Morgunblaðið - 11.10.2005, Blaðsíða 48

48 ÞRIÐJUDAGUR 11. OKTÓBER 2005 MORGUNBLAÐIÐ
Frábær rómantísk gamanmynd sem steinliggur
fyrir stefnumótið. Með þeim stórgóða
John Cusack og hinni fallegu Diane Lane.
Erfi ðasta brellan er að fá þá til að staldra við.
Diane Lane John Cusack

A.G. Blaðið
ROGER EBERT
Upplifðu stórkostlegustu
endurkomu allra tíma.
Óskarsverðlaunahafarnir Russell
Crowe og Renée Zellweger fara á
kostum í sterkustu mynd ársins.
Óskarsverðlaunahafarnir Russell Crowe og Renée
Zellweger fara á kostum í sterkustu mynd ársins.
Upplifðu stórkostlegustu
endurkomu allra tíma.
Mynd eftir Ron Howard
(“A Beautiful Mind”).
Mynd eftir Ron Howard (“A Beautiful Mind”).
Cinderella Man kl. 5.30 - 8.30 - 10
Charlie and.. kl. 5,45 - 8 - 10.15
Must Love Dogs kl. 6 - 8 - 10.10
Strákarnir Okkar kl. 6 - 8 - 10
KVIKMYNDAHÁTÍÐ
Kings game / Kónga kapall
Sýnd kl. 8
Með Steve Carell úr “Anchorman”
og “Bruce Almighty” ROGER EBERT
Skelltu þér á
alvöru mynd.
Það er alltaf
hægt að þekkja
myndir sem
eiga eftir að
keppa um
Óskarinn.
R.H.R / MÁLIÐ
VARÚÐ: Þú gætir farið úr kjálkaliðum af hlátri
LEIRBRÚÐUMYNDIN Wallace and Gromit: The
Curse of the Were-Rabbit fór beint í efsta sætið á að-
sóknarlista bandarískra kvikmyndahúsa um helgina.
Myndin fjallar um uppfinningamann og hundinn hans
sem berjast við risastóra kanínu.
Myndin ýtti spennumyndinni Flightplan úr efsta sæt-
inu. Gamanmyndin In Her Shoes, með Cameron Diaz í
aðalhlutverki, fór beint í 3. sætið og spennumyndin Two
For The Money, með Al Pacino og Matthew McCon-
aughey, fór beint í 4. sæti. Í fimmta sæti var einnig ný
mynd, The Gospel.
Miklar skemmdir í eldsvoða
Óttast er að munir og sviðsmynd sem notaðir voru við
gerð þessarar vinsælu leirbrúðumyndar hafi eyðilagst
þegar eldur kom upp í húsi framleiðslufyrirtækisins í
Bristol í Bretlandi í gær. Slökkviliðsmenn réðu ekkert
við eldinn, sem var á öllum þremur hæðum hússins.
Talsmaður fyrirtækisins, Aardman Animations, sagði
alla sögu fyrirtækisins hafa eyðilagst í brunanum. Hann
sagði þetta ekki hafa getað gerst á verri tíma því starfs-
fólkið hefði verið að fagna góðum árangri félaganna
Wallace og Gromit í Bandaríkjunum.
Geoff Cater, slökkviliðsstjóri, sagði allar þrjár hæðir
hússins hafa hrunið og útveggir hússins væru að hruni
komnir. Að hans sögn var eldurinn svo mikill að ekki
þótti mögulegt að senda slökkviliðsmenn inn í húsið.
Þess í stað varð að berjast við eldinn utan frá.
Enginn var í húsinu þegar eldurinn kom upp klukkan
sex að morgni.
Kvikmyndir | Wallace og Gromit vinsælir í Bandaríkjunum
Leirbrúðumynd
á toppinn
Reuters
Óttast er að munir og sviðsmynd sem notuð var við
nýju Wallace og Gromit-myndina hafi eyðilagst í eldi.
