Fréttablaðið - 22.05.2006, Side 18

22. maí 2006 MÁNUDAGUR18
Frí sólgleraugu
í þínum styrkleika (gler og umgjörð) ef þú
kaupir gleraugu með styrleika hjá okkur.
Gjáin, Kópavogi • JL-húsið, Hringbraut, Reykjavík • Apótekarinn, Akureyri
SKIPULAGSMÁL Undirskriftasöfnun
er hafin á meðal íbúa í Vesturbæ
Reykjavíkur. Tilgangur söfnun-
arinnar er að fá svör frá skipu-
lagsráði borgarinnar sem aðilar
allra flokka sitja í, um skipulag á
lóð á horni Bræðraborgarstíg og
Hávallagötu. Á lóðinni er hús
sem var byggt árið 1897 og stend-
ur til að flytja í burtu eða rífa. Að
sögn Irmu Erlingsdóttur, eins
aðstandenda undirskriftasöfnun-
arinnar, hafa íbúarnir áhyggjur
af yfirbragði hverfisins en verk-
taki keypti húsið fyrir nokkru.
Spurningarnar til borgaryfir-
valda snúast einkum um þann
bílastæðavanda sem fyrir er og
líklegt er að muni versna og hvort
borgin hyggist á einhvern hátt
bregðast við honum. Ástæða bíla-
stæðavandans er einkum sú að
ekki var gert ráð fyrir bílastæð-
um við hús sem byggð voru á sjö-
unda og áttunda áratugnum. Auk
þess hefur hluti lóðarinnar sem
nú hefur verið seld nýttur sem
bílastæði fyrir íbúa svæðisins.
Íbúarnir vilja einnig spyrja
hvað borgaryfirvöldum finnist
um flutning gamalla húsa úr mið-
bænum og fellingu trjáa á lóð-
inni. Íbúarnir vilja að sátt sé um
þéttingu byggðar og hvort borgin
vilji að þarna séu byggð ný hús
og hversu stór slík hús eigi að
vera.
Ljóst er að ef fjölbýlishús rís
mun umferð um hverfið aukast
og fleiri verða um þau fáu bíla-
stæði sem fyrir eru. Krafa íbú-
anna er að skipulagsyfirvöld
vandi vinnu sína og að sátt náist
um þetta svæði.
Aðstandendur undirskrifta-
söfnunarinnar eru þau Haraldur
Ólafsson, Irma Erlingsdóttir og
Áshildur Haraldsdóttir og þegar
hafa safnast rúmlega hundrað
undirskriftir. Áætlað er að
afhenda undirskriftirnar eftir
helgi en spurningar íbúanna hafa
þegar verið sendar yfirvöldum.
gudrun@frettabladid.is
Íbúar á móti
nýbyggingu
Þrír íbúar í Vesturbæ Reykjavíkur hafa hafið söfn-
un undirskrifta sem þeir hyggjast afhenda borgar-
yfirvöldum í vikunni. Vilja þeir svör við spurningum
um skipulag á lóð sem nýlega var seld í hverfinu.
VILJA SKÝR SVÖR Irma Erlingsdóttir og Áshildur Haraldsdóttir vilja skýr svör frá borgaryfir-
völdum. FRÉTTABLAÐIÐ/HÖRÐUR
HÚSNÆÐISMÁL Stúdentaráð Háskóla
Íslands vígði í gær stórt skilti á
horni Sæmundargötu og Hring-
brautar en á því stendur meðal
annars: „Hér viljum við byggja
stúdentagarða.“ Sigurður Örn
Hilmarsson, formaður Stúdenta-
ráðs, segir að tilgangur skiltisins
sé að vekja athygli á of litlu fram-
boði íbúða fyrir stúdenta. „Við
erum að vekja athygli á því að sex
hundruð stúdentar eru á biðlista
eftir úthlutun íbúða á hverju ein-
asta hausti. Eftirspurnin er í raun
miklu meiri vegna þess að margir
sækja ekki um því þeir eru vissir
um að komast ekki að.“
Sigurður bendir jafnframt á að
Félagsstofnun stúdenta hafi fjár-
magn og vilja til þess að reisa fleiri
stúdentaíbúðir, en lóðir vanti.
