Morgunblaðið - 10.06.2005, Blaðsíða 6

6 FÖSTUDAGUR 10. JÚNÍ 2005 MORGUNBLAÐIÐ
FRÉTTIR
LÖGMAÐUR sr. Hans Markúsar
Hafsteinssonar, sóknarprests
Garðasóknar, hefur ritað biskupi Ís-
lands, Karli Sigurbjörnssyni, bréf
þar sem biskup er lýstur vanhæfur
til að fjalla um mál prestsins. Lög-
maðurinn, Sveinn Andri Sveinsson,
segir að öll tilmæli um að flytja Hans
Markús til í starfi verði virt að vett-
ugi þar sem kirkjumálaráðherra hafi
einn vald til að skipa presta og leysa
þá frá störfum.
Í bréfinu gerir Sveinn Andri at-
hugasemdir við „óeðlileg afskipti“
Biskupsstofu af máli sóknarprests-
ins, „þar sem starfsmenn stofunnar
hafa leynt og ljóst verið að liðsinna
formanni og varaformanni sóknar-
nefndar, presti og djákna í atlögu
þeirra að sóknarpresti.“
Sveinn Andri segir biskup ekki
hafa gripið til aðgerða til að stöðva
tölvupóst sem hafi gengið milli
manna á Biskupsstofu. Þar hafi
starfsmenn stofunnar verið að skipu-
leggja þrýstiaðgerðir til að bola
prestinum frá störfum, „undir-
róðursstarfsemi sem augljóslega
þreifst á skrifstofu yðar, en mun skv.
stjórnsýslureglum leiða til vanhæfis
yðar sem biskups til að taka síðar á
málum sr. Hans Markúsar Haf-
steinssonar,“ segir ennfremur í bréf-
inu.
Er þess krafist í bréfinu að biskup
leggi fyrir sóknarnefnd að boða til
aðalsafnaðarfundar, en slíkan fund
beri að jafnaði að halda fyrir lok maí
ár hvert. Segir Sveinn Andri um-
bjóðanda sinn lýsa allri ábyrgð á
hendur Biskupsstofu af því að
blanda hinu almenna sóknarstarfi
inn í ágreining aðila fyrir áfrýjunar-
nefnd þjóðkirkjunnar. Hafði Bisk-
upsstofa ekki gert athugasemd við
þá ákvörðun sóknarnefndar að
fresta aðalsafnaðarfundi um óákveð-
inn tíma.
Hyggst ekki virða
tilmæli um flutning
Biskups-
stofa neitar
ásökunum
BISKUPSSTOFA sendi í gær-
kvöldi frá sér stutta yfirlýs-
ingu þar sem neitað er alfarið
þeim „alvarlegu ásökunum á
hendur starfsfólki hennar sem
fram koma í bréfi Sveins
Andra Sveinssonar, nýs lög-
manns séra Hans Markúsar
Hafsteinssonar, og sent hefur
verið fjölmiðlum. Að öðru leyti
tjáir Biskupsstofa sig ekki um
innihald bréfsins meðan málið
er til umfjöllunar í áfrýjunar-
nefnd Þjóðkirkjunnar.“
STOFNFRUMUR hafa verið teknar úr 16 Ís-
lendingum og græddar aftur í 13 þeirra á um
einu og hálfu ári, að því er fram kom á ráð-
stefnu lífeindafræðinga í gær, en ráðstefnan
stendur yfir í Háskólabíói fram á laugardag.
Steinunn Jóna Matthíasdóttir, lífeindafræð-
ingur í Blóðbankanum, segir að um tíu sjúk-
lingar fari í stofnfrumuígræðslu hér á landi á
ári, en meðferðin fer þannig fram að safnað er
úr blóði sjúklingsins svonefndum blóðmyndandi
stofnfrumum og þær græddar í hann aftur að
lokinni meðferð.
Eftir að frumunum hefur verið safnað eru
þær sendar til rannsóknar í Blóðbankanum og
þær svo frystar í fljótandi köfnunarefni áður en
ígræðslan fer fram.
Steinunn segir að hjá þeim þrettán sjúkling-
um sem fengið hafa stofnfrumuígræðslu hafi
hvítar blóðfrumur verið komnar upp í eðlilegt
magn 12-14 dögum eftir að stofnfrumurnar
voru græddar í sjúklinginn, en hvít blóðkorn
minnka við krabbameinsmeðferð.
Farið var að bjóða upp á þessar aðgerðir í
desember árið 2003 en fram að því höfðu sjúk-
lingar þurft að fara út til Svíþjóðar í slíka
ígræðslu. Steinunn segir að það hafi verið mik-
ið framfaraspor að hægt hafi verið að bjóða upp
á aðgerðirnar hér á landi. „Það léttir heilmikið
á sjúklingunum að þurfa ekki að fara þegar
þeir eru lasnir,“ segir Steinunn.
