Fréttablaðið - 16.12.2006, Blaðsíða 58

Frændi hennar og bróðir eru
feldskerar, því lá það beint við
að Nihan Altendag myndi opna
sérverslun með loðfeldi þegar
hún lagði af stað út í heim
viðskiptanna.
Fyrir tveimur vikum opnaði falleg
verslun við Laugaveginn í Reykja-
vík. Verslunin sem heitir Nihan,
eftir eiganda num, sérhæfir sig í
sölu á loðfeldum og hvers kyns
skinnavöru, en Nihan á ekki langt að
sækja í þetta fag því bæði frændi
hennar og bróðir eru feldskerar.
„Ætli ég hafi ekki ákveðið að
opna sérverslun með feldi og skinna-
vöru af því að ég óx upp við svona
viðskipti. Á Íslandi eru mjög fáar
verslanir sem sérhæfa sig í sölu á
loðfeldum og mér fannst vanta svo-
lítið upp á valkostina. Veðurfarið á
Íslandi býður líka upp á viðskipti af
þessu tagi og að sjálfssögðu legg ég
mig fram við að hafa verð og gæði
samkeppnishæf við annað fram-
boð,“ segir Nihan glöð í bragði.
Flestar vörur verslunarinnar
koma í gegnum fjölskyldu Nihan
íTyrklandi en suma feldi þarf hún að
kaupa annars staðar frá. „Refurinn,
kálfurinn, þvottabjörninn og Tos-
cana-skinnið er sótt til ýmissa landa.
Til dæmis Finnlands og Kanada, en
flíkurnar eru allflestar hannaðar og
saumaðar í Tyrklandi af fjölskyldu
minni.“ Nihan segir viðtökur land-
ans hafa verið mjög góðar frá því að
verslunin opnaði. „Fólk virðist vera
mjög hrifið af búðinni og það gleður
mig mjög. Það er stöðug traffík inn
og út um dyrnar,“ segir þessi við-
mótshlýja kona að lokum.
Með feldsalann í genunum
Nemendur í Rimaskóla gáfu
hluta af handavinnu sinni til
hjálparstarfs.
Nemendur 8. bekkjar Rimaskóla
sem hafa verið í textílmennt
(saumaskap) fyrri hluta skólaárs-
ins ákváðu að gefa Hjálparstarfi
kirkjunnar hlýlegan ungbarna-
fatnað og afhentu hann nýlega.
Fötin eru hluti af handavinnu
þeirra í textíltímum á haustönn og
við afhendingu óskuðu þeir eftir
að fötin yrðu gefin börnum sem á
þeim þyrftu að halda hér innan-
lands. Nemendurnir sem eru á
fermingaraldri fengu hugmynd-
ina að gjöfinni í fermingarfræðslu-
tíma hjá séra Bjarna Þór Bjarna-
syni og útbjuggu fatnaðinn í
samstarfi við Ölmu Ernstdóttur
textílkennara.
Gáfu barnafatnað