Morgunblaðið - 10.06.2005, Blaðsíða 18

18 FÖSTUDAGUR 10. JÚNÍ 2005 MORGUNBLAÐIÐ
ERLENT
STJÖRNURNAR í Hollywood
kvarta yfir því að paparazzi-
ljósmyndarar séu farnir að ganga allt
of langt í því skyni að tryggja sér efni
til að selja glans- og slúðurtímaritum
er nærast á umfjöllun um kvik-
myndaleikara, fyrirsætur og tón-
listarmenn. Þeir láti sér ekki lengur
nægja að sitja um hvert fótmál
stjarnanna heldur grípi þeir til ör-
þrifaráða, aki bílum sínum jafnvel á
bifreiðar viðfangsefna sinna og stefni
lífi þeirra og limum, og allra nær-
staddra einnig, þannig í hættu.
Frá þessu er sagt í The New York
Times í gær en þar kemur m.a. fram
að nokkrar stjörnur telji tíma til kom-
inn að brugðist sé við þessari þróun.
Hefur lögreglan og embætti saksókn-
ara hafið rannsókn á því sem þeir
kalla „nýja kynslóð“ paparazzi-
ljósmyndara, þ.e. menn sem eru
reiðubúnir til að fara á svig við lög og
rétt, aka bifreiðum sínum gáleysis-
lega og jafnvel á bíla stjarnanna, í því
skyni að ná af þeim myndum í geðs-
hræringu.
Tilefni umfjöllunar New York Tim-
es er atburður sem átti sér nýlega
stað í Los Angeles en þá varð ung-
lingastjarnan Lindsay Lohan fyrir
meiðslum er ágengur ljósmyndari ók
bíl sínum beint á hennar.
Lögreglan í Los Angeles hefur full-
yrt að ljósmyndarinn hafi ekið bíl sín-
um vísvitandi á Lohan. Hún mun hafa
orðið vör við að paparazzi-ljósmynd-
ari var að elta hana. Er Lohan sá
framundan lögreglubíl, er ók í gagn-
stæða átt, ákvað hún að taka
U-beygju í því skyni að greina lög-
reglunni frá því að ókunnugir menn
væru að elta hana. Ljósmyndarinn,
Galo Ramirez, var hins vegar ekki
kátari með þessi áform hennar en
svo, að hann ók bíl sínum beint inn í
Mercedes-Benz bifreið hennar.
Voru þrír aðrir paparazzi-
ljósmyndarar þegar komnir á vett-
vang til að mynda Lohan og viðbrögð
hennar við ákeyrslunni.
Minnir atburður þessi óneitanlega
nokkuð á tildrög þess að Díana prins-
essa dó í bílslysi í París í ágúst 1997.
Paparazzi-ljósmyndarar hafa auð-
vitað alltaf setið um stjörnurnar í
Hollywood og þær hafa auðvitað oft
og iðulega baðað sig í því sviðsljósi,
sem þeir hafa beint að þeim. En
stjörnur eins og Lohan, Cameron Di-
az og fleiri segja þá hafa gerst ágeng-
ari í seinni tíð. Segir Diaz t.a.m. frá
því í NYT að hún hafi verið á gangi
með unnustanum, söngvaranum
Justin Timberlake, og vini þeirra fyr-
ir um tveimur árum. Ljósmyndari
hafi þá komið aftan að þeim í jeppa-
bifreið sinni og orðið þess valdandi að
vinurinn féll í jörðina. Tók ljósmynd-
arinn síðan myndir af því er Diaz og
Timberlake komu vininum til hjálpar
þar sem hann lá í sárum sínum.
Myndina seldi ljósmyndarinn til
blaðsins US Weekly og var fyrirsögn
myndafrásagnarinnar: „Cameron og
Justin koma vini sínum til aðstoðar“.
Segist Diaz nú ekki geta farið út úr
húsi án þess að þrír eða fjórir ljós-
myndarar fylgi henni eftir í bílum sín-
um. Og leikkonan Reese Witherspoon
hefur svipaða sögu að segja, hún var
umkringd af ljósmyndurum nýverið
er hún hugðist yfirgefa líkamsræktar-
stöð, segir hún að einn þeirra hafi
reynt að aka bíl sínum á hennar.
