Fréttablaðið - 17.04.2004, Qupperneq 42

17. apríl 2004 LAUGARDAGUR
Markús Máni til Düsseldorf:
Þriggja ára samningur
HANDBOLTI Markús Máni Mika-
elsson, sem leikið hefur með
Valsmönnum, hefur gert
þriggja ára samning við þýska
handknattleiksliðið Düsseldorf.
Markús, sem hefur verið
meiddur upp á síðkastið, segist
vera spenntur fyrir atvinnu-
mennskunni. „Það er mjög
spennandi að fara til Þýska-
lands. Þetta er frábær borg og
liðið er ungt og efnilegt,“ sagði
Markús. „Ég kveð Valsara með
söknuði og er þakklátur fyrir
það hvernig þeir hafa alið mig
upp sem handboltamann.“
Markús, sem er 23 ára
skytta, fer utan í sumar en hjá
Düsseldorf hittir hann fyrir Al-
exander Petersson sem lék áður
með Gróttu/KR í úrvalsdeild-
inni. Düsseldorf er efst í suður-
hluta þýsku 2. deildarinnar og
þarf eitt stig úr síðustu fjórum
leikjunum til að komast í 1.
deild á næstu leiktíð. ■
Grönholm
velti bílnum
Sigurvegari síðustu tveggja ára tapaði samt aðeins 39 sekúndum á
óhappinu og er enn í þriðja sæti.
RALL „Ég velti bílnum í síðustu
beygjunni á sjöttu sérleið og
endaði á hliðinni,“ sagði finnski
ökuþórinn Marcus Grönholm.
„Sem betur fer voru dekkin
nokkurn veginn bein þrátt fyrir
talsverðar skemmdir á bílnum.“
Grönholm kom í loftköstum yfir
brú og missti stjórn á bílnum í
næstu beygju. Skipta þurfti um
báðar hurðir, framljósin og
húddið. Þrátt fyrir þetta er
Grönholm enn í þriðja sæti, 31
sekúndu á eftir heimsmeistaran-
um Petter Solberg.
Grönholm sigraði í nýsjá-
lenska rallinu árið 2000 og tvö
undanfarin ár. Sigri hann nú
verður hann þriðji ökuþórinn
sem sigrar þrjú ár í röð í nýsjá-
lenska rallinu. Carlos Sainz
sigraði árin 1990 til 1992 og
Colin McRae næstu þrjú árin á
eftir.
Petter Solberg og Marcus
Grönholm voru jafnir í fyrsta
sæti á fyrstu sérleiðinni í gær.
Solberg vann þá næstu sérleið
en Grönholm varð fjórði og var
munurinn á þeim orðinn 3,6
sekúndur. Grönholm vann
fimmtu sérleiðina og tók for-
ystuna í rallinu en á sjöttu sér-
leiðinni dundi ógæfan yfir.
Grönholm kom níundi í mark,
rúmum 39 sekúndum á eftir
sigurvegarnum Harri Rovan-
perä. Solberg varð annar á sér-
leiðinni og náði tíu sekúndna
forystu á Rovanperä saman-
lagt.
Rovanperä sigraði einnig á
sjöundu sérleið og tók foryst-
una í rallinu. Honum tókst ekki
eins vel upp á áttundu sérleið-
inni og náði Solberg forystunni
að nýju. Francois Duval, á
Ford, sigraði í síðustu sérleið-
inni en það breytti ekki röð
efstu manna.
Solberg leiðir eftir tveggja
daga keppni. Hann er fimm
sekúndum á undan Rovanperä
og 31 sekúndu á undan Grön-
holm. „Ég er mjög ánægður. Við
lentum ekki í neinum meirihátt-
ar vandamálum í dag,“ sagði
Solberg í viðtali á heimasíðu
sinni. „Nýju dekkin frá Pirelli
reyndust mjög vel. Þau voru
kannski aðeins of mjúk á sjö-
undu sérleiðinni, en ég er mjög
ánægður með uppsetninguna
heilt á litið. Þetta var skemmti-
leg barátta við Harri en þetta
var aðeins upphitun. Við sjáum
til hvað gerist á morgun, það er
þá sem rallið hefst fyrir al-
vöru.“ ■
Í LOFTINU
Finnarnir Marcus Grönholm og Timo Rautiainen, á Peugeot, í loftinu yfir brú á sjötta áfanga í rallinu á Nýja-Sjálandi.
Á HLIÐINNI
Andartökum síðar voru þeir búnir að velta bílnum. Rautiainen veifar eftir hjálp.
MARKÚS MÁNI MIKAELSSON
Á leiðinni til Düsseldorf í Þýskalandi.
Markús hefur verið einn af lykil-
mönnum Vals undanfarið.