Áhersla á vísindi og félagsskap
Alls eru um 300 vísindamenn frá Norðurlönd-
unum á ráðstefnunni, sem haldin er á tveggja
ára fresti. Kristín Hafsteinsdóttir, forseti
Norðurlandasamstaka lífeindafræðinga, segir
að bæði sé lögð áhersla á vísindaþáttinn á ráð-
stefnunni en ekki síst líka að hittast og koma
saman.
Meðal þess sem rætt er á vettvangi samtak-
anna er samræming á menntunarskilyrðum líf-
eindafræðinga innan Evrópu, þannig að þeir
eigi auðveldara með að starfa í öðrum löndum.
Kristín segir þetta ferli komið frekar skammt á
veg meðal líftæknifræðinga en vilji sé til að
halda því áfram.
Helga Erlendsdóttir, líftæknifræðingur á
sýklafræðideild Landspítala – Háskólasjúkra-
húss, heldur erindi á ráðstefnunni um faralds-
fræði sýkinga og íslenskar rannsóknir á því
sviði.
Að sögn Helgu liggja fyrir mjög ítarlegar
upplýsingar um sýkingar hér á landi undanfar-
in 30 ár og segir hún að þær upplýsingar séu
mjög gagnlegar vegna þess hve auðvelt er að
halda utan um rannsóknir hér á landi. Þegar
rýnt sé í upplýsingarnar megi meðal annars sjá
hvernig gangi að eiga við sýkingar og hverjar
þeirra séu það erfiðar að sýklalyf dugi ekki á
þær, þannig að aðrar aðferðir, eins og til dæmis
bólusetningu, þurfi til.
„Þessi vinna sem við erum að leggja okkar af
mörkum til, er í forvarnarskyni,“ segir Helga
og bætir við að fjölmargir möguleikar hafi opn-
ast til að tengja þessar rannsóknir við erfða-
fræðina, einkum á sviði smitsjúkdóma.
Erindi á ráðstefnu norrænna lífeindafræðinga sem fram fer á Íslandi
13 Íslendingar hafa farið
í stofnfrumuígræðslu
Undirbúningur var í fullum gangi í
Skautahöllinni í Laugardal í gær-
kvöldi fyrir stóra tískusýningu sem
verður þar í kvöld á vegum Mosaic
Fashions. Gera þurfti klárar 36 fyr-
irsætur sem munu sýna kvenfatnað
frá Karen Millen, Oasis, Coast,
Whistles og Odille Oasis. Af þessum
fyrirsætum eru 16 íslenskar.
Að sögn Kjartans Þórs Þórðar-
sonar, framkvæmdastjóra Storm
Event, er þetta ein umsvifamesta
tískusýning sem fram hefur farið
hér á landi. Koma 170 manns að
henni með einum eða öðrum hætti
og meðal 600 boðsgesta verða
þekktir Bretar, m.a. poppstjarnan
Samantha Mumba, auk fjölmiðla
eins og BBC og OK Magazine. Morgunblaðið/Sverrir
Stór-
sýning í
tískunni
REYNT er að laða þorsk af hefð-
bundinni rækjuslóð með því að gefa
honum æti annars staðar í rann-
sóknarverkefni sem nú stendur yfir
í Arnarfirði. Hafrannsóknastofnun,
með stuðningi frá Vesturbyggð,
lagði af stað með verkefnið í vetur
eftir að ljóst var að innfjarðarækj-
ustofninn var í sögulegu lágmarki.
Eftir 15 daga rannsóknaleið-
angur síðasta haust var ljóst að inn-
fjarðarækjustofninn í Arnarfirði
var að hruni kominn. Veiðar á inn-
fjarðarækju eru ekki stundaðar um
þessar mundir, en áður voru þær
stundaðar í Ísafjarðardjúpi, Húna-
flóa, Skagafirði, Öxarfirði og
Arnarfirði. Á árunum 1990 til 2000
nam innfjarðarækjuveiðin að jafn-
aði 7 til 10 þúsund tonnum og því
ljóst að um töluvert tjón er að ræða.
Ástæður hrunsins eru ekki að
fullu kunnar. Að sögn Jóhanns
Sigurjónssonar, forstjóra Hafrann-
sóknastofnunar, er líklegasta skýr-
ingin afrán í kjölfar aukinnar
gengdar þorsks og ýsu á grunn-
slóðina en einnig má vera að hækk-
un hitastigs sjávar hafi haft áhrif.
Eftir rannsóknarleiðangurinn í
haust var ljóst að rækjan hafði hop-
að mikið. Hún fannst einungis á af-
mörkuðu svæði í botni fjarðarins en
þorskur og ýsa fundust víða. Að
sögn Björns Björnssonar, verk-
efnisstjóra rannsóknarinnar og
fiskifræðings hjá Hafrann-
sóknastofnun, var fyrir áeggjan
heimamanna ákveðið að reyna að
bregðast við þróuninni.
Reynt að
lokka
þorsk af
rækjuslóð
Morgunblaðið/Ómar
Sarfsmenn Hafró rannsaka maga-
innihald þorsks úr Arnarfirði.