Fréttablaðið - 21.04.2006, Page 24

21. apríl 2006 FÖSTUDAGUR24
Sumarið gekk hljóðlega í garð í höfuðborginni í gær eins og annars staðar á landinu. Borgarbúar fögn-
uðu sumarkomunni með útiveru
af ýmsum toga en víða um borgina
voru hátíðahöld í tilefni dagsins.
Skrúðgöngur marseruðu um
hverfin, hljómsveitir stigu á svið
og skátar reistu sér búðir. Víða
var boðið upp á kaffi og kleinur,
fánar voru dregnir að húni, blásið
var í blöðrur, krakkar klæddir í
spariföt og einhverjir fengu sum-
argjafir í tilefni dagsins. Enn aðrir
nýttu daginn í tiltekt í garðinum
og drógu reiðhjólin úr geymslunni
og pumpuðu í dekkin. Í miðbæn-
um heilsuðust menn með orðunum
„gleðilegt sumar“ á meðan sólin
reyndi að brjótast í gegnum skýin
og hafði hún nokkrum sinnum
erindi sem erfiði og tóku höfuð-
borgarbúar hinum daufu sólar-
geislum fagnandi.
-snæ
FJÖR Í HÚSDÝRAGARÐINUM Hér áður fyrr voru krakkar sendir í sveit á vorin en nú fara borgarbörn bara í Húsdýragarðinn til þess að njóta
samveru við ferfætlingana. FRÉTTABLAÐIÐ/HEIÐA
SUMARIÐ HLAUPIÐ INN Íþróttafélag Reykjavíkur hélt sitt árlega vorhlaup á sumardaginn
fyrsta þar sem lagt var upp frá Ráðhúsi Reykjavíkur.
ÚTIVERA Það er gaman að leika sér
utandyra jafnt um sumar sem vetur. Þessir
hressu krakkar voru að leik í Húsdýragarð-
inum en vorhátíð Tónabæjar var haldin í
garðinum fyrsta dags sumars.
SKÁTAR Í SKRÚÐGÖNGU Í vesturbænum mátti sjá skátafélagið Ægisbúa arka frá Melaskóla við undirleik lúðrasveitarinnar Svans.
SUMARGLEÐI Í HÖFUÐBORGINNI
Sumarið er tíminn