Morgunblaðið - 09.06.2005, Page 12

12 FIMMTUDAGUR 9. JÚNÍ 2005 MORGUNBLAÐIÐ
FRÉTTIR
Á vetnisknúnu
þríhjóli í
kringum landið
Bílar á morgun
ÚR VERINU
ÞAÐ ríkti síldarstemning í Nes-
kaupstað í gær. Danska skipið
Geysir kom til Norðfjarðar með
800 tonn af fallegri síld úr norsk-
íslenzka stofninum, sem veiddist
við Jan Maeyn-línuna. Síldin fer
öll til vinnslu og tekur um tvo sól-
arhringa á vöktum að vinna hana.
Nokkur íslenzk skip hafa verið
að veiðum á norsk-íslensku síld-
inni og fyrir sjómannadag hafði
Síldarvinnslan unnið, flakað og
fryst um 500 tonn af síld af Beiti,
Bjarna Ólafssyni og Gullbergi.
Skipin eru komin á miðin á ný og
í gær var Beitir um 50 mílur í
austur frá höfninni í Neskaup-
stað. Síldin er því að veiðast inn-
an lögsögunnar, en það skiptir
miklu máli í deilu okkar við
Norðmenn um skiptingu síld-
arinnar milli aðildarþjóðanna.
Norðmenn hafa krafizt sívaxandi
hlutdeildar á þeim forsendum að
síldin haldi sig að mestu leyti inn-
an norskrar lögsögu. Það styrkir
því málstað okkar að síldin skuli
vera farin að veiðast innan lög-
sögu okkar.
Mun meiri verðmæti
Gunnþór Ingvason, fram-
kvæmdastjóri Síldarvinnslunnar í
Neskaupstað, segir það mjög mik-
ilvægt að síldin skuli veiðast
svona nálægt. Það geri kleift að
vinna hana til manneldis í landi
og gera þannig mun meiri verð-
mæti úr henni miðað við að hún
færi öll í bræðslu. Skipin séu með
góða búnað til kælingar á síld-
inni, sjókælingu, ís og salt. Það sé
því stefnt að því að vinna eins
mikið af síld í sumar og mögulegt
sé. „Það ríkir síldarstemning hér
í Neskaupstað núna,“ segir Gunn-
þór.
Nafnið Geysir á hinu danska
skipi skýrist af því að Árni heit-
inn Gíslason skipstjóri gerði á
sínum tíma út tvö nótaskip frá
Danmörku, Ísafold og Geysi.
Hann seldi síðan útgerðina, en
hún hefur haldið hinum íslenzku
nöfnum skipanna.
Síldarstemning í
Neskaupstað
Ljósmynd/Ágúst Blöndal
Danska skipið Geysir kom með 800 tonn af síld til Neskaupstaðar í gær.
Eftir Hjört Gíslason
hjgi@mbl.is
YFIR fimmtíu vestnorrænir og
norskir þingmenn, ráðherrar og
sérfræðingar, ásamt fólki frá
framkvæmdastjórn ESB og
hagsmunafélögum, sækja þem-
aráðstefnu Vestnorræna ráðsins
til að ræða stöðu vestnorrænu
landanna gagnvart Evrópusam-
bandinu. Ráðstefnan er haldin á
Hótel Færeyjum í Þórshöfn dag-
ana 15. og 16. júní.
Birgir Ármannsson, formaður
Vestnorræna ráðsins, segir að
markmið ráðstefnunnar sé að
greina þá þætti sem vestnor-
rænu löndin geta náð saman um,
og skapa þannig grundvöll að
sameiginlegri afstöðu sem þjón-
að getur löndunum í samskiptum
við umheiminn og þá ekki síst
ESB.
Engin sameiginleg stefna
Ekkert vestnorrænu landanna
á aðild að ESB og löndin hafa
ekki sameiginlega stefnu eða
kröfur í sjávarútvegsmálum
gagnvart sambandinu. Löndin
hafa þvert á móti gert ólíka
samninga við sambandið, en
ESB er mikilvægasti viðskipta-
aðili landanna allra á sviði sjáv-
arafurða. Ákvarðanir í sjávarút-
vegsmálum, sem teknar eru í
ESB, hafa þó í miklum mæli af-
leiðingar fyrir Vestur-Norður-
lönd.
Meðal framsögumanna á ráð-
stefnunni verða sjávarútvegsráð-
herrar vestnorrænu landanna,
Harry Koster yfirmaður deildar
um tvíhliða samninga hjá Sjáv-
arútvegsstofnun ESB (EÚs gen-
eraldirektorat), Rögnvaldur
Hannesson fiskihagfræðingur og
prófessor við Viðskiptaháskóla
Noregs, Asmund Kristoffersen
Stórþingsmaður og formaður
umhverfis- og auðlindanefndar
Norðurlandaráðs, Kristján Þór-
arinsson hjá LÍÚ, Kjartan Hoy-
dal framkvæmdastjóri Norð-
austur-Atlantshafsfiskveiðistofn-
unarinnar og Ásmundur
Guðjónsson sjávarútvegsráðgjafi
hjá Norrænu ráðherranefndinni.
