Morgunblaðið - 28.04.2005, Blaðsíða 17

MORGUNBLAÐIÐ FIMMTUDAGUR 28. APRÍL 2005 17
MINNSTAÐUR
Starfsmenntanám - búfræ›i
Sta›arnám – fjarnám
Umsóknarfrestur um nám á búfræ›ibraut LBHÍ rennur út 10. júní
Markmi› búfræ›ináms er a› auka flekkingu og færni nemenda
til a› takast á vi› alhli›a landbúna›arstörf og búrekstur.
Auk fless er fla› gó›ur undirbúningur undir nám í d‡ralækningum,
náttúrufræ›i og búvísindum. Í heild sinni er nám á búfræ›ibraut
spennandi blanda bóklegs og verklegs náms.
Inntökuskilyr›i eru 18 ára aldur, reynsla af landbúna›arstörfum
og minnst 36 einingar í grunnáföngum framhaldsskóla.
Samhli›a háskólanámi b‡›ur LBHÍ upp á fjölbreytt starfsmenntanám á framhaldsskólastigi.
Námsbrautir eru sjö:
Búfræ›ibraut, Blómaskreytingabraut,
Gar›- og skógarplöntubraut, Skógræktarbraut,
Skrú›gar›yrkjubraut, Umhverfisbraut og Ylræktarbraut.
Á búfræ›ibraut eru teknir inn nemendur á hverju ári en anna› hvert ár á hinar brautirnar
sex, næst hausti› 2006.
Landbúna›arháskóli
Íslands
A›alstö›var:
Hvanneyri • IS 311 Borgarnes • Ísland
Sími: (+354) 433 5000 • Fax: 433 5001 • Netfang: lbhi@lbhi.is • www.lbhi.is
Háskóli
lífs og lands
Lj
ós
m
yn
d
: fi
ór
od
d
ur
S
ve
in
ss
on
–
H
ön
nu
n:
N
æ
st
SAMTÖKIN Gróður fyrir fólk í
landnámi Ingólfs heldur aðalfund
sinn í dag kl. 16.30 í Norræna húsinu
og er hann öllum opinn.
Eftir aðalfundinn verður haldið
málþing undir yfirskriftinni „Fólkið,
fákar, foldarskart“, þar sem rædd
verður nýting lífræns úrgangs til
uppgræðslu, ekki síst hrossataðs.
Bæði verður hugmyndafræðin skoð-
uð og einnig bein verkleg nýting úr-
gangsins við aðstæður í landnámi
Ingólfs. Frummælendur á mál-
þinginu verða: Sigríður Anna Þórð-
ardóttir umhverfisráðherra, Katrín
Jakobsdóttir, formaður umhverf-
isnefndar Reykjavíkur, Sigurbjörn
Bárðarson hrossaræktarfrömuður
og Andrés Arnalds, fagmálastjóri
Landgræðslunnar.
Aðalfundur
Gróðurs fyrir fólk
Hafnarfjörður | Suðurbæjardag-
urinn verður haldinn í fyrsta skipti í
Hafnarfirði á morgun, föstudag.
Stofnanir í Suðurbænum, skóla-
hverfi Öldutúnsskóla, hafa skipulagt
dagskrá frá morgni til kvölds til þess
að sýna brot af afrakstri vetrarins.
Miðpunktur dagskrárinnar verður
Vorhátíð Foreldrafélags Öldutúns-
skóla sem þegar er orðinn árviss við-
burður í hverfinu. Þema dagsins er
vinátta og dagskráin fjölbreytt.
Dagskrá Suðurbæjardagsins er
að finna á www.aldan.is/sudur og
þangað verða settar inn fréttir og
myndir að deginum loknum. Þar er
einnig að finna skemmtilegar göngu-
leiðir í hverfinu af vefnum ganga.is.
Suðurbæjardagurinn
í Hafnarfirði
Austurbær | Opið hús verður í dag
milli kl. 16 og 18 í frístundaheimilum
sem starfa við Álftamýrar-, Breiða-
gerðis-, Fossvogs-, Háteigs-, Hlíða-,
Hvassaleitis-, Laugarnes-, Lang-
holts- og Vogaskóla. Boðið verður
upp á léttar veitingar og starf vetr-
arins kynnt. Einnig verður hægt að
sækja um vistun fyrir veturinn
2005–2006. Fulltrúar ÍTR hvetja
foreldra og aðra áhugasama til að
líta inn og kynna sér starfsemi heim-
ilanna.
Opið hús í
frístundaheimilum
TJARNARSKÓLI fagnar um þessar
mundir tuttugu ára starfsafmæli
sínu, en skólinn hóf starfsemi árið
1985. Af þessu tilefni býður skólinn
velunnurum sínum og fyrrverandi
nemendum til grillveislu við Tjörn-
ina á morgun kl. 12–14.
Upphaf skólans má rekja til þess
að þær Margrét Theodórsdóttir og
María Sólveig Héðinsdóttir, skóla-
stýrur Tjarnarskóla, unnu saman
sem íslenskukennarar í Mosfellsbæ
þegar verkfall brast á árið 1984.
