1310 og 669-1310 og Guðrún Aðalsteinsdóttir, frett@mbl.is, sími 569-1290.
Mínstund frett@mbl.is
Vestfirðingur ársins |
Örn Elías Guðmundsson,
tónlistarmaðurinn
Mugison, var kjörinn
Vestfirðingur ársins 2004
af lesendum ísfirska
fréttavefjarins bb.is. Í
fréttatilkynningu er vak-
in athygli á góðri frammi-
stöðu hans á tónlistar-
sviðinu á nýliðnu ári.
Plata hans, „Mugimama
(Is This Monkeymusic?)“
var ein af bestu hljómplötum ársins. Hann
samdi tónlist við kvikmyndina Næsland og
fékk fimm tilnefningar til Íslensku tónlist-
arverðlaunanna. Þá stóð Örn Elías, í sam-
vinnu við föður sinn og fleiri aðila, fyrir tón-
listarhátíðinni „Aldrei fór ég suður“ sem
haldin var á Ísafirði um páskana. Loks er
þess getið að Örn Elías hafi verið duglegur
að kynna heimaslóðirnar.
Alls fengu 72 einstaklingar atkvæði í kosn-
ingunni sem stóð frá miðjum desember og
fram til áramóta. Faðir Arnar Elíasar, Guð-
mundur M. Kristjánsson, hafnarstjóri Ísa-
fjarðarbæjar, tók við viðurkenningu son-
arins, en það eru eignar- og farandgripir sem
smíðaðir eru af Dýrfinnu Torfadóttur gull-
smið í Gullauga á Ísafirði.
Í öðru sæti að mati lesenda bb.is var Jón
Fanndal Þórðarson, verslunarmaður og for-
maður Félags eldri borgara í Ísafjarðarbæ,
en hann var einn af forsvarsmönnum Heima-
stjórnarhátíðar alþýðunnar sem haldin var á
Ísafirði. Í þriðja sæti varð Kristinn H. Gunn-
arsson, alþingismaður, og Sigmundur F.
Þórðarson, húsasmíðameistari á Þingeyri og
formaður Íþróttafélagsins Höfrungs, varð í
fjórða sæti.
  
Úr
bæjarlífinu
Mugison, Örn Elías
Guðmundsson.
HÉÐAN OG ÞAÐAN
Varðveita Kópsnes | Félag áhugamanna
um varðveislu á Kópsnesi á Hólmavík mun í
sumar hefja lagfæringar á gamla kotbýlinu.
Hefur félagið fengið 200 þúsund króna styrk
frá Húsafriðunarsjóði til að hefja verkið.
Árið 1916 byggðu Jón Árnason og Helga
Tómasdóttir íbúðarhús og fjárhús á Kóps-
nesi. Undanfarin ár hafa áhugamenn rætt
um mikilvægi þess að varðveita þessi hús og
endurbyggja þau sem minnisvarða um hús-
næði og kotbúskap á fyrrihluta síðustu aldar.
Vilja þeir forða því að húsin hverfi úr bæj-
armynd Hólmavíkur. Stofnuðu þeir félag um
þetta áhugamál fyrir rúmu ári og hafa unnið
að fjáröflun fyrir verkefnið.
Félagið heldur fund í Björgunarsveit-
arhúsinu á Hólmavík næstkomandi föstu-
dag, klukkan 20, til að gera grein fyrir
áformum sínum.
ByggingarnefndHúsavíkurbæjarhefur ákveðið að
endurúthluta lóðinni að
Hafnarstétt 11 við Húsa-
víkurhöfn til Norðursigl-
ingar. Hyggst fyrirtækið
reisa þar í byrjun sumars
um 120 fermetra stein-
steypta byggingu á einni
hæð. Þar verða snyrtingar
fyrir ferðamenn, eldhús-
aðstaða, geymsla og
starfsmannaaðstaða fyr-
irtækisins.
Annað hvalaskoð-
unarfyrirtæki, Gentle-
Giants-Hvalaferðir ehf.,
sóttist einnig eftir lóðinni.
Byggingarnefnd taldi hug-
myndir Norðursiglingar
skýrar og augljós væri
þörf fyrirtækisins fyrir
aukið athafnarými á hafn-
arsvæðinu.
Hafnarstétt
Tekið var á mótiáhöfn ÞorvarðsLárussonar SH
með marsipantertu er
skipið lagðist að bryggju í
Grundarfirði um mið-
nættið sl. þriðjudags-
kvöld. Ástæðan var sú að
lestar skipsins voru nú í
fyrsta sinn fullar frá því
skipið kom nýtt til Grund-
arfjarðar í lok september.
Sigurður Ólafur Þorvarð-
arson skipstjóri kvaðst
ekki hafa átt von á slíkum
móttökum.
Morgunblaðið/Gunnar Kristjánsson
Í fyrsta sinn með fulla lest
Þegar fyrsta fata-verslunin varstofnuð á Akranesi
1873 gætti svartsýni hjá
sumum vegna nálægðar
við Reykjavík. Þá var ort
vísa sem kennd hefur ver-
ið Pétri Péturssyni bisk-
upi:
Þá verslun kemur á Skipaskaga
skötnum verður það til baga.
Eftir sér það dilk mun draga
drykkjurúta og letimaga.
