Fréttablaðið - 06.07.2005, Page 21

5MIÐVIKUDAGUR 6. júlí 2005
BEINT FLUG TIL ZÜRICH Í SUMAR:
Keflavík-Zürich 17., 24. og 31. júlí og 07. og 14. ágúst.
Zürich-Keflavík 16., 23. og 30. júlí og 06. og 13. ágúst.
Flug fram og til baka kr.: 24.900,-
Flug aðra leið kr.: 15.900,-
Allir skattar og þjónustugjöld innifalin.
BEINT FLUG TIL PRAG Í ÁGÚST:
Flogið til Prag 03. ágúst og aftur til Keflavíkur 17. ágúst.
Flug fram og til baka kr.: 28.800,-
Allir skattar og þjónusturgjöld innifalin.
Laxveiðin er mjög misjöfn þessa dagana, sumar árnar
ótrúlega hægar í gang meðan aðrar standa vel miðað
við fyrra ár, sem var gott. Þannig hefur veiðst vel í
Þverá/Kjarrá þar sem 14 stangir tóku meira en 200
laxa á þremur dögum, Haffjarðará hefur verið góð að
undanförnu og svipuð og á sama tíma og í fyrra,
Norðurá áfram fín og skýrt frá því að 50 laxar hefðu
veiðst á sex tímum einn daginn! Hins vegar er dauft
yfir Hítará, þar sem lítið hefur veiðst, enn var rólegt í
Kjósinni þar til allra síðustu daga að lax kom inn á
neðstu svæðin og vonir glæddust um góða veiði.
Grímsá hefur lítið gefið og „drottningin“ í Aðaldal er
því miður enn mjög veik. Rangárnar eru ekkert
komnar af stað. Um helgina gekk hressilega í Elliða-
árnar en veiðin er sem fyrr mest á neðstu svæðun-
um. Það er því mjög misjafnt gengið í ánum nú þeg-
ar besti veiðimánuðurinn hefst. Stórlaxasumar verður
þetta ekki eins og vitað er, en eigi að síður eru tröll á
ferð: 23-24 punda fiskur kom úr Vatnsdalsá í vikunni
og annar risi heldur minni í Blöndu.
Góðar fréttir berast af Arnarvatnsheiði þar sem sil-
ungsveiðimenn leita í heiðanna ró. Fiskur er byrjaður
að veiðast í Eyjafjarðará sem er ein helsta bleikjuá
landsins, og þar kom rúmlega sex punda bleikja upp
á fyrstu dögum. Flottur fiskur þar.
Andstreymisveiðin er lang öflugasta veiðiaðferðin í
straumvatni þegar menn kasta fyrir silung. Þetta var
staðfest í Brunná í Öxarfirði um síðustu helgi þegar
menn settu í fínar bleikjur sem neituðu alveg að bera
sig eftir agni nema kastað væri púpum upp í straum-
inn og þær látnar reka frjálst með botni. Þessi veiði-
aðferð þótti „dularfull“ fyrir nokkrum árum, en æ
fleiri tileinka sér hana með góðum árangri. Nú þegar
silungsveiðin nær hámarki er rétt að menn kynni sér
þessa aðferð hafi þeir ekki gert það nú þegar, ég
VEIÐISUMARIÐ með Stefáni Jóni Hafstein
VEIÐIFRÉTTIR Í SAMSTARFI VIÐ FLUGUR.IS
Mishittið í laxinum!
bendi á nokkrar greinar á www.flugur.is þar sem menn fá til-
sögn. Þar er einnig að finna leiðsögn um flugur í öll helstu vötn
á Íslandi. Þeir sem vilja kasta spæni yfir bleikjuna ættu að biðja
um litla „spinnera“. Það er ekki verra að hafa þá litla fyrst, og
stækka svo ef þörf er á.
Veiðikveðja, Stefán Jón.
Fleiri veiðifréttir daglega og heilræði við veiðar á
www.flugur.is; Flugufréttir koma alla föstudaga í
tölvupósti til áskrifenda á flugur.is með ítarlega
umfjöllun um allt sem varðar veiðiskap í sumar.
Sunnudaginn 10. júlí ætlar ferðafé-
lagið Útivist að ganga á Skarðsheiði.
Þetta er ein af vikulegum ferðum fé-
lagsins en farið er í dagsferðir á
hverjum sunnudegi allan ársins hring.
Ferðirnar eru misjafnar og ýmsar
spennandi ferðir eru í boði á næstu
vikum. Að viku liðinni verður gengið
á Vörðufell á Skeiðum og Kálfstindar
veða fyrir valinu þann 24. júlí. Ferð-
irnar krefjast góðs úthalds en ekki er
nauðsynlegt að vera þaulvanur
göngugarpur.
Bjarney Sigurjónsdóttir hjá Útivist
segir að ekki þurfi að skrá sig sérstak-
lega í sunnudagsferðirnar. Nóg er að
mæta á BSÍ rétt fyrir klukkan níu um
morguninn og skrá sig á staðnum.
„Sunnudagsferðirnar eru opnar öllum
en þær eru ódýrari fyrir félagsmenn
Útivistar,“ segir Bjarney. Hún segir að
sunnudagsferðirnar hafi alltaf verið
vinsælar og stundum hafi mætingin
verið ótrúlega góð – allt upp í 60
manns. „Margir koma aftur og aftur
en svo eru alltaf einhverjir sem eru
að fara í fyrsta sinn,“ segir Bjarney.
Allar nánari upplýsingar um ferðir
Útivistar má nálgast á heimasíðunni:
www.utivist.is.
Næsta sunnudag ætlar ferðafélagið Úti-
vist að ganga á Skarðsheiði. Ferðin er öll-
um opin en nauðsynlegt er að vera í
ágætu formi til að komast á toppinn.
Sunnudagsferð á Skarðsheiði
Á hverjum sunnudegi stendur ferðafélagið Útivist fyrir spennandi
gönguferðum sem eru öllum opnar. Næsta sunnudag verður gengið á
Skarðsheiði.