Fréttablaðið - 06.07.2005, Síða 37

MARKAÐURINN MIÐVIKUDAGUR 6. JÚLÍ 2005 15
S K O Ð U N
Merki þenslunnar sér víða stað í
samfélaginu. Einn af mæli-
kvörðunum í uppsveiflunni er
bílasalan. Greining Íslands-
banka hefur rýnt í tölur um bíla-
innflutning og sér skýr merki
þenslu í gríðarlegri aukningu í
bílainnflutningi. Við erum
greinilega í miðri veislu:
„Mikil sala bifreiða hefur oft
verið merki þess að efnahags-
uppsveiflan sé í toppi hér á
landi. Á fyrstu sex mánuðum
þessa árs seldust 9.687 nýjar
fólksbifreiðar og eru það fleiri
nýjar fólksbifreiðar en seldust
allt árið 2001 og 2002 og aðeins
minna en seldist allt árið 2003.
Söluaukningin nemur ríflega 51
prósentum miðað við fyrstu sex
mánuðina í fyrra Ef fram fer
sem horfir verður árið í ár sölu-
mesta árið hvað fólksbifreiðir
varðar síðan á þensluárinu 1987.
Mikil hækkun launa og eigna-
verðs, sterk staða krónunnar,
bætt aðgengi að fjármagni
ásamt endurnýjunarþörf bíla-
flotans stuðlar allt saman að
verulegri aukningu í bílasölu um
þessar mundir. Fjárhagsleg
staða heimilanna er fremur
sterk og kemur það meðal ann-
ars fram í því að nú er ekki ein-
vörðungu mikil spurn eftir
fólksbifreiðum heldur seljast
dýrari tegundir frekar en þær
ódýrari.
Bifreiðasalan nær hámarki í
ár að okkar mati í þessari efna-
hagsuppsveiflu. Útlit er fyrir að
sala nýrra fólksbifreiða verði
heldur minni á síðari hluta árs
en hún var á fyrri hlutanum.
Engu að síður reiknum við með
því að árssalan nemi um 16 þús-
und nýjum fólksbifreiðum. Til
samanburðar var salan ríflega
15 þúsund árið 1999 eða þegar
hún var mest í síðustu efnahags-
uppsveiflu. Með lækkun krón-
unnar, minni vexti kaupmáttar
og hækkun vaxta má reikna með
minni sölu á næsta ári,“ segir í
Morgunkorni greiningar Ís-
landsbanka. Forvitnilegt verður
að fylgjast með því hvenær
draga fer úr innflutningnum og
hvort þar verður vegna mettun-
ar eða vegna þess að borð sé
ekki jafn mikið fyrir báru í
heimilisbókhaldi landsmanna.
Bílarnir og þenslumerkin
Alvöru
gasgrill
Ryðfrítt alvöru gasgrill - engar málamiðlanir!
Perfectglo gasgrillið fæst hjá
ECC Skúlagötu 63 - Sími 511 1001 - Opið 10-18
Allir á
flugi
Ég verð seint sakaður um að vera
kjarklaus þegar kemur að fjár-
festingum og er alveg til í að taka
áhættu ef svo ber undir. Maður
reynir hins vegar alltaf að hafa
hlutina þannig að maður sjái sem
mest fyrir og geti forðað sér áður
en illa fer.
Þannig hef ég oft bjargað mér
og selt áður en niðurtúrinn byrj-
aði fyrir alvöru. Ég græddi til
dæmis hraustlega á SR mjöli og
var kominn í gott skjól í bönkun-
um þegar gengið hrundi. Flug-
rekstur er meðal þess sem er
gríðarlega áhættusamur rekstur.
Það er hægt að græða hratt og
vel í þessum rekstri. Vandinn er
bara sá að maður getur líka tapað
alveg ótrúlega hratt.
Pálmi Haraldsson er alveg
svellkaldur í að fara í þetta Sterl-
ing Mærsk dæmi allt saman. Al-
mar er reyndar mikill töffari og
Danirnir eiga örugglega eftir að
skjálfa þegar hann fer að taka til
í þessu dæmi öllu saman. Kostur-
inn í stöðunni er að Pálmi og Al-
mar eru að keppa við eitthvert
verst rekna flugfélag í heimi,
SAS, sem ætti að gefa þeim smá
svigrúm.
Hitt er svo annað að Skandin-
avarnir eru miklu betur verndað-
ir og miklu erfiðara að segja upp
fólki og taka til þar en hér heima.
Fyrir utan að þeir þurfa helst að
ræða alla hluti í hel áður en hægt
að taka ákvarðanir. Það er ekki
beinlínis stíll þeirra Pálma og Al-
mars.
Hannes Smárason virðist
heldur ekkert vera fyrir það að
ræða hlutina og mætti kannski
aðeins hægja á sér í þeim efnum,
ef marka má fréttir. Ég tók
reyndar smá stöðu í Flugleiðum.
Held að Hannes sé ansi glúrinn
og muni keyra félagið áfram. Svo
ræður Jón Ásgeir væntanlega
ferðinni ef það verður eitthvað
vesen. Hann er með sína menn í
meirihluta í stjórninni. Ég held
að þeir verði á ferð og flugi og
reyni að semja við Stelios um Ea-
syJet. Hver veit nema að þegar
fram líði stundir muni Pálmi og
Jón Ásgeir finna sameiginlegan
flöt á Sterling og Flugleiðum.
Annað eins hefur nú gerst.
Spákaupmaðurinn á horninu
S P Á K A U P M A Ð U R I N N
Þ J Ó Ð A R B Ú S K A P U R I N N
Bifreiðasalan nær hámarki í ár að okkar mati í
þessari efnahagsuppsveiflu. Útlit er fyrir að sala
nýrra fólksbifreiða verði heldur minni á síðari hluta
árs en hún var á fyrri hlutanum. Engu að síður reikn-
um við með því að árssalan nemi um 16 þúsund nýj-
um fólksbifreiðum.