Morgunblaðið - 23.11.2005, Qupperneq 30

30 MIÐVIKUDAGUR 23. NÓVEMBER 2005 MORGUNBLAÐIÐ
MINNINGAR
1945 og starfaði þar þangað til hann
hóf störf í viðskiptaráðuneytinu í
ársbyrjun 1948. Gegndi hann þar í
fyrstu starfi skrifstofustjóra en tók
síðan við stöðu ráðuneytisstjóra sem
hann sinnti þar til hann lét af störf-
um fyrir aldurs sakir. Um fjögurra
ára skeið gegndi hann stjórnarsetu í
Alþjóðagjaldeyrissjóðnum í leyfi frá
störfum sínum í ráðuneytinu sem
leiðir hugann að því að faðir hans,
Ásgeir Ásgeirsson, var einn af þrem-
ur fulltrúum hins nýstofnaða ís-
lenska lýðveldis á Bretton Woods-
ráðstefnunni í júlí 1944, þegar
grunnurinn var lagður að stofnun Al-
þjóðabankans og Alþjóðagjaldeyris-
sjóðsins.
Þórhalls verður lengi minnst fyrir
embættisstörf sín, þar sem hann var
oft í lykilhlutverki við lausn erfiðra
viðfangsefna. Þar má nefna opinber-
ar efnahagsráðstafanir í hinum
margvíslegu þrengingum þjóðarbús-
ins á fyrstu áratugunum eftir stríðs-
lokin og hið mikla framlag hans til
þess að tryggja utanríkisviðskipti
þjóðarinnar, ekki síst þegar algjör-
lega tók fyrir útflutning á ísvörðum
fiski til Bretlands í tilefni af útfærslu
íslensku fiskveiðilögsögunnar í 4 sjó-
mílur. Var stjórnsýslurammi utan-
ríkisviðskipta stöðugt viðfangsefni
hans um áratuga skeið í nánu sam-
starfi viðskipta- og utanríkisráðu-
neytanna. Ekki er rými til að rekja
það hér, en ágætlega er gerð grein
fyrir því mikla starfi og árangri þess
í ritverki Péturs J. Thorsteinssonar
um utanríkisþjónustu Íslands og ut-
anríkismál. Þórhallur var jafnframt í
lykilhlutverki í samningagerðinni
um inngöngu Íslands í EFTA og við
gerð viðskiptasamnings að því loknu
við Efnahagsbandalag Evrópu.
Þórhallur hafði mjög fágaða fram-
komu, rökfestu og gætni, sem oft
reyndi á í alþjóðlegu samstarfi og
skilaði miklum árangri fyrir íslenska
hagsmuni. Hann ávann sér óvenju
mikillar virðingar hjá þeim sem við
hann áttu samskipti. Í allri um-
gengni var hann þægilegur og ná-
kvæmur. Hann naut jafnan mikils
trausts hjá þeim ráðherrum sem
fóru með viðskiptamál á hverjum
tíma og nutu í ríkum mæli ráðgjafar
hans og reynslu. Hann var einnig
vinsæll hjá starfsliði ráðuneytisins
og öðru samstarfsfólki fyrir mann-
kosti sína og forystuhæfileika.
Þegar Þórhallur lét af störfum,
sjötugur að aldri, hafði hann enn nær
óskerta starfsorku og hélt hann um
nokkurra ára skeið áfram stjórnar-
setu í Norræna fjárfestingarbankan-
um og var þar áhrifamaður. Hann
hélt einnig áfram setu sinni í Hrafns-
eyrarnefnd sem hann taldi til
ánægjulegustu verka sinna og sér
vera heiður að.
Um leið og við hjónin sendum
Lillý og fjölskyldu þeirra Þórhalls
okkar innilegustu samúðarkveðjur
biðjum við Drottin að blessa minn-
ingu Þórhalls Ásgeirssonar.
Björn Friðfinnsson.