Séra Hjálmar Jónsson tók
að sér að verja „blessaðan
biskupinn“ með kerskn-
isvísu:
Leti, hyskni, þjark og þjór
er þekkt af hverjum Skaga-
manni.
Pétur biskup forðum fór
furðulega nærri sanni.
Davíð Hjálmar
Haraldsson orti:
Ýmsu getur bænin breytt,
breyska má hún laga,
Dómkirkjan því opni eitt
útibú á Skaga.
Á Skipaskaga
pebl@mbl.is
Grafarholt | Veiði er stunduð í
Reynisvatni meginhluta ársins.
Í vatnið er sleppt silungi sem
veiddur er á hefðbundinn hátt á
sumrin. Á veturna er síðan hægt
að dorga í gegn um vakir á ísn-
um. Fyrstu vakirnar á nýju ári
voru boraðar um helgina en ekki
tók fiskurinn vel daginn þann.
Hægt er að veiða í hvaða veðri
sem er en menn verða bara að
vera vel búnir.
Morgunblaðið/Helgi Bjarnason
Dorgað á ís
Veiði
Bíldudalur | Guð mundur Valgeir Magn-
ússon hefur verið ráðinn verksmiðju-
stjóri væntanlegrar kalkþörungavinnslu
á Bíldudal. Var hann ráðinn úr hópi tíu
umsækjenda, að því er fram kemur á
vefsíðunni arnfirdingur.is.
Guðmundur Valgeir er búsettur í
Grundarfirði og hefur starfað þar sem
vélstjóri á togaranum Klakki. Fram
kemur á vefnum að ráðgert er að hann
dvelji í um vikutíma á Írlandi til að
kynna sér starfsemi kalkþörungavinnslu
sem hinir írsku aðaleigendur kalkþör-
ungavinnslunar á Bíldudal reka. Guð-
mundur er væntanlegur til Bíldudals í
apríl til að fylgjast með uppbyggingu
verksmiðjunnar.
Ráðinn verk-
smiðjustjóri kalk-
þörungavinnslu
Austur-Skaftafellssýsla | Búnaðar-
samband Suðurlands (BSSL) hefur
tekið að sér leiðbeiningaþjónustu í
Austur-Skaftafellssýslu ásamt þeim
skyldum sem felast í búnaðarlaga-
samningi, samkvæmt samningi við
Búnaðarsamband Austur-Skaftfell-
inga. Kemur þetta fram á vef Bún-
aðarsambands Suðurlands.
Þar segir að ekki sé stefnt að nein-
um stórvægilegum breytingum með
samningnum. Áfram verður starf-
rækt skrifstofa með starfsmanni á
Höfn í Hornafirði og mun hún einkum
sinna úttektum, bókhaldi og forða-
gæslu. Mestallri faglegri ráðgjöf
verður sinnt frá starfsstöðvum BSSL
á Selfossi, Hvolsvelli og Kirkjubæj-
arklaustri og verður leitast við að
veita sömu þjónustu á svæðinu öllu.
Leiðbeiningaþjónustu
sinnt frá Suðurlandi
♦♦♦
Rúmar 90
milljónir til
framkvæmda
Eyjafjarðarsveit | Fjárhagsáætlun
Eyjafjarðarsveitar fyrir nýhafið ár hefur
verið samþykkt. Áætlunin gerir ráð fyrir
að álagningarprósenta útsvars og fast-
eignagjalda svo og álagning sorpgjalds
og rotþróargjalds verði óbreytt frá árinu
2004. Gjaldskrá leikskóla og skólavist-
unar hækkar um 4,5% frá 1. janúar síð-
astliðnum. Tekjur eru áætlaðar um 400
milljónir króna, gjöld án fjármagnsliða
tæplega 350 milljónir, fjármagnsgjöld
um 11 milljónir og er niðurstaðar rekstr-
arins upp á 10,3 milljónir króna.
Eins og fyrr eru fræðslumálin fyrir-
ferðarmest í rekstri sveitarfélagsins en
til þeirra er áætlað að verja kr. 254,5
milljónum eða u.þ.b. 68% heildartekn-
anna.
Til fjárfestinga er áætlað að verja kr.
91,3 milljónum sem að stærstum hluta
er varið til endurnýjunar á sundlaug við
Hrafnagilsskóla, áætlaður kostnaður við
það verkefni er kr. 85 milljónir króna.
Aðrar fjárfestingar felast að mestu í ný-
byggingu gatna í Reykárhverfi.
Þá var einnig samþykkt að verja 12
milljónum króna til viðhalds fasteigna og
búnaðar.
Stærstu einstöku verkefnin þar eru til
viðhalds og endurnýjunar á búnaði Tón-
listarhússins Laugarborgar, 3 milljónir,
og 5 milljónir til viðhalds heimavist-
arhúss.
„Í heild má segja að áætlunin end-
urspegli sterka fjárhagsstöðu Eyjafjarð-
arsveitar,“ segir um áætlunina á vef
sveitarfélagsins.
MIRALE
Grensásvegi 8
108 Reykjavík
sími: 517 1020
Opið:
mán. - föstud. 11-18
laugard. 11-15
áður kr. 86.900
nú kr. 73.800
MIRALE er eini umboðsaðili
Cassina á Íslandi