Morgunblaðið - 11.10.2005, Blaðsíða 1

STOFNAÐ 1913 275. TBL. 93. ÁRG. ÞRIÐJUDAGUR 11. OKTÓBER 2005 PRENTSMIÐJA MORGUNBLAÐSINS mbl.is
4
Það dregur til tíðinda!
dagar til Dags byggingariðnaðarins
í Hafnarfirði
laugardaginn 15. október
Með dúskum
og dúllum
Flest í t́ísku þegar kemur að
skjólgóðum fylgihlutum | Daglegt líf
Blindur og
dverghagur
Smíðisgripir Þórðar Jónssonar í
Safnahúsi Borgarfjarðar | Menning
Íþróttir í dag
Gunnar Heiðar klár í slaginn

Zlatan verður líklega með
Woods
miður sín
Englendingar brattir
HÆSTIRÉTTUR vísaði í gær meginhluta
Baugsmálsins frá dómi eða 32 ákæruliðum af 40
vegna verulegra galla á ákæru ríkislögreglu-
stjóra. Í þeim hluta ákærunnar sem vísað var
frá er að finna alvarlegustu atriði ákærunnar.
Þeir átta ákæruliðir sem eftir standa fjalla ann-
ars vegar um rangar upplýsingar í ársreikn-
ingum og hins vegar um undanskot á hluta af
opinberum gjöldum vegna innflutnings á bílum.
Fimm hæstaréttardómarar kváðu einróma
upp dóminn. Ástæðurnar fyrir frávísunin voru
m.a. þær að ekki væri ljóst í hverju hin meintu
brot áttu að felast eða hvaða lög hefðu verið
brotin. Ákæran væri á köflum óskýr og mót-
sagnakennd og ekki væri skýrt í hverju þátt-
taka hvers og eins hinna ákærðu átti að felast.
Auk þess að vísa frá 32 ákæruliðum sagði
Hæstiréttur að fjórir ákæruliðir, þeir sem fjalla
um rangar upplýsingar í ársreikningum, væru
óskýrir en þó ekki svo að það varðaði frávísun.
Ekki voru gerðar athugasemdir við síðustu
fjóra ákæruliðina.
Farið yfir dóminn
Jón H. Snorrason, yfirmaður efnahagsbrota-
deildar ríkislögreglustjóra, sagði að ekki væri
hægt að fullyrða nokkuð um framhald málsins
fyrr en starfsmenn ríkislögreglustjóra og rík-
issaksóknara hefðu farið gaumgæfilega yfir
dóminn. Spurður um skýringar á þeim marg-
víslegu göllum sem Hæstiréttur fann í ákær-
unni sagði hann að verið væri að fara yfir dóm-
inn. Aðrir en hann yrðu að dæma um hvort
þessi niðurstaða væri áfellisdómur yfir embætt-
inu.
Bogi Nilsson ríkissaksóknari sagði í samtali
við Morgunblaðið í gærkvöldi að saksóknari
efnahagsbrotadeildarinnar hefði afhent sér af-
rit af dómnum. Ekki væri þó hægt að tala um
fund í þessu samhengi. Aðspurður sagði hann
að ekki væri ósennilegt að fundað yrði um málið
í dag. Málið væri réttilega í höndum ríkislög-
reglustjóra enda færi það embætti með þennan
málaflokk.
Skulda þjóðinni skýringar
Eiríkur Tómasson, lagaprófessor við Há-
skóla Íslands, sagði í samtali við Morgunblaðið
ekki muna til þess að hafa lesið svo harða gagn-
rýni á ákæruvaldið í hæstaréttardómi. Tekið
væri óvanalega djúpt í árinni með orðlagi eins
og „sundurlausri rakningu á bókhaldsfærslum“
og um „fábrotnar skýringar“ í ákærunni. Svo
virtist sem ekki væri rökrétt hugsun að baki
sumum ákæruliðanna. Frávísun meginhluta
málsins væri augljóslega áfellisdómur yfir efna-
hagsbrotadeild ríkislögreglustjóra.
Gestur Jónsson hrl., verjandi Jóns Ásgeirs
Jóhannessonar, forstjóra Baugs, sagði að rík-
islögreglustjóri skuldaði þjóðinni skýringar á
vinnubrögðum sínum. Ef þetta væri niðurstað-
an eftir þriggja ára rannsókn með öllum þeim
hörmulegu afleiðingum sem málinu hefðu fylgt,
öllum þeim átökum, árásum og sárindum sem
því fylgdu, þá væri ríkislögreglustjóri í þeirri
stöðu að embættið yrði að útskýra hvers vegna
staðið hefði verið að málum með þessum hætti.