„Þá þurftum við að mæta í vinnuna
vegna þess að við vorum í öðru
stéttarfélagi,“ segir María. „En það
voru engir krakkar, svo við fórum
að móta þessar hugmyndir um að
vinna með unglingum, sem voru og
eru okkar ær og kýr.“
Undir þetta tekur Margrét. „Það
voru alls konar hugmyndir í gangi,
því það var búin að vera ansi mikil
stöðnun í skólamálum fram að því
og okkur fannst við þurfa að hlúa
betur að unglingunum,“ segir Mar-
grét. „Grundvallarhugmyndirnar
sem unnið var eftir í Tjarnarskóla
frá upphafi og hafa verið okkur
leiðarljós síðan eru m.a. lengri
skóladagar, meiri persónuleg þjón-
usta, námstækni, tengsl við sam-
félagið með vettvangsferðum og
fleiru, gestatímar og almenn mann-
ræktarsjónarmið, sem hafa verið
rauði þráðurinn hjá okkur.“
Í Tjarnarskóla er bekkjakerfið
brotið upp og nemendur á ólíkum
aldri sitja hlið við hlið og glíma við
ólík verkefni. Þá læra unglingarnir
„heima“ í skólanum, en sérstakir
heimanámstímar eru inni á stunda-
töflu skólans.
Nýta betur grunnskólaárin
Grunnskólanemar geta að mati
Margrétar og Maríu lært mun
meira, en nýta þarf betur þann tíma
sem nemendurnir eru í skólanum.
„Grunnskólinn hefur verið lengdur
svo mikið undanfarin ár. Ef við tök-
um bara tíu ára grunnskólanám
barns, þá hafa á allra síðustu árum
bæst við um fjórir og hálfur mán-
uður af kennslu í heildina,“ segir
María. „Það er kennt lengra fram á
sumarið og byrjað fyrr á haustin,
fyrir utan það að viðveran í skól-
anum hefur lengst mjög. Ég held að
það væri hægt að nota þennan tíma
miklu betur. Ég myndi frekar vilja
sjá styttingu og meiri gæðatíma í
Grunnskólum, en framhaldsskóla á
svipuðu róli og nú er.“
Margrét bætir við að börn séu á
þessu tímabili á miklu næmiskeiði.
„Þá virðist íslenska þjóðin ekki al-
veg hafa meðtekið að þessir dagar
séu skóladagar,“ segir Margrét.
„Þegar maímánuður er genginn í
garð er fólk komið í einhverjar vor-
stellingar. Það lítur ekki skólann
þeim augum að þetta séu alvöru
skóladagar.“
Margrét segir að svo virðist sem
að í mörgum skólum séu þessir dag-
ar einungis notaðir sem gæsludag-
ar. „Það er vel hægt að skipuleggja
markvisst nám sem fer fram úti,
eitthvað sem tengist náttúrufræð-
um eða vísindum, ef hugsunin með
þessari lengingu er þannig, en núna
er þetta dálítið eins og eitthvert
grín.“
Aukin umræða um einkaskóla
María hættir störfum við skólann
í vor, en hún segir enn óljóst hvað
tekur við. „Það hefur atvikast þann-
ig að það hefur verið samdráttur og
erfið fjárhagsstaða hjá einkaskól-
unum undanfarin ár. Við Margrét
stóðum frammi fyrir því að þetta
gæti ekki verið starfsvettvangur
lengur fyrir okkur báðar af þeim
sökum. Þá urðum við að skoða
hvernig væri skynsamlegast að
haga því með hagsmuni nemenda
og skólans fyrir brjósti,“ segir
María. „Það stóð nú þannig á spori í
mínu lífi að það kom sér ekkert illa
fyrir mig að draga mig í hlé. Mar-
grét ætlar að ættleiða minn hluta af
„barninu“ og ég veit að það er í góð-
um höndum. Ég get ekki hugsað
mér betra samverkafólk en ung-
lingana þessi tuttugu ár sem eru lið-
in. Það hafa verið forréttindi að
vinna með þeim.“
María segir vissulega erfitt að
horfa á versnandi fjárhag einka-
skólanna, en segir þó nú vera útlit
fyrir að hagur þeirra fari að vænk-
ast, enda hafi rekstrarform einka-
skólanna verið mikið í umræðunni
undanfarið. „Fólki finnst að nem-
endur í svona skólum eigi að hafa
svipaðan rétt til almannafjár og í
borgarskólunum. Í því ljósi er tilefni
til aukinnar bjartsýni framundan.“
Frábærir vinnufélagar
Tjarnarskóli hefur frá upphafi
verið í stöðugri þróun og breyst
með nýjum hugmyndum. „Skólinn
heldur auðvitað áfram að þróast
með tímanum, en krakkarnir verða
auðvitað alltaf sömu unglingarnir,
alltaf með þennan kraftmikla
kjarna,“ segir Margrét. „Þau eru
ómótstæðilegir vinnufélagar og það
sem mér finnst svo skemmtilegt er
að á þessum árum taka þau svo stór-
felldum breytingum, bæði í þroska
og einnig með því mótunarstarfi
sem unnið er í skólanum.