Þórhallur Ásgeirsson, ráðuneytis-
stjóri viðskiptaráðuneytisins, var
einn af embættismönnum aldarinn-
ar, einkum sökum starfa við aðild Ís-
lands að Fríverslunarsamtökum
Evrópu (EFTA) 1970 og gerð frí-
verslunarsamningsins við Efnahags-
bandalag Evrópu 1972. Þar sýndi
hann dugnað, baráttugleði, útsjónar-
semi og hagkvæmni í þágu íslensku
þjóðarinnar og laðaði fram lausnir,
jafnvel frá vinum sínum erlendis.
Of langt er að telja upp önnur
prýðisstörf ráðuneytisstjórans. Ann-
ar góður maður, Hans G. Andersen
þjóðréttarfræðingur, lýsti ferli hans
eitt sinn við mig í síma með tveimur
orðum: „Ekkert apaspil.“
Samstarf er þakkað og samúð
vottuð eftirlifandi eiginkonu, Lilly,
og ættingjum. Það sakna margir
góðs drengs.
Jón Ögmundur Þormóðsson.
Kveðja frá
Lionsklúbbnum Ægi
Látinn er mætur félagi og einlæg-
ur Lionsmaður, Þórhallur Ásgeirs-
son.
Honum var gott að kynnast. Ég
minnist þess fyrir mörgum árum,
þegar við fylgdumst að og seldum
Sólheimakerti niðri á Lækjartorgi
og áttum saman góðar stundir. Þór-
hallur var maður hógvær og lítillátur
og hafði fágaða framkomu. Hann var
mikilsmetinn í klúbbnum, gegndi
ýmsum embættum og lét að sér
kveða. Ægisfélagi varð Þórhallur ár-
ið 1965. Á þeim árum miðaðist allt
starfið við að styðja við bakið á Sess-
elju á Sólheimum. Þá var viðbygg-
ingin við gamla húsið aðalverkefnið
og pöntuð höfðu verið fullkomnustu
tæki, sem við átti í eldhúsið. Aðflutn-
ingsgjöld af tækjum þessum voru
æði há og þá veltu félagar því fyrir
sér, hvort unnt væri að fá þau felld
niður. Það var þá sem Þórhallur tók
málið að sér og lagði á ráðin um það,
hvernig leita skyldi liðsinnis ráða-
manna og málið leystist á farsælan
hátt. Oft var Þórhallur til þess
kvaddur að fræða félaga um mál,
sem efst voru á baugi. Hann flutti er-
indi um Sameinuðu þjóðirnar árið
1967 og um EFTA ári síðar. Seinna
sagði hann á skemmtilegan hátt frá
ferð í austurveg til Tékkóslavakíu og
Póllands.
Þegar klúbbfélagar fóru í ferðalag
til Rússlands í júní árið 1989 var gott
að eiga Þórhall að, en hann lagði á
ráðin um það, hvert skyldi fara og
hvað skyldi skoða. Hann var manna
kunnugastur rússneskum staðhátt-
um vegna tíðra viðskiptasamninga-
ferða fyrir íslensk stjórnvöld.
Þeim fer nú fækkandi félögunum í
Ægi, sem í öndverðu, með öflugu og
kraftmiklu starfi björguðu Sesselju
Sigmundsdóttir á Sólheimum frá því
að gefast upp, eins og hún sagði síð-
ar. Þórhallur Ásgeirsson var einn af
þeim.
Góður maður er genginn. Við fé-
lagarnir þökkum samveruna og góð
kynni og biðjum honum blessunar á
ferðinni yfir móðuna miklu.
Hugheilar samúðarkveðjur send-
um við Lilly og fjölskyldunni.
F.h. Lionsklúbbsins Ægis
Þórhallur Arason.
ÞÓRHALLUR
ÁSGEIRSSON
Elsku hjartans afi
minn og fósturpabbi. Í dag hefð-
irðu orðið 74 ára gamall hefðirðu
lifað. Innilega til hamingju með af-
mælið.