„Stofnunin getur einungis boðið
átta prósentum stúdenta íbúðir en í
viðmiðunarlöndum okkar er hlut-
fallið fimmtán prósent. Því þarf að
tvöfalda fjölda íbúða.“
Undanfarnar vikur hafa Stúd-
entaráðsliðar hitt allar fylkingar í
framboði til borgarstjórnar og
kynnt fyrir þeim sjónarmið ráðs-
ins. „Flestir eru sammála um að
bæta verði úr vandanum en við
höfum þó enn ekki fengið nein lof-
orð, ekki ennþá.“ segir formaður
Stúdentaráðs.
- sha
Stúdentaráð Háskóla Íslands mótmælir:
Tvöfalda þarf stúdentagarða
SKILTI STÚDENTARÁÐS Hér vill SHÍ byggja
stúdentagarða. FRÉTTABLAÐIÐ/VILHELM
UMHVERFISMÁL Íslensk erfðagrein-
ing hlaut Umhverfisviðurkenn-
ingu Reykjavíkurborgar sem var
veitt við hátíðlega athöfn á föstu-
daginn.
Starfshópurinn sem fór yfir til-
nefningar telur að Íslensk erfða-
greining sýni gott fordæmi í
umhverfismálum og sé til fyrir-
myndar fyrir rannsóknarfyrir-
tæki jafnt sem önnur fyrirtæki.
Fram kemur að starfsmennirn-
ir séu upplýstir um umhverfismál
og fyrirtækið sýni frumkvæði við
að draga úr neikvæðum umhverfis-
áhrifum rekstrar síns. Gangi það
að mörgu leyti lengra en lög og
reglur geri ráð fyrir, meðal annars
með mengunarvarnabúnaði á frá-
rennsli. - sdg
Umhverfisviðurkenning Reykjavíkurborgar:
Íslensk erfðagreining
fær umhverfisverðlaun
VIÐURKENNINGIN AFHENT Árni Þór Sig-
urðsson, formaður umhverfisráðs, afhenti
Eiríki Sigurðssyni, kynningarstjóra Íslenskrar
erfðagreiningar, viðurkenninguna.
FRÉTTABLAÐIÐ/HEIÐA
FRAMKVÆMDIR Einingarnar í verk-
smiðjuhús Íslenska kalkþörungafé-
lagsins eru komnar til Bíldudalshafn-
ar og verða settar upp á næstunni.
Húsið verður 2.700 fermetrar en
grunnurinn er að mestu tilbúinn.
Einingarnar komu í vikunni
ásamt vélum sem notaðar verða í
verksmiðjunni með flutningaskip-
inu Sunnu. Gert er ráð fyrir að verk-
smiðjuhúsið verði tilbúið í haust. Að
sögn Guðmundar Magnússonar
verksmiðjustjóra hefur kalkþörung-
urinn sem sendur hefur verið frá
Bíldudal til Írlands reynst vel og
bíða nú írsku eigendur verksmiðjun-
ar óþreyjufullir eftir að vinna geti
hafist í Arnarfirðinum. - jse
Kalkþörungavinnsla:
Verksmiðjan
rís á Bíldudal
BRETLAND Fimm ólöglegir inn-
flytjendur, sem störfuðu sem
ræstitæknar hjá breska innan-
ríkisráðuneytinu, hafa verið
handteknir. Þetta kemur fram á
fréttasíðu BBC í gær.
Mennirnir, sem eru frá Níger-
íu, störfuðu hjá verktakafyrir-
tæki sem sér um þrif á ráðuneyt-
inu. Yfirmenn Techclean fara nú
í saumana á því hvernig mönn-
unum tókst að fá vinnu hjá fyrir-
tækinu.
Innanríkisráðherrann John
Reid hefur sætt gagnrýni fyrir
að hafa sagst ekki hafa hugmynd
um hversu margir ólöglegir inn-
flytjendur væru í Bretlandi, en
Tony McNulty innflytjendaráð-
herra telur þá vera 310.000 til
570.000 talsins.
- smk
Ólöglegir innflytjendur:
Þrifu breskt
ráðuneyti
KJARNORKAN ÖLL Úrelt kjarnorkuver í
Oregon-ríki í Bandaríkjunum var rifið
um helgina. Þar á meðal var þessi turn
sprengdur og jafnaður við jörðu.
FRÉTTABLAÐIÐ/AP