Fréttablaðið - 16.12.2006, Qupperneq 6

Sigurjóni M. Egilssyni,
sem sagði upp störfum sem rit-
stjóri Blaðsins í byrjun mánaðar-
ins, var vísað á dyr þegar hann
mætti til vinnu á blaðinu í gær-
morgun. Hann ætlaði að hætta á
Blaðinu um áramótin, en sam-
kvæmt ráðningarsamningi var
uppsagnarfrestur hans til átta
mánaða. Sigurjóni var afhent bréf
sem var undirritað af Sigurði G.
Guðjónssyni, stjórnarformanni
útgáfufélags Blaðsins Árs og dags,
þar sem greint var frá því af
hverju gripið var til þessara
aðgerða.
Í bréfinu er Sigurjón sakaður
um að hafa logið því að forsvars-
mönnum Árs og dags að hann hafi
ekki ráðið sig til DV nú í haust því
fyrirtækið hafi gögn undir hönd-
um þar sem kemur fram að hann
hafi gert það.
Hann er einnig sakaður um
brot á vinnuréttarlegum skyldum
sínum við fyrirtækið með því að
reyna að ráða nokkra af starfs-
mönnum Blaðsins yfir á nýtt blað
sem talið er að hann muni taka við
á næsta ári.
Í bréfinu kemur fram að Ár og
dagur ætli að krefjast lögbanns
við því að Sigurjón vinni fyrir aðra
fjölmiðla á meðan á uppsagnar-
fresti hans stendur næstu sjö mán-
uðina, jafnframt ætlar fyrirtækið
að krefjast skaðabóta vegna þess
tjóns sem það hefur orðið fyrir
vegna ólögmætra starfsloka hans.
Ár og dagur ætlar jafnframt að
fella niður allar greiðslur til Sig-
urjóns sem kveðið er á um í ráðn-
ingarsamningi hans.
Útgefandi Blaðsins mun krefj-
ast lögbanns og skaðabóta
Oddur Friðriksson,
yfirtrúnaðarmaður á Kárahnjúk-
um, segir að fólk sé sjokkerað yfir
slysunum á Kárahnjúkum. „Þetta
er voðalega þreytandi ástand til
lengdar því að meginhluta ársins
hafa slysatölur farið lækkandi en
nú hafa orðið þyngri og erfiðari
slys en áður.“
Stefán Þórarinsson, yfirlæknir
á Heilbrigðisstofnun Austurlands,
segir að yfirleitt hafi 85-90 slys átt
sér stað á mánuði á Kárahnjúkum
frá upphafi. Í fréttum hefur komið
fram að tuttugu og sex til rúmlega
þrjátíu slys hafi átt sér stað síðasta
hálfa mánuðinn. Oddur talar um
öldu slysa en Fréttablaðinu tókst
ekki að fá neina tölu staðfesta.
Kristinn Tómasson, yfirlæknir
hjá Vinnueftirlitinu, segir að rétta
slysatalan liggi ekki fyrir. „Fólkið
sem er ábyrgt fyrir því að ganga
frá tilkynningum til okkar er
komið í jólafrí en ég á von á því að
þetta verði komið í hús í fyrsta
lagi á mánudaginn.“
Stefán segir að „við verk eins
og þetta gilda leikreglur um
öryggisgæslu og slysavarnir. Það
starf virkar ekki þessa stundina.
Þá dregur maður þá ályktun að
vandinn sé niðri á gólfinu og þess
sé ekki gætt nægilega vel að menn
noti hlífar og séu í öryggisbeltum
og slíkt. Það þarf að standa yfir
mönnum með þetta.“
Oddur telur að margir sam-
verkandi þættir valdi slysaöld-
unni en stór hluti vandans sé vönt-
un á öryggisvitund og ábyrgð
verkstjóra. „Nú erum við komnir
á þennan lokakafla í framkvæmd-
inni, verkið er að breytast og menn
þurfa að vera á vaktinni. Það eru
erfið veður hérna upp frá og allt
hangir þetta saman,“ segir hann.
„Verkstjórarnir stýra verkinu og
þeir verða að bera ábyrgðina á því
að upplýsa mennina.“
Öryggisátak er fyrirhugað.
„Við ætlum að taka verkstjórana
fyrir, upplýsa þá og vekja verk-
stjórana og starfsmennina til
umhugsunar um öryggismálin.
Það er á ábyrgð verkstjóranna að
sýna verkamönnum fram á
hættuna. Þegar menn fá athuga-
semdir um vinnuaðstöðu verða
þeir að bregðast við,“ segir Oddur
og bætir við: „Við viljum sjá breyt-
ingar á hegðun.“
Vinnuaðstæður eru erfiðar, til
dæmis hjá mönnum sem vinna í
hundrað eða tvö hundruð metra
hæð uppi á brún virkjunarinnar í
snjókomu, stórhríð, éljagangi og
frostrigningu, jafnvel óbundnir og
óvarðir.
Áhættuhegðunin
verður að breytast
Verkstjórnarvandi hefur valdið slysahrinunni á Kárahnjúkum síðustu vikur.
Starfsmenn á Kárahnjúkum eru sjokkeraðir. Öryggisátak er fyrirhugað.
Yfirtrúnaðarmaður krefst þess að sjá breytingar á áhættuhegðun.
Nóatúni 4 · Sími 520 3000
www.sminor.is
Gigaset AS140 DUO
• Þráðlaust símtæki með einu auka-handtæki
• Númerabirting (30 númer)
• Upplýstur skjár
• Símaskrá fyrir allt að 20 nöfn og númer
Jólaverð: 5.900 kr. stgr.
A
T
A
R
N
A
/
S
T
ÍN
A
M
.
/
F
ÍT
Liðsmenn úr Hamas og Fatah,
tveimur helstu fylkingum Palestínumanna,
skiptust á skotum bæði í Gaza-borg og í
Ramallah í gær, daginn eftir að skotið var á
Ismail Haniheh, forsætisráðherra Palestínu-
stjórnar, þegar hann var á leiðinni heim til Gaza.
Spenna milli hópanna hefur aukist verulega
síðustu daga og hafa ásakanir gengið á báða
bóga. Hamas-liðar ásaka liðsmenn Fatah um
að hafa staðið að árásinni á Haniyeh, sem er
einn af leiðtogum Hamas-samtakanna.
Leiðtogar beggja samtakanna hafa þó
varað liðsmenn sína við því að átökin geti
undið upp á sig og snúist upp í allsherjar
borgarastríð í Palestínu.
Átökin í gær vörpuðu nokkrum skugga á 19
ára afmæli Hamas-samtakanna, sem var í
gær, en ekki var hætt við hátíðarhöld og tugir
þúsunda manna tóku þátt í þeim í Gaza-borg.
Átökin í Ramallah hófust þegar palestínskt
lögreglulið, hliðhollt Fatah, reyndi að koma í
veg fyrir að Hamas-liðar efndu til fjöldagöngu
til þess að halda upp á afmælið. Lögreglan
hafði umkringt mosku, þar sem Hamas-menn
höfðu safnast saman, og meinaði þeim
útgöngu. Þegar Hamas-liðarnir héldu engu að
síður út úr moskunni tók lögreglan á móti,
barði mennina með kylfum og skaut af
byssum upp í loftið. Hamas-liðarnir börðust á
móti lögreglunni sem á endanum tók að skjóta
í átt að mannfjöldanum. Meira en þrjátíu
manns slösuðust.
Bardagar í Gaza og Ramallah
Var rétt að kæra forstjóra olíu-
félaganna vegna verðsamráðs?
Hefurðu dottið í hálkunni nú?