HERMIGERVILL er listamannsnafn ungs Reykvíkings
sem skankar skífum af einstökum myndarleik, spilar á
fleiri hljóðfæri en margur annar, endurhljóðblandar lög
með svo miklum ágætum að hann hlýtur verðlaun fyrir og
á þar að auki tvær breiðskífur að baki.
Það sem meira er, af þessu getur hann gortað, einungis
tuttugu ára gamall.
Sveinbjörn Thorarensen heitir tónlistarmaðurinn réttu
nafni og eins og hann lýsir sér sjálfum þá „lekur tónlist úr
hverri einustu svitaholu“.
Fyrsta plata Hermigervils Lausnin kom út í takmörk-
uðu upplagi síðla árs 2003 og seldust öll 110 eintökin upp á
örskotsstundu. Nú tveimur árum síðar er önnur skífan
Sleepwork komin út – í ótakmörkuðu upplagi, eins og
hann segir sjálfur.
Sveinbjörn lýsir tónlistinni á nýju plötunni sem instru-
mental hip hop-i. „Hins vegar teygi ég það út í ystu æsar
og ég er ekki að einskorða mig við einn stíl. Á plötunni
teygi ég til dæmis tónlistarformið út í hálfgert rafpopp en
jafnvel enn lengra í hina áttina, að alls óþekktum hip hip
stílum.“
Hann segir að það hafi aldrei komið til greina að notast
við rappara þrátt fyrir að hann sé að búa til hip hop tónlist
og einu raddirnar sem heyrast á plötunni, fyrir utan þær
sem eru hljóðsmalaðar, er söngur Hrundar Óskar Árna-
dóttur.
„Því hefur verið fleygt að mér líki ekki við rappara en
það er ekki satt. Málið er einfaldlega það að þegar ég
hlusta á rapptónlist heyri ég ekkert rapp. Að því leytinu til
hef ég mun meira gaman af góðum söng ofan á hip hop-
tónlist.“
Sveinbjörn segir að það sé ekki til nein ein formúla að
því hvernig lögin verði til og segir ennfremur að væri sú
formúla til, hefði hann hætt fyrir löngu. Það segir þó ef til
vill einhverja sögu um innihaldsefni plötunnar þegar þessi
texti í umslagi plötunar er lesinn:
„Hermigervill ágyrgist 100% óskvikin óld-skúl grúv á
þessari hljómplötu, og því voru engir samplidiskar,
„breaks“ safnplötur, skankplötur eða internet-sömpl not-
uð við gerð hennar. Hún inniheldur sömpl af 149 vínyl-
plötum, einum útvarpsþætti og einni kvikmynd. So SUE
me.“
„Ég er með einskonar „fetish“ fyrir trommubreikum og
safna þeim í gríð og erg. Á plötunni reyni ég náttúrlega að
forðast þessi allra þekktustu eins og „Funky Drummer“
og önnur en ég hef á móti fundið alveg frábær breik af
söngleikjaplötum og öðrum sem eru kannski ekki líklegar
til að enda inn á hip hop-plötu.“
Spurður út í útvarpsþáttinn segir hann að það sé bútur
úr breskum útvarpsþætti sem spilaði lag eftir hann og í
hljóðbrotinu eru útvarpsþulirnir að berjast við að bera
nafnið fram. „Mér fannst þetta svo fyndið að ég ákvað að
skella því á plötuna.“ Hvað kvikmyndina varðar sé smalið
þar úr japönsku teiknimyndinni Akira en Sveinbjörn segir
að það sé ekki möguleiki fyrir nokkurn mann að finna það
á plötunni. „Ég gef hinum sama hundrað kall ef honum
tekst það.“
Framundan hjá Sveinbirni er Airwaves-tónlistarhátíðin
sem hefst í næstu viku. Hermigervill spilar á miðvikudags-
kvöldinu í NASA og eins og hann orðar það sjálfur er hann
þeirrar gæfu aðnjótandi að spila á undan Annie.
