Fréttablaðið - 16.12.2006, Qupperneq 8

Hvað heitir safnstjóri Lista-
safns Íslands?
Hvar á Norðurlöndunum
er talin vera hlutfallslega mest
fátækt meðal barna?
Hvað þýðir „GOL!“ á
spænsku?
Samkomulag um raforku-
sölu Landsvirkjunar til álvers
Alcan í Straumsvík vegna hugsan-
legrar stækkunar var kynnt á
stjórnarfundi Landsvirkjunar í
gær en reiknað er með því að
samningur um raforkuverð verði
tilbúinn fyrir áramót. Náðst hefur
samkomulag um rafmagnsverð
sem ekki fæst uppgefið hvert er
þar sem um samkeppnisupplýs-
ingar er að ræða.
Friðrik Sophusson, forstjóri
Landsvirkjunar, og Rannveig Rist,
forstjóri ÍSAL, undirrituðu í gær
yfirlýsingu um framlengingu á
umboði samninganefnda fyrir-
tækjanna á grundvelli fyrri vilja-
yfirlýsingar til þess að ganga frá
samningi.
Landsvirkjun og Alcan gerðu
einnig með sér samning um skipt-
ingu kostnaðar vegna undirbún-
ings við virkjanagerð í neðri hluta
Þjórsár en þar verður virkjað nái
stækkunaráform fram að ganga.
Landsvirkjun mun á næstunni
bjóða út hönnun virkjananna en á
grundvelli samnings mun Alcan
leggja til tvo þriðju af þeim kostn-
aði sem af því hlýst.
Alcan fær þá upphæð sem
fyrirtækið þarf að leggja fram
greidda til baka gangi stækkunar-
áform eftir en til greina kemur að
Hafnfirðingar kjósi um deiliskipu-
lag þar sem gert er ráð fyrir stækk-
un álversins þannig að það geti
framleitt 460 þúsund tonn af áli á
ári í stað 180 þúsund tonna nú.
Álfheiður Ingadóttir, fulltrúi
vinstri grænna í stjórn Lands-
virkjunar, lagði fram tillögu um að
létta leynd af verðákvæðum
samningsins en hún var felld með
atkvæðum allra annarra stjórnar-
manna. Sagðist hún í yfirlýsingu
líta svo á að íslenska þjóðin ætti
rétt á því að fá að vita hvert
raforkuverðið væri þar sem hún
væri eigandi Landsvirkjunar og
náttúruauðlindanna sem virkja
þarf.
Lúðvík Geirsson, bæjarstjóri
Hafnarfjarðar, segir vinnu við
deiliskipulag enn standa yfir en
líklegt er, á grundvelli greinar í
samþykktum Hafnafjarðarbæjar,
að íbúar muni kjósa um hvort
stækkunaráform rýmist innan
deiliskipulagsins. „Þessi samningur
[Landsvirkjunar og Alcan] er eitt
af skrefunum sem gæti leitt til
þess að kosið verði um stækkunar-
áformin en það er vitaskuld háð
því að ákveðið verði formlega að
fara út í stækkunina en sú ákvörð-
un hefur Alcan enn ekki tekið. Það
á einnig eftir að klára vinnu vegna
deiliskipulags en starfshópur skip-
aður fulltrúum ÍSAL og stjórn-
málaflokkanna í bænum hefur
fjallað um þessi mál undanfarna
tvo mánuði og mun gera það áfram.
Íbúar munu kjósa um deiliskipu-
lagið en ekki stækkunaráformin
ein og sér, ef til kosningarinnar
kemur.“
Samkomulagi náð
um raforkuverðið
Samkomulag hefur náðst um raforkuverð milli Landsvirkjunar og ÍSAL vegna
stækkunaráforma álversins í Straumsvík. Virkjað verður í neðri hluta Þjórsár
nái stækkunaráform fram að ganga sem líklegt er að kosið verði um.
