Morgunblaðið - 10.06.2005, Blaðsíða 28
28 FÖSTUDAGUR 10. JÚNÍ 2005 MORGUNBLAÐIÐ
MENNING
ÞJÓÐLEIKHÚSIÐ og Landsbanki Íslands hafa gert
með sér sex ára samstarfssamning. Samningurinn felst í
uppbyggingu á nýju sviði Þjóðleikhússins, Kassanum,
sem er á jarðhæð íþróttahúss Jóns Þorsteinssonar á
Lindargötu 7 en þar hefur verið æfingarsalur um árabil.
Samningurinn, sem var undirritaður í gær af Björg-
ólfi Guðmundssyni, formanni bankaráðs Landsbankans,
Sigurjóni Þ. Árnasyni bankastjóra og Tinnu Gunnlaugs-
dóttur þjóðleikhússtjóra, felst í kaupum á nauðsyn-
legum búnaði; sætum, hljóð- og ljósabúnaði. Lands-
bankinn vill ekki láta uppi hversu hár heildarstyrkurinn
er en hann verður í formi sex árlegra fjárframlaga.
Húsið, sem er fasteign ríkisins, verður lagfært af rík-
inu svo það standist almennar kröfur um leikhús-
aðstöðu.
Björgólfur Guðmundsson sagði við undirritunina í
gær að mikilvægt væri að öflug fyrirtæki styðji við
menningarlífið í landinu og að bankinn væri stoltur af
því að taka þátt í opnun nýs leiksviðs.
„Það er von okkar og trú að í Kassann komi áhorf-
endur til með að sækja sér andlega næringu og verð-
mæti og fari heim með fjársjóð í sálinni,“ sagði Tinna
Gunnlaugsdóttir.
Stefnt er að því að vígja nýja sviðið 4. nóvember næst-
komandi með frumsýningu á Pétri Gaut eftir Henrik Ib-
sen í leikgerð Baltasars Kormáks og í nýrri þýðingu
Karls Ágústs Úlfssonar.
Leikhús | Landsbankinn og Þjóðleikhúsið í samstarf
Byggja upp
nýtt svið,
Kassann
Morgunblaðið/Golli
Brynhildur Guðjónsdóttir og Björgólfur Guðmundsson
brugðu á leik við undirritun samningsins í gær.
NORSKA kammersveitin Cikada
hlýtur Tónlistarverðlaun Norð-
urlandaráðs árið 2005. Ellefu nor-
rænar kammersveitir voru til-
nefndar í ár en í umsögn
dómnefndar segir:
„Með markvissu starfi í áraraðir
er Cikada mikilvægur fulltrúi nor-
rænnar nútímatónlistar. Dóm-
nefndin leggur áherslu á sérstakt
tjáningarform sveitarinnar, lifandi
flutning og nýskapandi viðhorf
gagnvart stílrænni fjölbreytni.
Með óbilandi trú sinni og áherslu
á gæði á öllum sviðum tekst Cik-
ada að vekja athygli á mikilvægi
nútímatónlistar fyrir norrænan
sjálfsskilning okkar.“
Hróður Cikada nær langt út fyr-
ir landsteina Noregs fyrir flutning
á norrænni og alþjóðlegri nútíma-
tónlist.
Meðal norrænna tónskálda sem
Cikada hefur unnið með má nefna
Rolf Wallin, Arne Nordheim, Cec-
ilie Ore, Kaija Saariaho, Anders
Nilsson og Magnus Lindberg. Á
verkefnaskrá sveitarinnar eru
einnig verk eftir Iannis Xenakis,
Luigi Nono, Morton Feldman og
John Cage.
Cikada hóf feril sinn árið 1989
og starfa nú með sveitinni níu
hljóðfæraleikarar undir stjórn
Christian Eggen. Í Cikada starfa
þrír hópar sem eru í senn inn-
byrðis tengdir og sjálfstætt starf-
andi: Cikada Ensemble, Cikada
Strengjakvartett og Cikada Dúó.
Sameiginlegt markmið þeirra er
bæði að leggja sitt af mörkum fyr-
ir nýsamda tónlist og flétta raf-
ræna tónlist inn í verkefnaskrá
sína.
Tónlistarverðlaun Norð-
urlandaráðs nema 350.000 danskra
króna og verða þau afhent í
tengslum við Norðurlandaráðsþing
sem haldið verður í Reykjavík í
lok október.
Tónlist | Verðlaun Norðurlandaráðs
Cikada-sveitin
hlutskörpust
„ÉG STOFNAÐI kórinn 22. nóvember árið
1965 klukkan hálffimm,“ segir Egill Frið-
leifsson kórstjóri þegar við spjöllum saman yf-
ir kaffibolla á fallegu heimili hans í Hafn-
arfirðinum. Tilefnið er einmitt það; kórinn
hans, Kór Öldutúnsskóla, fagnar fjörutíu ára
afmæli á árinu. Kórinn hefur um áratuga skeið
verið einn af virtustu barnakórum landsins og
komið víða við á ferli sínum. Hundruð stúlkna
hafa sungið með kórnum, hann hefur ferðast
til fjölda landa í fimm heimsálfum og flutt
margs konar tónlist frá ýmsum tímabilum, en
lagt sérstaka áherslu á að flytja tónlist eftir ís-
lensk tónskáld, sem mörg hafa samið fyrir
kórinn.
Samstarf við Erkki Pohjola
„Þessi fjörutíu ár hafa verið ævintýri líkust
þegar ég horfi til baka,“ segir Egill, sem nam
á sínum tíma við kennaradeild Tónlistarskól-
ans í Reykjavík undir handleiðslu Róberts A.
