Fréttablaðið - 06.07.2005, Page 18

Járn
Járn er börnum mikilvægt og því nauðsynlegt að sjá til þess að þau fái nóg af því í fæðunni. Kjöt, hafrar
og spínat eru dæmi um járnríka fæðu. [ ]
Laugavegi 51 • s: 552 2201
Útsalan í fullum gangi
40% afsláttur
P.S. Tilboð: Balu kjólar á kr 3.000
Það er ýmislegt í boði fyrir
krakka yfir sumartímann.
Blaðamaður Fréttablaðsins
fór á stúfana og hitti nokkra
hressa krakka í Knattspyrnu-
skóla FH í Hafnarfirði.
Flest íþróttafélög standa fyrir
einhvers konar sumarnámskeið-
um fyrir börn. Víða er boðið upp á
leikjanámskeið og knattspyrnu-
deildir margra félaga bjóða upp á
knattspyrnuskóla fyrir börn. FH,
Fimleikafélag Hafnarfjarðar,
starfrækir einn slíkan og á svæði
félagsins við Kaplakrika má yfir
sumartímann sjá óteljandi krakka
í boltaleik.
Stefna á atvinnumennsku
Sindri Jónsson, Kristján Helgi
Hermannsson og Tómas Orri
Kristinsson eru níu og tíu ára fót-
boltakappar. Þeim þykir gaman í
fótbolta og hafa allir verið áður í
knattspyrnuskóla FH. Aðspurðir
segja þeir að skemmtilegast sé
þegar þeir fá að spila en Kristján
bætir því við að það sé líka mjög
gaman þegar leikmenn úr meist-
araflokki koma í heimsókn.
Strákarnir ætla allir að halda
áfram í fótbolta og stefna að sjálf-
sögðu langt. „Mig langar að verða
meistaraflokksmaður eins og
pabbi,“ segir Tómas og hinir
strákarnir eiga sér líka ákveðnar
fyrirmyndir. „Ég held mest upp á
Ronaldinho,“ segir Kristján.
„Uppáhaldsfótboltamaðurinn
minn er Hermann Hreiðarsson.
Hann er líka frændi minn,“ segir
Sindri. Strákarnir eru í fótbolta-
skólanum frá klukkan eitt til fjög-
ur og segjast ekkert verða þreytt-
ir á því að spila fótbolta svona
lengi. „Þetta er bara gaman,“ seg-
ir Tómas.
Skemmtilegast að spila
Margrét Benediktsdóttir og Guð-
rún Höskuldsdóttir eru hressar
fótboltastelpur. Þær hafa verið
áður í knattspyrnuskólanum og
líkar vel. „Fyrir kaffi gerum við
alls konar æfingar á stöðvum og
eftir kaffi spilum við. Það er
skemmtilegast,“ segir Guðrún og
Margrét tekur í sama streng.
Stelpurnar eiga sér auðvitað
fyrirmyndir í sportinu og ætla sér
stóra hluti í boltanum í framtíð-
inni. „Uppáhaldsfótboltamennirn-
ir mínir eru Tryggvi og Allan í
FH, þeir eru markahæstir í lið-
inu,“ segir Margrét. „Mér finnast
Ásgeir og Allan í FH bestir,“ seg-
ir Guðrún.
Þótt stelpunum finnist lang
skemmtilegast að spila fótbolta
gera þær sér ýmislegt annað til
dundurs í sumar. Margrét er á
leiðinni til Portúgals og Guðrún
ætlar kannski að skreppa til Dan-
merkur.
Fimmta sumarið í knattspyrnu-
skólanum
Sigurður Gísli Snorrason er
ánægður með knattspyrnuskól-
ann og honum þykja þjálfararnir
skemmtilegir. „Mér finnst
skemmtilegast að spila og æfa
mig að skjóta á markið,“ segir
Sigurður sem er nú í knattspyrnu-
skólanum fimmta sumarið í röð.
Sigurður er mikið í fótbolta en
gerir líka ýmislegt annað
skemmtilegt í sumar. „Ég leik
mér úti og í tölvunni og svoleiðis.
Svo er ég að fara í ferðalag bráð-
um. Við ætlum að fara upp á Arn-
arvatnsheiði og vera þar í viku,“
segir Sigurður og er greinilega
spenntur.
thorgunnur@frettabladid.is
Skemmtilegast að fá að spila
Tómas, Kristján og Sindri eru allir sammála um að það sé skemmtilegast að fá að spila.
Margrét 10 ára og Guðrún 9 ára. Þær segja að FH sé besta fótboltaliðið og ætla sér stóra
hluti í boltanum.
Sigurður Gísli er 10 ára og hefur verið í knattspyrnuskólanum öll sumur frá því hann var
sex ára. Uppáhalds fótboltamaðurinn hans er Wayne Rooney.
FR
ÉT
TA
B
LA
Ð
IÐ
/H
EI
Ð
A
ÚTSALAN
í fullum gangi
Smáralind • sími 517 5330 • www.adams.is