Hann sagði að það myndi brjóta gegn megin-
reglunni um sjálfstæða og óvilhalla dómstóla ef
lögregla gæfi út nýja ákæru á grundvelli leið-
beininga sem hún hefði fengið frá dómstólum.
Baugur Group hf. skoraði í gær á yfirvöld að
hætta frekari áreitni í garð fyrirtækisins. „Það
á að heita fórnarlamb hinna meintu afbrota en
hefur fremur orðið fórnarlamb lögreglurann-
sóknarinnar sem hefur staðið í þrjú ár og valdið
fyrirtækinu ómældu tjóni. Nú er mál að linni,“
segir í yfirlýsingunni sem er undirrituð af
Hreini Loftssyni, stjórnarformanni Baugs.
Hæstiréttur vísaði 32 af
40 ákæruliðum frá dómi
 Verjandi Jóns Ásgeirs Jóhannessonar segir að lögreglan skuldi þjóðinni skýringar
 Háskólaprófessor segist ekki muna eftir jafn harkalegri gagnrýni í hæstaréttardómi
 Ríkislögreglustjóri og ríkissaksóknari segjast munu fara gaumgæfilega yfir dóminn
Eftir Rúnar Pálmason
runarp@mbl.is
 Hæstiréttur | 11, miðopna
Muzaffarabad. AP, AFP. | Stjórnvöld í
Pakistan sögðu í gær, að líklega
hefðu allt að 40.000 manns týnt lífi í
jarðskjálftanum á laugardag og
meira en 60.000 slasast. Vaxandi
reiði er meðal fólks á hamfarasvæð-
unum en það sakar yfirvöld um sein-
leg viðbrögð við neyðinni.
Heita má, að ekkert vegasamband
sé við þau svæði, sem urðu verst úti,
þar er rafmagns- og vatnslaust og
flest sjúkrahús og skólar rústir ein-
ar. Pakistanskur embættismaður
sagði í gær, að talið væri, að á milli
30 og 40.000 manns hefðu farist í
fjallahéruðunum í Norðaustur-Pak-
istan og hálfu fleiri slasast.
Fyrstu alþjóðlegu hjálparsveitirn-
ar komu á jarðskjálftasvæðin í gær
en aðstæður eru óskaplega erfiðar
vegna samgönguleysis og mikill
skortur á þyrlum háir björgunar-
starfinu.
Fjöldamörg ríki hafa sent hjálp-
arsveitir til Pakistans og önnur boð-
ist til að senda þangað vistir og lyf og
styðja við björgunarstarfið með fjár-
framlögum.
AP
Slasaður drengur er dreginn í sjúkrarúmi fyrir utan sjúkrahús í bænum Abbottabad en það hrundi í skjálftanum.
Allt að 40.000 fórust
 Heil kynslóð | 16
Berlín. AFP. | Brotið var í blað í
þýskum stjórnmálum í gær þegar
um það var samið, að Angela
Merkel, leiðtogi kristilegra demó-
krata, yrði kanslari í stjórn þeirra
og jafnaðarmanna. Verður hún
fyrsta konan til að gegna því emb-
ætti.
Merkel sagði á fréttamanna-
fundi í gær, að samkomulag væri
um, að kristilegir demókratar
fengju sex ráðherraembætti auk
kanslaraembættisins en jafn-
aðarmenn átta. Eiginlegar mál-
efnaviðræður munu þó líklega
ekki hefjast fyrr en eftir næstu
helgi. Gerhard Schröder, fráfar-
andi kanslari, verður ekki ráð-
herra og hugsanlegt er, að stjórnmálaafskiptum hans sé að ljúka.
Merkel sagði, að umbætur í efnahagslífinu yrðu brýnasta verkefni næstu
stjórnar og undan þeim yrði ekki vikist. Þá kvaðst hún vilja bæta sam-
skiptin við Bandaríkin.
Merkel, prestsdóttir, sem ólst upp í Austur-Þýskalandi, verður fyrst
kvenna til að stýra stjórn í stóru Evrópulandi síðan Edith Cresson var for-
sætisráðherra Frakklands í stuttan tíma snemma á síðasta áratug. | 15
Tímamót í Þýskalandi
Angela Merkel, væntanlegur kanslari.