Stjörnurnar í Hollywood hafa verið
tregar til að höfða mál gegn ljós-
myndurum. Bandarísk lög veita ljós-
myndurum ríkan rétt til að vinna
störf sín og með málsókn bjóða
stjörnur upp á að óhreina tauið
þeirra, ef svo má að orði komast,
verði dregið fram í dagsljósið í dóm-
salnum.
En ljósmyndarar geta auðvitað
ekki brotið lögin og hefur Galo Ram-
irez, sá er ók á Lindsay Lohan, verið
ákærður fyrir árás með banvænu
vopni. Þá eru saksóknarar að skoða
hvort sá möguleiki sé fyrir hendi að
sækja teymi ljósmyndara – en al-
gengt er að paparazzi-ljósmyndarar
vinni nokkrir saman er þeir elta við-
fangsefni sín – til saka á þeim grund-
velli að þeir hafi gerst sekir um glæp-
samlegt samsæri. „Um leið og um
samsæri er að ræða,“ hefur NYT eft-
ir Jeff Dunn lögreglufulltrúa, „þá hef-
ur afbrot verið framið.“
Stjörnur í Hollywood vilja snúa vörn í sókn
„Ný kynslóð“ paparazzi-ljósmyndara hikar ekki við að
aka á bíla viðfangsefna sinna í því skyni að ná góðri mynd
AP
Leikkonan Lindsay Lohan lenti illa
í paparazzi-ljósmyndurum nýverið.
Eftir Davíð Loga Sigurðsson
david@mbl.is
Belgrad. AFP.| Bandaríkjamenn hafa ákveðið
að veita Serbíu og Svartfjallalandi fjárhags-
aðstoð á nýjan leik. Háttsettur bandarískur
embættismaður segir þessa ákvörðun komna
til vegna þess að stjórnvöld í Belgrad hafi
sýnt aukinn vilja til samstarfs við Stríðs-
glæpadómstólinn í Haag.
Nicholas Burns, einn aðstoðarutanríkisráð-
herra Bandaríkjanna, skýrði frá þessu í gær
eftir að hafa átt fund með ráðamönnum í
Serbíu og Svartfjallalandi. Tíu milljónir dala
(644 milljónir króna) myndu nú renna til
stjórnvalda í ríkjasambandinu. Fjármunir
þessir höfðu áður verið teknir frá í þessu
skyni en aðstoðin var „fryst“ í fyrra sökum
þess að yfirvöld í Serbíu og Svartfjallandi
þóttu ekki sýna nægan samstarfsvilja.
Burns lagði áherslu á að Bandaríkjamenn
hefðu hvergi hvikað frá þeirri kröfu sinni að
eftirlýstir stríðsglæpamenn í fyrrum Júgó-
slavíu yrðu handteknir og þeir framseldir til
Haag. Nefndi hann sérstaklega að ríkjasam-
bands Serbíu og Svartfjallands biðu betri
tímar yrði Ratko Mladic, helsti hershöfðingi
Bosníu-Serba í Bosníustríðinu, handtekinn og
leiddur fyrir rétt. Talið er að hann haldi til í
Serbíu en hann er m.a. sakaður um að hafa
gegnt lykilhlutverki er um 8.000 Bosníu-músl-
ímar voru teknir af lífi í bænum Srebrenica
árið 1995.
Vongóður um að Mladic
verði brátt tekinn höndum
Burns kvaðst í gær vongóður um að Mladic
yrði brátt tekinn höndum. Viðræður hans og
ráðamanna hefðu verið með þeim hætti að
hann hefði fengið sannfæringu fyrir því að
stjórnvöld í Serbíu vildu hafa hendur í hári
hans eða fá hann til að gefa sig fram við dóm-
arana í Haag.
Athygli vakti að Burns minntist ekki á
Radovan Karadzic, fyrrum leiðtoga Bosníu-
Serba, sem einnig er í felum, ákærður um
stríðsglæpi. Var getum að því leitt að ein-
hvers konar samkomulag lægi fyrir varðandi
Mladic.
Frá því að fjárhagsaðstoð Bandaríkja-
manna var hætt hafa stjórnvöld í Belgrad
fengið 15 grunaða stríðsglæpamenn til að
gefa sig fram við Stríðsglæpadómstólinn
vegna fyrrum Júgóslavíu í Haag.
