Fréttablaðið - 22.05.2006, Blaðsíða 56

22. maí 2006 MÁNUDAGUR32
Fyrir neðan Elliðaárstíflu,
meðfram Elliðaánun, liggur
Rafstöðvarvegur. Við hann
standa fjölmörg gömul hús sem
á sínum tíma voru langt uppi
í sveit.
Rafstöðvarvegurinn er engu
öðru líkur. Hann varð til er Ell-
iðaárstíflan reis og rafstöðvar-
húsið var byggt neðar í dalnum.
Sveit í borg, tímalaus bær. Það
sem eitt sinn var útnári borgar-
innar er nú athvarf frá þéttriðnu
neti raðhúsa úthverfisins sem
liggur allt í kring.
Fyrir ofan veginn, í hlíðum
Ártúnsins, horfir gamli Árbær-
inn yfir byggðina. Hann og Raf-
stöðvarvegurinn minna okkur á
horfna tíma. Timburhús sem búa
yfir ótal sögum. Varla sést í
næsta hús fyrir trjágróðri og
stemningin er óneitanlega skand-
inavísk.
Hérna hafa einhvern tímann
börnin sem vel gátu átt heima í
Ólátagarði hlaupið um og framið
prakkarastrik og upplifað ævin-
týri barnæskunnar. Lína lang-
sokkur í húsi nr. 1 tók á móti
frambjóðendum sem vildu með
öllum ráðum fá stuðning hennar
og styrk, og niðri við Elliðaárnar
hefur svo sjálf Ronja Ræningja-
dóttir setið með Birki Borkasyni
og veitt lax, enda löngu komið
vor.
Héðan vill enginn flytja. Þegar
ljósmyndarinn spígsporaði um
götuna og tók myndir af öllu
mögulegu og ómögulegu kom að
máli við hann kona sem spurði
með bros á vör hvað hann væri
að mynda. Þegar hann sagðist
vera á vegum fasteignablaðs
Fréttablaðsins kom meðaumkun-
arsvipur á hana. „Því miður vinur
minn,“ sagði konan og lagði hönd-
ina á öxl hans. „Ég get ekki
ímyndað mér að héðan vilji nokk-
ur maður flytja.“
tryggvi@frettabladid.is
Byggðin í Elliðaárdalnum
Árbærinn gamli í sínu hásæti yfir Rafstöðvarvegi. FRÉTTABLAÐIÐ/STEFÁN
Stundum virðist tíminn standa í stað. FRÉTTABLAÐIÐ/STEFÁN
Árbærinn er friðsæll staður í höfuðborginni. FRÉTTABLAÐIÐ/STEFÁN
Kisi malar í heimreiðinni. FRÉTTABLAÐIÐ/STEFÁN
Er þetta Sjónarhóll, eða kannski Ólátagarður? FRÉTTABLAÐIÐ/STEFÁN
Svæðið er einstaklega gróið og vel er hugsað um garðana. FRÉTTABLAÐIÐ/STEFÁN