Ottóssonar ásamt nokkrum af þekktustu kór-
stjórum Íslands; Þorgerði Ingólfsdóttur, Jóni
Stefánssyni og Jónasi Ingimundarsyni, sem
stjórnaði kórum á árum áður. „Róbert kveikti
með okkur óslökkvandi áhuga og virðingu fyr-
ir kórstarfi. Strax þegar ég byrjaði í Öldutúns-
skóla sem fullgildur, útlærður kennari haustið
1965 stofnaði ég kórinn.“
Egill segir að áhugi meðal nemenda hafi
reyndar verið takmarkaður í fyrstu. Við aug-
lýsingu sem hann hengdi upp brugðust tólf
litlar stúlkur. „En þvílíkar stúlkur. Þær eru
kjarninn að hópi sem stóð sig mjög vel og tók
örum framförum á skömmum tíma. Árið 1966
komum við fyrst fram í útvarpi, ári síðar í
sjónvarpi og árið 1968 var okkur boðið að taka
þátt í norræna barnakóramótinu í Helsinki.“
Á því móti kynntist hann kórstjóra, sem átti
eftir að hafa mikil áhrif á allt hans starf, Erkki
Pohjola. „Hann er stofnandi hins fræga Tap-
iola-kórs í Finnlandi og það urðu þáttaskil í
mínu lífi þegar ég kynntist honum. Ég fór
seinna og var hjá honum um tíma. Hann að-
stoðaði mig mjög mikið og leiðbeindi mér, og
það má í raun segja að fyrstu árin hafi hann
fjarstýrt mínu starfi,“ segir Egill.
Tónleikar á morgun
Afmæli Kórs Öldutúnsskóla verður fagnað
með þremur viðburðum á þessu afmælisári;
tónleikum í Víðistaðakirkju á morgun, ferð á
alþjóðlegt kóramót í Havana á Kúbu um miðj-
an júlí og kórahátíð í nóvember, þar sem við-
burðarík saga kórsins verður rakin í tali, tón-
um og myndum.
Á tónleikunum á morgun, sem hefjast kl. 17,
er margt á efnisskránni. Þar á meðal eru
nokkur lög í útsetningu eða samin af Jóni Ás-
geirssyni, þar á meðal eitt sem samið er sér-
staklega fyrir þetta tilefni. Það heitir Gleði
söngvanna og er sungið við texta Sigríðar Þor-
geirsdóttur sem einnig er saminn fyrir til-
efnið.
„Hvar söngur hljómar, sestu glaður; það
syngur enginn vondur maður. Ég trúi því að
söngurinn bæti hressi og kæti og geri mann-
lífið bjartara, betra og bærilegra. Við hvaða
kjör sem er og hvar í heiminum sem er geta
menn sameinast í söng,“ segir Egill.
Fjórir kórar
Það er til marks um velgengnina í starfi Eg-
ils með Kór Öldutúnsskóla, að á annað hundr-
að söngvarar koma fram á tónleikunum. Í hin-
um eiginlega Kór Öldutúnsskóla eru 35
stúlkur á aldrinum 11–16 ára, en á tónleik-
unum kemur enn fremur fram Litli kór, sem
er undirbúningsdeild fyrir kórinn og í eru 8–9
ára stúlkur. Þá stígur einnig á svið svonefndur
Mömmukór, sem er skipaður fyrrum kór-
félögum á fertugs og fimmtugsaldri, og
Frænkukór, sem er skipaður stúlkum sem
sungu með kórnum á árunum 1990–2000.
Á tónleikunum koma enn fremur fram
nokkrir einsöngvarar sem tengjast starfi kórs-
ins á löngum ferli; Drífa Andrésdóttir, Guðrún
Árný Karlsdóttir, Margrét Eir Hjartardóttir
og Hanna Björk Guðjónsdóttir, en Brynhildur
Auðbjargardóttir stjórnar ásamt Agli á tón-
leikunum og píanóleikari er Antonia Hevesi.
Egill segist þakklátur fyrir að forsjónin hafi
valið honum þetta starf, starf kórstjóra við
Öldutúnsskóla. „Fólk sem er svo heppið að
vinna á þessum vettvangi eins og ég, verður
svo ríkt í hjarta sínu með árunum. Þó að starf
kennarans geti bæði verið erfitt og vanþakk-
látt, getur það líka verið gefandi og skemmti-
legt. Ef maður vinnur með dugnaðarunglingi í
mörg ár í kór og gerir til hans kröfur að aga
sig, taka tillit til annarra og þroskast með
starfinu, verður úr því traust og ævilöng vin-
átta. Nú orðið fer ég sjaldan út í bæ án þess að
hitta fleiri eða færri kórfélaga, og það verða
alltaf miklir fagnaðarfundir. Þetta gefur lífinu
mikið gildi og meira því lengur sem tíminn líð-
ur. Ég tel að fá önnur störf hefðu safnað slík-
um auði í hjartað af kærleika, eins og þetta
starf.“
Tónlist | Kór Öldutúnsskóla fagnar fjörutíu ára afmæli sínu með tónleikum á morgun
Morgunblaðið/Þorkell
„Fólk sem er svo heppið að vinna á þessum vettvangi eins og ég, verður svo ríkt í hjarta sínu með árunum,“ segir Egill Friðleifsson sem hefur stjórnað Kór Öldutúnsskóla undanfarin 40 ár.
Árin hafa verið ævintýri líkust
Eftir Ingu Maríu Leifsdóttur
ingamaria@mbl.is