Vestnorrænu
löndin auki
samstarf sitt
STEFÁN Jón Hafstein, borgar-
fulltrúi R-listans, segir það sína hug-
mynd en ekki hugmynd R-listans að
kanna þann möguleika að Vatns-
mýrin og Álftanes yrðu þróuð saman
í eina skipulagsheild og tengd með
braut yfir Skerjafjörðinn. Þannig
myndi leiðin til Keflavíkur styttast og
um leið yrði mögulegt að færa innan-
landsflug þangað. Þessi hugmynd
kom fram í ræðu Stefáns Jóns á borg-
arstjórnarfundi á þriðjudaginn en
greint var frá henni í Morgunblaðinu í gær. „Það sem ég
sagði varðandi flugvöllinn og vegtenginguna er eitthvað
sem ég slæ fram sjálfur. Hins vegar er ljóst að áherslur
Reykjavíkurlistans eru á miðborgarkjarnann og Vatns-
mýrina. Ég setti þessa hugmynd fram til þess að ítreka
og undirstrika þær áherslur sem við höfum sett fram en
við erum einhuga um það að Vatnsmýrin sé langbesti
kosturinn,“ segir Stefán Jón en hann vill skapa stóran
miðborgarkjarna með Vatnsmýrina á aðra hönd.
Að sögn Stefáns hefur umræðan um Vatnsmýrina
ávallt staðnæmst við flugvöllinn en það finnst honum
miður. „Ég tel nauðsynlegt að opna þá umræðu og
skoða aðra kosti. Ég nefni þessa leið og bendi jafnframt
á að það eru til ýmsir kostir sem vert er að ræða frek-
ar.“
Stefán Jón Hafstein
Eigin hugmynd
en ekki R-listans
Stefán Jón
Hafstein
HÆSTIRÉTTUR hefur ákveðið að
leitað beri ráðgefandi álits EFTA-
dómstólsins á því hvort að krafa
ÁTVR um að heildsalar afhendi
vörur á sérstakri gerð vörubretta og
að verð brettanna sé innifalið í verð-
inu, standist lög um Evrópska efna-
hagssvæðið.
Það var HOB vín ehf. sem stefndi
ríkinu og krafðist þess að álits
EFTA-dómstólsins yrði leitað. Hér-
aðsdómur Reykjavíkur féllst á það
og þann úrskurð kærði íslenska ríkið
til Hæstaréttar, en varð að láta í
minni pokann.
Í reglum ÁTVR, staðfestum af
fjármálaráðuneytinu, er kveðið á um
að sé magn vöru meira en sem svar-
ar einu lagi á bretti, skuli hún afhent
á svokölluðu EUR-vörubretti og skal
andvirði brettanna vera innifalið í
söluverði. Í dómnum kemur fram að
ÁTVR tekur árlega við um 35.000
vörubrettum. HOB-vín telja þetta
skilyrði stangast á við EES-samn-
inginn þar sem það feli í raun í sér
magntakmörkun. Skilyrðið valdi því
að erfiðara sé að koma að nýrri vöru
auk þess sem það valdi því að litlar
vörusendingar verða hlutfallslega
dýrari. Þá feli reglan í sér mismunun
á innlendri og erlendri framleiðslu.
Ríkið mótmælti og sagði að regl-
urnar væru liður í árangursríkri
vörustjórnun. Mikilvægt væri að
eins væri búið um allar vörur sem
kæmu inn á lager til að lágmarka
mætti rýrnun. Það hefði tekist með
ágætum og nú væri rýrnun aðeins
0,3% sem væri með því minnsta sem
þekktist. Þá fælu reglurnar ekki í sér
mismunun eftir uppruna vörunnar.
Héraðsdómur taldi að ekki væru
nægjanlega skýr fordæmi í slíkum
málum og því skyldi óskað eftir ráð-
gefandi áliti EFTA-dómstólsins. Á
það féllst Hæstiréttur.
Hæstaréttardómararnir Markús
Sigurbjörnsson, Garðar Gíslason,
Guðrún Erlendsdóttir, Gunnlaugur
Claessen og Hrafn Bragason dæmdu
málið. Óskar Thorarensen flutti mál-
ið f.h. ríkisins og Stefán Geir Þór-
isson hrl. f.h. HOB víns.
Leita álits EFTA-dómstóls á
afhendingarreglum ÁTVR
ÓLAFUR F. Magnússon, borgar-
fulltrúi F-listans, lagði fram tillögu á
síðasta fundi borgarstjórnar þar
sem hann lagði til að samþykkt yrði
að heimila ekki niðurrif 19. aldar
húsa við Laugaveg á milli Smiðju-
stígs og Vatnsstígs. Heimildir til nið-
urrifs húsanna nr. 12b, 19, 21, 23 og
27 verði því dregnar til baka. Jafn-
framt verði fallið frá niðurrifs-
heimildum húsanna nr. 20 frá 1902
og nr. 29 (Brynju) frá 1906.
Dagur B. Eggertsson lagði til að tllögunni yrði vísað
til skipulagsráðs Reykjavíkur.Taldi Ólafur þessa máls-
meðferð jafngilda frávísunartillögu og fór fram á
nafnakall. Borgarfulltrúar R-listans samþykktu að við-
höfðu nafnakalli að vísa tillögunni til skipulagsráðs
gegn atkvæði Ólafs en borgarfulltrúar Sjálfstæðis-
flokksins greiddu ekki atkvæði.
Þegar sú niðurstaða lá fyrir lagði Ólafur fram bókun
þar sem hann lýsti undrun sinni á því að allir borg-
arfulltrúar R-listans skyldu greiða atkvæði með tillögu
sem fæli það m.a. í sér að fimm 19. aldar hús og tvö hús
frá byrjun 20. aldar með mikið varðveislugildi yrðu að
öllum líkindum rifin.
Ólafur F. Magnússon
Fallið verði frá
heimild til niður-
rifs við Laugaveg
Ólafur F.
Magnússon