Neysluútgjöld heim-
ilanna hafa vaxið árin 2003 til 2005
miðað við tímabilið 2002 til 2004. Í
Hagtíðindum Hagstofu Íslands
kemur fram að neysluútgjöld á
heimili hafi hækkað um sjö pró-
sent á þessu tímabili.
Meðalstærð heimilis hefur á
sama tíma minnkað úr 2,58
einstaklingum í 2,50. Útgjöld á
mann hafa hins vegar hækkað um
rúm tíu prósent. Vísitala neyslu-
verðs hefur hækkað um fjögur
prósent og hafa útgjöldin því
hækkað um 2,9 prósent umfram
verðlag og um tæp sex prósent ef
tillit er tekið til stærðar heimila.
Hlutfall matar og drykkjar-
vöru í heimilisútgjöldum hefur
haldið áfram að lækka. Þetta hlut-
fall er nú tæp þrettán prósent en
var 14,4 prósent árin 2002 til 2004.
Hlutfall húsnæðis, hita og raf-
magns hefur hækkað úr tæpum
23 prósentum í rúm 25 prósent af
heildarútgjöldum.
Ráðstöfunartekjur heimilanna,
sem tóku þátt í rannsókninni, hafa
hækkað um rúm sjö prósent eða
um tæp ellefu prósent á mann.
Auknar ráðstöfunartekjur og
aukin útgjöld hafa því haldist
nokkurn veginn í hendur.
Ráðstöfunartekjur meðal-
heimilis eru um 365 þúsund krón-
ur á mánuði eða tæplega 150
þúsund á mann.
Matarútgjöld hafa lækkað
Þorgerður Katrín
Gunnarsdóttir menntamála-
ráðherra og Einar K. Guðfinnsson
sjávarútvegsráðherra, undirrituðu
í gær samkomulag við Víkina –
Sjóminjasafnið í Reykjavík um
fjárhagslegan stuðning við upp-
byggingu safnsins á næstu þremur
árum. Samtals nemur styrkurinn
þrjátíu milljónum króna og fær
safnið tíu milljónir króna árlega
næstu þrjú árin, frá 2007 til 2009.
Sjóminjasafnið fagnaði því 30.
nóvember að tvö ár voru liðin frá
formlegri stofnun þess. Starfsemin
hófst í ársbyrjun 2005 og fyrsta
sýningin var opnuð á Hátíð hafsins
í byrjun júní sama ár. Safnið er
starfrækt í fyrrum frystihúsi
Bæjarútgerðar Reykjavíkur við
Grandagarð og hefur eitt helsta
verkefnið verið að breyta þessu
gamla frystihúsi í safnhús. Þær
breytingar eru að komast á loka-
stig og verður lokið við að klæða
húsið og koma því í fulla notkun á
næsta ári.
Í dag eru þrjár sýningar í safn-
inu sem allar eru á 2. hæð. Á næsta
ári verður neðri hæðin tekin í notk-
un þegar opnuð verður glæsileg
sýning í tilefni af 90 ára afmæli
Reykjavíkurhafnar. Á sama tíma
verða teknir í gagnið nýir inngang-
ar og móttökusalur. Uppbygging
Sjóminjasafnsins verður hluti nýja
Mýrargötuskipulagsins og er safn-
inu ætlaður veglegur sess í nýrri
hafnarmynd sem framkvæmdir
eru hafnar við.
Höfum opnað stofu í
Læknasetrinu,
Þönglabakka 1 og 6,
109 Reykjavík
Jón Örvar Kristinsson
sérfræðingur í almennum lyflæk ingumn
og meltingarsjúkdómum
Sigríður Þórdís Valtýsdóttir
sérfræðingur í almennum lyflækningum
og gigtlækningum
Steingerður Anna Gunnarsdóttir
sérfræðingur í almennum lyflækningum
og meltingarsjúkdómum
Yrsa Löve
sérfræðingur í ofnæmislækningum
Tímapantanir í síma 535 7700
550 5600
Hringdu ef blaðið berst ekki
- mest lesið