Ég er ennþá að átta mig á því að
þú sért farinn og komir aldrei aft-
ur. Ég er alltaf að vona að ég vakni
af þessum draumi, en ég er löngu
vöknuð Það vantar rosalega mikið í
sveitina þegar þú ert ekki þar. Það
verður aldrei samt aftur. Ég sit hér
með tárin í augunum þegar ég
skrifa þessi fáu orð um þig. Mikið
rosalega er þetta búinn að vera erf-
iður tími. Ég vissi ekki að það væri
hægt að gráta svona mikið.
Fyrsta minningin um þig er
sennilega sú að alltaf varstu að
troða í pípuna þína. Afi í sveitinni
var alltaf með pípuna, skildi hana
nánast aldrei eftir á glámbekk. Ég
hugsa að það séu fáir bændur sem
helga sig alveg búinu eins og þú
gerðir, alltaf varstu að huga að
húsunum, girðingum eða gera við
það sem hafði bilað eða skemmst.
Hlutirnir þurftu að vera í lagi. Þú
passaðir að henda helst aldrei
neinu, gæti komið að notum seinna.
ÞORLEIFUR
GUNNARSSON
✝ Þorleifur Gunn-arsson frá
Fjallalækjarseli í
Þistilfirði fæddist á
Svalbarði í Þistil-
firði 23. nóvember
1931. Hann lést á
dvalarheimilinu
Nausti á Þórshöfn
25. mars síðastliðinn
og var útför hans
gerð frá Svalbarðs-
kirkju í Þistilfirði 2.
apríl.
Aldrei hef ég
kynnst eins sterkum
og duglegum manni
eins og þér, þú kvart-
aðir aldrei yfir neinu
og vildir að hlutirnir
gengju hratt og vel
fyrir sig. Allar ferð-
irnar sem þú skutl-
aðir mér í skólann
hvort sem það var á
bíl eða á sleða í
hvernig veðri sem
var. Gamla Súkkan
þín komst allt, enda
jepplingurinn þinn.
Aldrei léstu veðrið koma í veg fyrir
að ég kæmist í skólann og það á
réttum tíma. Stundum þurftum við
nú samt að labba heim smáspöl,
vegna þess að ekki var alltaf fært
alla leið heim á veturna.
Það besta sem barn getur alist
upp við er að fá að vera innan um
dýrin. Þú gafst mér fullt af dýrum.
Við áttum alltaf saman einn hest í
sveitinni, í sveitasælu þar sem allt-
af er friður og ró. Það var gott að
fá að alast upp hjá ömmu og afa.
Ég vil að lokum þakka þér fyrir
alla hjálpina á meðan ég var í skóla
og allt sem þú hefur gefið mér. Þú
hefur gefið mér meira en nokkur
annar. Ég gleymi þér aldrei á með-
an ég lifi. Ég vona að þér líði vel
núna. Sjáumst.
Valur þinn biður að heilsa þér og
saknar þess að geta ekki talað við
þig þegar við komum í sveitina.
Enginn veit hvað átt hefur fyrr
en misst hefur.
Ég elska þig, afi minn og fóst-
urpabbi.
Þín
Anna.
Morgunblaðið birtir minningargrein-
ar alla útgáfudagana.
Skil Minningargreinar skal senda í
gegnum vefsíðu Morgunblaðsins:
mbl.is (smellt á reitinn Morgunblað-
ið í fliparöndinni – þá birtist val-
kosturinn „Senda inn minningar/af-
mæli“ ásamt frekari upplýsingum).
Skilafrestur Ef birta á minningar-
grein á útfarardegi verður hún að
berast fyrir hádegi tveimur virkum
dögum fyrr (á föstudegi ef útför er
á mánudegi eða þriðjudegi). Ef út-
för hefur farið fram eða grein berst
ekki innan hins tiltekna skilafrests
er ekki unnt að lofa ákveðnum birt-
ingardegi. Þar sem pláss er tak-
markað getur birting dregist, enda
þótt grein berist áður en skilafrest-
ur rennur út.