„Þetta er mitt stóra „break“. Ég á eftir að hitta Annie í
NASA og í framhaldinu má gera ráð fyrir langtíma ást-
arsambandi okkar á milli.“
Tónlist | Hermigervill sendir frá sér plötuna Sleepwork
Svitnar tónlist
Hermigervill er fjölhæfur tónlistarmaður.
Eftir Höskuld Ólafsson
hoskuldur@mbl.is
HEIMILDARMYNDIN Kórinn eftir
Silju Hauksdóttur verður frumsýnd
í kvöld klukkan 18 í Háskólabíói.
Kórinn er heimildarmynd um Létt-
sveit Reykjavíkur sem er skipuð 120
konum og í myndinni er fylgst með
nokkrum kórfélögum, persónu-
legum högum þeirra og bakgrunni.
Þá er einnig fylgst er með kór-
starfi Léttsveitarinnar, æfingum og
tónleikum en einnig fjársöfnun, svo
sem sölu á klósettpappír og kökum í
Kolaportinu.
Slegist er í för með
kórnum til Ítalíu þar
sem kórinn heldur tón-
leika í Veróna og Fen-
eyjum og loks er farið í
útilegu í Galtalæk þar
sem sungið er í ís-
lenskri sumarnótt.
Silja Hauksdóttir
leikstjóri segir að kór-
starfið, og það sam-
félag sem myndist í
slíkum hópum, sé í
raun eins konar þver-
skurður af samfélag-
inu öllu og því mjög
áhugavert hráefni til
heimildarmynd-
argerðar.
„Þessi mynd er að því leytinu til
rannsókn á samfélaginu en það sem
er líka svo merkilegt við þessa mynd
er að það verkefni sem þetta sam-
félag tekst á við, er söngurinn og
tónlistin.“
Heimildarmyndin um Kórinn hef-
ur verið í vinnslu í eitt og hálft ár og
segir Silja að konunum hafi aldrei
liðið illa í návist kvikmyndagerð-
arfólksins. Þær hafi þvert á móti
verið óhemju skemmtilegar og lífs-
glaðar á meðan tökum stóð.
„Þær voru allan tímann ótrúlega
samvinnufúsar og fljótar að venjast
kvikmyndatökuvélinni og áður en
maður vissi af var hún orðin að
hverjum öðrum kórmeðlimi.“
Um heimildar-
myndaformið segir
Silja að það sé gjör-
ólíkt því venjulegu
kvikmyndaformi sem
hún hafi hingað til
unnið með.
„Maður hefur til
dæmis enga stjórn á
atburðarásinni og
neyðist því oft til að
spila með þeim óvæntu
atvikum sem gerast
hverju sinni. Þetta er
mjög ólíkt því að vinna
með handrit þar sem
hvert einasta smáat-
riði er skipulagt út í
hörgul.“
Þrátt fyrir það vill
Silja ekki skera úr um hvort formið
sé erfiðara.
„Þetta er hvorki einfaldara né
erfiðara, bara allt öðruvísi.“
Kórinn er eins og áður sagði
frumsýnd í kvöld klukkan 18 í Há-
skólabíói og er von á Léttsveitinni
allri eins og hún leggur sig á frum-
sýninguna
„Mér skilst að þær séu mjög
spenntar og í miklu frumsýning-
arstuði,“ segir Silja að lokum.
Framleiðandi myndarinnar er
Björn B. Björnsson fyrir Spark.
Kvikmyndir | Heimildarmynd eftir
Silju Hauksdóttur frumsýnd í dag
Allar í kór
Fylgst var meðal annars með kórferðalagi Léttsveitar Reykjavíkur.
Silja Hauksdóttir
leikstjóri.
Eftir Höskuld Ólafsson
hoskuldur@mbl.is
Úr heimildarmyndinni Kórinn.