Serbum
veitt að-
stoð á ný
Washington. AFP.| Norður-Kórea ræður yfir
kjarnorkusprengjum og er að smíða fleiri slík-
ar, að því er aðstoðarutanríkisráðherra lands-
ins, Kim Gye Gwan, greindi frá í sjónvarps-
viðtali í Bandaríkjunum á miðvikudagskvöld.
„Við eigum nógu margar kjarnasprengjur til
að verjast árás af hálfu Bandaríkjamanna,“
sagði ráðherrann í viðtali við ABC-sjónvarps-
stöðina. Er hann var spurður hvort Norður-
Kóreumenn stefndu að því að stækka kjarn-
orkuvopnabúr sitt svaraði hann játandi.
Yfirlýsing ráðherrans þykir fallin til að auka
enn á spennuna í samskiptum Vesturlanda og
Norður-Kóreumanna vegna kjarnorkuáforma
þeirra síðarnefndu. Stjórnvöld í Bandaríkjun-
um telja að Norður-Kórea ráði yfir einni, hugs-
anlega tveimur, frumstæðum kjarnorku-
sprengjum. Þá er það mat sérfræðinga vestra
að Norður-Kóreumenn eigi nægilegt magn
plútons til að smíða sex sprengjur til viðbótar.
Plútonið hafi þeir náð að vinna úr notuðum
eldsneytisstöngum í Yongbyon-kjarnorku-
verinu. Norður-Kórea ræður einnig yfir eld-
flaugum og skaut einni slíkri, sem taldist lang-
dræg, yfir Japan í Kyrrahafið árið 1998.
Búa yfir nægri þekkingu
Kim, sem farið hefur fyrir sendinefnd Norð-
ur-Kóreu í sex ríkja viðræðum, er miða að því
að fá stjórn Kim Jong-Il til að falla frá áform-
um sínum um kjarnorkuvígvæðingu, vildi ekki
tjá sig um hvort stjórnvöld réðu yfir eldflaug-
um sem unnt væri að skjóta á skotmörk í
Bandaríkjunum. Hann vildi ekki heldur svara
spurningu þess efnis hvort Norður-Kórea réði
yfir þeirri tækni sem nauðsynleg væri til að
búa langdræga eldflaug kjarnahleðslu. „Ég vil
koma því á framfæri að vísindamenn okkar búa
yfir þekkingu sem er sambærileg við þá sem
vísindamenn í öðrum löndum ráða yfir,“ sagði
hann og bætti við að menn gætu skilið þetta
svar á þann veg sem þeir kysu.
Kim lagði áherslu á að stjórnvöld í Norður-
Kóreu hefðu engin áform uppi um að ráðast
gegn Bandaríkjunum. Kjarnorkuvopnin væru
liður í varnarviðbúnaði landsmanna.
„Ögrun við heimsfriðinn“
Stjórnvöld í Japan brugðust við þessari yfir-
lýsingu með því að hvetja Norður-Kóreumenn
til að ganga á ný til viðræðna ríkjanna sex.
Sagði í yfirlýsingu þeirra að áform Norður-
Kóreu á sviði kjarnorkumála væru „ögrun við
heimsfriðinn“.
Stjórnvöld í Pyongyang, höfuðborg Norður-
Kóreu, hafa áður lýst yfir því að þau ráði yfir
gereyðingarvopnum. Hafa þau heitið því að
viðhalda þeim á meðan Bandaríkjamenn fram-
fylgi „fjandsamlegri stefnu“ sinni gagnvart
ríki þeirra.
N-Kórea verður varin
með kjarnorkuvopnum
RAMUSH Haradinaj, fyrrver-
andi forsætisráðherra Kosovo,
kom aftur heim til Pristina í gær
en hann hefur verið ákærður fyr-
ir stríðsglæpi af Alþjóða stríðs-
glæpadómstólnum í Haag. Taka
ákæruatriðin til atburða er áttu
sér stað í átökum Serba og Kos-
ovo-Albana 1998 og 1999. Dóm-
ari ákvað nýverið að Haradinaj,
sem sagði af sér sem forsætisráð-
herra og gaf sig sjálfur fram við
dómstólinn þegar fréttist að
ákæra hefði verið gefin út á
hendur honum, gæti farið frjáls
ferða sinna uns réttarhöld yfir
honum hefjast.
Á myndinni sjást tveir stuðn-
ingsmenn Haradinajs bíða komu
hans á flugvellinum í Pristina í
gær.Reuters
Harad-
inaj laus
úr haldi