Minningargreinar
LEGSTEINAR
Steinsmiðjan MOSAIK
Hamarshöfða 4 • 110 Reykjavík
sími 587 1960 • www.mosaik.is
Elskuleg móðir okkar, tengdamóðir, amma og
langamma,
GUÐRÍÐUR GUÐLEIFSDÓTTIR,
Markarflöt 28,
áður búsett í Ólafsvík,
andaðist á heimili sínu sunnudaginn 13. nóvember.
Útförin fer fram frá Vídalínskirkju í Garðabæ föstu-
daginn 25. nóvember kl. 15:00.
Sigríður Guðmundsdóttir, Bjarni Valtýsson,
Guðleifur Guðmundsson, Guðný Hildur Árnadóttir,
Steinþór H. Guðmundsson,
Lovísa Guðmundsdóttir, Þorgeir Þorvaldsson,
Svanhildur E. Guðmundsdóttir,
Guðríður Ingvarsdóttir,
barnabörn og barnabarnabörn.
Ástkær móðir okkar, tengdamóðir, amma og
langamma,
JÓHANNA ÓLAFSDÓTTIR
frá Beitistöðum,
Garðabraut 22,
Akranesi,
verður jarðsungin frá Akraneskirkju föstudaginn
25. nóvember kl. 14.00.
Þeim sem vilja minnast hennar er bent á Styrktarfélag krabbameinssjúkra
barna, sími 588 7555 og 588 7559.
Guðmundur Óskarsson, Sesselja Haraldsdóttir,
Þuríður Óskarsdóttir, Guðbrandur Þorvaldsson,
Ólafur Óskarsson, Kristný Lóa Traustadóttir,
Magnús Óskarsson, Jóna María Örlaugsdóttir,
Sesselja Óskarsdóttir, Örlygur Sveinsson,
Rúnar Þór Óskarsson,
Ingimundur Óskarsson, Sif Ólafsdóttir,
barnabörn og barnabarnabörn.
Ástkær eiginmaður minn, faðir, tengdafaðir og
afi,
BJÖRN VIGNIR SÆMUNDSSON,
Ránarbraut 9,
Vík í Mýrdal,
verður jarðsunginn frá Víkurkirkju laugardaginn
26. nóvember kl. 11.00.
Kolbrún Matthíasdóttir,
Matthías Jón Björnsson, Hafdís Þorvaldsdóttir,
Ingi Már Björnsson, Hjördís Rut Jónsdóttir,
Kristín G. Ólafsdóttir
og barnabörn.
Elskuleg móðir mín, amma okkar og langamma,
ELÍN HERDÍS FINSEN,
Grandavegi 47,
Reykjavík,
andaðist á Landspítalanum við Hringbraut
aðfaranótt fimmtudagsins 3. nóvember sl.
Útförin hefur farið fram í kyrrþey að ósk hinnar
látnu.
Innilegar þakkir fyrir aðhlynningu og stuðning færum við hjúkrunarfólki
Karitas, hjúkrunarþjónustu og krabbameins- og blóðlækningadeilda
Landspítalans við Hringbraut.
Edda Einarsdóttir Clark,
Róbert Stefán Clark,
Elín Kristín Gardner
og barnabarnabörn.
Elskuleg móðir okkar, tengdamóðir, amma og
langamma,
JÓNA BJARNADÓTTIR,
andaðist á öldrunardeild Fjórðungssjúkrahúsins á
Ísafirði laugardaginn 19. nóvember.
Jarðsungið verður frá Ísafjarðarkirkju laugar-
daginn 26. nóvember kl. 14.00.
Bjarni L. Gestsson, Ágústa Benediktsdóttir,
Sævar Kr. Gestsson, Ragna Arnaldsdóttir,
ömmubörn og langömmubörn