Fréttablaðið - 26.01.2007, Blaðsíða 89

Hin sígilda plata Stuðmanna,
Tivoli, verður endurútgefin á
mánudag. Platan kom út fyrst
1976 og er af mörgum talin ein
besta poppplata Íslandssögunnar.
Búið er að auka hljómgæðin á
plötunni og gera veglegt umslag
með upplýsingum um hvert lag
plötunnar. Í inngangi segir m.a.:
„Tívolí platan varð til á nokkrum
sumarvikum árið 1976. Drjúgur
hluti laga og texta var saminn í
bílferð til Lundúna með viðkomu
í ferjunni Norrænu og þar með í
Færeyjum.“
Á meðal laga á plötunni eru
Ólína og ég, Hr. Reykjavík og
Bíólagið, auk þess sem sex auka-
lög fylgja með. Voru þau flest
tekin upp á tónleikum í Þjóðleik-
húsinu árið 2002 en eitt lagið, Í
stórum hring móti sól, var tekið
upp í Royal Albert Hall árið
2005.
Sígild endurútgáfa
Bandaríska hljómsveitin Red Hot
Chili Peppers mun koma fram á
tónlistarhátíðinni Roskilde í Dan-
mörku í sumar. Red Hot er fyrsta
stóra nafnið sem hefur boðað
komu sína hátíðina.
Hljómsveitin sló fyrst almenni-
lega í gegn árið 1991 með plötu
sinni Blood Sugar Sex Magik og
síðan þá hefur hún verið meðal
fremstu rokkveita í heiminum.
Þykir hún ótrúleg á sviði með
bassaleikarann Flea (Michael
Balzary) fremstan í flokki.
Miðsalan á hátíðina er í fullum
gangi á midi.is Nánari upplýsing-
ar má finna á www.roskilde-festi-
val.is.
Red Hot á
Hróarskeldu
Tom Morello, gítarleikari
Audioslave, gefur út sólóplötuna
One Man Revolution hinn 24. apríl.
Þetta er fyrsta sólóplata Morellos
og verður hann jafnframt í fyrsta
sinn fyrir framan míkrófóninn.
Platan, sem hefur að geyma þrett-
án lög í kassagítarsútsetningum,
verður gefin út hjá útgáfufyrir-
tæki Morellos, The Night-
watchman.
Ætlar kappinn í tónleikaferð
um Bandaríkin í mars til að fylgja
plötunni eftir.
Fregnir af tónleikum Rage
Against the Machine á Coachella-
hátíðinni í Kaliforníu í apríl hafa
komið mörgum á óvart. Sveitin
hætti störfum fyrir sjö árum
þegar söngvarinn Zach de la
Rocha vildi einbeita sér að öðrum
hlutum. Eftir það stofnaði Morello
Audioslave með hljóðfæraleikur-
um Rage auk söngvarans Chris
Cornell. Sú sveit er í pásu um þess-
ar mundir á meðan Cornell tekur
upp sólóplötu sína. Mun hún því
ekki fylgja eftir þriðju plötu sinni,
Revelations, með tónleikaferð.
Ekki er vitað hvort Rage
Against the Machine ætli að taka
upp þráðinn á nýjan leik en vitað
er að söngvarinn de la Rocha er í
góðu sambandi við fyrrverandi
félaga sína úr sveitinni.
Fyrsta sóló-
platan