Framtíðarsýn okkar er auðvitað
fyrst og fremst að laga skólann að
því samfélagi sem hann starfar inn-
an hverju sinni og kappkosta við að
halda vel utan um þessa krakka
með fulltingi foreldranna.“
Tuttugu og tveir nemendur á
aldrinum þrettán til sextán ára
stunda nú nám við skólann og
mynda þrír kennarar fastan kjarna.
Þetta þýðir að sögn Margrétar að
sterk tengsl myndast milli nemenda
og kennara og mikið traust ríkir
innan skólans. „Þegar unglingarnir
eru svona fáir, þá kynnumst við
hverjum og einum mun betur og
þeir kynnast betur innbyrðis. Við
nýtum líka þá möguleika og skil-
virkni sem tölvupóstsamskipti og
SMS-sendingar bjóða upp á,“ segir
Margrét. „Framtíðin felst örugg-
lega í því að hver og einn nemandi
vinni einstaklingsmiðað með kenn-
aranum og meiri nýtingu á þessari
nútímasamskiptatækni.“
Um fjögur hundruð nemendur
hafa útskrifast úr Tjarnarskóla og
þótt Margrét og María fylgist ekki
með einkunnaspjöldum eftir út-
skrift segjast þær stoltar af nem-
endum sínum, sem hafi farið mjög
víða. „Við erum með úrklippubók
uppi í skóla, sem við límum reglu-
lega í þegar fréttir birtast af fyrr-
verandi nemendum okkar. Úrklipp-
urnar eru orðnar ótrúlega margar
og myndaalbúm sliga hillur.“
Tjarnarskóli fagnar tuttugu ára starfsafmæli sínu í ár
Einstaklings-
miðað nám
frá upphafi
Morgunblaðið/Þorkell
Tjarnarskólastýrur Þær Margrét og María hafa undanfarin 20 ár kennt
unglingum á einstaklingsgrunni með góðum árangri.
Eftir Svavar Knút Kristinsson
svavar@mbl.is
Reykjanesbær | Vefur Reykjanes-
bæjar, www.reykjanesbaer.is, hefur
fengið vottun fyrir aðgengi fatlaðra.
Er þetta fyrsti sveitarfélagavefurinn
sem fær vottun um að blindir, sjón-
skertir, lesblindir, hreyfihamlaðir og
aðrir fatlaðir geti skoðað vefinn til
jafns við aðra.
Sjá ehf. – viðmótsprófanir og
Öryrkjabandalag Íslands vottuðu
vefinn sem er fyrsti sveitarfé-
lagavefurinn sem fær vottun um
gott aðgengi fyrir fatlaða. Alda Sig-
urðardóttir, verkefnisstjóri hjá Sjá
ehf., afhenti Árna Sigfússyni bæj-
arstjóra staðfestingu á vottuninni í
gær, við athöfn í bókasafni bæjarins
og Arnþór Helgason, framkvæmda-
stjóri Öryrkjabandalagsins, og
Sigurður Guðmundsson, sem er
hreyfihamlaður íbúi í Njarðvík,
skoðuðu vefinn.
Mikil vinna
Alda segir að vefur Reykjanes-
bæjar hafi verið nokkuð góður fyrir
en þó hafi þurft að gera töluverðar
breytingar á honum til að standast
kröfur um vottunina. Vefurinn var
prófaður eftir sérstökum gátlista
sem byggist á alþjóðlegum staðli
sem Sjá hefur lagað að íslenskum
aðstæðum og uppfært. Dagný Gísla-
dóttir, vefstjóri Reykjanesbæjar,
segir að ráðist hafi verið í töluverðar
breytingar á vefnum og þær hafi
orðið mun meiri en reiknað var með í
upphafi.
Alda segir að Íslandsbanki og
Strætó í Reykjavík hafi þegar fengið
sambærilega vottun og ýmsar stofn-
anir og fyrirtæki væru að vinna í
málinu, meðal annars nokkur sveit-
arfélög. Hún segir mikilvægast að
gera alla grunnþjónustu samfélags-
ins aðgengilega öllum. „Það á að
vera jafn sjálfsagt að geta notað int-
ernetið og hafa aðgang að húsnæði.
Fatlaðir hafa jafnvel meiri þörf fyrir
greiðan aðgang að internetinu en
aðrir sem eiga auðveldara með að
komast á milli húsa,“ segir hún.
Vefur bæjarins aðgengilegur fötluðum
Morgunblaðið/Helgi Bjarnason
Bætt aðgengi Dagný Gísladóttir, Alda Sigurðardóttir, Árni Sigfússon og
Arnþór Helgason fögnuðu vottun á vef Reykjanesbæjar.
SUÐURNES